တႄႇဝၼ်းတီႈ 01-05-05/2025 မႃးၼႆႉ ၽူႈႁၢပ်ႇၵၢၼ် ၼႂ်းႁွင်ႈၵၢၼ်ၾၢႆႇၵဵပ်းၶွၼ်ႇ တႂ်ႈသိုၵ်းမၢၼ်ႈ ၵုမ်းၵမ် ၸိူဝ်းပႂ်ႉတီႈၵဵတ်ႉ/ လၢၼ်ႇၸၢင်ႉၽိူၵ်ႇ ၽၵ်းတူၶၢမ်ႈလႅၼ်လိၼ် မိူင်းၶႄႇ - မိူင်းတႆး ၵိုင်ႉၵၢင်ႉလႅၵ်ႈလၢႆႈ ပၵ်းပိူင်သေ ပိုၼ်ၽၢဝ်ႇ ဢမ်ႇပၼ်ၵႃးလတ်းၽၢၼ်ႇၶၢမ်ႈၽၵ်းတူလႅၼ်လိၼ် ၸၢင်ႉၽိူၵ်ႇ ဝဵင်းမူႇၸေႊ ၸိုင်ႈတႆးပွတ်းႁွင်ႇ။ ဝၼ်းတီႈ 06/05/2025 ၼႆႉ ပေႃးပဵၼ်ရူတ်ႉၵႃးဢွၼ်ႇတၢင်ႇၵူၼ်းတႄႉ ပၼ်ၶၢမ်ႈၽၵ်းတူလႅၼ်လိၼ်...

တႃႇၵမ်ၵိၼ်း ၸုမ်းႁဵတ်းၵၢၼ်ၵျႃးၽႅၼ်ႉ ဢၼ်လွၵ်ႇလႅၼ်ၵိၼ်ငိုၼ်းတၢင်းဢွၼ်ႊလၢႆႊၼႆသေ ၾၢႆႇမိူင်းထႆးပိုၼ်ၽၢဝ်ႇ တတ်းၾႆးၾႃႉ - ၼမ်ႉမၼ်းၸိူဝ်ႉၾႆး တေႃႇမိူင်းႁူမ်ႈတုမ်လႄႈ ႁဵတ်းႁႂ်ႈတုမ်ႉယွၼ်ႈ ၵူၼ်းမိူင်းတႆးတင်းၼမ်။ ဢၼ်တုမ်ႉယွၼ်ႈႁႅင်းတႄႉ ၸွမ်းလႅၼ်လိၼ်တႆး - ထႆး ၼၼ်ႉယဝ်ႉ။ ၵၢပ်ႈယၢမ်းလဵဝ် ၶိူင်ႈၸႂ်ႉတိုဝ်း ၼႂ်းၼႃႈၵၢၼ်ၵူႈလွင်ႈလွင်ႈၼႆႉ လႆႈၸႂ်ယႂ်ႇၾႆးၾႃႉ၊ တႃႇၵႂႃႇမႃးၸူးၵၼ် တႃႇတေႃႉၶူဝ်း ၵုၼ်ႇ တႄႇၵႂႃႇၸိူဝ်းၼႆႉၵေႃႈ လႆႈၸႂ်ယႂ်ႇၼမ်ႉမၼ်းၸိူဝ်ႉၾႆးလႄႈ ၾၢႆႇမိူင်းထႆးသမ်ႉ...

မိူင်းထႆး တတ်းၾႆးၾႃႉ ဢၼ်သူင်ႇၶၢႆၸူးမိူင်းမၢၼ်ႈလႄႈ ႁဵတ်းႁႂ်ႈၵူၼ်းမိူင်းတႃႈၶီႈလဵၵ်း၊ မျႃႉဝတီႇ၊ ၸေးတီးသၢမ်ဢူင်း ၸိူဝ်းၼႆႉ တုမ်ႉတိူဝ်ႉယၢပ်ႇၽိုတ်ႇလိူဝ်ႁႅင်း။ တွၼ်ႈတႃႇ ၽဵဝ်ႈမူၺ်ႉပၢင်တေႃႇလွင်းလႄႈ ၵၢၼ်လွၵ်ႇလႅၼ်ၵိၼ်ငိုၼ်းတၢင်းဢွၼ်ႊလၢႆႊ ၵျႃးၽႅၼ်ႉၼႆသေ ဝၼ်းတီႈ 5/02/2025 ၼႆႉ ၾၢႆႇတၢင်းလူင်ပွင်ၸိုင်ႈထႆး တႄႇတတ်းသၢႆၾႆးၾႃႉ ဢၼ်သူင်ႇၸူး 5 တီႈ တီႈလႅၼ်လိၼ် ထႆး-မၢၼ်ႈ။ ၼၢင်းယိင်းလူင် ၵူၼ်းယူႇတႃႈၶီႈလဵၵ်းလၢတ်ႈဝႃႈ - “ဢၼ်တုမ်ႉတိူဝ်ႉသုတ်း...

ဝၢႆးသိုၵ်းမၢၼ်ႈတင်း သိုၵ်းၵဝ်ႈၵၢင်ႉ MNDAA တူၵ်းလူင်းလႆႈၸႂ်ၵိုတ်းတိုၵ်းၵၼ်ယဝ်ႉ မိူင်းၶႄႇ ပိုၼ်ၽၢဝ်ႇ ပိုတ်ႇၽၵ်းတူမိူင်း ၸွမ်းလႅၼ်လိၼ်တႆး - ၶႄႇ ၸိူဝ်းဢွင်ႈတီႈတပ်ႉသိုၵ်းၵဝ်ႈၵၢင်ႉ - ဝႃႉ ၵုမ်းၵမ်ဝႆႉၸိူဝ်း ၼၼ်ႉ။ တႄႇဢဝ် ဝၼ်းတီႈ 20/1/2025 ၼႆႉမႃး တၢင်းမိူင်းၶႄႇ ပိုၼ်ၽၢဝ်ႇ ပိုတ်ႇၽၵ်းတူမိူင်း (ၵဵတ်ႉ/ လၢၼ်ႇ) တီႈဝဵင်းပၢင်ႇသၢႆး၊...

ၽွင်းၸုမ်းယိပ်းၵွင်ႈၵၢင်ႇ ၸၢဝ်းၶိူဝ်း ယိုတ်းၵုမ်းလႆႈဝႆႉ ပၢင်ၵႃႉၶၢႆၸွမ်းလႅၼ်လိၼ် မိူင်းမၢၼ်ႈ - မိူင်းၶႄႇ ယူႇၼႆႉ ၸွမ် ၸိၵ်းသိုၵ်းမၢၼ်ႈ မိၼ်းဢွင်ႇလၢႆႇ လၢတ်ႈၵႂႃႇ ၼႂ်းဝၼ်းတီႈ 05/11/2024 ၼႆႉဝႃႈ တေႁူမ်ႈၵၼ်တင်းမိူင်းၶႄႇသေ တိူဝ်း ႁဵတ်းသၢင်ႈၵၢၼ်မၼ်ႈၼိမ်တဵင်ႈ ၸွမ်းလႅၼ်လိၼ်ၵႂႃႇ ဝႃႈၼႆ။ လွင်ႈၼႆႉ ၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလၢႆႇ လၢတ်ႈၵႂႃႇ မိူဝ်ႈၽွင်းႁွတ်ႈထိုင်တီႈဝဵင်းၶုၼ်ႊမိင်ႊ...

မိူဝ်ႈၼႆႉဝၼ်းတီႈ 3/9/2024 ယၢမ်းၵၢင်ဝၼ်း 12 မူင်းၶိုင်ႈ ၼုမ်ႇၸၢႆးၵေႃႉၼိုင်ႈၽွင်းၵႂႃႇၶဝ်ႈထႅဝ် တႃႇႁဵတ်း ဝႂ်ၶၢမ်ႈလႅၼ်လိၼ် တီႈၽၵ်းတူလႅၼ်လိၼ် တႆး-ၶႄႇ ၸႄႈဝဵင်းမူႇၸေႊ ၼၼ်ႉၺႃးတႅင်း မၢတ်ႇၸဵပ်း။ ၵေႃႉၺႃးတႅင်းၼၼ်ႉ ပဵၼ်ၵူၼ်းၸၢႆးၼုမ်ႇ ဢႃယု 20 ပၢႆ။ ၽွင်းမၼ်းၸၢႆး ၵႂႃႇၶဝ်ႈထႅဝ် တႃႇပႂ်ႉႁဵတ်း ဝႂ်ၶၢမ်ႈ လႅၼ်လိၼ် ၼၼ်ႉလႆႈထဵင်မေႃးၽိတ်းၵၼ်တင်း ၵူၼ်းၵိၼ်ၸၢင်ႈ...

မိူဝ်ႈႁၢင်ပီ 2023 ယွၼ်ႉၸုမ်းဢူၺ်းလီပွတ်းႁွင်ႇ 3 ၸုမ်း ႁူမ်ႈၵၼ် ၽႅၼ်ၵၢၼ်ယၼ်ႇသိုၵ်း 1027 သေ လေႃႇတိုၵ်းသိုၵ်းမၢၼ်ႈ ၼႂ်းၸိုင်ႈတႆးပွတ်းႁွင်ႇ မႃးႁၢဝ်ႈႁႅင်း လၢႆၸႄႈဝဵင်း ဢိၵ်ႇပႃး ဝဵင်းတိတ်းၸပ်းလႅၼ်လိၼ် ယွၼ်ႉၼၼ် သိုၵ်းမၢၼ်ႈ လႆႈပိၵ်ႉဢိုတ်း ၵၢၼ်ၵႃႉၶၢႆ လႅၼ်လိၼ်တႆး - ၶႄႇ တင်းမူတ်း ၼႆယဝ်ႉ။ ၸွမ်းၼင်ႇ...

ၵူၼ်းမိူင်းပိုၼ်ႉတီႈ တုၵ်းယွၼ်း လူင်ပွင်ၸိုင်ႈသွင်ၾၢႆႇ ႁႂ်ႈပိုတ်ႇပၼ်လၢၼ်ႇ BP – 1 တီႈဝဵင်းပုင်ႇပႃႇၶႅမ် ၼႂ်းၸႄႈဝဵင်းမိူင်းတူၼ် ၸိုင်ႈတႆးပွတ်းဢွၵ်ႇ လႅၼ်လိၼ်တႆး - ထႆး ဝႃႈၼႆ။ ယၢမ်းလဵဝ် ၵူၼ်းမိူင်းဝဵင်းပုင်ႇပႃႇၶႅမ် သင်ၶႂ်ႈၵႂႃႇယူတ်းယႃတူဝ် ၼႂ်းမိူင်းထႆးၸိုင် လႆႈပၼ်ႇၵႂႃႇတၢင်း ဝဵင်းမိူင်းတူၼ်၊ မိူင်းသၢတ်ႇ ထိုင်ဝဵင်းတႃႈၶီႈလဵၵ်း ၸင်ႇၶၢမ်ႈလႅၼ်လိၼ် ၶဝ်ႈတၢင်းမႄႈသၢႆ ယွၼ်ႉသၢႆသဵၼ်ႈတၢင်းယၢပ်ႇၽိုတ်ႇႁႅင်း...

တပ်ႉပႂ်ႉလႅၼ်လိၼ် (သိုၵ်းၶႄႇ) တင်ႈၸႂ်ပွႆႇမၢၵ်ႇၵႅတ်ႉသ်ၼမ်ႉတႃ သႂ်ႇၵူၼ်းပၢႆႈၽေးသိုၵ်း ဢၼ်ပၢႆႈၵႂႃႇမူၵ်းသွၼ်ႈဝႆႉ ၸွမ်းႁူဝ်ႉ လႅၼ်လိၼ်တႆး - ၶႄႇ ၼႂ်းၸႄႈဝဵင်းလၢဝ်ႇၵၢႆး။   ဝၼ်းတီႈ 25/11/2023 ၵူၼ်းမိူင်း ၸၢဝ်းၵဝ်းၵၢင်ႉ ဢွၼ်ၵၼ်ပၢႆႈၽေးသိုၵ်း ၵႂႃႇသွၼ်ႈဝႆႉ ၸွမ်းႁိမ်းႁူဝ်ႉလႅၼ်လိၼ်တႆး - ၶႄႇ ၸိူဝ်းၼၼ်ႉ ယွၼ်ႉပၢင်တိုၵ်း သိုၵ်းမၢၼ်ႈတင်း သိုၵ်းၵဝ်ႈၵၢင်ႉ ပိုတ်းယိုဝ်းၵၼ်ႁၢဝ်ႈႁႅင်းလႄႈ...

ၾူၼ်တူၵ်းဢမ်ႇထၢတ်ႇ တီႈဝဵင်းမူႇၸေႊ ၸိုင်ႈတႆးပွတ်းႁွင်ႇ ၵူၼ်းၶဝ်ႈထႅဝ်ပႂ်ႉႁဵတ်း ဝႂ်ၶၢမ်ႈလႅၼ်လိၼ် ၼႂ်းၼမ်ႉၼႂ်းၼွင် ၼပ်ႉႁူဝ်ပၢၵ်ႇ ႁူဝ်ႁႅင်။ ဝၼ်းတီႈ 8/9/2023 မိူဝ်ႈၼႆႉယၢမ်းၵၢင်ၼႂ်ၸဝ်ႉ ၾူၼ်တူၵ်းႁႅင်း တီႈဝဵင်းမူႇၸေႊ ၊ ၼမ်ႉထူမ်ႈတီႈၶူင်ႈတီႈယၢၼ်း ပႃးၸဵမ်ၼိူဝ်ႈတၢင်းဢၼ်တေၵႂႃႇၸူးၽၵ်းတူလႅၼ်လိၼ် ၸၢင်ႉၽိူၵ်ႇ။ ၵူၼ်းၸိူဝ်းၶႂ်ႈႁဵတ်းဝတ်းဝႂ်ၶၢမ်ႈလႅၼ်လိၼ်ၸူဝ်ႈၶၢဝ်းၼပ်ႉႁူဝ်ပၢၵ်ႇႁူဝ်ႁဵင်ၵေႃႉၵေႃႈ သွၼ်းၾူၼ် ယူႇၼႂ်းၼမ်ႉၼႂ်းၼွင်သေ ၶဝ်ႈထႅဝ်ပႂ်ႉႁဵတ်းဝႂ် ဢမ်ႇသုတ်ႈဢမ်ႇႁူၼ်။ ၼမ်ႉၼွင်းၼိူဝ်သဵၼ်ႈတၢင်း ထူမ်ႈထိုင်ႁူဝ်ၶဝ်ႇ။ ၵူၼ်းမိူင်းမူႇၸေႊၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ၾူၼ်ၼႆႉတူၵ်းႁႅင်းၸဵမ်ၶမ်ႈဝႃး။...

ၾၢႆႇမိူင်းၶႄႇ ၵိုင်ႉၵင်ႉပိၵ်ႉဢိုတ်းၽၵ်းတူင်လူင်ၸၢင်ႉၽိူၵ်ႇ လႅၼ်လိၼ်တႆး-ၶႄႇ ဢမ်ႇပၼ်ၵူၼ်းၶဝ်ႈဢွၵ်ႇသေဢမ်ႇၵႃး ႁၢမ်ႈတေႃႉၵုၼ်ႇၵူႈသႅၼ်း။ မိူဝ်ႈဝႃး ဝၼ်းတီႈ 29/4/2023 ယၢမ်းၵၢင်ၼႂ်ၼၼ်ႉ ၾၢႆႇမိူင်းၶႄႇ ဢဝ်ၶေႃႈဢၢင်ႈ ၵူတ်ႇထတ်းသွၵ်ႈႁၼ်ၵုၼ်ႇ ဢမ်ႇမႅၼ်ႈ ၸွမ်းပၵ်းပိူင်ၼႆသေ ၵိုင်ႉၵၢင်ႉသင်ႇပိၵ်ႉဢိုတ်းၽၵ်းတူလူင်ၸၢင်ႉၽိူၵ်ႇ လႅၼ်လိၼ်တႆး-ၶႄႇ ဢမ်ႇႁႂ်ႈၵူၼ်းၶဝ်ႈဢွၵ်ႇ သေဢမ်ႇၵႃး ႁၢမ်ႈတေႃႉသူင်ႇၵုၼ်ႇၵူႈသႅၼ်း ၼႆယဝ်ႉ။ ၼၢင်းယိင်းၵူၼ်းၼႂ်းပိုၼ်ႉတီႈၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ ၶဝ်သွၵ်ႈႁၼ် ၶူဝ်းၶွင်ဢၼ်မိူင်းၶႄႇၶဝ် ႁၢမ်ႈဝႆႉ...

မိူဝ်ႈဝႃး ဝၼ်းတီႈ 15/3/2023 ယၢမ်းၼႂ်ၸဝ်ႉ ၸဝ်ႈၼႃႈတီႈထႆး ပႂ်ႉလၢၼ်ႇၽၵ်းတူႈၶဝ်ႈမိူင်း ၵူတ်ႇထတ်းၵႃးတၢင်ႇ ၽၵ်းယိူဝ်ႈၼၢင်းၶဵဝ်သွင်လမ်း ႁၼ်ရူတ်ႉၶိူင်ႈမိူင်းထႆးမူၵ်းသွၼ်ႉမႃးၼႂ်းၵႄႈၽၵ်း  ဢၢၼ်းဢဝ်ၶၢမ်ႈလႅၼ်လိၼ် ၶဝ်ႈမိူင်းတႆး။ သိုဝ်ႇၶၢဝ်ထႆး Maesaipress ဢွၵ်ႇဝႆႉဝႃႈ ယၢမ်းၵၢင်ၼႂ်ၸဝ်ႉ ၶၢဝ်းပိုတ်ႇလၢၼ်ႇၶူဝ်မၢႆ 1 မႄႈသၢႆ ဢမ်ႇႁိုင်သင်ၼၼ်ႉ ၸဝ်ႈၼႃႈတီႈထႆး ၽူႈမီးပုၼ်ႈၽွၼ်းၵူတ်ႇထတ်းရူတ်ႉၵႃးၶဝ်ႈမိူင်း လႆႈၵူတ်ႇထတ်းႁၼ်မႅၼ်ႈ ၵႃးတၢင်ႇၽၵ်းယိူဝ်ႈ ၼၢင်းၶဵဝ်လမ်းၼိုင်ႈ ပဵၼ်မၢႆရူတ်ႉမိူင်းတႆး...

ပျီႇတူႉၸိတ်ႉပဢူဝ်း PNO ပႂ်ႉတီႈၵဵတ်ႉ/လၢၼ်ႇ သွင်းပျွင်းသေ ၵူတ်ႇထတ်းၵူၼ်းမိူင်းလႄႈ ရူတ်ႉၵႃးၵႂႃႇမႃး ပၢင်လွင်း- လွႆၶေႃ ႁၢဝ်ႈႁႅင်း။ တႄႇလိူၼ်ဢွၵ်ႊထူဝ်ႊပိူဝ်ႊမႃး သိုၵ်းပဢူဝ်း PNO ပႂ်ႉတီႈဝၢၼ်ႈသွင်းပျွင်း ဢၼ်ယၢၼ်ၵႆၵၼ်တင်းဝဵင်းပၢင်လွင်း မွၵ်ႈ 14 လၵ်းၼၼ်ႉ ၵူတ်ႇထတ်းၵူၼ်းမိူင်းၵႂႃႇမႃး၊ ထၢမ်မၢႆၾၢင် မၢတ်ႉပူင်ႇတိၼ်ႇ သင်ဢမ်ႇမီး/ဢမ်ႇပႃးၵိုၵ်းတူဝ် ထႆၵိၼ်ငိုၼ်းၵေႃႉမိုင်ႇပျႃးၸိူဝ်းၼႆႉ။ ပေႃးပဵၼ်ၼၢင်းယိင်း ထဵတ်ႈထၢမ်ထိုင်ပႃးလွင်ႈသုၼ်ႇတူဝ် ဢဝ်သူပ်းၵႂၢမ်းသေပူၼ်ႉပႅၼ်သလေႇၼႃႈတႃ...

ၶွမ်ႊမတီႊ ဢုပ်ႇဢူဝ်းလွင်ႈလႅၼ်လိၼ် ထႆး-မၢၼ်ႈ ၸၼ်ႉၸႄႈတွၼ်ႈ ၵမ်း  34 ၸတ်းႁဵတ်းတီႈဝဵင်းလူင်တူၼ်ႈတီး ၸိုင်ႈတႆးပွတ်းၸၢၼ်း။ ၾၢႆႇမိူင်းထႆးပဵၼ် ၸွမ်သိုၵ်း ဢၽိၶျဵတ်ႉ သိုဝ်ႉသတ်ႇ ဢွၼ်ႁူဝ်ၸုမ်းၸိူဝ်းၵႂႃႇႁူပ်ႉထူပ်းဢုပ်ႇဢူဝ်း ၸွမ်သိုၵ်းဢွင်ႇၸူဝ်း ႁွင်ႈၵၢၼ်ၽွင်းလူင်ၾၢႆႇၵႅတ်ႇၶႄ လႄႈမူႇၸုမ်း  တီႈႁူင်းႁႅမ်းတူၼ်ႈတီး (တွင်ႇၵျီးႁေႃႇတႄႇ) ။ ပၢင်ဢုပ်ႇၵုမ်ၼႆႉၸတ်းႁဵတ်းၼႂ်းဝၼ်းတီႈ 27 တေႃႇထိုင်ဝၼ်းတီႈ 29။  ဢုပ်ႇၵုမ်ၵၼ်လွင်ႈ ၵႃႉၶၢႆ လႄႈႁူမ်ႇလူမ်ႈလႅၼ်လိၼ်၊...

ၵၢၼ်ၵႃႉၶၢႆမိူင်းၶႄႇ - မိူင်းမၢၼ်ႈ တီႈလႅၼ်လိၼ် မီးလိၵ်ႈၵိၼ်ၵႅၼ်ႇၵၼ် တေၵူတ်ႇထတ်းၶူဝ်ႊဝိတ်ႉ တီႈမၢၵ်ႇမႆႉ ဢၼ်လုၵ်ႉတၢင်းမိူင်းမၢၼ်ႈ သူင်ႇ ၶၢႆၸူးမိူင်းၶႄႇၼၼ်ႉ သင်ဝႃႈ ၵူတ်ႇထတ်းႁၼ်ၸိူဝ်ႉမႅင်း တီႈမၢၵ်ႇမႆႉၼႆၸိုင် ၾၢႆႇၶႄႇတေၽဝ်ပႅတ်ႈတင်းလမ်းၼႆလႄႈ ႁဵတ်းႁႂ်ႈၵူၼ်းၵႃႉ မၢၵ်ႇမူင်း ယၢပ်ႇၸႂ်လိူဝ်ႁႅင်း။ တႄႇဢဝ် ႁၢင်လိူၼ်ဢေႊပရိူဝ်ႊ 2022 ၼၼ်ႉ မႃးတေႃႇထိုင်ယၢမ်းလဵဝ် တၢင်းၾင်ႇမိူင်းၶႄႇ ႁပ်ႉသိုဝ်ႉမၢၵ်ႇမႆႉ ဢၼ်လုၵ်ႉတၢင်းၾင်ႇမိူင်းတႆး/...