ၾႆးမႆႈႁၢၼ်ႉၶၢႆၶူဝ်း ၼႂ်းၵၢတ်ႇမိူင်းၵူဝ်း ၸႄႈဝဵင်းမူႇၸေႊ၊ ၶၼ်ငိုၼ်းသုမ်းၵႂႃႇၸွမ်းၾႆးၼပ်ႉႁူဝ်လၢၼ်ႉ။
ဝၼ်းတီႈ 06/06/2018 ယၢမ်းၵၢင်ၶိုၼ်း 11:30 မူင်း ၾႆးမႆႈႁၢၼ်ႉၶၢႆၶူဝ်း ၼႂ်းၵၢတ်ႇဝဵင်းမိူင်းၵူဝ်း ၸႄႈတွၼ်ႈမူႇၸေႊ ၸိုင်ႈတႆးပွတ်းႁွင်ႇ တင်းမူတ်း ၺႃးၾႆးမႆႈ 15 ႁွင်ႈ၊ ၵမ်ႈၽွင်ႈၵေႃႈလၢတ်ႈဝႃႈ ဢၼ်ၾႆးမႆႈၼႆႉ ပဵၼ်ယွၼ်ႉသၢႆၾႆး ဢၼ်သိုပ်ႇၵႂႃႇၸူးႁွင်ႈၶၢႆၶူဝ်း ႁွင်ႈ ၼိုင်ႈလႄႈ ႁွင်ႈၼိုင်ႈၼၼ်ႉ သျွတ်ႊသေ ၾႆးလႆႈမႆႈ ဝႃႈၼႆ။
ၵူၼ်းယူႇႁိမ်းၵၢတ်ႇ မိူင်းၵူဝ်းၵေႃႉၼိုင်ႈ လၢတ်ႈဝႃႈ “ ၾႆးမႆႈႁၢၼ်ႉၶၢႆၶူဝ်း တင်းမူတ်း 15 ႁၢၼ်ႉ၊ ၼိုင်ႈႁၢၼ်ႉလႂ် ပႃးၵႂႃႇၸွမ်းၾႆးၵႃႈၶၼ်ငိုၼ်း ဢမ်ႇယွမ်း 3 သႅၼ်၊ ႁူမ်ႈၵၼ်တင်းမူတ်းသုမ်းၸွမ်းၾႆးဢမ်ႇယွမ်း 45 သႅၼ်(ပျႃး)။ ၵဵဝ်ႇၵပ်းၾႆးမႆႈၼႆႉ ယွၼ်ႉသၢႆၾႆးၾႃႉၵွင်ႉၵႂႃႇ ႁွင်ႈၼိုင်ႈလႄႈ ႁွင်ႈၼိုင်ႈ၊ လႆႈပဵၼ်ၾႆးၾႃႉသျွတ်ႊၾႆးၵေႃႈမႆႈ ၵႂႃႇၸွမ်း ၵၼ်” ဝႃႈၼႆ။
ၵဵဝ်ႇၵပ်းလွင်ႈၼႆႉ ယူႇတီႈၾၢႆႇပလိၵ်ႈၶႄၾႆး ၼႂ်းဝဵင်းမိူင်းၵူဝ်း လႆႈဢဝ်ၵႃးႁူတ်းၼမ်ႉသေ မႃးၸွႆႈၵၼ်ႁူတ်း 1 ၸူဝ်ႈမူင်းသေမွတ်ႇၵႂႃႇ ဝႃႈၼႆ။
ၶေႃႈမုလ်း – Myanmar Digital News
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ