ဝဵင်းလႃႈသဵဝ်ႈၼႆႉ ၵွၼ်ႇၸွမ်ၸိၵ်းသိုၵ်းမၢၼ်ႈမိၼ်းဢွင်ႇလၢႆႇ ပႆႇယိုတ်းမိူင်းၼၼ်ႉ ပဵၼ်ဝဵင်းဢၼ် ၵူၼ်းၵိုၼ်းငိုၼ်း ၶွၼ်ႈ ၵႃႉငၢႆႈၶၢႆထုၵ်ႇ။ ဝၢႆးၽႅၼ်ယၼ်ႇသိုၵ်း 1027 မႃးၼႆႉ လႆႈထုၵ်ႇၵူၼ်ႇပင်းလူႉလႅဝ် တူၵ်းယူႇတႂ်ႈမိုဝ်း သိုၵ်းၵဝ်ႈၵၢင်ႉ MNDAA ၵုမ်းၵမ်မႃး ႁၢၼ်ႉတေႃႇထိုင်ယၢမ်းလဵဝ်။ ၵွပ်ႈၼႆလႄႈ သိုၵ်းမၢၼ်ႈ ၶိုင်ၵူႈလၢႆး တႃႇတေလႆႈၶိုၼ်းဝဵင်းလူင်လႃႈသဵဝ်ႈၼႆႉ ယွၼ်ႉၼၼ် တႃႇၵူၼ်းမိူင်းလႃႈသဵဝ်ႈ တေလႆႈလွင်ႈၵတ်းယဵၼ်ၼိမ်တဵင်ႈၼၼ်ႉ ပႆႇၸၢင်ႈလၢမ်းၶၢတ်ႈလႆႈ။ ၵွၼ်ႇၼႃႇ ၽႅၼ်ယၼ်ႇသိုၵ်း...

သိုၵ်းၵဝ်ႈၵၢင်ႉ MNDAA တႄႇၵူတ်ႇထတ်းဝႂ်ရူတ်ႉၵႃး (ဝႂ်ၶွၼ်ႇၵႃး) ႁၢဝ်ႈႁႅင်း သင်ဢမ်ႇမီးၸိုင်ဢမ်ႇပၼ် လတ်းၽၢၼ်ႇ ၶဝ်ႈဢွၵ်ႇၵႂႃႇမႃး ၼႂ်းဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ။ တႄႇႁူဝ်လိူၼ်ၵျႅၼ်ႊၼိဝ်ႊရီႊ 2025 ၼႆႉမႃး သိုၵ်းၵဝ်ႈၵၢင်ႉ တင်ႈၵဵတ်ႉ/ လၢၼ်ႇ ပႂ်ႉၵူတ်ႇထတ်းဝႂ်ရူတ်ႉၵႃး ၵူၼ်းမိူင်း မိူၼ်ၼင်ႇ တၢင်းၶဝ်ႈဢွၵ်ႇဝဵင်းလႃႈသဵဝ်ႈ - သီႇပေႃႉ၊ လႃႈသဵဝ်ႈ - သႅၼ်ဝီလႄႈ...

သိုၵ်းၵဝ်ႈၵၢင်ႉ MNDAA ဢွၵ်ႇပၼ်ဝႂ် ႁေႃႈရူတ်ႉၵႃး တီႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ - ရူတ်ႉၵႃး ဢၼ်မီးလၢႆႊသဵၼ်ႊ (License) လႄႈသင် ဢမ်ႇမီးဝႂ် လၢႆႊသဵၼ်ႊ(License) လႄႈသင် တေလႆႈတၢင်ႇယွၼ်းၶိုၼ်းမႂ်ႇမႂ်ႇ တင်းမူတ်း ဝႃႈၼႆ။ တႄႇႁူဝ်လိူၼ်ၵျႅၼ်ႊၼိဝ်ႊရီႊ ၼႆႉမႃး သိုၵ်းၵဝ်ႈၵၢင်ႉႁဵတ်းပၼ်ဝႂ်ၾၢင်လၢႆႊသဵၼ်ႊ(License) ရူတ်ႉၶိူင်ႈ/ ရူတ်ႉၵႃး၊ ၵူၼ်းပိုၼ်ႉတီႈဢွၼ်ၵၼ် ၵႂႃႇပၼ်သဵၼ်ႈမၢႆ ၼိုင်ႈဝၼ်း...

ၼႂ်းႁူဝ်ပီ 2025 လိူၼ်ၵျႅၼ်ႊၼိဝ်ႊရီႊၼႆႉ သိုၵ်းၵဝ်ႈၵၢင်ႉ MNDAA တေတႄႇၵဵပ်းၵႃႈၾႆးၾႃႉလႄႈ ၶွၼ်ႇယုၵ်းယၢၵ်း တီႈၵူၼ်းမိူင်းဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇယဝ်ႉ ဝႃႈၼႆ။ ၼၢင်းယိင်းပိုၼ်ႉတီႈ လၢတ်ႈတီႈၽူႈတွႆႇႁွၵ်ႈဝႃႈ -“တီႈႁိူၼ်းႁဝ်းတႄႉ ၾႆးၾႃႉပႆႇလႆႈ။ ႁိူၼ်းပိူၼ်ႈ ၵမ်ႈၽွင်ႈတႄႉ လႆႈယဝ်ႉ။ ၼႂ်းႁူဝ်ပီၼႆႉ တေတႄႇၵဵပ်းၵႃႈမီႊတိူဝ်ႊၾႆး (Meter) ဝႃႇ၊ ၵႃႈၶွၼ်ႇယုၵ်းယၢၵ်းၵေႃႈ ၶဝ်တေၵဵပ်းယဝ်ႉ”- ဝႃႈၼႆ။ ယွၼ်ႉပၢင်တိုၵ်းသေ သဝ်းၾႆးၾႃႉ ႁူင်းၽႄၸႅၵ်ႇၸၢႆႇၾႆးၾႃႉ...

ၶိူင်ႈမိၼ် သိုၵ်းမၢၼ်ႈ မႃးပွႆႇမၢၵ်ႇထႅင်ႈ ၼႂ်းၸႄႈဝဵင်းလႃႈသဵဝ်ႈ တီႈသိုၵ်းၵဝ်ႈၵၢင်ႉ MNDAA ယိုတ်းၵုမ်းလႆႈ ဝႆႉၼၼ်ႉ ၸၢၵ်ႇမၢၵ်ႇတိူဝ်ႉၺႃး ၵူၼ်းႁိူၼ်းလဵဝ် သၢမ်ၵေႃႉပေႃႈမႄႈလုၵ်ႈ လႆႈမၢတ်ႇၸဵပ်းႁၢဝ်ႈႁႅင်း။ ဝၼ်းတီႈ 24/11/2024 ယၢမ်းၵၢင်ၶမ်ႈ 7 မူင်းၶိုင်ႈ သိုၵ်းမၢၼ်ႈ ယိုတ်းမိူင်း ဢဝ်ၶိူင်ႈမိၼ် မႃးပွႆႇမၢၵ်ႇသႂ်ႇ တီႈဝၢၼ်ႈၼမ်ႉပွင်ႈတင်း ဝၢၼ်ႈတၢၼ်ႇလုၼ်ႇ ၼႂ်းၸႄႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ...

ဝၢႆးၽႅၼ်ယၼ်ႇသိုၵ်း 1027 မႃးၼႆႉ ၶူဝ်းၵုၼ်ႇၶွင်ၵိၼ်ယႅမ်ႉ ၼမ်ႉမၼ်းၸိူဝ်ႉၾႆး ၸိူဝ်းၼႆႉ ပုင်ႈၶိုၼ်ႈပဵၼ်လၢႆပုၼ်ႈ ႁဵတ်းႁႂ်ႈတုမ်ႉတိူဝ်ႉ ၵူၼ်းမိူင်းလႃႈသဵဝ်ႈ ထူပ်းတၢင်းယၢပ်ႇၽိုတ်ႇႁႅင်း။ ဝၢႆးသိုၵ်းၵဝ်ႈၵၢင်ႉ MNDAA ယိုတ်းၵုမ်းလႆႈ တီႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ တင်ႈတႄႇ ဝၼ်းတီႈ 03/10/2024 ၼၼ်ႉမႃး ႁၢၼ်ႉတေႃႇထိုင်ယၢမ်းလဵဝ် ၶၢဝ်းတၢင်းလိူၼ်ပၢႆၼႆႉ ႁဵတ်းႁႂ်ႈၶၼ်ၶူဝ်းၵုၼ်ႇ ၶွင်ၵိၼ်ယႅမ်ႉ ၼမ်ႉမၼ်းၸိူဝ်ႉ ၾႆး...

ပီၼႆႉ ၶဝ်ႈၼႃး တီႈဝဵင်းလႃႈသဵဝ်ႈ ဢမ်ႇဢွၵ်ႇၼမ် ၸဝ်ႈၼႃး ဢွၼ်ၵၼ်ႁူပ်ႉတၢင်းယၢပ်ႇၽိုတ်ႇႁႅင်း ယွၼ်ႉပၢင်တိုၵ်းသိုၵ်းသိူဝ်။   တႄႇဢဝ် ႁၢင်လိူၼ်ဢွၵ်ႊထူဝ်ႊပိူဝ်ႊ 2024 ၼႆႉမႃး ပဵၼ်ၽွင်း လူဝ်ႇဢဝ်မၢၵ်ႇၶဝ်ႈတဝ်ႈၼမ်ႉယဝ်ႉလႄႈ ၸဝ်ႈၼႃး တီႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ ထူပ်းတၢင်းယၢပ်ႇၽိုတ်ႇ ယွၼ်ႉပၢင်တိုၵ်းသိုၵ်းသိူဝ်သေ ဢမ်ႇလႆႈလုမ်းလႃးတူင်ႈ ၼႃးလီ လႆႈၽုၵ်ႇသွမ်ႈၶဝ်ႈတူၵ်းလႃႈတူၵ်းလိုၼ်းႁႅင်းလႄႈ ပီၼႆႉ ဢမ်ႇလႆႈၶွၼ်ႈၶဝ်ႈ ဢွၼ်ၵၼ်လူႉသုမ်းၼမ်...

မိူဝ်ႈၼႆႉ ဝၼ်းတီႈ 29/10/2024 ယၢမ်းၵၢင်ဝၼ်း 11:58 မူင်း ၶိူင်ႈမိၼ်သိုၵ်းမၢၼ်ႈ မႃးပွႆႇမၢၵ်ႇ တီႈပွၵ်ႉ 11 တိူဝ်ႉၺႃး ၵူၼ်းမၢတ်ႇၸဵပ်း ၵေႃႉၼိုင်ႈ ထိုင်မႃးယၢမ်းဝၢႆးဝၼ်း 2:34 မူင်းသမ်ႉ မႃးပွႆႇတီႈပွၵ်ႉ 1 တိူဝ်ႉၺႃး ၵျွင်းၵၢင်မိူင်း (ၵျွင်း 2500) လူႉၵွႆၼမ် ၼႂ်းဝဵင်းလႃႈသဵဝ်ႈ...

မိူဝ်ႈၼႆႉ ဝၼ်းတီႈ 25/10/2024 ယၢမ်းဝၢႆးဝၼ်း 1 မူင်း သိုၵ်းမၢၼ်ႈ ဢဝ်ၶိူင်ႈမိၼ် မိူဝ်းပွႆႇမၢၵ်ႇထႅင်ႈ ႁိမ်းႁွမ်းဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ။ ၵူၼ်းၸၢႆး ယူႇဝဵင်းလႃႈသဵဝ်ႈ ၵေႃႉၼိုင်ႈ လၢတ်ႈၽူႈတွႆႇႁွၵ်ႈဝႃႈ - “မၢၵ်ႇတႄႉတိုၵ်ႉမႃးပွႆႇယူႇတိၵ်းတိၵ်း။ ႁဝ်းၶႃႈၵေႃႈ ပႆႇႁတ်းၵႂႃႇတူၺ်း တူၵ်းတိူဝ်ႉတီႈလႂ်တႄႉတႄႉ”- ဝႃႈၼႆ။ ၸုမ်းၸွႆႈထႅမ် ၵူၼ်းပိုၼ်ႉတီႈတႄႉ တႅမ်ႈတၢင်ႇဝႆႉဝႃႈ ၶိူင်ႈမိၼ်သိုၵ်းမၢၼ်ႈ မႃးပွႆႇမၢၵ်ႇ...

သိုၵ်းမၢၼ်ႈ ယိုတ်းမိူင်း တင်ႈၸႂ် ဢဝ်ၶိူင်ႈမိၼ်တိုၵ်း မႃးပွႆႇမၢၵ်ႇတီႈဝဵင်းလႃႈသဵဝ်ႈ ၼႂ်းဝၼ်းလဵဝ် ဢမ်ႇယွမ်း 3 ၵမ်း ၸၢၵ်ႇမၢၵ်ႇတိူဝ်ႉၺႃး ႁူင်းႁုင်လဝ်ႈ၊ ႁူင်းပလိၵ်ႈလႄႈ ႁိူၼ်းယေးၵူၼ်းမိူင်း ၸိူဝ်းၼႆႉလူႉၵွႆ။ ဝၼ်းတီႈ 23/10/2024 ယၢမ်းၵၢင်ၼႂ် 8:35 မူင်း ၶိူင်ႈမိၼ်သိုၵ်းမၢၼ်ႈ မႃးပွႆႇမၢၵ်ႇ တီႈႁူင်းႁုင်လဝ်ႈ ၸၢဝ်းၶႄႇ ႁိမ်းၶူဝ်သၢမ်တၢၼ်ႇ ၼႂ်းဝၢၼ်ႈၼမ်ႉၶႆႉ...

မိူဝ်ႈၼႆႉ ဝၼ်းတီႈ 23/10/2024 ယၢမ်းၵၢင်ၼႂ် 8:35 မူင်း သိုၵ်းမၢၼ်ႈ ဢဝ်ၶိူင်ႈမိၼ်မႃးပွႆႇမၢၵ်ႇသႂ်ႇ တီႈႁူင်းႁုင်လဝ်ႈ ႁိမ်းဝၢၼ်ႈၼမ်ႉၶႆႉ တၢင်းၶဝ်ႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ ထုၵ်ႇၾႆးမႆႈ ဝႃႈၼႆ။ ၵူၼ်းပိုၼ်ႉတီႈ ဝဵင်းလႃႈသဵဝ်ႈ လၢတ်ႈတီႈၽူႈတွႆႇႁွၵ်ႈဝႃႈ - “ၸႂ်ႈၶႃႈဢေႃႈ ၶိူင်ႈမိၼ်သိုၵ်းမၢၼ်ႈ မႃးပွႆႇမၢၵ်ႇ ၶဝ်မႃးပွႆႇသႂ်ႇ တီႈႁူင်းႁုင်လဝ်ႈ ႁိမ်းဝၢၼ်ႈၼမ်ႉၶႆႉၼႆႉ။ မိူဝ်ႈမၢၵ်ႇၶိူင်ႈမိၼ်...

ဝၼ်းတီႈ 21/10/2024 ယၢမ်းတဵင်ႈၶိုၼ်း သိုၵ်းမၢၼ်ႈ မိူဝ်းပွႆႇမၢၵ်ႇ တီႈဢၼ်သိုၵ်းၵဝ်ႈၵၢင်ႉ MNDAA ၵုမ်းဝႆႉ ဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ။ ၽွင်းၵူၼ်းမိူင်း ၼွၼ်းလပ်းၼွၼ်းယဵၼ် သိုၵ်းမၢၼ်ႈ ပွႆႇမၢၵ်ႇတီႈပွၵ်ႉ 12 လႄႈ တင်းပွၵ်ႉမၢၼ်ႈသူႈ ႁဵတ်းႁႂ်ႈႁိူၼ်းယေး ၵူၼ်းပိုၼ်ႉတီႈ လူႉၵွႆႇတင်းၼမ် ဝႃႈၼႆ။ ၵူၼ်းၸၢႆးပိုၼ်ႉတီႈ ဝဵင်းလႃႈသဵဝ်ႈ လၢတ်ႈၽူႈတွႆႇႁွၵ်ႈဝႃႈ -“မိူဝ်ႈဝႃး ၵၢင်ၶိုၼ်း...

ဝၼ်းတီႈ 14/10/2024 ယၢမ်းႁူဝ်ၶမ်ႈ 6 မူင်းၶိုင်ႈ သိုၵ်းမၢၼ်ႈ ဢဝ်ၶိူင်ႈမိၼ်ပွႆႇမၢၵ်ႇ တၢင်းလွႆၶမ်း တီႈႁိမ်းပၢင်ႇရူတ်ႉၵႃး ၼႃးမၢၵ်ႇၶေႃ တူၵ်းတိူဝ်ႉၵူၼ်းပိုၼ်ႉတီႈ ဢၼ်တိုၵ်ႉႁေႃႈရူတ်ႉဝႆႉ လူႉတၢႆ တီႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ။ ၵူၼ်းပိုၼ်ႉတီႈလႃႈသဵဝ်ႈ လၢတ်ႈၽူႈတွႆႇႁွၵ်ႈဝႃႈ - “လႆႈငိၼ်းဝႃႈ မၢၵ်ႇတူၵ်းမႃး 3 လုၵ်ႈ တၢင်းလွႆၶမ်း တီႈ ႁိမ်းပၢင်ႇရူတ်ႉၵႃး...

မိူဝ်ႈၼႆႉ ဝၼ်းတီႈ 14/10/2024 ယၢမ်းၵၢင်ၼႂ် 12:10 မူင်းပၢႆ (တဵင်ႈၶိုၼ်းၸၢႆႉ) သိုၵ်းမၢၼ်ႈ ယိုတ်းမိူင်း ၸႂ်ႉၶိူင်ႈမိၼ်တိုၵ်း မႃးပွႆႇမၢၵ်ႇ တီႈဝၢၼ်ႈဢီႇၼၢႆး ၸႄႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ ၸၢၵ်ႇမၢၵ်ႇတိူဝ်ႉသႂ်ႇ ၵူၼ်းမိူင်းလူႉတၢႆ 3 ၵေႃႉ မၢတ်ႇၸဵပ်း 2 ၵေႃႉ။ ၵူၼ်းပိုၼ်ႉတီႈ ဝဵင်းလႃႈသဵဝ်ႈ လၢတ်ႈတီႈၽူႈတွႆႇႁွၵ်ႈဝႃႈ -...

သိုၵ်းၵဝ်ႈၵၢင်ႉ MNDAA တီႉၺွပ်း ၵူၼ်းတီႈဝဵင်းလႃႈသဵဝ်ႈ 30 ၵေႃႉ ဝႃႈပဵၼ်ၵူၼ်းပၼ်ၶၢဝ်ႇ တီႈသိုၵ်းမၢၼ်ႈ ၵူၼ်းၵမ်ႉထႅမ်သိုၵ်းမၢၼ်ႈၼႆသေ တေပၼ်တူတ်ႈတၢမ်ႇၵႂႃႇ ဝႃႈၼႆ။  ၵူၼ်းပိုၼ်ႉတီႈ ဢၼ်ၸမ်ၸႂ်ၵၼ်တင်း ၸုမ်းသိုၵ်းၵဝ်ႈၵၢင်ႉလၢတ်ႈဝႃႈ ပဵၼ်ယွၼ်ႉၸိူဝ်းၶဝ်ၼႆႉ သူင်ႇၶၢဝ်ႇလႄႈ သိုၵ်းမၢၼ်ႈ ၸင်ႇမႃးပွႆႇမၢၵ်ႇတိူဝ်ႉသႂ်ႇႁိူၼ်းယေးၵူၼ်းမိူင်းလူႉၵွႆ ၵူၼ်းမိူင်းလူႉတၢႆၼႆသေ သိုၵ်းၵဝ်ႈၵၢင်ႉ ၸင်ႇတီႉၺွပ်းၸိူဝ်း ၶဝ် ဝႃႈၼႆ။ ၼၢင်းယိင်းၵူၼ်းမိူင်း ဝဵင်းလႃႈသဵဝ်ႈ ၵေႃႉၼိုင်ႈ...