တႄႇႁၢင်လိူၼ်ၵျုၼ်ႊၼႆႉမႃး သိုၵ်းမၢၼ်ႈ ယိုတ်းမိူင်းတင်း ၸုမ်းပျီႇတုၸိတ်ႉပဢူဝ်း (PNA) ႁူမ်ႈၵၼ် ႁႅၼ်းသိုၵ်းလေႃႇတိုၵ်း တပ်ႉသိုၵ်းယၢင်းလႅင် ဢၢၼ်းလူမ်ႇတိုၵ်းထိုင်ၼႂ်းဝဵင်းမိူင်းပၢႆးသေ ၸတ်းငႃးသိုၵ်း လၢႆၾၢႆႇမုင်ႈၼႃႈၶဝ်ႈၸူး ထိုင်တီႈၸုမ်းလုၵ်ႉၽိုၼ်ႉၶဝ် ပိုၼ်ၽၢဝ်ႇပိၵ်ႉဢိုတ်းသဵၼ်ႈတၢင်းဝႆႉ ၸူဝ်ႈၶၢဝ်း မိူဝ်ႈဝၼ်းတီႈ 30/06/2025 ၼႆယဝ်ႉ။ ၸုမ်းသိုၵ်းမၢၼ်ႈယိုတ်းမိူင်းလႄႈ ၸုမ်းပျီႇတုၸိတ်ႉပဢူဝ်း ႁူမ်ႈၵၼ် ပွႆႇမၢၵ်ႇလူင်ၵႂႃႇတူၵ်းသႂ်ႇထိုင် ၼႂ်း ဝဵင်းမိူင်းပၢႆးသေ ႁဵတ်းႁႂ်ႈတိူဝ်ႉၵူၼ်းမိူင်းမၢတ်ႇၸဵပ်းလူႉတၢႆပႃးၼႆ ၽူႈၼမ်း...

ၼႂ်းႁၢင်လိူၼ်ၵျုၼ်ႊၼႆႉ သိုၵ်းမၢၼ်ႈၸႂ်ႉၶိူင်ႈမိၼ်တိုၵ်း ပွႆႇမၢၵ်ႇသႂ်ႇ ၼႂ်းဝဵင်းၵျွၵ်ႉမႄးထပ်းၵၼ် ဢမ်ႇယွမ်း 8 ပွၵ်ႈ တိူဝ်ႉၺႃးၵူၼ်းမိူင်း လူႉတၢႆ 5 ၵေႃႉ မၢတ်ႇၸဵပ်း 10 ပၢႆလႄႈ ႁဵတ်းႁႂ်ႈၵူၼ်းမိူင်းၼႂ်းပိုၼ်ႉတီႈလႆႈပၢႆႈ ဢွၵ်ႇဝၢၼ်ႈၵႂႃႇယူႇသဝ်း ဢွင်ႈတီႈလွတ်ႈၽေးဝႆႉ ၼႂ်းၵႄႈၵၢင်ၸႄႈဝဵင်းၵျွၵ်ႉမႄးတင်း ၸႄႈဝဵင်းၼွင်ၶဵဝ် ၸိုင်ႈတႆးပွတ်းႁွင်ႇ။ မိူဝ်ႈဝၼ်းတီႈ 24/06/2025 ယၢမ်းႁူဝ်ၶမ်ႈ သိုၵ်းမၢၼ်ႈ ၸႂ်ႉၶိူင်ႈမိၼ်တိုၵ်း...

မိူဝ်ႈဝႃး ဝၼ်းတီႈ 29/06/2025 ယၢမ်းဝၢႆးဝၼ်း 2 မူင်း သိုၵ်းမၢၼ်ႈ ယိုတ်းမိူင်း တင်ႈၸႂ် ဢဝ်ၶိူင်ႈမိၼ် Jet Fighter မႃးပွႆႇမၢၵ်ႇ တီႈပွၵ်ႉ 1 လႄႈ တီႈၵျွင်းတႆးၵၢမ်ႇပေႃးၸ ဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ ယွၼ်ႉမၢၵ်ႇ ၶိူင်ႈမိၼ်သိုၵ်းမၢၼ်ႈၼႆႉသေ တိူဝ်ႉၺႃးၵူၼ်းမိူင်းမၢတ်ႇၸဵပ်း 5 ၵေႃႉ...

တႄႇႁူဝ်ပီ 2025 မႃးၼႆႉ ၼႂ်းၸႄႈဝဵင်းလၢႆးၶႃႈ၊ ၸႄႈဝဵင်းမိူင်းၵိုင်လႄႈ ၸႄႈဝဵင်းၵေးသီး ၵူၼ်းၸၢဝ်းၶႄႇ မႃးတင်ႈပဵၼ်ၸုမ်းၵျႃးၽႅၼ်ႉသေ ႁဵတ်းၵၢၼ်လွၵ်ႇလႅၼ်ၵိၼ်ငိုၼ်းၼိူဝ်ဢွၼ်ႊလၢႆႊ၊ ပိုတ်ႇႁူင်းလဵၼ်ႈၵဵမ်း၊ ပၢင်တေႃႇလွင်းၼိူဝ်ဢွၼ်ႊလၢႆႊၸိူဝ်းၼႆႉ ၼမ်ႁႅင်းမႃးလိူဝ်ၵဝ်ႇသေ မီးၸုမ်းယိပ်းၵွင်ႈၵၢင်ႇၶဝ် ပႂ်ႉဢဝ်ႁူမ်ႇလူမ်ႈပၼ်ပႃး ဝႃႈၼႆ။   ၼႂ်းပိုၼ်ႉတီႈၸွမ်းသၢႆၼမ်ႉတဵင်း ၸိူဝ်းထႅဝ်ၸႄႈဝဵင်းလၢႆးၶႃႈ၊ ၸႄႈဝဵင်းမိူင်းၵိုင်လႄႈ ၸႄႈဝဵင်းၵေးသီးၼႆႉ မီးၸုမ်းသိုၵ်းတႆးလႄႈ ၸုမ်းပျီႇတူႉၸိတ်ႉ ဢၼ်ယူႇတႂ်ႈဢႃႇၼႃႇသိုၵ်းမၢၼ်ႈၶဝ် တူင်ႉၼိုင်ၵႂႃႇမႃးဝႆႉၼႆ ၵူၼ်းမိူင်းၼႂ်းပိုၼ်ႉတီႈ...

ဝၼ်းတီႈ 21/06/2025 ၼႆႉ သိုၵ်းမၢၼ်ႈ ယိုတ်းမိူင်း တေႃႉဢဝ်ႁႅင်းၵူၼ်းသိုၵ်းၸမ်ႁူဝ်ႁဵင်ၵေႃႉလႄႈ ႁႅင်းၶိူင်ႈၵွင်ႈလူင် လၢႆလၢႆသႅၼ်း ၶဝ်ႈၵႂႃႇဢဝ်ဢွင်ႈတီႈ တင်ႈဝႆႉၶိုၼ်းၼႂ်းဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ။ ဝၼ်းၼၼ်ႉ သၢႆၵႃးသိုၵ်းမၢၼ်ႈ လုၵ်ႉတၢင်းၼွၵ်ႈ ၶဝ်ႈမႃးၼႂ်းဝဵင်းမီးမွၵ်ႈ 50 လမ်း ပႃးတင်းၵူၼ်းသိုၵ်း တဵမ်ၵႃး မွၵ်ႈၼိုင်ႈႁဵင်ၵေႃႉ။ ၵွၼ်ႇသိုၵ်းမၢၼ်ႈပႆႇတေႃႉဢဝ် ၵူၼ်းသိုၵ်းလႄႈ ၶိူင်ႈၸႂ်ႉတိုဝ်းၼႂ်းပၢင်တိုၵ်း ၶဝ်ႈမႃး ၼႂ်းဝဵင်းၼႆႉ...

တီႈလႅၼ်လိၼ်မိူင်းတႆး−မိူင်းၶႄႇ ဢၼ်ၸုမ်းသိုၵ်းဝႃႉ UWSA ၵုမ်းၵမ် တီႈဝဵင်းမိူင်းပွၵ်ႉၼႆႉ ၵၢၼ်ၶုတ်းႁႄႈလိၼ်လိူင်ႇၼမ်မႃးႁႅင်း ပေႃးၼိူင်းတူၺ်း 10 ပီတီႈပူၼ်ႉမႃးၼႆ လႆႈဝႃႈၼမ်ၶိုၼ်ႈမႃးပဵၼ် 8 ပုၼ်ႈၼႆ - ၸုမ်းၵဝ်ႉငဝ်ႈသုၼ်ႇလႆႈၵူၼ်းၸိုင်းတႆး ပိုၼ်ၽၢဝ်ႇဝႆႉၼင်ႇၼႆ။ ၼႂ်းပီ 2015 ၼၼ်ႉ တီႈဝဵင်းမိူင်းပွၵ်ႉ ဢၼ်ၸုမ်းသိုၵ်းဝႃႉ UWSA ၵုမ်းၵမ် မီးၵၢၼ်ၶုတ်းႁႄႈလိၼ်ဢမ်ႇယွမ်း 3 တီႈ...

ၼႂ်းၵၢင်လိူၼ်ၵျုၼ်ႊၼႆႉ သိုၵ်းမၢၼ်ႈလႄႈ ပလိၵ်ႈၸိူဝ်းယူႇတႂ်ႈဢႃႇၼႃႇ သိုၵ်းမၢၼ်ႈၵုမ်းၵမ် ႁူမ်ႈၵၼ် ၶဝ်ႈသွၵ်ႈတီႉၺွပ်းဢဝ် ၵူၼ်းႁဵတ်းၵၢၼ်လွၵ်ႇလႅၼ်ၵိၼ်ငိုၼ်းၼိူဝ်ဢွၼ်ႊလၢႆႊ (ၵျႃးၽႅၼ်ႉ) ၼႂ်းပွၵ်ႉၵွင်းမူးတူင်ႈလႄႈ ပွၵ်ႉႁူဝ်ၼႃး တီႈဝဵင်းမူႇၸေႊ ၸိုင်ႈတႆးပွတ်းႁွင်ႇ။ မိူဝ်ႈဝၼ်းတီႈ 17/06/2025 ၼႆႉ ၵူၼ်းႁဵတ်းၵၢၼ်ၵျႃးၽႅၼ်ႉ ၸိူဝ်းၺႃးသိုၵ်းမၢၼ်ႈတီႉၺွပ်းၵႂႃႇၼၼ်ႉ ပဵၼ်ၵူၼ်းမိူင်းၶႄႇ 80 ၵေႃႉပၢႆလႄႈ ၵူၼ်းမိူင်းမၢၼ်ႈ 20 ၵေႃႉပၢႆၼႆ ၵူၼ်းၼႂ်းပိုၼ်ႉတီႈ ဝဵင်းမူႇၸေႊၵေႃႉၼိုင်ႈ...

မိူဝ်ႈဝၼ်းတီႈ 16/06/2025 ယၢမ်းၵၢင်ၼႂ်မွၵ်ႈ 9 မူင်း ၽွင်းၵူၼ်းပၢႆႈၽေးသိုၵ်း ဢၼ်ယူႇတီႈဝၢၼ်ႈဢုမ်တီး တိုၵ်ႉႁၢင်ႈႁႅၼ်းၶူဝ်းလဵင်း တႃႇၶၢႆႉဢွင်ႈတီႈပၢႆႈပၢင်တိုၵ်းယူႇၼၼ်ႉ ၺႃးၸုမ်းယိပ်းၵွင်ႈၵၢင်ႇ ၸိူဝ်းယူႇႁိမ်း ၵျွင်းၶဵဝ်ၶမ်း ယိုဝ်းသႂ်ႇလႄႈ လႆႈမၢတ်ႇၸဵပ်းၵႂႃႇ ၵေႃႉၼိုင်ႈ ၼႂ်းၸႄႈဝဵင်းၼွင်ၶဵဝ် ၸိုင်ႈတႆးပွတ်းႁွင်ႇ။ ၵူၼ်းၵေႃႉၺႃးယိုဝ်းၼႆႉ ပဵၼ်ၸၢဝ်းတႆး ၵူၼ်းၸၢႆးဢႃယု 38 ပီ မၢၵ်ႇၵွင်ႈတိူဝ်ႉၺႃးႁိမ်းပဵမ်ႉလႄႈ ၶႅၼ်မၼ်းၸၢႆးသေ လႆႈသူင်ႇၵႂႃႇယူတ်းယႃတူဝ်ဝႆႉတီႈ...

ၼႂ်းၵၢင်လိူၼ်ၵျုၼ်ႊၼႆႉ သိုၵ်းမၢၼ်ႈတင်း သိုၵ်းယၢင်းလႅင် KNDF ယိုဝ်းၵၼ်ၶိုၼ်းႁၢဝ်ႈႁႅင်း ႁိမ်းလႅၼ်လိၼ်တႆး - ယၢင်းလႅင် တီႈဝဵင်းမိူင်းပၢႆး ၸိုင်ႈတႆးပွတ်းၸၢၼ်း ၾၢႆႇသိုၵ်းမၢၼ်ႈ ၸႂ်ႉတိုဝ်းပႃးတရူၼ်ႊလႄႈ ၶိူင်ႈၵွင်ႈလူင် ယိုဝ်းၸွႆႈ။   ပၢင်တိုၵ်းတီႈမိူင်းပၢႆးၼႆႉ သိုၵ်းမၢၼ်ႈၸႂ်ႉတိုဝ်းႁႅင်းသိုၵ်းၼပ်ႉႁူဝ်ပၢၵ်ႇၵေႃႉမၼ်းသေ တိုၵ်းတပ်ႉသိုၵ်း ယၢင်းလႅင် KNDF ၼႆႉ တႄႇၸဵမ်မိူဝ်ႈႁူဝ်ပီ 2025 မႃး။ သၢႆသိုၵ်းမၢၼ်ႈ...

ဝၢႆးလင် သိုၵ်းမၢၼ်ႈယိုတ်းဢႃႇၼႃႇမႃး ၶၢဝ်းတၢင်း 4 ပီပၢႆၼႆႉ လွင်ႈပႃႇထိူၼ်ႇမူၺ်ႉႁၢႆ ၼႂ်းမိူင်းႁူမ်ႈတုမ် ပတ်းပိုၼ်ႉၼႆႉ ယွမ်းလူင်းမႃးၵူႈပီ ဝႃႈၼႆ။ လွင်ႈၼႆႉ ႁူဝ်ၼႃႈသိုၵ်းမၢၼ်ႈယိုတ်းမိူင်း ၸွမ်ၸိၵ်းသိုၵ်း မိၼ်းဢွင်ႇလၢႆႇ လၢတ်ႈဝႃႈ - ပႃႇထိူၼ်ႇၼႂ်းမိူင်းႁူမ်ႈတုမ်ၼႆႉ မိူဝ်ႈပီ 2015 ၼၼ်ႉမီး 42.92%၊ ပီ 2020 သမ်ႉမီး 42.19%၊...

မိူဝ်ႈၼႆႉ ဝၼ်းတီႈ 11/06/2025 ယၢမ်းၵၢင်ၼႂ်မွၵ်ႈ 10 မူင်းပၢႆ ၸုမ်းၵူၼ်းၼုမ်ႇၾၢႆၶုၼ် ပိုၼ်ၽၢဝ်ႇ ဢွၵ်ႇဝႃႈ လွင်ႈသိုၵ်းမၢၼ်ႈတင်း ၸုမ်းပျီႇတူႉၸိတ်ႉပဢူဝ်း PNO ႁေႃႈလိုပ်ႈၵူၼ်းဝၢၼ်ႈ ထုင်ႉၼွင်ထဝ် 6,000 ၵေႃႉ ၼႂ်းၸႄႈဝဵင်းသီႇသႅင်ႇၼႆႉ ပဵၼ်ၵၢၼ်လူလၢႆၵူၼ်းမိူင်းလႄႈ ပူၼ်ႉပႅၼ်သုၼ်ႇလႆႈသုၼ်ႇပဵၼ်ၵူၼ်း၊ ပဵၼ်ပိူင် ၾၢင်ႁၢင်ႈၵေႃႇၵၢၼ်ႁၢႆႉ ၼႆယဝ်ႉ။ ၼႂ်းထုင်ႉၼွင်ထဝ်ၼႆႉ မီးဝၢၼ်ႈတႆးလႄႈ ဝၢၼ်ႈၸၢဝ်းပဢူဝ်းယူႇသဝ်းဝႆႉသေ...

ဝၢႆးလင် သိုၵ်းမၢၼ်ႈယိုတ်းမိူင်း တႄႇဝၼ်းတီႈ 01/02/2021 ၼၼ်ႉမႃး တေႃႇထိုင်လိူၼ်မေႊသဵင်ႈ ပီ 2025 ၶၢဝ်းတၢင်း 4 ပီပၢႆမႃးၼႆႉ ၵူၼ်းမိူင်း 3,100 ပၢႆ လူႉတၢႆယွၼ်ႉၶိူင်ႈမိၼ်သိုၵ်းမၢၼ်ႈ  ၼႂ်း ၼၼ်ႉပႃးလုၵ်ႈဢွၼ်ႇ 700 ပၢႆ ဝႃႈၼႆ။ ၸွမ်းၼင်ႇ ႁွင်ႈၵၢၼ်သုၼ်ႇလႆႈၵူၼ်း NUG ၵဵပ်းၶေႃႈမုလ်း ပိုၼ်ၽၢဝ်ႇဝႆႉၼၼ်ႉ...

တႄႇႁၢင်လိူၼ်မေႊမႃး တေႃႇပေႃးထိုင် ၼႂ်းႁူဝ်လိူၼ်ၵျုၼ်ႊၼႆႉ ပလိၵ်ႈၾၢႆႇၵုမ်းရူတ်ႉၵႃး ဢွၵ်ႇတီႉၺွပ်းရူတ်ႉၶိူင်ႈ လႄႈ ၵႃး ၸိူဝ်းဢမ်ႇမီးဝႂ် ( လၢႆႊသိၼ်ႊ)  - ၸိူဝ်းၶဝ် ဢွၵ်ႇပႂ်ႉၸွမ်းသဵၼ်ႈတၢင်းလူင်၊ ၸွမ်းပွၵ်ႉ၊ ၸွမ်းၵိဝ်ႇသေတီႉၺွပ်း ၼႂ်းၸႄႈဝဵင်းဢၼ်သိုၵ်းမၢၼ်ႈယိုတ်းမိူင်း ၵုမ်းၵမ်ဝႆႉ ၸိုင်ႈတႆးပွတ်းႁွင်ႇ၊ ပွတ်းၸၢၼ်း ၸဵမ်ၸိူဝ်း ၼႆႉ။  ဝၼ်းတီႈ 1/6/2025  ၼၼ်ႉ ပလိၵ်ႈၾၢႆႇၵုမ်းရူတ်ႉၵႃး...

ဝၼ်းတီႈ 30/05/2025 ယၢမ်းၵၢင်ဝၼ်း ပလိၵ်ႈမၢၼ်ႈသိုၵ်းမၢၼ်ႈ ၵူတ်ႇထတ်းရူတ်ႉၵႃး ဢၼ်ဢမ်ႇမီး ဝတ်းဝႂ်လၢႆႊသိၼ်ႊ တီႈဝဵင်းတူၼ်ႈတီး ၸိုင်ႈတႆးပွတ်းၸၢၼ်း။ ၼၢင်းယိင်း ၵူၼ်းမိူင်းတူၼ်ႈတီး လၢတ်ႈၽူႈတွႆႇႁွၵ်ႈဝႃႈ -“မိူဝ်ႈဝႃး တႄႇတီႉတီႈတၢင်းလဵပ်ႈဝဵင်းတူၼ်ႈတီးလႄႈ တၢင်းဢထၵ 4 ပလိၵ်ႈသိုၵ်းမၢၼ်ႈ ၵူတ်ႇထတ်းၵႃး ၸိူဝ်းဢမ်ႇမီးလၢႆႊသိၼ်ႊ၊ ၵူႈပွၵ်ႈတႄႉ ၶဝ်ၵူတ်ႇထတ်းရူတ်ႉၵူၺ်း၊ တႄႇမိူဝ်ႈဝႃးတႄႉ တီႉၺွပ်းပႃး ၵႃးယဝ်ႉ”- ဝႃႈၼႆ။ ဝၢႆးလင်...

သိုၵ်းမၢၼ်ႈ ယိုတ်းမိူင်းတင်း ပျီႇတူႉၸိတ်ႉပဢူဝ်း PNO ၶႃႈႁႅမ်တၢႆ ထဝ်ႈၸၢႆး ၵေႃႉၼိုင်ႈ တီႈဝဵင်းယွင်ႁူၺ်ႈ ယဝ်ႉၵေႃႈ ဢဝ်ၾႆးၽဝ်ႁိူၼ်းယေးၵူၼ်းဝၢၼ်ႈထႅင်ႈ 40 လင်ပၢႆ။ ပူၼ်ႉမႃး ဝၼ်းတီႈ 09/05/2025 ယၢမ်းဝၢႆးဝၼ်း သိုၵ်းမၢၼ်ႈ ၵႂႃႇတီႉၺွပ်းဢဝ် လုင်းၸိင်း ဢႃယု 54 ပီ ဢၼ်ၼွၼ်းပႂ်ႉႁႆႈ တၢင်းၼွၵ်ႈဝၢၼ်ႈၸၢင်ႈၸွႆႉ ၸႄႈဝဵင်းယွင်ႁူၺ်ႈ...