ၽိတ်းမၢႆမီႈ

ၵူၼ်းၸၢႆးၵေႃႉၼိုင်ႈ တီႈဝဵင်းလႃႈသဵဝ်ႈ ၺႃးၸုမ်းဢမ်ႇႁူႉၾၢႆႇၽၼ်း မၢတ်ႇၸဵပ်းႁၢဝ်ႈႁႅင်း။ မိူဝ်ႈဝၼ်းတီႈ 13/8/2023 ယၢမ်းၶမ်ႈ 6 မူင်းပၢႆ  ၵူၼ်းၸၢႆးၵေႃႉၼိုင်ႈ ဢၼ်လုၵ်ႉတၢင်ႇတီႈမႃးႁဵတ်းၵၢၼ်တီႈလႃႈသဵဝ်ႈ ၺႃးၸုမ်းဢမ်ႇႁူႉၾၢႆႇ ၽၼ်း ၼိူဝ်သဵၼ်ႈတၢင်းၵႂႃႇၵၢတ်ႇလူင် ၼႂ်းပွၵ်ႉ 12  ၸႄႈဝဵင်းလႃႈသဵဝ်ႈ  မၢတ်ႇၸဵပ်းႁၢဝ်ႈႁႅင်း ထိုင်တီႈလႆႈႁၢမ် သူင်ႇႁူင်းယႃ ၼႆယဝ်ႉ ။ ၽူႈၶဝ်ႈၸုမ်းၵူၼ်းၼုမ်ႇလႃႈသဵဝ်ႈၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ ယွၼ်ႉသင်လႄႈ...

ၵူၼ်းၶၢႆၼမ်ႉၶႅင်လွတ်ႇ (ယေႇၶႄးၶျွင်း) ယူႇၵူတ်ႉၶၢႆ ၵေႃႉၼိုင်ႈ ၺႃးၵူၼ်းဢမ်ႇႁူႉၾၢႆႇ ၶႃႈႁႅမ်တၢႆဝႆႉၶၢင်ႈတၢင်း။ မိူဝ်ႈၼႆႉ ဝၼ်းတီႈ 11/8/2023 ယၢမ်းၵၢင်ဝၼ်း 12 မူင်းၼႆႉ ထူပ်းႁၼ်တူဝ်တၢႆၵူၼ်းၸၢႆးၵေႃႉၼိုင်ႈ ၼိူဝ်သဵၼ်ႈ တၢင်းလူင် ၵူတ်ႉၶၢႆ - တႃႈမိူင်းငၢႆး ႁိမ်းဝၢၼ်ႈ မေႃႇႁၢၼ်ႇ ၸႄႈဝဵင်းၵူတ်ႉၶၢႆ ၸိုင်ႈတႆးပွတ်းႁွင်ႇ။ ၽူႈတူင်ႉၼိုင်ႈ ၼႂ်းၸုမ်းၸွႆႈတူင်ႇဝူင်းၵူၼ်းၵူတ်ႉၶၢႆ (ဗြဟ္မစိုရ်နှလုံးသား လူမှုကူညီရေးအသင်း)...

မိူဝ်ႈၼႆႉ ဝၼ်းတီႈ 6/8/2023 ယၢမ်းၵၢင်ဝၼ်းမွၵ်ႈ 12 မူင်း မၢၵ်ႇတႅၵ်ႇတီႈလုမ်းၽူႈၵွၼ်းပွၵ်ႉ မၢႆ 1 ဢၼ်ပၵ်းဝႆႉၾၢႆႇလင် ႁူင်း ႁေႃးၵၢင်ဝဵင်း တီႈသဵၼ်ႈတၢင်းလူင်မိူင်းႁူမ်ႈတုမ် ၼႂ်းၵၢင်ဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ တၢႆ 2 ၵေႃႉ မၢတ်ႇၸဵပ်း 1 ၵေႃႉ ။   ၵူၼ်းဝဵင်းၵျွၵ်ႉမႄး လၢတ်ႈတီႈၽူႈတွႆႇႁွၵ်ႈဝႃႈ...

မိူဝ်ႈၼႆႉဝၼ်းတီႈ 6/8/2023 ယၢမ်းၵၢင်ၼႂ်မွၵ်ႈ 10 မူင်းၶိုင်ႈ မၢၵ်ႇတႅၵ်ႇတီႈ ႁူင်းႁႅမ်း သၼ်ႊၼီႊ ဢၼ်မီးတၢင်းလင် ႁူင်းၼႄငဝ်း တဵင်းထၢႆႉယူၵ်ႉသျိၼ်ႇ ပွၵ်ႉ 6 လွႆယဵဝ်ႈ ဝဵင်းလႃႈသဵဝ်ႈ။ မၢၵ်ႇတႅၵ်ႇတီႈၸၼ်ႉၼိူဝ်သုတ်းၶွင်ႁူင်းႁႅမ်း။ လွင်ႈမၢတ်ႇၸဵပ်းလူႉတၢႆတႄႉ ပႆႇလႆႈႁူႉ။ ပလိၵ်ႈမၢၼ်ႈ သိုၵ်းမၢၼ်ႈ မႃးပိၵ်ႉႁပ်းသဵၼ်ႈတၢင်း သုၶ လႄႈ သဵၼ်ႈတၢင်းသူၺ်ႇတၢၼ်ႇလုၼ်ႇ ဢမ်ႇပၼ်ၵူၼ်းမိူင်းၵႂႃႇမႃး...

ၼၢင်းယိင်းၵူတ်ႉၶၢႆ 2 ၵေႃႉ ၺႃးလုၵ်ႈၸုမ်းသိုၵ်းမၢၼ်ႈ 2 ၵေႃႉ ၵၼ်ႉၸၼ်လူလၢႆ။ မိူဝ်ႈဝၼ်းတီႈ 30/7/2023 ယၢမ်းၶမ်ႈ 10 မူင်းၼၼ်ႉ ၼၢင်းယိင်း 2 ၵေႃႉ ဢၼ်ယူႇဝၢၼ်ႈသူၼ်လူင်  ဢိူင်ႇၼမ်ႉၽၵ်းၵႃ ၸႄႈဝဵင်းၵူတ်ႉၶၢႆ ၺႃးသိုၵ်းမၢၼ်ႈ 2 ၵေႃႉ ဢၼ်မႃးယူႇဝႆႉ ၼႂ်းသူၼ်ဢွႆႈလႄႈၼႂ်းဝတ်ႉၵျွင်းႁိမ်းဝၢၼ်ႈၼၼ်ႉ ၵၼ်ႉၸၼ်လူလၢႆ  ။ ၵူၼ်းၼႂ်းပိုၼ်ႉတီႈၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ...

တီႈဝဵင်းပၢင်လူင် မီးပၢင်တေႃႇလွင်းဢမ်ႇၵိုတ်းဢမ်ႇထၢတ်ႇ ၽူႈၸၢႆးပေႃႈၵႃႉမၢၵ်ႇၵဵင်ၵေႃႉၼိုင်ႈ ၵူၼ်းဝဵင်းပၢင်လူင် ၺႃးၵူၼ်းဢမ်ႇႁူႉၾၢႆႇၶႃႈႁႅမ်တၢႆၽွင်းၵႂႃႇသူင်ႇမၢၵ်ႇၵဵင်။ ဝၼ်းတီႈ 24/07/2023 ၸၢႆးၼုမ်ႇ ဢႃယု 30 ပီၵူၼ်းပၢင်လူင် ၵႂႃႇသူင်ႇမၢၵ်ႇၵဵင်သေ ဢမ်ႇပွၵ်ႈမႃးထိုင်ႁိူၼ်းၶိုၼ်း။ ထိုင်ထႅင်ႈဝၼ်းၼိုင်ႈ ဝၼ်းတီႈ 25/07/2023 ၸင်ႇႁၼ်တူဝ်တၢႆမၼ်းၸၢႆး တီႈတၢင်းၼွၵ်ႈဝဵင်း။ ရူတ်ႉၵႃးလႄႈ ငိုၼ်းတွင်းၶူဝ်းၶွင်ဢၼ်ပႃးၵႂႃႇၸွမ်း ႁၢႆမူတ်း ဝႃႈၼႆ။ “တီႈတူဝ်တၢႆၼၼ်ႉ မီးႁွႆးတႅင်းတီႈဢူၵ်း တီႈၵွင်းလင် ။...

ၵႃးလမ်းၼိုင်ႈ ပဵၼ်ၽေးၵိုင်ႉၵၢင်ႉ ပိၼ်ႈၶွမ်ႈတူၵ်းတၢင်း ၼႂ်းၵႄႈ မိူင်းၽျၢၵ်ႈ - ၵဵင်းတုင် မီးၵူၼ်းမၢတ်ႇၸဵပ်းၸွမ်း 3 ၵေႃႉ ၼႂ်းၼၼ်ႉ တႃႇၵေႃႉၼိုင်ႈ လႆႈတိူဝ်ႉမၢတ်ႇၸဵပ်းႁႅင်း။ မိူဝ်ႈဝႃး ဝၼ်းတီႈ 25/7/2023 ယၢမ်းႁူဝ်ၶမ်ႈ 5 မူင်းၶိုင်ႈ ၵႃးလမ်းၼိုင်ႈ လုၵ်ႉတၢင်းမိူင်းယွင်းမႃး တေၵႂႃႇၵဵင်းတုင်ၼႆ သေ လႆဢဝ်ၵႃးပိၼ်ႈၶွမ်ႈ တူၵ်းတၢင်း...

သိုၵ်းမၢၼ်ႈယိုဝ်းၵႃးလမ်းၼိုင်ႈ တီႈဝဵင်းယွင်ႁူၺ်ႈ ၼုမ်ႇၸၢႆးၵေႃႉၼိုင်ႈတၢႆ  မၢတ်ႇၸဵပ်း 2 ၵေႃႉ။ မိူဝ်ႈဝၼ်းတီႈ 23/7/2023  ယၢမ်းဝၢႆးဝၼ်း   သိုၵ်းမၢၼ်ႈပႂ်ႉၵဵတ်ႉလၢၼ်ႇတီႈႁိမ်း တွင်ႇလေးလူင်း ၸႄႈဝဵင်းယွင်ႁူၺ်ႈ ယိုဝ်းသႂ်ႇၵႃးလမ်းၼိုင်ႈ ၵူၼ်းတၢႆ 1 ၵေႃႉမၢတ်ႇၸဵပ်း 2 ၵေႃႉ။  ၵူၼ်းပိုၼ်ႉတီႈၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ ၵေႃႉဢၼ်တၢႆၵႂႃႇၼႆႉ ပဵၼ်ၵူၼ်းၼုမ်ႇ ၵယၢၼ်း ။ သိုၵ်းမၢၼ်ႈ...

ၵူၼ်းၸၢႆးၵေႃႉၼိုင်ႈ ၵူၼ်းဝၢၼ်ႈပွၵ်ႉ 8  လွႆပဝ်း ဝဵင်းၵျွၵ်ႉမႄး ၵႂႃႇႁဵတ်းၵၢၼ်မႃးသေ ၶီႇရူတ်ႉၶိူင်ႈပွၵ်ႈႁိူၼ်း၊ ၽွင်းလူင်းၵွင်း ၼႂ်းဝၢၼ်ႈမႃးၼၼ်ႉ ႁိုၵ်ႉၺႃးရူတ်ႉၶိူင်ႈထႅင်ႈလမ်းၼိုင်ႈသေ ယၢတ်ႇတူၵ်းႁိုၵ်း မၢတ်ႇၸဵပ်းႁၢဝ်ႈႁႅင်း။ မိူဝ်ႈဝႃး ဝၼ်းတီႈ 24/7/2023 ယၢမ်းႁူဝ်ၶမ်ႈ  ၵူၼ်းၸၢႆးၵေႃႉၼိုင်ႈ ၶီႇရူတ်ႉၶိူင်ႈလူင်းၵွင်းမႃးႁိုၵ်ႉ ၺႃးရူတ်ႉထႅင်ႈ လမ်းၼိုင်ႈ၊ မၼ်းၸၢႆးငႅၵ်းဝႄႈလႄႈ တင်းရူတ်ႉၶိူင်ႈတင်းၵူၼ်း ယၢတ်ႇတူၵ်းႁိုၵ်း ဢၼ်မီးတၢင်းသုင်မီးမွၵ်ႈ 10...

ၽွင်းၶၢဝ်းပွႆးၶၢႆၶူဝ်းၵုၼ်ႇ တီႈဝဵင်းမိူင်းပၼ်ႇ - လၢင်းၶိူဝ်း ၼႂ်းလိူၼ်ၵျူႊလၢႆႊၼႆႉ မီးၽူႈလၵ်ႉၸၵ်ႉၶုတ်ႈ လိူင်ႇၼမ်ႁႅင်း ႁိူၼ်းယေး ၵူၼ်းဝၢၼ်ႈ ဢၼ်ထုၵ်ႇၵူၼ်းလၵ်ႉၶိုၼ်ႈႁိူၼ်း ဢမ်ႇယွမ်း 6 လင်ယဝ်ႉ။ ႁၢင်လိူၼ်ၵျုႊလၢႆႊ 2023 ၼႆႉ ႁၢၼ်ႉမႄးၶမ်း(ၸၢင်ႈၶမ်း) တင်း ႁၢၼ်ႉၵႅတ်းၶူၼ်ႁူဝ် ဢၼ်ပိုတ်ႇၵိုၵ်းၵၼ်ဝႆႉ တီႈႁိမ်းဝတ်ႉ/ ၵျွင်းတေႃႇ ဝဵင်းလၢင်းၶိူဝ်း ၸိုင်ႈတႆးပွတ်းၸၢၼ်းၼၼ်ႉ ထုၵ်ႇၽူႈလၵ်ႉယႃႉႁၢၼ်ႉ...

ၵူၼ်းမိူင်းမၢၼ်ႈတူင်ႈပဵင်း ၶၢႆႉမႃးယူႇမူႇၸေႊၼမ် ၵူၼ်းယူႇၵၢင်ၸွႆႈႁဵတ်းလွင်ႈဝႂ်မုင်ႉႁေႃႁိူၼ်း ယွၼ်းငိုၼ်း ၼိုင်ႈၵေႃႉၼပ်ႉႁူဝ်သိပ်းသႅၼ် မၢင်ၵေႃႉ ပပ်ႉၵေႃႈဢမ်ႇလႆႈ ငိုၼ်းၵေႃႈသုမ်း ။ ႁၢင်လိူၼ်ၵျုၼ်ႊ 2023 ၼႆႉ ၵူၼ်းထုင်ႉပဵင်း (ၸၢဝ်းမၢၼ်ႈ) မွၵ်ႈ 4 ၵေႃႉ ၶၢႆႉဝႂ်မုင်ႉႁေႃႁိူၼ်း လုၵ်ႉတူင်ႈပဵင်းမႃးယူႇမူႇၸေႊ လႅၼ်လိၼ်တႆးၶႄႇ၊ ႁဵတ်းပႃးပပ်ႉလႅင်တႃႇၶၢမ်ႈလႅၼ်လိၼ် ၵႂႃႇႁဵတ်းၵၢၼ်မိူင်းၶႄႇ ၼႆလႄႈ...

မိူဝ်ႈၼႆႉ ဝၼ်းတီႈ 21/7/2023 ယၢမ်းၵၢင်ၼႂ်ၸဝ်ႉ ဝတ်ႉဝၢၼ်ႈၼွင်ဝၢၼ်ႈၵုင်း ဢိူင်ႇၼွင်လႅင် ဝဵင်းပၢင်လူင် ၸႄႈဝဵင်းလွႆလႅမ် ၸိုင်ႈတႆး ပွတ်းၸၢၼ်း တိုၵ်ႉၵေႃႇသၢင်ႈမႂ်ႇ ပႆႇယဝ်ႉ ထုၵ်ႇၾႆးမႆႈ လူႉသုမ်းၼမ်။   ၵူၼ်းပိုၼ်ႉတီႈ ဝၢၼ်ႈၼွင်ဝၢၼ်ႈၵုင်း လၢတ်ႈတီႈၽူႈတွႆႇႁွၵ်ႈဝႃႈ - “ၾႆးၼႆႉ မၼ်းႁဵတ်းႁိုဝ်လႄႈ မႆႈမႃးတႄႉ ဢမ်ႇႁူႉ ၽႂ်ပႆႇႁူႉ ငဝ်ႈႁၢၵ်ႈမၼ်းလီလီ။...

ၸူဝ်ႈသိုၵ်းမၢၼ်ႈယိုတ်းမိူင်းမႃးၼႆႉၵူၼ်းဢမ်ႇမီးတီႈယူႇတီႈၵိၼ် လိူင်ႇၼမ်မႃးၶႂ်ႈဝႃႈၵူႈဝဵင်း၊ တီႈတႃႈၶီႈလဵၵ်း လႅၼ်လိၼ်တႆး - ထႆး ၵေႃႈမီးၼမ် ယူႇၵိၼ်ၼွၼ်းၸွမ်းၶၢင်ႈတၢင်း၊ ပူၼ်ႉမႃး 2 ဝၼ်းၵႃးၽႃႇၺႃး 3 ၵေႃႉ ၽွင်းတိုၵ်ႉ ယူႇၶၢင်ႈတၢင်း တၢႆ 2 မၢတ်ႇၸဵပ်း 1 ။  ဝၼ်းတီႈ 19/7/2023 ယၢမ်း 10 မူင်းၼၼ်ႉ...

ၶၢဝ်းတၢင်း 7 လိူၼ်မႃးၼႆႉ ရူတ်ႉၶိူင်ႈၵူၼ်းမိူင်းၵဵင်းတွင်းႁၢႆ ဢမ်ႇယွမ်း 3 လမ်းယဝ်ႉ ၸူဝ်ႈသိုၵ်းမၢၼ်ႈ ယိုတ်းမိူင်းမႃး ၼႆႉ ႁဵတ်း ႁႂ်ႈၵူၼ်းမိူင်း ဢမ်ႇမီးလွင်ႈႁူမ်ႇလူမ်ႈ ဢုၼ်ႇၸႂ်။ ႁူဝ်လိူၼ်ၵျုႊလၢႆႊ 2023 ၼႆႉ ရူတ်ႉၶိူင်ႈ ပႃႈၼွတ်း ဝၢၼ်ႈၵုၼ်ၼႃး ပွၵ်ႉ 3 ဝဵင်းၵဵင်းတွင်း ၸႄႈဝဵင်းမိူင်းၼၢႆး ၸႄႈတွၼ်ႈလၢင်းၶိူဝ်း...

မၢၵ်ႇတႅၵ်ႇ တီႈႁၢၼ်ႉၶၢႆၶမ်းသွႆးထႅတ်ႉ (ဇွဲထက်ရွှေဆိုင်) ဝဵင်းလႃႈသဵဝ်ႈ မီးၵူၼ်းလူႉတၢႆၸွမ်း 1 ၵေႃႉ မၢတ်ႇ 12 ၵေႃႉ ႁၼ်ႉတေႃႇထိုင်ဝၼ်းမိူဝ်ႈၼႆႉပႆႇႁတ်းပိုတ်ႇႁၢၼ်ႉၶိုၼ်း ။ ပူၼ်ႉမႃး ဝၼ်းတီႈ 15/7/2023 ယၢမ်းၵၢင်ၼႂ် 7:45 မူင်းၼၼ်ႉ မီးၵူၼ်းမႃးႁၢင်ႈၵၢင်မၢၵ်ႇ ဝႆႉၼႂ်းရူတ်ႉၶိူင်ႈ...