ၸုမ်းၵူၼ်းၼုမ်ႇတႆး ပွတ်းထုင်ႉမၢဝ်းလႄႈၾင်ႇမိူင်းၶႄႇႁူမ်ႈၵၼ်ၵႂႃႇၸွႆႈထႅမ် တၢင်းၵိၼ်ယႅမ်ႉလႄႈ ၶူဝ်းၼုင်ႈတၢင်းဝႆ တီႈၵူၼ်းတုၵ်ႉၶိတလႄႈ ၵူၼ်းထဝ်ႈဢႃယု 90 ၶိုၼ်ႈၼိူဝ်။ ဝၼ်းတီႈ 02/02/2018 ၸုမ်းမူၼ်ႈသိူဝ်း ၼႂ်းမိူင်းမၢဝ်းလႄႈ ၸုမ်းၽူႈပွင်ၵၢၼ်တီႈလုမ်း ဢိူင်ႇၸေႊ သႅင် ၼႂ်းမိူင်းၶႄႇ ဢိၵ်ႇ ၸုမ်းၵူၼ်းၼုမ်ႇတႆး TYO ဢိူင်ႇ 19 ဝၢၼ်ႈ ဢွၼ်ၵၼ်ၵႂႃႇ ၸွႆႈထႅမ်ပေႃႈ မႄႈၵူၼ်းမိူင်း...

ၸုမ်းၵူၼ်းၼုမ်ႇတႆး ဝဵင်းလၢႆးၶႃႈ ၵႂႃႇလဵပ်ႈႁဵၼ်းပိုၼ်ႉတီႈ ၼမ်ႉၼွင်ၸိတ်ႇ လၢႆးၶႃႈတႃႇၵႂႃႇလုမ်းလႃး ႁႂ်ႈပဵၼ်ပိုၼ်ႉတီႈ ဢႅဝ်ႇယဵမ်ႈမိူဝ်းၼႃႈ။ ဝၼ်းတီႈ 01/02/2018 ၸုမ်းၵူၼ်းၼုမ်ႇတႆး ဝဵင်းလၢႆးၶႃႈ ႁူမ်ႈၵၼ်ၵႂႃႇဢႅဝ်ႇလဵပ်ႈႁဵၼ်း ပိုၼ်ႉတီႈ ၼမ်ႉၼွင်ၸိတ်ႇ ဢၼ်မီးၼွၵ်ႈဝဵင်း တႃႇလုမ်းလႃးၸတ်းပွင် ႁႂ်ႈပဵၼ်ပိုၼ်ႉတီႈဢႅဝ်ႇယဵမ်ႈ ၵႂႃႇမိူဝ်းၼႃႈလႄႈ ႁႂ်ႈပဵၼ်ၶွင်ၵူၼ်းမိူင်းၵူႈၵေႃႉ။ ၸၢႆးယွတ်ႈၽိူဝ်ၼုမ်ႇ ၽူႈၵိူဝ်းၵုမ် ၸုမ်းၵူၼ်းၼုမ်ႇ လၢႆးၶႃႈ လၢတ်ႈဝႃႈ - “...

ၸုမ်းၸဝ်ႈႁႆႈၸဝ်ႈၼႃး ၸတ်းႁဵတ်းပၢင်ၵုမ် လွင်ႈႁူမ်ႇလူမ်ႈသုၼ်ႇလႆႈႁဵတ်းႁႆႈၼႃး မီးတူဝ်တႅၼ်းၸဝ်ႈႁႆႈၸဝ်ႈၼႃး ၶဝ်ႈႁူမ်ႈ 90 ပၢႆ ဝႃႈၼႆ။ ဝၼ်းတီႈ 31/01/2018 ၸုမ်းၸဝ်ႈႁႆႈၸဝ်ႈၼႃး ၸတ်းႁဵတ်းပၢင်ၵုမ် ဢုပ်ႇဢူဝ်း ၵဵဝ်ႇၵပ်းလွင်ႈႁူမ်ႇလူမ်ႈ သုၼ်ႇလႆႈ ႁဵတ်းႁႆႈၼႃး ၼႂ်းမိူင်းတႆး ယွၼ်ႉဝႃႈ သုၼ်ႇလႆႈႁဵတ်းၵၢၼ်ႁႃၵိၼ်ဢေႇမၢင်။ ပၢင်ၵုမ်ၼႆႉ ၸတ်းႁဵတ်းတီႈ ႁူင်းႁေႃ သဵင်ႉၵဵဝ်းသႅတ်ႉ ဢွၵ်ႉမေႉၽွႆႇ ၸႄႈဝဵင်းတူၼ်ႈတီး...

ပၢင်ပွၼ်ႈထမ်း/တြႃး လွင်ႈပိုၼ်းပဵၼ်မႃးဝၼ်းလိူၼ် 3 မူၼ်း၊ လွင်ႈၽွမ်ႉႁူမ်ႈလႄႈ လွင်ႈၵႆယၢၼ် ၽေးယႃႈမဝ်းၵမ် တီႈၼႂ်းဢိူင်ႇၼွင်ၵေႃႈ ၸႄႈဝဵင်းသီႇပေႃႉ မီးၵူၼ်းၶဝ်ႈႁူမ်ႈထွမ်ႇငိၼ်း 500 ပၢႆ။ မိူဝ်ႈဝၼ်းပုတ်ႉတီႈ 31/01/2018 (ဝၼ်းလိူၼ်သၢမ်မူၼ်း) ၸဝ်ႈၶူးသီႇရိထမ်ႇမ လႆႈယေႃးတူဝ်ၵႂႃႇႁေႃးထမ်း/ တြႃး လွင်ႈပဵၼ်မႃးဝၼ်းလိူၼ် 3 မူၼ်း၊ လွင်ႈၽွမ်ႉႁူမ်ႈလႄႈ လွင်ႈၽေးယႃႈမဝ်းၵမ် ပၼ်တၢင်းႁူႉၵူၼ်းမိူင်း တီႈဝၢၼ်ႈၵွၵ်ႇတႅင်...

ပႃႇတီႇႁူဝ်သိူဝ် SNLD ဝဵင်းၼမ်ႉၶမ်း ၸတ်းႁဵတ်းပၢင်ၾိုၵ်းလပ်ႉၼမ်ႉၵတ်ႉၵူၼ်းၼုမ်ႇတႃႇႁႂ်ႈပဵၼ် ၽူႈဢွၼ်ႁူဝ်မိူဝ်းၼႃႈ။ ဝၼ်းတီႈ 23 – 28 /01/2018 ပႃႇတီႇႁူဝ်သိူဝ် SNLD ဝဵင်းၼမ်ႉၶမ်း ၸတ်းႁဵတ်းပၢင်ၾိုၵ်းလပ်ႉၼမ်ႉ ၵတ်ႉၵူၼ်းၼုမ်ႇ တီႈႁွင်ႈႁဵၼ်း ဝိၼ်းပႃရမီ ပွၵ်ႉလူင် ၸႄႈဝဵင်းၼမ်ႉၶမ်း ၸႄႈတွၼ်ႈမူႇၸေႊ ၸိုင်ႈတႆးပွတ်းႁွင်ႇ မီးၵူၼ်းၼုမ်ႇၶိုၼ်ႈႁဵၼ်းဢဝ် 30 ပၢႆ။ ၼႂ်းပၢင်ၼႆႉပူင်သွၼ်ပၼ် လွင်ႈတူင်ႇဝူင်းၵူၼ်း၊...

ႁူင်းႁဵၼ်းထမ်မ ၵျွင်းၵၢင်မိူင်း ၸတ်းႁဵတ်းပၢင်လူင်းလိုဝ်ႈပၢင်သွၼ်လႄႈ တွၼ်ႈသူး လုၵ်ႈႁဵၼ်းၸိူဝ်းၵတ်ႉၶႅၼ်ႇဢွင်ႇ ပူၼ်ႉၸၼ်ႉ ဢၼ်လႆႈၸတ်းႁဵတ်းမႃး ၶၢဝ်းတၢင်းသၢမ်လိူၼ်ပၢႆ တီႈဝဵင်းမိူင်းသူႈ ၸိုင်ႈတႆးပွတ်းၸၢၼ်း။ ဝၼ်းတီႈ 28/01/2018 ၶၢဝ်းယၢမ်းၵၢင်ၼႂ် မွၵ်ႈ 9 မူင်း ယူႇတီႈၵေႃႉပဵၼ်ႁူဝ်ပဝ်ႈသင်ၶ ႁူင်းႁဵၼ်းထမ်မ ဝဵင်းမိူင်းသူႈ သြႃႇၸဝ်ႈသုၸႃႇလိင်ႇ ဢွၼ်ႁူဝ်ၸတ်းႁဵတ်း ပၢင်လူင်းလိုဝ်ႈ ပၢင်သွၼ်ထမ်မလႄႈ တွၼ်ႈသူးလုၵ်ႈႁဵၼ်း ဢွင်ႇ...

ၵူၼ်းၼုမ်ႇၵေႃတႆး လူင်းပိုၼ်ႉတီႈႁူပ်ႉထူပ်းၵူၼ်းမိူင်း ဢိူင်ႇၼမ်ႉပွင်ႈ တင်း ၼွင်လႅင်(လွႆမေႃႇ)သေ သပ်းလႅင်း ၼႄလွင်ႈၵေႃတႆး၊ လွင်ႈၵူၼ်းမိူင်းလီ၊ လွင်ႈသုၼ်ႇလႆႈသုၼ်ႇပဵၼ်ၵူၼ်းလႄႈ လွင်ႈတီႇမူဝ်ႇၶရေႇသီႇ ၵူၼ်းမိူင်းၶဝ်ႈ ႁူမ်ႈထွမ်ႇငိၼ်း ႁိမ်း 200 ၵေႃႉ ဝႃႈၼႆ။ ဝၼ်းတီႈ 31/01/2018 ယၢမ်းၵၢင်ၼႂ် 10 မူင်းထိုင် 3:30 မူင်း ဝၢႆးဝၼ်း ၵူၼ်းၼုမ်ႇတႆး...

ဢွၼ်ႇၸၢႆးတႆး ဢႃယု 14 ပီ ၵႂႃႇဢႅဝ်ႇလႄႇၸွမ်းဢူၺ်းၵေႃႉသေ တေဢၢၼ်းပွၵ်ႈႁိူၼ်း ၺႃးလူတ်ႉၽႃႇ သႂ်ႇမၼ်းၸၢႆး လႆႈမၢတ်ႇၸဵပ်းႁၢဝ်ႈႁႅင်းသေ လႆႈလူႉတၢႆၵႂႃႇတီႈႁူင်းယႃသူၼ်ၻွၵ်ႇ ဝဵင်းၵဵင်းမႆႇ ၸိုင်ႈထႆး ဝႃႈၼႆ။ ဝၼ်းတီႈ 28/01/2018 ယၢမ်းၵၢင်ၶမ်ႈ 9 မူင်း ဢွၼ်ႇၸၢႆးတႆး ၸိုဝ်ႈႁွင်ႉၸၢႆးဝုတ်ႉ ဢႃယု 14 ပီ ၵႂႃႇဢႅဝ်ႇလႄႇ ၸွမ်း...

ၽူႈယႂ်ႇၵူၼ်းလူင် ၼႂ်းတပ်ႉသိုၵ်း RCSS/SSA တင်း ၵူၼ်းမိူင်း ဢွၼ်ၵၼ်ပႂ်ႉႁပ်ႉတွၼ်ႈ ၸွမ်သိုၵ်းလူင် ယွတ်ႈသိုၵ်း ဢၼ်လႆႈၵႂႃႇႁပ်ႉၸုမ်ႈၶူး M.A တီႈၸၼ်ႉၸွမ်ပထုမ်းထႃးၼီး ၸိုင်ႈထႆးၼၼ်ႉသေ ႁွတ်ႈၽႅဝ်ၶိုၼ်းတီႈငဝ်ႈၸိုင်ႈလွႆ တႆးလႅင်း ၵူၼ်းၼပ်ႉႁူဝ်ႁဵင် ႁူမ်ၸူမ်းႁပ်ႉတွၼ်ႈ။ ဝၼ်းတီႈ 30/01/2018 ယၢမ်းဝၢႆးဝၼ်း 12 မူင်းပၢႆၼၼ်ႉ ၵႅမ်ႁူဝ်ပဝ်ႈၶွင်ႇသီႇဢဝ်ၶိုၼ်းၸိုင်ႈတႆး/ တပ်ႉသိုၵ်းၸိုင်ႈတႆး RCSS/SSA ၸဝ်ႈသိုၵ်း...

ၾၢႆႇတတ်းသိၼ်တြႃး ပိုတ်ႇလုမ်းတႅပ်းတတ်းတြႃးပၼ် ၼႂ်းၸႄႈဝဵင်းႁူဝ်ပူင်း မီးၽူႈယႂ်ႇၵူၼ်းလူင်ၼႂ်းၶႃႈႁၢပ်ႇၵၢၼ် လူင်ပွင်ၸိုင်ႈ မိူင်းတႆးၶဝ်ႈႁူမ်ႈ ပိုတ်ႇပၢင်ၵႂႃႇ ဝႃႈၼႆ။ ပၢင်ၵႅဝ်ႈပိုတ်ႇလုမ်းတႅပ်းတတ်းတြႃးၸတ်းႁဵတ်းတီႈဝဵင်းႁူဝ်ပူင်း ဝၼ်းတီႈ 27/01/2018 ယၢမ်းၵၢင်ၼႂ် 9 မူင်း ၼႂ်းၼႃႈလိၼ်ၽွင်းငမ်းတူဝ်ၵဝ်ႇပဢူဝ်း ၸႄႈတွၼ်ႈတူၼ်ႈတီး ၸိုင်ႈတႆးပွတ်းၸၢၼ်း ၵႅမ်ႁူဝ်ပဝ်ႈ သၽႃးမိူင်းတႆး၊ ၽူႈ တႅပ်းတတ်းတြႃးၼႂ်းသၽႃးမိူင်းတႆး၊ ၽူႈတႅၼ်းသၽႃးၸိူဝ်ႉၸၢတ်ႈ၊ ႁူဝ်ပဝ်ႈၼႃႈလိၼ်ၽွင်းငမ်းတူဝ်ၵဝ်ႇ ပဢူဝ်း လႄႈ...

ၽွင်းတႅၼ်းၵဝ်ႈၵၢင်ႉ(ၵူဝ်းၵၢင်ႉ) တွင်ႈထၢမ်တုၵ်းယွၼ်းတႃႇမၵ်းမၼ်ႈဝၼ်းၸိူဝ်ႉၸၢတ်ႈၵူဝ်းၵၢင်ႉ။ ၽွင်းလူင်ၾၢႆႇ ၸၢဝ်း ၶိူဝ်းဝႃႈ ယူႇတီႈသဵင်ၵၢင်ၸႂ်ၵူၼ်းမိူင်း ၵူၼ်းၸၢဝ်းၶိူဝ်းဢွၼ်ႇၼႂ်းပိုၼ်ႉတီႈ ၽွမ်ႉၸွမ်းၵွၼ်ႇ ၸင်ႇတေမၵ်း မၼ်ႈလႆႈ ဝႃႈၼႆ။ ဝၼ်းတီႈ 29/01/2018 ဢူးၵျေႃႇၼီႇၼၢႆႇ ၽူႈတႅၼ်းသၽႃးၸိူဝ်ႉၸၢတ်ႈ ၵဝ်ႈၵၢင်ႉ(ၵူဝ်းၵၢင်ႉ) ၶဵတ်ႇလိူၵ်ႈတင်ႈ မၢႆ 11 ၼႃႈလိၼ်ၽွင်းငမ်းတူဝ်ၵဝ်ႇၵူဝ်းၵၢင်ႉ တွင်ႈထၢမ် ၼႂ်းပၢင်ၵုမ်သၽႃးၸိူဝ်ႉၸၢတ်ႈ တီႈၼေႇပျီႇတေႃႇဝႃႈ ဝၼ်းၸိူဝ်ႉ ၸၢတ်ႈၵဝ်ႈၵၢင်ႉၼႆႉ...

ၵေႃႁူမ်ႈသၢင်ႈၵူၼ်းၼုမ်ႇတႆး TYN ၸတ်းႁဵတ်းပၢင်ၵုမ် ၸုမ်းပွင်ၵၢၼ်သေၽႅၼ်ၵၢၼ်ႁဵတ်းသၢင်ႈ ၵၢၼ်ငၢၼ်း ၵႂႃႇမိူဝ်းၼႃႈ တီႈဝဵင်းလႃႈသဵဝ်ႈ။ ဝၼ်းတီႈ 23-25/01/2018 ၵေႃႁူမ်ႈသၢင်ႈၵူၼ်းၼုမ်ႇတႆး TYN ၸတ်းႁဵတ်းပၢင်ၵုမ်တီႈလုမ်း တပ်ႉသိုၵ်းၵူၼ်းမိူင်းသႅင်ၵႅဝ်ႉ ဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ ။ ၸုမ်းပွင်ၵၢၼ်ငဝ်ႈငုၼ်းၸုပ်ႈ 3 ႁူမ်ႈၵၼ်တမ်းဝၢင်းၽႅၼ်ၵၢၼ် မိူဝ်းၼႃႈ ၵူၼ်းၼုမ်ႇၼႂ်းမိူင်းတႆးလႄႈတၢင်ႇၸႄႈမိူင်း ၶဝ်ႈႁူမ်ႈၸမ် 30 ၵေႃႉ။ ၼႂ်းပၢင်ၼႆႉ ဢုပ်ႇဢူဝ်းၵၼ်လၢႆလွင်ႈ...

ၸုမ်းတူင်ႉၼိုင်တူင်ႇဝူင်းတႆး လၢႆမူႇၸုမ်း ႁူမ်ႈၵၼ် ၵႂႃႇပႂ်ႉႁပ်ႉတွၼ်ႈ ၼၢင်းမူၺ်ၶမ်း ၼၢင်းငၢမ်း ၼမ်ႉၶမ်း တီႈၵႂၢင်း ႁိူဝ်းမိၼ် တႃႈၵုင်ႈ မီးပီႈၼွင်ႉၵႂႃႇႁူမ်ၸူမ်းႁပ်ႉတွၼ်ႈ တင်းၼမ်လၢႆ။ ဝၼ်းတီႈ 25/01/2018 ယၢမ်းဝၢႆးဝၼ်း မွၵ်ႈ 3 မူင်းၼၼ်ႉ ၵေႃလိၵ်ႈလၢႆးလႄႈၾိင်ႈငႄႈတႆး တႃႈၵုင်ႈ၊ ၸုမ်းၵူၼ်း ၼုမ်ႇတႆး SYO ႁူမ်ႈလူၺ်ႈ ဢူၺ်းၵေႃႉဢူၺ်းသေႈ...

ၾၢႆႇၽွင်းငမ်းၸႄႈဝဵင်းၵဵင်းတုင် မၵ်းမၢႆတၢတ်ႇ 7 ၸၼ်ႉ ဢိူင်ႇၵၢတ်ႇထၢႆႈ ပဵၼ်သူၼ်တွင်ႈတဵဝ်းဢႅဝ်ႇယဵၼ်ၼႆသေ ၸတ်းႁဵတ်းပၢင်ပွႆးပိုတ်ႇပၢင်ၵႂႃႇ မိူဝ်ႈဝၼ်းဢင်းၵၢၼ်းပူၼ်ႉမႃးၼႆႉ။ ဝၼ်းတီႈ 23/01/2018 ယၢမ်းၵၢင်ၼႂ် ပီႈၼွင်ႉၵူၼ်းမိူင်းၼႂ်းပိုၼ်ႉတီႈ ဢိၵ်ႇပႃး ႁွင်ႈၵၢၼ်ၾၢႆႇလူင်ပွင်ၸိုင်ႈမၢၼ်ႈ ၼႂ်းၸႄႈဝဵင်းၵဵင်းတုင် ႁူမ်ႈၵၼ်သေ ပိုတ်ႇပၢင်။ ၼမ်ႉတူၵ်းတၢတ်ႇ 7 ၸၼ်ႉၼႆႉမီး ႁိမ်းဝၢၼ်ႈႁူဝ်ယၢင်း ဢိူင်ႇၵၢတ်ႇထၢႆႈ ၸႄႈဝဵင်းၵဵင်းတုင် ၸိုင်ႈတႆးပွတ်းဢွၵ်ႇ ဝႃႈၼႆ။ ၵူၼ်းၼႂ်းပိုၼ်ႉတီႈ...

လုမ်းပၢႆးမၢၵ်ႈမီး RCSS/SSA ၶၢႆႉလၢႆႈပိုတ်ႇတီႈမႂ်ႇ ၼႂ်းၸႄႈဝဵင်းမူႇၸေႊ မီးၵူၼ်းမိူင်းၼႂ်းပိုၼ်ႉတီႈလႄႈ ပႃႇတီႇ ၵၢၼ်မိူင်းၶဝ်ႈႁူမ်ႈ တင်းၼမ်လၢႆ။ ဝၼ်းတီႈ 25/01/2018 ၸဝ်ႈႁၢၼ်ဢွင်ႇၵႅၼ်ႇမိူင်း ဢွၼ်ႁူဝ်သေ ၶၢႆႉလၢႆႈပိုတ်ႇလုမ်းပၢႆးမၢၵ်ႈမီး ၶွင်ႇသီႇဢဝ်ၶိုၼ်း ၸိုင်ႈတႆး/ တပ်ႉသိုၵ်းၸိုင်ႈတႆး RCSS/SSA တီႈမႂ်ႇ ၼႂ်းပွၵ်ႉၾၢႆႇၵၢတ်ႇ ၵွင်းၼၢမ်ႇသႃႇ ၸႄႈဝဵင်းမူႇၸေႊ ၸိုင်ႈတႆး ပွတ်းႁွင်ႇ ဝႃႈၼႆ။ ၸဝ်ႈႁၢၼ်ဢွင်ႇၵႅၼ်ႇမိူင်း ဢၼ်တူၵ်းပုၼ်ႈၽွၼ်းၵႂႃႇၼင်ႈလုမ်း...