Thursday, April 18, 2024

တပ်ႉသိုၵ်း 248 မိူင်းၼၢႆးယိုတ်းႁႆႈၵူၼ်းမိူင်း တဵၵ်းႁႂ်ႈၸဝ်ႈႁႆႈလူင်းလၢႆးမိုဝ်း

Must read

သိုၵ်းလူင်ပွင်ၸိုင်ႈ 248 မိူင်းၼၢႆးတဵၵ်းၸႂ်ႉႁႂ်ႈၵူၼ်းမိူင်း လူင်းလၢႆးမိုဝ်းပၼ်ဝႃႈႁႆႈ100 ဢေႊၶိူဝ်ႊပၢႆ ႁိမ်းတၢင်းၵႃး ၼၼ်ႉ ပဵၼ်လိၼ်တပ်ႉသိုၵ်း ၵူၼ်းမိူင်းလႆႈပဵၼ်ၼမ်ႉႁူၼမ်ႉတႃ။

- Subscription -

 

ဝၼ်းတီႈ 08/06/2018 မိူဝ်ႈၽုၵ်ႈၼႆႉ သိုၵ်းလူင်ပွင်ၸိုင်ႈ တပ်ႉ 248 ဝႃႈတေလူင်းပိုၼ်ႉတီႈ ၵူတ်ႇထတ်းတီႈလိၼ် ႁႆႈၶဝ်ႈၵၢပ်ႇၶွင်ၵူၼ်းဝၢၼ်ႈၼမ်ႉမေႃႇသူမ်ႈ – မိူင်းၼၢႆးၼၼ်ႉသေ တေႁႂ်ႈၸဝ်ႈသူၼ် လူင်းလၢႆးမိုဝ်းပၼ်ဝႃႈ ပဵၼ်ၶွင်တပ်ႉၼႆလႄႈ ၵူၼ်းမိူင်းမႆႈၸႂ် တေဢမ်ႇမီးတီႈလိၼ်ၽုၵ်ႇသွမ်ႈ ဢွၼ်ၵၼ်ၵႂႃႇတၢင်ႇထိုင်ၽူႈတႅၼ်းသၽႃး ၶဵတ်ႇလိူၵ်ႈတင်ႈမၢႆ 2 ဢိၵ်ႇၾၢႆႇၽွင်းငမ်းႁႂ်ႈၸွႆႈထႅမ်ၵႄႈလိတ်ႈပၼ် ဝႃႈၼႆ။

ၸၢႆးၸၢႆး ၸဝ်ႈသူၼ်လၢတ်ႈဝႃႈ – “ တီႈလိၼ်ၸိူဝ်းၼႆႉ ပဵၼ်လိၼ်သူၼ်ဢၼ်ႁဝ်းၶႃႈၵူၼ်းမိူင်း ႁဵတ်းႁႃၵိၼ်မႃးပီယၢဝ်းၶၢဝ်းႁိုင် ပေႃးဝႃႈၶဝ်ယိုတ်းတီႈလိၼ်ၼႆႉၵႂႃႇၸိုင် ႁဝ်းၶႃႈၵူၼ်းမိူင်း ဢမ်ႇၸၢင်ႈႁဵတ်းႁႃၵိၼ်သင်ယဝ်ႉ ၵွပ်ႈ ၼၼ်လႄႈ ယွၼ်းႁႂ်ႈၽူႈတႅၼ်းသၽႃး ၾၢႆႇၽွင်းငမ်း ဢိၵ်ႇၸဝ်ႈၼႃႈတီႈၽူႈမီးပုၼ်ႈၽွၼ်း ၸွႆႈထႅမ်ပၼ်ႁဝ်းၶႃႈယႂ်ႇၼမ်သေၵမ်း ၊ ပဵၼ်ႁိုဝ်ပဵၼ်ႁဝ်းၶႃႈတႄႉ တိုၼ်းတေဢမ်ႇလူင်းလၢႆးမိုဝ်းပၼ်လႃးလႃး ” ဝႃႈၼႆ။

တီႈလိၼ်ဢၼ်တပ်ႉသိုၵ်း မီးၽႅၼ်ၵၢၼ် တေယိုတ်းၼႆႉ မိူၼ်ၼင်ႇသွင်ၽၢၵ်ႇၶၢင်ႈတၢင်း ယၢဝ်းမွၵ်ႈ ၶိုင်ႈလၵ်း   တၢင်းၵႂၢင်ႈမွၵ်ႈ 100 ဢေႊၶိူဝ်ႊ၊ ပဵၼ်သူၼ်ၵူၼ်းဝၢၼ်ႈ ၼမ်ႉမေႃႇသူမ်ႈလႄႈ ဝၢၼ်ႈသူၼ်မယၢၼ်းၸိူဝ်းၼႆႉ။ မိူဝ်ႈ ၽွင်းပီ 1992 – 1993 ၼၼ်ႉၵေႃႈ သိုၵ်းလူင်ပွင်ၸိုင်ႈ ယိုတ်းဢဝ်သူၼ်ႁႆႈၵူၼ်းမိူင်းဝႆႉ900 ဢေႊၶိူဝ်ႊပၢႆ ပဵၼ်သူၼ်ႁႆႈၼႂ်းဢိူင်ႇၵုၼ်ၼႃး၊ ဢိူင်ႇလွႆၶဵဝ် ၸိူဝ်းၼႆႉ။

ၵဵဝ်ႇၵပ်းလူၺ်ႈလွင်ႈၼႆႉ ၽူႈတႅၼ်းသၽႃးၸႄႈမိူင်း ၸၢႆးမွၼ်းလိူၼ်လၢတ်ႈဝႃႈ “ ထုၵ်ႇလီမီးပၢင်ၵုမ် ၸဝ်ႈႁႆႈၸဝ်ႈ ၼႃး၊ ဢၼ်ပႃး ၵူၼ်းမိူင်း ၽူႈတႅၼ်း၊ ၾၢႆႇၵွၼ်းၵူႈႁွင်ႈၵၢၼ်ၼႂ်းၸႄႈဝဵင်းလႄႈ ၼႂ်းတပ်ႉဢၼ်ၸၢင်ႈတႅပ်းတတ်းလႆႈသေ ဢုပ်ႇၵုမ်တႅပ်းတတ်းၵွၼ်ႇ ၸင်ႇတေမီးၶေႃႈတွပ်ႇ ဢၼ်ထုၵ်ႇလီပဵၼ်မႃး ”ဝႃႈၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း