ဝၼ်းတီႈ 05/09/2024 ၼႆႉ ၸုမ်းသိုၵ်းရၶႅင်ႇ AA ယိုတ်းၵုမ်းလႆႈတပ်ႉၼမ်ႉသိုၵ်းမၢၼ်ႈ ဢၼ်မီးၼႂ်းၸႄႈဝဵင်းတၢၼ်ႇတွႆး မိူင်းရၶႅင်ႇ ဝႃႈၼႆ။ တႃႇယိုတ်းလႆႈတပ်ႉၼမ်ႉၼႆႉ သိုၵ်းရၶႅင်ႇ တႄႇယိုတ်းတိုၵ်းမႃး ၸဵမ်မိူဝ်ႈဝၼ်းတီႈ 7 လိူၼ်ဢေႃႊၵတ်ႊသ်ၼၼ်ႉ၊ တီႈတပ်ႉၼမ်ႉၼၼ်ႉ ဢဵၼ်ႁႅင်းသိုၵ်းမၢၼ်ႈမီး 1,200 ပၢႆ ၾၢႆႇသိုၵ်းမၢၼ်ႈ ၸႂ်ႉပႃး ၶိူင်ႈမိၼ်တိုၵ်း ၶိူင်ႈၵွင်ႈယႂ်ႇတပ်ႉၼမ်ႉ ယိုဝ်းၸွႆႈသေတႃႉ ဝၢႆးပၢင်တိုၵ်းၸမ်တဵမ်လိူၼ်...

ၵၢၼ်မိူင်းၼႂ်းမိူင်းမၢၼ်ႈ ဢမ်ႇၼိမ် ႁဵတ်းႁႂ်ႈၵၢၼ်ပၢႆးမၢၵ်ႈမီးတူၵ်းႁႅင်းလႄႈ ႁူင်းၵၢၼ်ပၢႆးမၢၵ်ႈမီး မိူင်းထႆး ၵမ်ႈၽွင်ႈ ၵိုတ်းလိုဝ်းၵၢၼ်ငၢၼ်းသေ ဢွၵ်ႇယၢၼ်မိူင်းမၢၼ်ႈမႃးဝႆႉၼႆ - ၶၢဝ်ႇထႆး The Nation ႁၢႆးငၢၼ်းဝႆႉၼင်ႇၼႆ။ ႁူင်းၵၢၼ်ႁဵတ်း လိၼ်ပုၼ် မိူင်းထႆး Siam Cement Group(SCG) ဢၼ်လူင်းတိုၼ်းလၢင်းဝႆႉ 8 ပီႊလီႊယၼ်ႊဝၢတ်ႇ (ငိုၼ်းထႆး) ၼၼ်ႉၵေႃႈ လႆႈၵိုတ်းယင်ႉႁူင်းၸၢၵ်ႈႁဵတ်းလိၼ်ပုၼ်...

ၵူၼ်းမိူင်းမၢၼ်ႈ 15 ၵေႃႉ ၸိူဝ်းဢမ်ႇမီးဝတ်းဝႂ်သင်သေ ဢၢၼ်းၵႂႃႇႁဵတ်းၵၢၼ် တီႈမိူင်းမလေးသျႃးၼၼ်ႉ  ၺႃးပလိၵ်ႈထႆးတီႉၺွပ်းလႆႈ တီႈလႅၼ်လိၼ်မိူင်းထႆး ပွတ်းၸၢၼ်း - သိုဝ်ႇၶၢဝ်ႇ Bangkok Post ႁၢႆးငၢၼ်းဝႆႉၼင်ႇၼႆ။ ႁွင်ႈၵၢၼ် ၾၢႆႇၵူတ်ႇထတ်း ၵူၼ်းၶဝ်ႈဢွၵ်ႇမိူင်း မိူင်းထႆးတင်း ပလိၵ်ႈ ႁူမ်ႈၵၼ် ၵူတ်ႇထတ်းရူတ်ႉၵႃး လမ်းၼိုင်ႈ ထူပ်း ႁၼ်ၼၢင်းယိင်းမိူင်းမၢၼ်ႈ 3...

လုၵ်ႈဢွၼ်ႇ 100 ပၢႆ တီႈပၢင်သဝ်းၵူၼ်းပၢႆႈၽေး ၼႂ်းၸႄႈဝဵင်းၵၢတ်ႇလိုဝ်း တိူင်းၸေႈၵႅင်း ဢွၼ်ၵၼ် တိတ်းၸပ်းတၢင်းပဵၼ်ၽိဝ်ၼိူဝ်ႉၼင် ၶူမ်း/ၸဵပ်းသေ လူဝ်ႇတၢင်းၸွႆႈထႅမ် တႃႇတေယူတ်းယႃ ဝႃႈၼႆ။ ၼႂ်းၶၢဝ်းၾူၼ်ၼႆႉ ယွၼ်ႉၼမ်ႉၵိၼ် ဢမ်ႇသႅၼ်ႈသႂ်၊ ၶူဝ်းၼုင်ႈဢမ်ႇႁႅင်ႈသေ ဢွၼ်ၵၼ်ၼုင်ႈသိူဝ်ႈၶူဝ်းယမ်းလႄႈ ၸင်ႇႁဵတ်းႁႂ်ႈပဵၼ်တၢင်းပဵၼ်ၽိဝ်ၼိူဝ်ႉၼင်ၶူမ်းၸဵပ်းၼႆ - တွၵ်ႊတႃႊ ၵျူဝ်းၸႅတ်ႉ မေႃယႃၵေႃႉ ယူတ်းယႃပၼ်ၵူၼ်းပဵၼ် တီႈပၢင်သဝ်းၵူၼ်းပၢႆႈၽေးၼၼ်ႉ လၢတ်ႈဝႆႉတီႈသိုဝ်ႇ...

တႄႇဝၼ်းတီႈၼိုင်ႈ လိူၼ်ၼႆႉမႃး ပလိၵ်ႈတင်း သိုၵ်းမၢၼ်ႈ ႁူမ်ႈၵၼ် ၵူတ်ႇထတ်းၼႂ်းဝဵင်းတႃႈၶီႈလဵၵ်း လႅၼ်လိၼ်တႆး - ထႆး ႁၢဝ်ႈႁႅင်း။ ၼႂ်းဝူင်ႈဝၢင်ႈၼႆႉ သိုၵ်းမၢၼ်ႈတင်း ပလိၵ်ႈမၢၼ်ႈ ဢမ်ႇမၵ်းမၢႆၵဵၵ်ႉလၢၼ်ႇတႅတ်ႈတေႃးသေ ပႂ်ႉၵူတ်ႇထတ်း ၵူၼ်းဝဵင်းတႃႈၶီႈလဵၵ်း ၵမ်ႉသၢင်ႇတေႃႇ လွင်ႈၵူတ်ႇထတ်းၼႆ့ တႄႇမႃးၸဵမ်မိူဝ်ႈလိူၼ်ပူၼ်ႉမႃးသေတႃႉ ၼႂ်းႁူဝ်လိူၼ်ၼႆႉ တိူဝ်းၵူတ်ႇထတ်းမႃးႁၢဝ်ႈႁႅင်း ၵမ်ႈၼမ် ၵူတ်ႇထတ်းၼိူဝ်သဵၼ်ႈတၢင်းလူင် ဝႃႈၼႆ။ ၵူၼ်းပိုၼ်ႉတီႈ ဝဵင်းတႃႈၶီႈလဵၵ်း...

ၼႂ်းဝၼ်းတီႈ 6/9/2024 ၼႆႉ သိုၵ်းမၢၼ်ႈၼမ်ႉလၼ်ႈ ယိုဝ်းမၢၵ်ႇလူင်ၵႂႃႇတူၵ်း သႂ်ႇၼႂ်းပွၵ်ႉၵိဝ်ႇတေႃး  တိူဝ်ႉၵူၼ်းဝၢၼ်ႈၵေႃႉၼိုင်ႈၽွင်းၵႂႃႇလဵင်ႉၵႂၢႆး ၵူၼ်းမၢတ်ႇၸဵပ်းၵႂၢႆးတႄႉတၢႆထင်တီႈ ။ ၵူၼ်းမိူင်းဝဵင်းၼမ်ႉလၼ်ႈလၢတ်ႈတီႈၽူႈတွႆႇႁွၵ်ႈဝႃႈ - “ပဵၼ်မၢၵ်ႇသိုၵ်းမၢၼ်ႈပွႆႇမႃးမိူဝ်ႈယၢမ်းၵၢင်ဝၼ်း 11 မူင်းၶႃႈဢေႃႈ။ ၵူၼ်းဝၢၼ်ႈၵိဝ်ႇတေႃး ၸၢဝ်းၶႄႇ ၼၼ်ႉသမ်ႉတိုၵ်ႉၵႂႃႇလဵင်ႉၵႂၢႆး။ မၢၵ်ႇမႃးတူၵ်းသႂ်ႇႁိမ်းမၼ်းၶႃႈဢေႃႈ ၵႂၢႆးမၼ်းတေႉတၢႆၵမ်းလဵဝ်ယဝ်ႉၶႃႈ။ ၵူၼ်းလဵင်ႉၵႂၢႆးၼၼ်ႉ ၸၢၵ်ႇမၢၵ်ႇတိူဝ်ႉသႂ်ႇတီႈပိၵ်ႇၵႇႇမၼ်း။  လုပ်ႇပိၵ်ႇၵႆႇမၼ်းႁၵ်းၵႂႃႇ။ လႆႈဢဝ်ၵႂႃႇႁူင်းယႃလူင်သေ ပိူၼ်ႈၽႃႇဢဝ်ၸၢၵ်ႇမၢၵ်ႇၸိူဝ်းၶမ်ဝႆႉၸွမ်းပိၵ်ႇၵႆႇ ၵွင်းလင်...

ၶၢဝ်းတၢင်း သိုၵ်းမၢၼ်ႈ ယိုတ်းမိူင်းမႃးၼႆႉ ငဝ်းလၢႆးၵၢၼ်ဝၢၼ်ႈၵၢၼ်မိူင်း ဢမ်ႇၼိမ်သဝ်း ၽႂ်ၵေႃႈ ႁႃၵိၼ်လဵင်ႉတွင်ႉယၢပ်ႇ။ ၵမ်ႈၼမ် ပၢႆႈသွၼ်ယူႇသဝ်းၸွမ်းဢွင်ႈတီႈ ဢၼ်ဢမ်ႇပဵၼ်ပၢင်တိုၵ်း မိူၼ်ၼင်ႇ တီႈဝဵင်းတႃႈၶီႈလဵၵ်း၊ ၵဵင်းတုင် ၸိုင်ႈတႆးပွတ်းဢွၵ်ႇ ၸိူဝ်းၼႆႉ။ မိူၼ်ၼင်ႇ တီႈတႃႈၶီႈလဵၵ်းၼႆႉ ဢမ်ႇလိူၵ်ႈသႅၼ်းထၢၼ်ႈ ၸဵမ်ဢဝ်ၵူၼ်း ၸိူဝ်းၶၢတ်ႇၵၢၼ်ၶၢတ်ႇငၢၼ်းသေ လႆႈယွၼ်း ၵိၼ်ပိူၼ်ႈ ၸိူဝ်းၼႆႉၵေႃႈ မႃးထင်သဝ်းၼမ်။ ယူႇတီႈ...

မိူဝ်ႈၼႆႉ ဝၼ်းတီႈ 06/09/2024 ယၢမ်းၵၢင်ဝၼ်း 11:40 မူင်း ၸဝ်ႈၶူးလူင် ၺႃၼဝရ ၸဝ်ႈၵမ်ႉပၢႆး သင်ၶ ၸဝ်ႈ ၸိုင်ႈပွတ်းဢွၵ်ႇၶူင်း လူႉလွၼ်ႇၵႂႃႇ ၽွင်းဢႃယု 80 ပီ တီႈဝတ်ႉၵမ်မထၢၼ်း မႁႃၽေႃးထိ ဝဵင်းတႃႈၶီႈလဵၵ်း ၸိုင်ႈတႆးပွတ်း ဢွၵ်ႇၶူင်း လႅၼ်လိၼ်တႆး - ထႆး...

သိုၵ်းမၢၼ်ႈ ယိုတ်းမိူင်း တင်ႈၸႂ် ယိုဝ်းမၢၵ်ႇလူင် တူၵ်းသႂ်ႇတီႈဝဵင်းသီႇပေႃႉ ၸၢၵ်ႇမၢၵ်ႇတိူဝ်ႉသႂ်ႇထဝ်ႈၸၢႆး လူႉတၢႆထင်တီႈ ၵေႃႉၼိုင်ႈလႄႈ ထဝ်ႈယိင်း ၵေႃႉၼိုင်ႈ လႆႈတိူဝ်ႉမၢတ်ႇၸဵပ်းႁႅင်း။ ဝၼ်းတီႈ 05/09/2024 ယၢမ်းၵၢင်ၼႂ်မွၵ်ႈ 9 မူင်း တပ်ႉသိုၵ်းမၢၼ်ႈ ၶမယ 506 ဢၼ်ပၵ်းဝႆႉတီႈဝၼ်းတီႈ 05/09/2024 ယၢမ်းၵၢင်ၼႂ်မွၵ်ႈ 9 မူင်း တပ်ႉသိုၵ်းမၢၼ်ႈ...

မိူဝ်ႈၼႆႉ ဝၼ်းတီႈ 06/09/2024 ယၢမ်းၵၢင်ၼႂ်ၸဝ်ႉ 1 မူင်းၶိုင်ႈ သိုၵ်းမၢၼ်ႈ ယိုတ်းမိူင်း ၸႂ်ႉၶိူင်ႈမိၼ်တိုၵ်း မႃးပွႆႇမၢၵ်ႇ တီႈပွၵ်ႉၼိူဝ်တင်း ပွၵ်ႉႁူဝ်ၵၢတ်ႇ ၼႂ်းဝဵင်းၼမ်ႉၶမ်း ၸႄႈတွၼ်ႈမူႇၸေႊ ၸိုင်ႈတႆးပွတ်းႁွင်ႇ လႅၼ်လိၼ်တႆး - ၶႄႇ ၸၢၵ်ႇမၢၵ်ႇ တိူဝ်ႉၺႃး ၵူၼ်းမိူင်းလူႉတၢႆထင်တီႈ 11 ၵေႃႉ မၢတ်ႇၸဵပ်း...

မိူဝ်ႈဝၼ်းတီႈ 04/09/2024 ၽွင်းၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလၢႆႇ ႁွတ်ႈထိုင်တီႈ ငဝ်ႈငုၼ်းၵုမ်းၵမ် ၽႅၼ်ၵၢၼ်ယၼ်ႇသိုၵ်းပိုၼ်ႉတီႈ ဝဵင်းလွႆၶေႃ မိူင်းယၢင်းလႅင်ၼၼ်ႉ လႆႈဢဝ်ၶိူင်ႈၵွင်ႈလူင် 120 မမ ပိုတ်းယိုဝ်းၼႆ ၽူႈၶၢၼ်ပၢၵ်ႇ ၾၢႆႇၵပ်းသိုပ်ႇပွင်ႇၶၢဝ်ႇ တပ်ႉသိုၵ်းယၢင်းလႅင် (KNDF) လၢတ်ႈၼင်ႇၼႆ။ ၾၢႆႇတပ်ႉသိုၵ်းယၢင်းလႅင် KNDF လၢတ်ႈဝႃႈ ၶိူင်ႈၵွင်ႈလူင်တူၵ်းတႅၵ်ႇသႂ်ႇ ၼႂ်းငဝ်ႈငုၼ်းၵုမ်းၵမ် ၽႅၼ်ၵၢၼ် ယၼ်ႇသိုၵ်းပိုၼ်ႉတီႈ...

လူမ်းလႅင်ႉႁႅင်းယႂ်ႇ တၢႆႊၾူၼ်ႊ ယႃႊၵီႊ (Yagi) လတ်းၶၢမ်ႈပၢင်ႇလၢႆႇၶႄႇ ပွတ်းၸၢၼ်းသေ ထွင်းပဝ်ႇၵႂႃႇတၢင်း ၵုၼ် ႁၢႆႊၼၼ်ႊလႄႈ ၼႂ်းပၢင်ႇလၢႆႇပင်းၵလႃး ႁဵတ်းႁႂ်ႈမီးလူမ်းလႅင်ႉ ဢၼ်ႁႅင်းဢေႇဝႆႉ ဢၼ်ၼိုင်ႈ ထွင်းပဝ်ႇဝႆႉ။ လူမ်းလႅင်ႉ တၢႆႊၾူၼ်ႊ ယႃႊၵီႊ(Yagi) တႄႇပတ်ႉထွင်းမႃး ၼႂ်းပၢင်ႇလၢႆႇၶႄႇ ပွတ်းၸၢၼ်းသေတႃႉ တေမီးၽွၼ်းတုမ်ႉယွၼ်ႈထိုင်ပႃး မိူင်းမၢၼ်ႈ မိူၼ်ၼင်ႇ - မိူင်းမၢၼ်ႈ...

တီႈၸႄႈဝဵင်းပၢင်လွင်း မိူင်းတႆးပွတ်းၸၢၼ်း မၢၵ်ႇၶိူဝ်သူမ်ႈ ဢမ်ႇမီးၵႃႈၶၼ် တေဢဝ်ၶၢႆၵေႃႈ တေသုမ်းပႃး ၵႃႈႁႅင်း ၵႃႈ ၼမ်ႉမၼ်းၸၢၵ်ႈၵူၺ်းၼႆသေ ၸဝ်ႈသူၼ်လႆႈပွႆႇပႅတ်ႈ သုမ်းတင်းၼမ်တင်းလၢႆ။ ဝၼ်းတီႈ 05/09/2024 ၼႆႉ ၶၼ်မၢၵ်ႇၶိူဝ်သူမ်ႈ ဝဵင်းပၢင်လွင်း ၼိုင်ႈၸွႆႉ 300 ပျုး၊ သူၼ်မၢၵ်ႇၶိူဝ်သူမ်ႈ ၸိူဝ်းမီးၾၢႆႇဢွၵ်ႇဝၢၼ်ႈၼွင်တရႃးသမ်ႉ မူင်ႈမႅင်းယႃႉ၊ ၾူၼ်ၼမ်လႄႈ မၢၵ်ႇၶိူဝ်သူမ်ႈၼဝ်ႈ ၸဝ်ႈသူၼ်...

လၢႆပိုၼ်ႉတီႈ ၼႂ်းမိူင်းတႆးပွတ်းႁွင်ႇ တီႈဢၼ်သိုၵ်းၸၢဝ်းၶိူဝ်း ပိုတ်းယိုဝ်းလႆႈ တပ်ႉသိုၵ်းမၢၼ်ႈသေ ပိုၼ် ၽၢဝ်ႇဝႃႈၵုမ်းလႆႈဝႆႉၼၼ်ႉ သိုၵ်းမၢၼ်ႈ ၼႂ်းတပ်ႉပၢႆႈမူတ်းယဝ်ႉသေတႃႉ ယၢမ်းၵၢင်ၶမ်ႈၵၢင်ၶိုၼ်း ၵႆႉဢဝ် ၶိူင်ႈမိၼ်မႃးပွႆႇမၢၵ်ႇ တိူဝ်ႉသႂ်ႇႁိူၼ်းယေး ၵူၼ်းမိူင်း ႁဵတ်းႁႂ်ႈၵူၼ်းမိူင်းမၢတ်ႇၸဵပ်းလူႉတၢႆ။ တီႈဝဵင်းမၢၼ်ႈတူင်ႈ ၸိုင်ႈတႆးပွတ်းႁွင်ႇၵေႃႈ ဝၢႆးလင်ပၢင်တိုၵ်း 1027 ၼႆႉ သိုၵ်းမၢၼ်ႈ တင်ႈၸႂ်ဢဝ်ၶိူင်ႈမိၼ် Jet Fighter မႃးပွႆႇမၢၵ်ႇလူင်သႂ်ႇလႄႈ...

တီႈဝဵင်းဢွင်ႇပၢၼ်း ၸိုင်ႈတႆးပွတ်းၸၢၼ်းၼၼ်ႉ ၾူၼ်ဢမ်ႇတူၵ်းသေ ၼမ်ႉႁူၺ်ႈၵိုင်ႉၵၢင်ႉၼွင်း လၢၵ်ႈသွင်မႄႈလုၵ်ႈလႆၸွမ်းၼမ်ႉတၢႆ။ ဝၼ်းတီႈ 04/09/2024 ယၢမ်းဝၢႆးဝၼ်း 4 မူင်း ၼၢင်းၼေႃႇ ဢႃယု 24 ပီလႄႈ လုၵ်ႈယိင်း ၵေႃႉလဵၵ်ႉဢွၼ်ႇ တိုၵ်ႉလႆႈ 6 လိူၼ် ၵူၼ်းဝၢၼ်ႈထီႇသိမ်ႇ (ထီသိမ်) ၸႄႈဝဵင်းဢွင်ႇပၢၼ်း (ဢုမ်ႇပဝ်း) လုၵ်ႉတီႈသူၼ်သေ ဢၢၼ်းပွၵ်ႈၶိုၼ်းႁိူၼ်း...