ဝၼ်းတီႈ 1 လိူၼ်မၢတ်ႉၼႆႉ ပဵၼ်ဝၼ်းၵူၼ်းၼုမ်ႇ ၸိူဝ်ႉၸၢတ်ႈတႆး၊ ဝၼ်းတီႈ 2  မိူဝ်ႈၼႆႉသမ်ႉ ၸုမ်းသိုၵ်းမၢၼ်ႈ ၼေႇဝိၼ်း ယိုတ်းဢႃႇၼႃႇ ၶွပ်ႈတဵမ် 63 ပီ။ မိူင်းၸိုင်ႈတႆးတေႉ ၵူၼ်းၼုမ်ႇလႄႈၵူၼ်းထဝ်ႈ တိုၵ်ႉယဝ်ႈၵၼ်ဝူင်သၢႆႉပိဝ်ၶႂႃ ႁႃတၢင်းဢွၵ်ႇ ပၼ်ႁႃၵၢၼ်မိူင်းယင်းပႆႇႁၼ်။ ဝၢၼ်ႈမိူင်းသဝ်ႈယဝ်ႉ မွင်ထႅင်ႈ သၢပ်ႇၼမ်ႉလႅၼ်လိၼ်ၸိုင်ႈတႆး တၢင်ႇၶိူဝ်း ဢဝ်ႁႅင်းၵွင်ႈၵၢင်ႇ တိုၵ်းဢဝ်...

ၸဝ်ႈၶုၼ်သႃႇ ၵေႃႈလီ၊ ၸဝ်ႈၵၢၼ်းယွတ်ႈ ၵေႃႈလီ၊ ၸဝ်ႈသင်ႇၶ ၵေႃႈလီ၊ ၸဝ်ႈႁၵ်ႉၸၢတ်ႈၵူၼ်းမိူင်းလႂ် ၵေႃႈလီ၊ ဢၼ်ဢမ်ႇလီၼႆႉ ပဵၼ်မၢၼ်ႈၶႂၢၵ်ႈမိူင်းၵူၺ်း။ ၵွပ်ႈၼၼ် ၶေႃႈၵႂၢမ်းၸိူဝ်းၼႆႉ ႁႂ်ႈသူၸဝ်ႈဝူၼ်ႉၸွမ်းႁပ်ႉႁွင်းပွင်ႇၸႂ်သေၵမ်း။ ယုၵ်ႉႁႂ်ႈတွၼ်းၵႄး မႄးႁႂ်ႈလီ၊ သီႁႂ်ႈၵဵင်ႈ၊ ၶဵင်ႈႁႂ်ႈၶိုၼ်ႈ၊ ယိုၼ်ႈႁႂ်ႈထိုင်၊ ၶိုင်ႁႂ်ႈၸိုဝ်ႈ၊ သိုဝ်ႈႁႂ်ႈလတ်း၊ တႅပ်းတတ်းႁဵတ်းၵၢၼ် ၸိုင်ႈမိူင်းတႆးၼႆႉ ဢမ်ႇလူဝ်ႇပႂ်ႉဝၼ်းလိူၼ်ပီ၊ တိုၼ်းတၼ်းၶိုတ်းၵွၼ်းၶေႃ ၵမ်းလဵဝ်ဢမ်ႇႁၢင်ႉ။ ၵႃႇၵွၼ်ႇပူၼ်ႉမႃး...

လုမ်းတြႃး မိူင်းဢႃႊၵျိၼ်ႊတီႊၼႃႊ ပိုၼ်ၽၢဝ်ႇတီႉၺွပ်းတူဝ် ႁူဝ်ၼႃႈသိုၵ်းမၢၼ်ႈ မိၼ်းဢွင်ႇလၢႆႇ လႄႈတင်း ၽူႈမီးၸၼ်ႉၼႂ်းတပ်ႉသိုၵ်းမၢၼ်ႈ ႁူမ်ႈၵၼ်တင်းမူတ်း 23 ၵေႃႉ  လူၺ်ႈၶေႃႈ မၢပ်ႇမႂ်   ၶႃႈႁႅမ် ၽဵဝ်ႈမူၺ်ႉ ၵူၼ်းၶိူဝ်းရူဝ်ႊႁိၼ်ႊၵျႃႊ - ဝႃႈၼႆ ။ ၶေႃႈမၢပ်ႇမႂ် လႄႈတႃႇဢဝ်လိူင်ႈဢမူႉၶတီးဢၼ်ၼႆႉတႄႇပိုတ်ႇမႃးမိူဝ်ႈပီ 2019 ။ ဝၢႆးလင်ႁိုင်မႃး ၶၢဝ်းတၢင်း 6...

Subrahmanyam Jaishankar ၽွင်းလူင်ၾၢႆႇၼွၵ်ႈမိူင်း မိူင်းဢိၼ်ႊတီႊယိူဝ်ႊလၢတ်ႈဝႃႈ ယွၼ်ႉပၼ်ႁႃ ပတိၵ်ႈၶၢတ်ႈ ၼႂ်းမိူင်းမၢၼ်ႈလႄႈ ၶူင်းၵၢၼ်ၵေႃႇသၢင်ႈသဵၼ်ႈတၢင်းဝႆး (IMTT) မိူင်းဢိၼ်ႊတီႊယိူဝ်ႊ - မိူင်းထႆး - မိူင်းမၢၼ်ႈ လႆႈၵိုတ်းယင်ႉၵႂႃႇ ဝႃႈၼႆ။ လွင်ႈၼႆႉ ၽွင်းလူင်ၾၢႆႇၼွၵ်ႈမိူင်း လၢတ်ႈၵႂႃႇတီႈပၢင်ၵုမ် ဢၼ်ၸတ်းႁဵတ်းတီႈ ဝဵင်းၵူႇဝႃႇႁႃႇတီႇ ၸႄႈ တွၼ်ႈဢႃႊတၼ်ႊ မိူင်းဢိၼ်ႊတီႊယိူဝ်ႊ -...

ဢိင်ၼိူဝ် လွင်ႈႁဵတ်းဢွၵ်ႇႁႅင်းထၢတ်ႈၾႆးၾႃႉ တီႈမိူင်းမၢၼ်ႈၼႆႉသေ ယူႇတီႈ မိူင်းရတ်ႉသျႃး တူဝ်ႈတၼ်းဝႆႉ တႃႇတေလူင်းတိုၼ်းလၢင်းယူႇ ဝႃႈၼႆ။ ပူၼ်ႉမႃး ဝၼ်းတီႈ 23/02/2025 ၼႆႉ ယူႇတီႈ သိုဝ်ႇၶၢဝ်ႇတႂ်ႈသိုၵ်းမၢၼ်ႈ ၵုမ်းၵမ်ဝႆႉၼၼ်ႉ ႁၢႆးငၢၼ်းဝႆႉဝႃႈ -  ၽွင်းလူင် H.E Maxim RESHETNIKOV ႁွင်ႈၵၢၼ် ၾၢႆႇႁုၼ်ႈမုၼ်း ၶိုၼ်ႈယႂ်ႇ ၵၢၼ်ပၢႆးမၢၵ်ႈမီး...

ၸုမ်းသိုၵ်းမၢၼ်ႈ ဢၼ်ၼုင်ႈသိူဝ်ႈၵၢပ်ႇလဵၵ်းလၵ်းမိူင်း 2008 သေၵဝ်းယႃႉမိူင်းယူႇၼႆႉ လေႃးၽ ဢမ်ႇ တိူၵ်ႈ လမ်ႇမၢၵ်ႈဢမ်ႇသုတ်းသေ ၶိုင်ၶၢမ်ႈလႅၼ်ႁူဝ်ႉလၵ်းမိူင်းယဝ်ႉ ယိုတ်းဢႃႇၼႃႇၵွႆးပႆႇႁၢၼ်ႉၸႂ် မိူဝ်ႈ လဵဝ်ၼႆႉ ၽႅဝ်ထိုင်ၶၵ်ႉဢၼ်တေႁၵ်းႁိဝ်ႈပႅတ်ႈ လၵ်းမိူင်း 2008 ၼၼ်ႉ ပႃးယဝ်ႉ။ သွၼ်ႈပႃႈတႂ်ႈ လၵ်းမိူင်း 2008 သေ ပူၼ်ႉပႅၼ်လူလၢႆငႅၼ်းၶေႃး ၵူၼ်းမိူင်းယဝ်ႉ ပႆႇဢႃးလႃး ထိုင်မႃး...

ၼႂ်းဝၼ်းတီႈ 20 - 21/02/2025 ၼႆႉ ယူႇတီႈ မိူင်းဢႅပ်ႊၾရိၵႃႊၸၢၼ်း တေႁပ်ႉပဵၼ်ၸဝ်ႈႁိူၼ်းသေ ၸတ်းႁဵတ်းပၢင် ၵုမ် မိူင်းဢဵၼ်ႁႅင်းပၢႆးမၢၵ်ႈမီးယႂ်ႇ 20 မိူင်း (G-20) ႁူဝ်ၼႃႈ မိူင်းဢမေႊရိၵၼ်ႊဝႃႈ တေဢမ်ႇၶဝ်ႈႁူမ်ႈၸွမ်း ဝႃႈၼႆ။ ပၢင်ၵုမ် G 20 ၼႆႉ ႁၢင်ႈႁႅၼ်း တေၸတ်းႁဵတ်းတီႈဝဵင်းၵျွၼ်ႊၼိသ်ႉပၢတ်ႉ Johannesburg...

သိုၵ်းပလွင်ႈ TNLA ဢၼ်ပိုၼ်ၽၢဝ်ႇဝႆႉဝႃႈ တေလုၵ်ႉၽိုၼ်ႉ ၽဵဝ်ႈမူၺ်ႉပႅတ်ႈၶွင်ႇသီႇသိုၵ်းမၢၼ်ႈ ႁၢၼ်ႉတေႃႇပေႃးယဝ်ႉတူဝ်ႈၼႆၼၼ်ႉ မိူဝ်ႈဝၼ်းတီႈ 15 ၼႆႉ တႄႇႁူပ်ႉဢုပ်ႇၵၼ်တင်း ၾၢႆႇၶွင်ႇသီႇသိုၵ်းမၢၼ်ႈ တီႈဝဵင်းၶုၼ်ႊမိင်ႊ ယူႇယဝ်ႉ။ ၵမ်းၼႆႉ ဢမ်ႇပႃးၸွမ်းဢူၺ်းလီၶဝ် ႁူပ်ႉၵၼ်ၸုမ်းတေႃႇၸုမ်းၵွႆး။ တၢမ်တူဝ်ၵႅမ်ၸွမ်ပွင်ၵၢၼ်သိုၵ်း ၵေႃႉဢွၼ်ႁူဝ် ၶိုၼ်ႈၼႃႈဝႃႈၼႆလႄႈ တေပႆႇၸႂ်ႈ ဢၼ်တေတႅပ်းတတ်းယဝ်ႉတူဝ်ႈပွၵ်ႈလဵဝ်။ လႅပ်ႈတေယဵပ်ႇၸွမ်းႁွႆးတိၼ်ၵဝ်ႈၵၢင်ႉ MNDAA သေ ဢုပ်ႇယဝ်ႉဢုပ်ႇထႅင်ႈ...

တၢင်းႁၼ်ထိုင် ၸုမ်းလုၵ်ႈႁဵၼ်းၼုမ်ႇ ႁူင်းႁဵၼ်းၸိူဝ်ႉၸၢတ်ႈၸၼ်ႉသုင် (N.H.S) ပၢင်ၵမ်ႉၵေႃႇ (ဢၼ်လႆႈတူၵ်းၼႂ်းမိုဝ်းၽူႈၶႂၢၵ်ႈမိူင်းၵႂႃႇမိူဝ်ႈ 13/01/1996) ႁဝ်းၶႃႈ ပဵၼ်ၸုမ်းလုၵ်ႈႁဵၼ်းၼုမ်ႇ (N.H.S) ဢၼ်မီးၸေႇတၼႃႇပႃးၸႂ် ၼိူဝ်ၵၢၼ်ၸိူဝ်ႉၸၢတ်ႈမီး လွင်ႈၶမ်ၸႂ်ၵဵဝ်ႇလူၺ်ႈဢၼ်ၸဝ်ႈႁၢၼ် ၵၢၼ်းယွတ်ႈ ႁဵတ်းၵႂႃႇၼၼ်ႉလႄႈ ဢၼ်မူႇၸုမ်း M.T.A. ၶိုင်ပွင်ၵႂႃႇၼၼ်ႉယူႇ။ ပေႃးတေဝႃႈ ဢမ်ႇပႅၵ်ႇပိူင်ႈၵၼ်သင်ၼႆ ၸွင်ႇမၼ်းတေထုၵ်ႇမႅၼ်ႈႁိုဝ်? မၢင်ၽဝ်ႇၵေႃႈ တေႁၢႆႉလိူဝ်သေ ၸုမ်းၵၢၼ်းယွတ်ႈ S.S.N.A...

ဝၢႆးသိုၵ်း လုမ်ႈၾႃႉပွၵ်ႈၵမ်းသွင် 1945 ယဝ်ႉတူဝ်ႈၵႂႃႇယဝ်ႉ တၢင်းၾၢႆႇဢိင်းၵလဵတ်ႈ ဢၼ်ပဵၼ်ၶုၼ် မိူင်းႁဝ်းၵေႃႈ ဢွၼ်ၵၼ်ႁၼ်လီဝႃႈ မိူင်းၸိူဝ်းဢၼ်ႁဝ်း ႁဵတ်းၶုၼ်မႃးတင်းသဵင်ႈ ၸိူဝ်းဢၼ်ထုၵ်ႇလီ လႆႈပၼ် ၵွၼ်းၶေႃၵေႃႈ ႁဝ်းလူဝ်ႇလႆႈပၼ်ဝႆးဝႆးယဝ်ႉ။ ၵမ်ႈၽွင်ႈ ပႆႇပေႉတူဝ် ပႆႇဢဝ်ၵွၼ်းၶေႃလႆႈ သင်ၶဝ်ၸဝ်ႈ ၶႂ်ႈဢုပ်ႉပိူင်ႇႁင်းၵူၺ်း သိုပ်ႇယူႇတႂ်ႈႁဝ်းၵုမ်းၵမ် ဝႆႉၼႆၵေႃႈ တေဢဝ်ၸွမ်းၸိူင်ႉၼၼ်ယူႇ ႁဵတ်းၼၼ်မႃးၵေႃႈ ၼႂ်းမိူင်းမၢၼ်ႈ ဢမ်ႇၼၼ်...

ပၼ်ႁႃမိူင်းမၢၼ်ႈၼႆႉ ထႃႈဝႃႈတၢမ်တူဝ်ၵူၼ်းမိူင်း တီႈၼႂ်းမိူင်း ဢမ်ႇႁူမ်ႈၶတ်းၸႂ်ၵႄႈလိတ်ႈ တေဢမ်ႇယဝ်ႉတူဝ်ႈလႆႈ ASEAN ၼႆၵေႃႈ ၼွၵ်ႈလိူဝ်ဢွၵ်ႇလိၵ်ႈဢီးသူၼ်း တေဢမ်ႇၸၢင်ႈႁဵတ်းသင်လႆႈတႄႉတႄႉဝႃႈဝႃႈ ပေႃးဝႃႈၼႆ ယူဝ်တေလီမၢင်ၸႂ်ဝႆႉယူႇ။ တီႈတႄႉၵေႃႈ တၢမ်တူဝ်ၽူႈၵဵဝ်ႇၶွင်ႈၼႂ်းမိူင်း ပဵၼ်ဝႆႉလၢႆၾၢႆႇလၢႆၵိူင်းလႄႈ ဢမ်ႇၶွၼ်ႈၵႅၼ်ႇလႆႈ ၶေႃႈတူၵ်းလူင်းၵၢၼ်မိူင်း ဢၼ်လဵဝ်ၵၼ်ၼၼ်ႉ ပဵၼ်ငဝ်ႈႁၢၵ်ႈလိုၵ်ႉလမ်ႇၵမ်ႇၽီႇလူင်ဝႆႉယဝ်ႉ။ ပေႃးတူၺ်းၾၢႆႇ SAC ၼႆ မၼ်းၵေႃႈ ဢမ်ႇမီးဝႆႉပဝ်ႉမၢႆ ၵၢၼ်မိူင်းတႅတ်ႈၼႅတ်ႈ၊ ပိုၼ်ၽၢဝ်ႇတႄႉဝႃႈ တေၸႂ်ႉလၢႆး...

လွင်ႈပဵၼ်မႃး ဝၼ်းၸိူဝ်ႉၸၢတ်ႈ ဢမ်ႇၼၼ် ဝၼ်းၸိုင်ႈတႆး ဢမ်ႇၼၼ် ဝၼ်းၸိူဝ်ႉၸၢတ်ႈၸိုင်ႈတႆး ၵမ်ႈၽွင်ႈၵေႃႈႁွင်ႉဝႃႈ ဝၼ်းတႆး ၼႆၵေႃႈမီး။ မိူဝ်ႈဢွၼ်တၢင်းၼၼ်ႉ ၸိူဝ်ႉၸၢတ်ႈၼႆၼၼ်ႉ ႁဝ်းဢမ်ႇလႆႈၸႂ်ႉ ႁွင်ႉဝၼ်းၸိူဝ်ႉၶိူဝ်းတႆး ၼႆၵေႃႈမီး မၼ်းပဵၼ်မႃးၸိူင်ႉၼႆ။ လွင်ႈဢၼ်ပဵၼ်မႃးၼႆႉ မိူဝ်ႈပၢၼ်ၵူႈပွၵ်ႈလႄႈ ပၢၼ်မိူဝ်ႈလဵဝ် ၵဵဝ်ႇၵပ်းလူၺ်ႈ ၵႂၢမ်းဢၼ်ႁွင်ႉဝႃႈ “ၸိူဝ်ႉၶိူဝ်း” - “ၸိူဝ်ႉၶိူဝ်း” ၼႆႉ ၶေႃႈတီႈပွင်ႇမၼ်း...

တပ်ႉမဢလၼႆႉ ၵၢၼ်ႉသုမ်းယူႇၵူႈၼႃႈသိုၵ်း တိုၵ်းတီႈလႂ် ၵွႆတီႈၼၼ်ႉ ၸၼ်ႉၸဝ်ႈသိုၵ်း ၸွမ်သိုၵ်း ၺႃးတီႉၺႃးၺွပ်းသေ ငဝ်ႈငုၼ်းတိူင်းသိုၵ်း ပေႃးလႆႈၵူၼ်ႇလႆႈပင်း၊ ၸိူင်ႉၼႆ ယင်းပႆႇတွၼ်ႉပဵၼ်မီးမႃး ၼႂ်းပၢၼ်တပ်ႉမတေႃႇၶဝ်သေတႃႉ ႁူဝ်ၼႃႈၶဝ်တႄႉ ၼႃႈဢမ်ႇဢၢႆတႃဢမ်ႇၶၢၼ်ႉသေ ၶိုင်သၢႆႇႁၢင်ႈ မႄးပူၶိုၼ်း ယူင်ႉၶၢပ်ႈငဝ်ႈၸိုင်ႈလူင်ယူႇ။ ဝၼ်းတီႈ 31/01/2025 ၼႆႉ တိူမ်းဢႃယု ၸုမ်းလူင်ပွင်ၸိုင်ႈသိုၵ်းၶဝ်ထႅင်ႈႁူၵ်းလိူၼ်သေ ၶၢႆႉလၢႆႈပႃး တၼ်းႁဵင်းၶုၼ်ၽွင်းလူင်ၶဝ်ၵွၼ်ႇ။ ပိူင်ပႄႇဢမ်ႇမူၼ်ႉမႄး...

ပူၼ်ႉမႃး ဝၼ်းတီႈ 02/02/2025 ၸွမ်ၽွင်းလူင်ၵဝ်ႇ မိူင်းထႆး ထၵ်းသိၼ် သျိၼ်ႊၼဝတ်းတင်း ၸွမ် ၽွင်းလူင် မိူင်းမလေးသျႃး ဢႅၼ်ႇဝႃဢီႇပရႃႁိၼ်ႊ ႁူပ်ႉဢုပ်ႇၵၼ် လွင်ႈမိူင်းမၢၼ်ႈ ဝႃႈၼႆ။ လွင်ႈၼႆႉ ၸွမ်ၽွင်းလူင် မိူင်းမလေးသျႃး တႅမ်ႈတၢင်ႇဝႆႉတီႈသိုဝ်ႇၾဵတ်ႉပုၵ်ႉ။ ၽွင်းႁူပ်ႉထူပ်းၵၼ် ၼၼ်ႉ ဢုပ်ႇဢူဝ်းလွင်ႈမိူင်းမၢၼ်ႈတင်း လွင်ႈငိုၼ်းၶရိသ်ႉတူဝ်ႇ (crypto currency) ဝႃႈၼႆသေတႃႉ...

လွင်ႈသိုၵ်းမၢၼ်ႈ ယိုတ်းဢႃႇၼႃႇၸိုင်ႈမိူင်းမႃးၼႆႉ ဢမ်ႇၸႂ်ႈလႆႈဝႃႈတႄႇမႃး မိူဝ်ႈဝႃးမိူဝ်ႈသိုၼ်းၼၼ်ႉၵူၺ်း မၼ်းတႄႇမႃး ၸဵမ်မိူဝ်ႈႁဝ်းလႆႈၵွၼ်းၶေႃယဝ်ႉ။ မိူဝ်ႈၵွၼ်းၶေႃၼၼ်ႉ ၽူႈၵွၼ်းသိုၵ်းသုင်သုတ်းၶွင်ႁဝ်းၼႆႉ ပဵၼ်ယၢင်းဢိူဝ်ႈ။ ၵမ်းၼႆႉ ယူႇတီႈတပ်ႉယၢင်းၶဝ်ၼၼ်ႉသမ်ႉ လုၵ်ႉၽိုၼ်ႉ မီးမႃးပၼ်ႁႃယၢင်းၼႆၵေႃႈ ၶဝ်ၵေႃႈဢွၼ်ၵၼ် သိမ်းဢႃႇၼႃႇ ၼႂ်းတပ်ႉၶဝ်ၼင်ႇၵၼ် ပူတ်းပႅတ်ႈၽူႈၵွၼ်းသိုၵ်းယၢင်း။ ယဝ်ႉၵေႃႈ မႃးတင်ႈၶိုၼ်းၸွမ် သိုၵ်းၼေႇဝိၼ်းၼၼ်ႉၼႃႇ။ လွင်ႈယိုတ်းဢႃႇၼႃႇ ၸိုင်ႈမိူင်းမႃးၵမ်းၼႆႉ ႁဝ်းတေဝႃႈ သိမ်းဢႃႇၼႃႇ ဢမ်ႇၼၼ်ၵေႃႈ ယိုတ်းဢၢမ်းၼၢတ်ႉ။...