ၾၢႆႇၽွင်းငမ်းၵူႈလွင်ႈလွင်ႈဝဵင်းၼမ်ႉၸၢင် ၶၢၼ်းႁေႃႇၶဝ်ႈၵူၼ်းမိူင်း ဝႃႈတႃႇလဵင်ႉၸုမ်းၵျႃးၽႅၼ်ႉ ၸိူဝ်းၺႃးတီႉၸိူဝ်းၼၼ်ႉ ၼႆသေ    ၽိူဝ်ႇလႆႈႁေႃႇၶဝ်မႃး သမ်ႉၶိုၼ်းၶၢႆၵိၼ်။   ဝၼ်းတီႈ 22/3/2025 သိုၵ်းမၢၼ်ႈတီႉၵူၼ်းၵျႃးၽႅၼ်ႉ ၼႂ်းဢိူင်ႇလၢႆးၶႃႈ ၊ ၵေးသီး ၊ ၼမ်ႉၸၢင်  ၊ ၶူဝ်လမ် လၢႆလၢႆဝဵင်း ၼႂ်းၸိုင်ႈတႆး ပွတ်းၸၢၼ်းသေ ဢဝ်မႃးဝႆႉတီႈ ႁူင်းလဵၼ်ႈဢဵၼ်ႁႅင်း ပွၵ်ႉ 5 ဝဵင်းၼမ်ႉၸၢင်   ...

သိုၵ်းမၢၼ်ႈတီႉၵူၼ်းၵျႃးၽႅၼ်ႉ ၼႂ်းဢိူင်ႇလၢႆးၶႃႈ ၊ ၵေးသီး ၊ ၼမ်ႉၸၢင်  ၊ ၶူဝ်လမ် လၢႆလၢႆဝဵင်း ၼႂ်းၸိုင်ႈတႆး ပွတ်းၸၢၼ်သေ ဢဝ်မႃးဝႆႉတီႈဝဵင်းၼမ်ႉၸၢင် ႁူဝ်ၵူၼ်းမီး 723 ၵေႃႉ ၶၢၼ်းၵူၼ်းမိူင်းသူင်ႇ လဵင်ႉၶဝ်ႈၼမ်ႉတၢင်းၵိၼ် ဝႃႈၼႆ။   ဝၼ်းတီႈ 22/3/2025 သိုၵ်းမၢၼ်ႈ ဢဝ်ၵူၼ်းၵျႃးၽႅၼ်ႉဢၼ်ၺႃးတီႉၸိူဝ်းၼၼ်ႉမႃးဝႆႉတီႈ ႁူင်းလဵၼ်ႈဢဵၼ်ႁႅင်း ပွၵ်ႉ...

ၾႆးမႆႈႁိူၼ်းယေး ၵူၼ်းဝၢၼ်ႈႁူးသူၼ် ၸႄႈဝဵင်းၵျွၵ်ႉမႄး တင်းမူတ်း 13 လင် ၶူဝ်းႁိူၼ်းယေး ဢမ်ႇတၼ်းလႆႈသင် မီးလွင်ႈလူႉယႂ်ႇသုမ်းၼမ် လွင်ႈၵူၼ်းလူႉတၢႆမၢတ်ႇၸဵပ်းတႄႉ ဢမ်ႇမီး။ ပူၼ်ႉမႃး ဝၼ်းတီႈ 19/03/2025 ယၢမ်းဝၢႆးဝၼ်း 2 မူင်းၶိုင်ႈ ၾႆးမႆႉႁိူၼ်းယေး ၵူၼ်းဝၢၼ်ႈႁူးသူၼ် ၼႂ်းၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ ယွၼ်ႉၾႆးၽိုၼ်းဢၼ်ၵိုတ်းဝႆႉ တီႈမုၵ်ႉ ၾႆးပႆႇမွတ်ႇလႄႈ လၢမ်းမႆႈႁိူၼ်းယေး...

မီးၸုမ်းဢမ်ႇႁူႉၾၢႆႇ ၸုမ်းၼိုင်ႈ တီႉၺွပ်းဢဝ် ၽူႈယိင်းၵေႃႉၼိုင်ႈ ၶိုၼ်ႈၵႃးၵႂႃႇ ၽွင်းတိုၵ်ႉႁေႃႈရူတ်ႉၶိူင်ႈမႃး ဝႃႈၼႆ။ ဝၼ်းတီႈ 24/03/2025 ယၢမ်းၵၢင်ၼႂ်မွၵ်ႈ 10 မူင်း မီးၸုမ်းဢမ်ႇႁူႉၾၢႆႇ ၸုမ်းၼိုင်ႈ ၶီႇၵႃးသႅၼ်း Crown လမ်းၼိုင်ႈ မႃးၵိုတ်းႁႄႉ လၢၵ်ႈဢဝ်တူဝ်ၼၢင်းယိင်း ၵေႃႉၼိုင်ႈ ၶိုၼ်ႈၵႃးၵႂႃႇ ၽွင်းတိုၵ်ႉႁေႃႈရူတ်ႉၶိူင်ႈမႃး တီႈၼႂ်းပွၵ်ႉၵွင်းမူးလွႆ ဝဵင်းမူႇၸေႊ ၸိုင်ႈတႆးပွတ်းႁွင်ႇ...

SSPP ၵူတ်ႇထတ်း တီႉၺွပ်းလႆႈ ၸုမ်းၵျႃးၽႅၼ်ႉ ၼႂ်းၸႄႈဝဵင်းမိူင်းသူႈလႄႈ ၵေးသီး ယဝ်ႉၵေႃႈ ၶိူင်ႈၸၢၵ်ႈ ဢၼ်ၸႂ်ႉၸွမ်းၼႂ်းၵၢၼ်ငၢၼ်း ၸိူဝ်းၼႆႉထႅင်ႈ တင်းၼမ်လၢႆ။ ဝၼ်းတီႈ 23/03/2025 ယၢမ်းၵၢင်ၼႂ်ၸဝ်ႉ ယူႇတီႈ ပႃႇတီႇမႂ်ႇသုင်ၸိုင်ႈတႆး/ တပ်ႉသိုၵ်းၸိုင်ႈတႆး SSPP/ SSA တီႉၺွပ်းလႆႈ ၸုမ်းၵျႃးၽႅၼ်ႉ တၢင်းၾၢႆႇႁွင်ႇ - ၾၢႆႇၸၢၼ်း ၼႂ်းၸႄႈဝဵင်းမိူင်းသူႈလႄႈ...

လူင်ပွင်ၸိုင်ႈ မိူင်းထႆး မိူင်းမၢၼ်ႈ မိူင်းၶႄႇ ဢိၵ်ႇလၢႆလၢႆၸိုင်ႈမိူင်း ႁူမ်ႈၵၼ်သေ ႁဵတ်းၵၢၼ်ၵႂၢတ်ႇလၢင်ႉ ၵူၼ်းႁဵတ်းၵၢၼ်ၵျႃးၽႅၼ်ႉ(ႁိုဝ်) ၵူၼ်းႁဵတ်းၵၢၼ်လွၵ်ႇလႅၼ်ၵိၼ်ငိုၼ်းတၢင်း ဢွၼ်ႊလၢႆႊ ၸွမ်းလႅၼ်လိၼ် ၸိူဝ်းတိတ်းၸပ်းၵၼ်ၼၼ်ႉယူႇသေတႃႉ ႁၢၼ်ႉတေႃႇယၢမ်းလဵဝ် ယင်းပႆႇႁၢႆမူတ်း ၼႆယဝ်ႉ။ ၼႂ်းမိူင်းမၢၼ်ႈၼႆႉ ၵူၼ်းၸိူဝ်း တိုၵ်ႉသိုပ်ႇႁဵတ်းၵၢၼ်ၵျႃးၽႅၼ်ႉၼႆႉ ယင်းတိုၵ်ႉမီးမွၵ်ႈၼိုင်ႈသႅၼ်ၵေႃႉ ယူႇ ၼႆ ၸဝ်ႈၼႃႈတီႈ ၸၼ်ႉသုင် ၼႂ်းႁွင်ႈၵၢၼ်ပလိၵ်ႈ ၾၢႆႇမိူင်းထႆးၵေႃႉၼိုင်ႈ...

ၶၢဝ်းတၢင်း 3 လိူၼ်မႃးၼႆႉ သိုၵ်းၵဝ်ႈၵၢင်ႉ MNDAA ပၼ်ၶႂၢင်ႉပိုတ်ႇပၢင်တေႃႇလွင်းမႃး ၸွမ်းၼႂ်းပွႆးလၢမ်း တီႈဝဵင်းလႃႈသဵဝ်ႈ ဢမ်ႇယွမ်း 5 တီႈယဝ်ႉ ႁဵတ်းႁႂ်ႈၵူၼ်းမိူင်းမႆႈၸႂ် ဢမ်ႇမီးလွင်ႈႁူမ်ႇလူမ်ႈ။ တႄႇဢဝ် ဝၼ်းတီႈ 14/03/2025 ၼႆႉမႃး သိုၵ်းၵဝ်ႈၵၢင်ႉ ၼႄၶေႃႈဢၢင်ႈဝႃႈ ၸတ်းႁဵတ်းပွႆးပၢင်ၽြႃး (စွယ်တော်) တီႈဝတ်ႉယၢၼ်ႇတၢႆးဢွင်ႇ ပွၵ်ႉ 1 ဝဵင်းလႃႈသဵဝ်ႈ...

မိူဝ်ႈဝၼ်းတီႈ 15/03/2025 ယၢမ်းၵၢင်ဝၼ်းမွၵ်ႈ 12 မူင်း ၵူၼ်းသိုၵ်းၵဝ်ႈၵၢင်ႉ ၵေႃႉၼိုင်ႈ လၢမ်းလိမ်း ယိုဝ်းၵွင်ႈႁၢတ်ႇသႂ်ႇ ၼိူဝ်သဵၼ်ႈတၢင်းလူင် တီႈဝၢၼ်ႈၼမ်ႉႁူး ဢိူင်ႇၼမ်ႉတူၼ်း ၼၼ်ႉလႄႈ မၢၵ်ႇၵွင်ႈတိူဝ်ႉၺႃး ၵူၼ်းမိူင်းၵေႃႉၼိုင်ႈ ဢၼ်တိုၵ်ႉလတ်းမႃးၼိူဝ်သဵၼ်ႈတၢင်း ၼႂ်းၵႄႈဝဵင်းလႃႈသဵဝ်ႈ - သႅၼ်ဝီ ၸိုင်ႈတႆးပွတ်းႁွင်ႇ။ ပိူင်ပဵၼ်မၼ်းတႄႉ ၵူၼ်းသိုၵ်းၵဝ်ႈၵၢင်ႉၵေႃႉၼၼ်ႉ ႁႄႉရူတ်ႉၵႃးသေ ရူတ်ႉဢမ်ႇၵိုတ်းပၼ်လႄႈ ဢဝ်ၵွင်ႈယိုဝ်းသႂ်ႇ...

ဝၼ်းတီႈ 17/3/2025  ယၢမ်းၵၢင်ၼႂ်ၸဝ်ႉ 1 မူင်းၶိုင်ႈ လုၵ်ႈၸၢႆးပေႃႉထုပ်ႉ ၵေႃႉပဵၼ်ပေႃႈ ထိုင်တၢႆ  တီႈ ဝၢၼ်ႈမၢႆ  6    တီႈၼႂ်းၸႄႈဝဵင်းၼမ်ႉၸၢင် ၸိုင်ႈတႆးပွတ်းၸၢၼ်း ။ တဵင်ႈၶိုၼ်းလိုၵ်းၸၢႆႉ ယၢမ်းၵၢင်ၼႂ်ၸဝ်ႉ   မွင်ႇၽဵဝ်းမိၼ်းသူဝ်း (မောင်ဖြိုးမင်းစိုး ) ဢႃယု 25 ပီ လူးယႃႈ သေ ပေႃႈထုပ်ႉၵေႃႉပဵၼ်ပေႃႈမၼ်းၸၢႆး...

သိုၵ်းဝႃႉ UWSA တီႉၺွပ်းလႆႈရူတ်ႉတေႃႉၶိူင်ႈၶူဝ်း ၶွင်ၸုမ်းၵျႃးၽႅၼ်ႉ ဢၼ်လုၵ်ႉတၢင်းဝဵင်းႁူဝ်ပၢင်ႇ တေမုင်ႈၼႃႈၵႂႃႇတၢင်း ၼႃႈတီႈၵုမ်းၵမ် တပ်ႉသိုၵ်းၵဝ်ႈၵၢင်ႉ MNDAA ဝႃႈၼႆ။ ပူၼ်ႉမႃး ႁူဝ်လိူၼ်မၢတ်ႊၶျ်ၼႆႉ ၽူႈမီးပုၼ်ႈၽွၼ်းၾၢႆႇတပ်ႉသိုၵ်းဝႃႉ ဢၼ်ပႂ်ႉၵူတ်ႇထတ်းတီႈၶူဝ်ၽႅၼ် (ဖောင်ဆိပ်တံတား) ယၢၼ်ၵႆၵၼ်တင်း ဝဵင်းႁူဝ်ပၢင်ႇ မွၵ်ႈ 2 လၵ်းပၢႆၼၼ်ႉ တီႉၺွပ်းလႆႈ ၾူၼ်းၶိူင်ႈၸႂ်ႉတိုဝ်း ၼႂ်းၵၢၼ်ၵျႃးၽႅၼ်ႉ တႃႇရူတ်ႉၼိုင်ႈလမ်း တီႈၸႄႈဝဵင်းႁူဝ်ပၢင်ႇ...

မိူဝ်ႈဝၼ်းတီႈ 15/03/2025 ယၢမ်းၵၢင်ၼႂ်မွၵ်ႈ 11 မူင်း ၾႆးမႆႈႁိူၼ်းၵူၼ်းဝၢၼ်ႈ လင်ၼိုင်ႈ တီႈပွၵ်ႉၵၢတ်ႇ လူင် ဝဵင်းႁူဝ်ပၢင်ႇ ၸိုင်ႈတႆးပွတ်းႁွင်ႇ ၼႂ်းၼႃႈလိၼ်တပ်ႉသိုၵ်းၽွမ်ႉႁူမ်ႈၸၢဝ်းၶိူဝ်းဝႃႉ UWSA ၵုမ်းၵမ် ဝႆႉၼၼ်ႉ ႁိုင်ၶိုင်ႈၸူဝ်ႈမူင်းပၢႆ။ ၽွင်းၾႆးမႆႈၼၼ်ႉ ၼၢင်းယိင်း ဢႃယု 40 ပၢႆၵေႃႉၼိုင်ႈလႄႈ ၵူၼ်းႁိမ်းႁိူၼ်းၼၼ်ႉ ၵေႃႉၼိုင်ႈ ပဵၼ်လူမ်း ၵႂႃႇသေ...

ဝၢႆးသိုၵ်းမၢၼ်ႈ ၵုမ်းၶိုၼ်းဝဵင်းသီႇသႅင်ႇယဝ်ႉ ပၼ်ၶႂၢင်ႉၵူၼ်းမိူင်း ပိုတ်ႇပၢင်တေႃႇလွင်းမႃး ႁဵတ်းႁႂ်ႈၽူႈလၵ်ႉၸၵ်ႉၶုတ်ႈ လိူင်ႇၼမ်သေဢမ်ႇၵႃး ယၢမ်းလဵဝ် ၵူၼ်းပိုၼ်ႉတီႈမႆႈၸႂ် ဢမ်ႇမီးလွင်ႈႁူမ်ႇလူမ်ႈ။ တႄႇဢဝ်လိူၼ်ၵျႅၼ်ႊၼိဝ်ႊရီႊ 2025 ၼၼ်ႉမႃး တေႃႇထိုင်ယၢမ်းလဵဝ် ၸွမ်းၼႂ်းပွၵ်ႉၼႂ်းယွမ်ႇ ၼႂ်းဝဵင်းသီႇသႅင်ႇ ၸႄႈတွၼ်ႈတူၼ်ႈတီး ၸိုင်ႈတႆးပွတ်းၸၢၼ်းၼႆႉ သိုၵ်းမၢၼ်ႈ ယိုတ်းမိူင်း ပၼ်ၶႂၢင်ႉပိုတ်ႇပၢင်တေႃႇလွင်းမႃး လႆႈထၢင်ႇႁၢင်ႈ ၼႆယဝ်ႉ။ ၵူၼ်းပိုၼ်ႉတီႈ ဝဵင်းသီႇသႅင်ႇ လၢတ်ႈတီႈၽူႈတွႆႇႁွၵ်ႈဝႃႈ -...

  ဝၼ်းတီႈ 14/3/2025 ယၢမ်းၵၢင်ၼႂ် 8 မူင်း ရူတ်ႉတင်းၵႃး ၽႃႇၵၼ် တီႈပွၵ်ႉ 6 ၊ တင်းၼႃႈပၢမ်ႉၼမ်ႉမၼ်း မူဝ်းသၢၼ်း ( မိုးဆန်း ) ဝဵင်းတၢင်ႉယၢၼ်းၼၢင်းယိင်းၵေႃႉၼိုင်ႈမၢတ်ႇၸဵပ်း  လုၵ်ႈဢွၼ်လဵၵ်ႉ 2 ၵေႃႉ တၢႆထင်တီႈ  ။ ၽူႈမီးပုၼ်ႈၽွၼ်းႁွင်ႈၵၢၼ်ၾၢႆႇၶႄႇၾႆးလၢတ်ႈၽူႈတွႆႇႁွၵ်ႈဝႃႈ -“ရူတ်ႉတင်းၵႃး ၽႃႇၺႃးၵၼ်  ၊...

ၵူၼ်းမိူင်းၼႂ်းထုင်ႉမိူင်းပႃး သွင်ၵေႃႉ ၼႂ်းၸႄႈဝဵင်းသႅၼ်ဝီ ၺႃးၸုမ်းယိပ်းၵွင်ႈၵၢင်ႇဢမ်ႇႁူႉၾၢႆႇ ယိုဝ်းတၢႆထင်တီႈ။ မိူဝ်ႈဝႃး ဝၼ်းတီႈ 13/03/2025 ယၢမ်းၵၢင်ၶမ်ႈ ၽူႈၵွၼ်းဢိူင်ႇဝၢၼ်ႈမွၵ်ႇၸလီႇလႄႈ လၢၼ်ၸၢႆးမၼ်း ၼႂ်းထုင်ႉမိူင်းပႃး ၺႃးၸုမ်းယိပ်းၵွင်ႈၵၢင်ႇ ဢဝ်ၵွင်ႈယိုဝ်းတၢႆ တီႈႁိမ်းဝၢၼ်ႈပၢင်ၽၢတ်ႇ လႅၼ်ၶႅၼ်ဝဵင်းသႅၼ်ဝီ - လႃႈသဵဝ်ႈ ၸိုင်ႈတႆးပွတ်းႁွင်ႇ ၼႆယဝ်ႉ။ ၵေႃႉၺႃးယိုဝ်းတၢႆၼႆႉ ၸိုဝ်ႈႁွင်ႉ လုင်းသႃႇၺုၼ်ႉ ပဵၼ်ၽူႈၵွၼ်းဢိူင်ႇ (ဢုၵ်ႉၵထ) ဝၢၼ်ႈမွၵ်ႇၸီႇလီႇ...

ၵူၼ်းၼုမ်ႇႁႅင်းၵၢၼ်တႆး 2 ၵေႃႉ ၵႂႃႇလဵၼ်ႈသၼုၵ်ႊၵိူဝ်ႊ(ပိလိယႅတ်ႉ) သေ ၺႃးၸုမ်းၵူၼ်းၼုမ်ႇထႆး ဢမ်ႇႁူႉၾၢႆႇၸုမ်းၼိုင်ႈ ပေႃႉထုပ်ႉၶဝ် ထိုင်တီႈလႆႈမၢတ်ႇၸဵပ်းႁၢဝ်ႈႁႅင်း။ ပူၼ်ႉမႃး ဝၼ်းတီႈ 10/03/2025 ယၢမ်းၵၢင်ၶိုၼ်း ၵူၼ်းၼုမ်ႇတႆး ဢွၼ်ႇၸၢႆး ဢႃယုမွၵ်ႈ 20 ပီ 2 ၵေႃႉ ၵႂႃႇလဵၼ်ႈသၼုၵ်ႊၵိူဝ်ႊ တီႈၼႂ်းဝဵင်းၵဵင်းမႂ်ႇ ၸိုင်ႈထႆး တီႈၼိုင်ႈ ၺႃးၸုမ်း...