ၸဝ်ႈၶူးဝႃးဝုၼ်းၸုမ်ႉ ယေႃးတူဝ်ၶိုင်သၢင်ႈၵၢၼ်သႃသၼႃ ၼႂ်းၸိုင်ႈတႆးပွတ်းၸၢၼ်း၊ ပွတ်းဢွၵ်ႇ လၢႆတီႈလၢႆၸႄႈ ဝဵင်း ၵူၼ်းဝၢၼ်ႈ ၵူၼ်းမိူင်း ၼပ်ႉႁူဝ်ပၢၵ်ႇပႂ်ႉႁပ်ႉတွၼ်ႈၸဝ်ႈ။
ဝၼ်းတီႈ 30/05/2018 ၸဝ်ႈၶူးဝႃးဝုၼ်းၸုမ်ႉ ယေႃးတူဝ်ၶိုင်ပွင် ၵၢၼ်သႃသၼႃ ၼႂ်းၸႄႈဝဵင်းမိူင်းပၼ်ႇ ၸႄႈတွၼ်ႈလၢင်းၶိူဝ်း ၸိုင်ႈတႆးပွတ်းၸၢၼ်း။ ၶၢဝ်းယၢမ်းၵၢင်ၶမ်ႈ 9 မူင်းႁွတ်ႈၽႅဝ်တီႈ ၵွင်းမူးမူၺ်ႇတေႃႇ မိူင်းပၼ်ႇသေ ၶၢဝ်းယၢမ်း 10:00 -12:30 မူင်း မဵတ်ႉတႃႇႁေႃးတြႃး ပၼ်ၽီသၢင်သတ်းၵူၼ်း၊ ၶၢဝ်းယၢမ်းၵၢင်ၼႂ် ဝၼ်းတီႈ 31 ယေႃးတူဝ်ၵႂႃႇတီႈဝတ်ႉလွႆၼွႆႉ သင်ၶၸဝ်ႈဢွၼ်ၵၼ်ၵၼ်ႇတေႃး မၼ်းၸဝ်ႈ ၶၢဝ်းယၢမ်း 7 – 8 မူင်း ပၢႆၵႂႃႇၼင်ႈၽႃဝၼႃတီႈၼွင်ၼၢင်းယေႈသႅင်ၵေႃႇ ။
ၸၢႆးၶိူဝ်းတႆး ၵူၼ်းမိူင်းပၼ်ႇ လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ – “ ဢၼ်ၸဝ်ႈၶူးဝႃး ယေႃးတူဝ်မႃးတီႈမိူင်းႁဝ်း ၼႆႉ ပဵၼ်ဢၼ်ၸူမ်းသိူဝ်းတႄႉၶႃႈဢေႃႈ ဝၢႆးသေမၼ်းၸဝ်ႈၼင်ႈၽႃဝၼႃ တီႈၼွင်ၼၢင်းယေႈသႅင်ၵေႃႇယဝ်ႉ မၼ်းၸဝ်ႈလၢတ်ႈဝႃႈ တႄႇဢဝ်ၼႆႉၵႂႃႇ မိူင်းပၼ်ႇတေၶိုၼ်ႈ ယႂ်ႇမႂ်ႇသုင် ႁဵတ်းသင်ၵေႃႈတေတေႃႇ ၵေႃႇသင်ၵေႃႈတေမၢၼ် ၵၢၼ်ၵႃႉၶၢႆတေလီ ၵူၼ်းမိူင်းတေလႆႈ ယူႇၵတ်းယဵၼ် ” ဝႃႈၼႆ။
ၶၢဝ်းတၢင်းၸဝ်ႈၶူးဝႃးဝုၼ်းၸုမ်ႉၼႆႉ ၵွၼ်ႇတေမႃးမိူင်းပၼ်ႇ လႆႈယေႃးတူဝ်ၵႂႃႇတီႈလၢင်းၶိူဝ်း၊ ဝၢႆးသေယဝ်ႉတီႈမိူင်းပၼ်ႇယဝ်ႉ ယေႃတူဝ်ၵႂႃႇတီႈ ၊ မိူင်းတူၼ်၊ ပုင်ႇပႃႇၶႅမ် ၊ ၵႂႃႇတီႈၵွင်းမူးၸဝ်ႈၼရေးသူၼ် တီႈမိူင်းႁၢင် လႆႈႁူႉဝႃႈတေၶိုၼ်းမႄးၵုမ်းလုမ်းလႃး ၵွင်းမူးၸဝ်ႈၼရေးသူၼ် ၼႆယဝ်ႉ။
Photo: Sai Da
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ