လုၵ်ႈဢွၼ်ႇ 100 ပၢႆ တီႈပၢင်သဝ်းၵူၼ်းပၢႆႈၽေး ၼႂ်းၸႄႈဝဵင်းၵၢတ်ႇလိုဝ်း တိူင်းၸေႈၵႅင်း ဢွၼ်ၵၼ် တိတ်းၸပ်းတၢင်းပဵၼ်ၽိဝ်ၼိူဝ်ႉၼင် ၶူမ်း/ၸဵပ်းသေ လူဝ်ႇတၢင်းၸွႆႈထႅမ် တႃႇတေယူတ်းယႃ ဝႃႈၼႆ။
ၼႂ်းၶၢဝ်းၾူၼ်ၼႆႉ ယွၼ်ႉၼမ်ႉၵိၼ် ဢမ်ႇသႅၼ်ႈသႂ်၊ ၶူဝ်းၼုင်ႈဢမ်ႇႁႅင်ႈသေ ဢွၼ်ၵၼ်ၼုင်ႈသိူဝ်ႈၶူဝ်းယမ်းလႄႈ ၸင်ႇႁဵတ်းႁႂ်ႈပဵၼ်တၢင်းပဵၼ်ၽိဝ်ၼိူဝ်ႉၼင်ၶူမ်းၸဵပ်းၼႆ – တွၵ်ႊတႃႊ ၵျူဝ်းၸႅတ်ႉ မေႃယႃၵေႃႉ ယူတ်းယႃပၼ်ၵူၼ်းပဵၼ် တီႈပၢင်သဝ်းၵူၼ်းပၢႆႈၽေးၼၼ်ႉ လၢတ်ႈဝႆႉတီႈသိုဝ်ႇ RFA ၼင်ႇၼႆ။
မိူၼ်ၼင်ႇ ၸွမ်းႁၢၼ်ႉယႃႈယႃ ဢၼ်မီးၼႂ်းဝဵင်းၵၢတ်ႇလိုဝ်းၵေႃႈ ယႃႈယႃၶၢတ်ႇ၊ ၵႃႈၶၼ်သုင်ဝႆႉလႄႈ တႃႇတေယူတ်းယႃပၼ်လုၵ်ႈဢွၼ်ႇ ၸိူဝ်းၸပ်းတၢင်းပဵၼ်ၽိဝ်ၼိူဝ်ႉၼင်ၼၼ်ႉ မီးလွင်ႈယၢပ်ႇၽိုတ်ႇဝႆႉ ဝႃႈၼႆ။
ၼႂ်းလိူၼ်ၵျူႊလၢႆႊတင်း လိူၼ်ဢေႃႊၵတ်ႊသ် ပူၼ်ႉမႃးၼၼ်ႉၵေႃႈ ၵူၼ်းၸိူဝ်းယူႇသဝ်းတီႈ ပၢင်သဝ်းၵူၼ်းပၢႆႈၽေး ဢွၼ်ၵၼ်တိတ်းၸပ်း တၢင်းပဵၼ်ၶႆႈဝတ်းယႂ်ႇလႄႈ တၢင်းပဵၼ်ၼၢဝ်ၶႆႈလိူတ်ႈဢွၵ်ႇ ၸိူဝ်းၼႆႉ။
ၼႂ်းၸႄႈဝဵင်းၵၢတ်ႇလိုဝ်း တိူင်းၸႄႈၵႅင်းၼႆႉ ယွၼ်ႉပၢင်တိုၵ်းသေ သိုၵ်းမၢၼ်ႈ ၽဝ်ႁိူၼ်းယေးၵူၼ်းမိူင်းလႄႈ ၵူၼ်းမိူင်းလႆႈပၢႆႈၽေး မီး 1 သႅၼ်ပၢႆ – ဝႃႈၼႆ။
