ယၢမ်းလဵဝ် ၵူၼ်းပၢႆႈၽေးသိုၵ်း တီႈဝဵင်းယွင်ႁူၺ်ႈ ဢွၼ်ၵၼ်ပွၵ်ႈၶိုၼ်းႁိူၼ်းယေးၽႂ်မၼ်း မီးၶၢဝ်းတၢင်းလိူၼ်ပၢႆယဝ်ႉသေတႃႉ ယွၼ်ႉႁိူၼ်းယေးၵူၼ်းမိူင်းလူႉၵွႆ မိူဝ်ႈၽွင်းပၢင်တိုၵ်း ၼၼ်ႉၼမ်လႄႈ တေႃႇထိုင်ယၢမ်းလဵဝ် တႃႇမႄးၶိုၼ်းႁိူၼ်းယေး တီႈယူႇတၼ်းသဝ်း ၸိူဝ်းၼၼ်ႉ တိုၵ်ႉမီးလွင်ႈယၢပ်ႇၽိုတ်ႇဝႆႉ။ ၵူၼ်းပိုၼ်ႉတီႈ ၼႂ်းၸႄႈဝဵင်းယွင်ႁူၺ်ႈ လၢတ်ႈတီႈၽူႈတွႆႇႁွၵ်ႈဝႃႈ -“ၵူၼ်းပၢႆႈၽေးသိုၵ်း တီႈဝဵင်းယွင်ႁူၺ်ႈတႄႉ ႁွတ်ႈမိူဝ်းႁိူၼ်းၵၼ်ၵူႈၵေႃႉယဝ်ႉ။ ၵူၺ်းၵႃႈ ႁွတ်ႈၽႅဝ်ႁိူၼ်းၶိုၼ်း ၵေႃႈ တေႃႉတႄႉလႆႈမႃး မႄးလုမ်းလႃးႁိူၼ်းယေးမွၵ်ႈၼၼ်ႉၵူၺ်း။ ႁိူၼ်းယေးၸိူဝ်းၺႃးမၢၵ်ႇတႅၵ်ႇသႂ်ႇၸိူဝ်းၼၼ်ႉၵေႃႈ...

ၼႂ်းလိူၼ်ဢေႃႊၵတ်ႊသ်ၼႆႉ ၾူၼ်တူၵ်းထပ်းၵၼ်လၢႆဝၼ်းသေ ႁဵတ်းႁႂ်ႈၼမ်ႉယိုင်ႈၶိုၼ်ႈႁၢဝ်ႈႁႅင်း ၼႂ်းၼွင်ႁၢႆးယႃႈ ၸႄႈဝဵင်းယွင်ႁူၺ်ႈ ၸိုင်ႈတႆးပွတ်းၸၢၼ်း ႁဵတ်းႁႂ်ႈၵူၼ်းမိူင်းပၢႆႈၽေးၼမ်ႉသေဢမ်ႇၵႃး သူၼ်ႁႆႈၼႃး ၸိူဝ်းၼႆႉၵေႃႈ လူႉသုမ်းၸွမ်းထႅင်ႈတင်းၼမ်လၢႆ ၼႆယဝ်ႉ။ ၵူၼ်းပိုၼ်ႉတီႈ ၼႂ်းၼွင်ႁၢႆးယႃႈ လၢတ်ႈတီႈၽူႈတွႆႇႁွၵ်ႈဝႃႈ - “ၵၢၼ်ၽုၵ်ႇသွမ်ႈတႄႉ ဢမ်ႇၸၢင်ႈလၢတ်ႈယဝ်ႉ မိူဝ်ႈၼမ်ႉယိုင်ႈၼွင်းထူမ်ႈၼမ်ၸိူင်ႉၼႆၼႆႉ ၼႃးၼႂ်းၼွင်ၼႆႉ ႁူဝ်ပၢၵ်ႇမၼ်း တေသုမ်းမွၵ်ႈ 99 % ယဝ်ႉ။ ၼမ်ႉမႃးထူမ်ႈပႅတ်ႈမူတ်း...

ယၢမ်းလဵဝ် လၢႆပိုၼ်ႉတီႈ ၼႂ်းၸႄႈဝဵင်းယွင်ႁူၺ်ႈ ၸိုင်ႈတႆးပွတ်းၸၢၼ်း ပၢင်တိုၵ်းယဵၼ်ဝႆႉယဝ်ႉလႄႈ ၵူၼ်းပၢႆႈၽေးသိုၵ်း ဢၼ်ပၢႆႈသွၼ်ႈဝႆႉတၢင်ႇတီႈတၢင်ႇဝၢၼ်ႈၼၼ်ႉ ဢွၼ်ၵၼ်ပွၵ်ႈၶိုၼ်းႁိူၼ်းယေးၽႂ်မၼ်းသေ ၽွင်းပွၵ်ႈၶိုၼ်းၼၼ်ႉ ႁိူၼ်းယေးၵမ်ႈၼမ် ၺႃးသိုၵ်းမၢၼ်ႈ ဢဝ်ၾႆးၽဝ်ပႅတ်ႈဢမ်ႇယွမ်း 30 လင်။ ၵူၼ်းပၢႆႈၽေးသိုၵ်း တီႈဝဵင်းယွင်ႁူၺ်ႈ လၢတ်ႈတီႈၽူႈတွႆႇႁွၵ်ႈဝႃႈ - “တီႈဝၢၼ်ႈၸၢင်ႈၸွႆႉၼႆႉ ႁိူၼ်းယေး ၵူၼ်းဝၢၼ်ႈၺႃးၾႆးၽဝ်ပႅတ်ႈ ဢမ်ႇယွမ်း 30 လင်။ ၸဵမ်ႁိူၼ်းၵဝ်ႇႁိူၼ်းမႂ်ႇၶဝ်ၽဝ်မူတ်း။...

ၼႂ်းၵၢင်လိူၼ်ၵျုၼ်ႊ 2025 ၼႆႉ ၵူၼ်းဝၢၼ်ႈလိၼ်ပူၵ်ႇတႅၵ်ႇလႄႈထႅင်ႈလၢႆလၢႆဝၢၼ်ႈ ၼႂ်းၸႄႈဝဵင်းယွင်ႁူၺ်ႈ ၸိုင်ႈတႆးပွတ်းၸၢၼ်း ၸိူဝ်းဢွၼ်ၵၼ်ပၢႆႈၽေးသိုၵ်းၵႂႃႇသွၼ်ႈဝႆႉ တီႈၼွင်ႁၢႆးယႃႈၼၼ်ႉ ၸပ်းတၢင်းပဵၼ် ၶႆႈၼၢဝ်ၵၼ်ၼမ် ။ ၵူၼ်းဝၢၼ်ႈလိၼ်ပူၵ်ႇတႅၵ်ႇၼႆႉ ဢၼ်ပၢႆႈၽေးသိုၵ်းယူႇၼႆႉ ယၢမ်းလဵဝ် ၸုမ်းတူင်ႇၵူၼ်းၼပ်ႉဝႆႉ မီး 250 မုင်ႉႁေႃႁိူၼ်း ၼႂ်းၼၼ်ႉ ၸၢႆး 516 ၵေႃႉ ယိင်း 511 ၵေႃႈ...

ၵူၼ်းဝၢၼ်ႈၼမ်ႉမႆႈ၊ ဝၢၼ်ႈၽြႃးလွႆ၊ ဝၢၼ်ႈလိၼ်ပူၵ်ႇတႅၵ်ႇ ၼႂ်းၸႄႈဝဵင်းယွင်ႁူၺ်ႈ ၸိုင်ႈတႆးပွတ်းၸၢၼ်း ယွၼ်ႉၽေးပၢင်တိုၵ်း ယွၼ်ႉသိုၵ်းမၢၼ်ႈၵူတ်ႇထတ်းႁႅင်းလႄႈ ႁဵတ်းႁႂ်ႈ ၵူၼ်းမိူင်းဢွၼ်ၵၼ် ပၢႆႈၽေးသိုၵ်းတီႈၼိုင်ႈယဝ်ႉ တီႈၼိုင်ႈ။ ၵူၼ်းပၢႆႈၽေးသိုၵ်း တီႈဝၢၼ်ႈလိၼ်ပူၵ်ႇတႅၵ်ႇ လၢတ်ႈတီႈၽူႈတွႆႇႁွၵ်ႈဝႃႈ - “ၵူၼ်းဝၢၼ်ႈလိၼ်ပူၵ်ႇတႅၵ်ႇ ဢၼ်လႆႈပၢႆႈၽေးသိုၵ်းၼႆႉ ၼပ်ႉဢမ်ႇလႆႈယဝ်ႉၶႃႈ ယွၼ်ႉမၼ်းပဵၼ်လႅၼ် ၸပ်းလႄႈ ပေႃးႁဝ်း ၵႂႃႇယူႇသမ်ႉ မၼ်းဢမ်ႇလိုမ်းၸႂ်။ ၶိူင်ႈမိၼ်ၵေႃႈ ၾၢႆႇၼိုင်ႈ...

ပျီႇတူႉၸိတ်ႉပဢူဝ်း PNO ႁၢမ်ႈၸဝ်ႈႁိူဝ်းၵႂႃႇမႃးၼႂ်းထုင်ႉၸၢမ်ၵႃးယဝ်ႉသေဢမ်ႇၵႃး ၸႂ်ႉၵူၼ်းဝၢၼ်ႈသူင်ႇ ပၼ်ႁေႃႇၶဝ်ႈၸွၵ်းၽၵ်းၶဝ်ၵူႈဝၼ်း တီႈၼႂ်းထုင်ႉၸၢမ်ၵႃး ၸႄႈဝဵင်းယွင်ႁူၺ်ႈ ၸိုင်ႈတႆးပွတ်းၸၢၼ်း။ တႄႇႁၢင်လိူၼ်ၵျႃၼ်ႊၼႆႉမႃး ၸုမ်းပျီႇတူႉၸိတ်ႉပဢူဝ်း PNO ဢမ်ႇမီးလွင်ႈတၢင်းသင်သေ ႁၢမ်ႈၸဝ်ႈႁိူဝ်း ၸိူဝ်းဢၼ်မီးတီႈတၢင်းၾၢႆႇတူၵ်းဝၢၼ်ႈၸၢမ်ၵႃး ၵႂႃႇမႃးႁႃၵိၼ်လဵင်ႉတွင်ႉၼႂ်းၼွင်လႄႈ ႁဵတ်းႁႂ်ႈၵူၼ်းမိူင်း ထူပ်းတၢင်းယၢပ်ႇၽိုတ်ႇ။ ၵူၼ်းပိုၼ်ႉတီႈ ဝၢၼ်ႈတႃႇယႃႇၵုင်း လၢတ်ႈတီႈၽူႈတွႆႇႁွၵ်ႈဝႃႈ -“ႁိူဝ်းၸၢၵ်ႈၵေႃႈ ဢမ်ႇလႆႈ၊ ႁိူဝ်းဢၼ်ဢဝ်မိုဝ်းၽၢႆးၵေႃႈ ဢမ်ႇလႆႈ၊ ၵူၼ်းၵႂႃႇႁႃပႃႁႃၵိၼ်လဵင်ႉတွင်ႉၸိူဝ်းၼၼ်ႉၵေႃႈ ဢမ်ႇပၼ်ၵႂႃႇ၊...

သိုၵ်းမၢၼ်ႈ ယိုတ်းမိူင်းတင်း ပျီႇတူႉၸိတ်ႉပဢူဝ်း PNO ၶႃႈႁႅမ်တၢႆ ထဝ်ႈၸၢႆး ၵေႃႉၼိုင်ႈ တီႈဝဵင်းယွင်ႁူၺ်ႈ ယဝ်ႉၵေႃႈ ဢဝ်ၾႆးၽဝ်ႁိူၼ်းယေးၵူၼ်းဝၢၼ်ႈထႅင်ႈ 40 လင်ပၢႆ။ ပူၼ်ႉမႃး ဝၼ်းတီႈ 09/05/2025 ယၢမ်းဝၢႆးဝၼ်း သိုၵ်းမၢၼ်ႈ ၵႂႃႇတီႉၺွပ်းဢဝ် လုင်းၸိင်း ဢႃယု 54 ပီ ဢၼ်ၼွၼ်းပႂ်ႉႁႆႈ တၢင်းၼွၵ်ႈဝၢၼ်ႈၸၢင်ႈၸွႆႉ ၸႄႈဝဵင်းယွင်ႁူၺ်ႈ...

တႄႇဢဝ်ႁူဝ်လိူၼ်မေႊၼႆႉမႃး ၸွမ်းဝၢၼ်ႈၼမ်ႉဢုၼ်ႇ၊ ဝၢၼ်ႈလွႆလူင် ၼႂ်းၸႄႈဝဵင်းယွင်ႁူၺ်ႈ ၸိုင်ႈတႆးပွတ်းၸၢၼ်းၼႆႉ သိုၵ်းမၢၼ်ႈတင်း ၸုမ်းပျီႇတူႉၸိတ်ႉပဢူဝ်း PNO ႁူမ်ႈၵၼ်သေ သိုပ်ႇ ပဵၼ်ပၢင်တိုၵ်းၵၼ်တင်း ၸုမ်းလုၵ်ႉၽိုၼ်ႉၶဝ်ဢမ်ႇထၢတ်ႇလႄႈ ႁဵတ်းႁႂ်ႈၵူၼ်းပၢႆႈၽေး ပႆႇၸၢင်ႈပွၵ်ႈၶိုၼ်းႁိူၼ်းယေး ၼႆယဝ်ႉ။ ၵူၼ်းပိုၼ်ႉတီႈ ၸႄႈဝဵင်းယွင်ႁူၺ်ႈ လၢတ်ႈတီႈၽူႈတွႆႇႁွၵ်ႈဝႃႈ - “မၢၵ်ႇလူင်ၸိူဝ်းၼႆႉ ၵႆႉတူၵ်းၼႃႇၶႃႈ။ ၼႂ်းဝူင်ႈၼႆႉၵူၺ်း တူၵ်း 2 လုၵ်ႈ...

တႄႇႁူဝ်လိူၼ်မေႊၼႆႉမႃး ၾၢႆႇတင်းသိုၵ်းမၢၼ်ႈယိုတ်းမိူင်းႁူမ်ႈ ၸုမ်းပျီႇတူႉၸိတ်ႉပဢူဝ်း လၢမ်းဢဝ်ၶိူင်ႈ မိၼ်ၶိူင်ႈၵွင်ႈလူင် ပိုတ်းယိုဝ်းၶဝ်ႈၼႂ်းဝၢၼ်ႈၼမ်ႉဢုၼ်ႇလႄႈ ၺွင်ႇလေးပိၼ်ႇ(ညောင်လေးပင်) ၸႄႈဝဵင်းယွင်ႁူၺ်ႈ ၸိုင်ႈတႆးပွတ်းၸၢၼ်း ပၢင်တိုၵ်းသိုပ်ႇပဵၼ်ႁၢဝ်ႈႁႅင်း ဝႃႈၼႆ။ ၽူႈၶၢၼ်ပၢၵ်ႇပျီႇတူႉၸိတ်ႉပဢူဝ်း လၢတ်ႈၽူႈတွႆႇႁွၵ်ႈဝႃႈ -“ယၢမ်းလဵဝ် တီႈတၢင်းၸၢမ်ၵႃး ပဵၼ်ပၢင်တိုၵ်းၵၼ်ဝႆႉ၊ ၾၢႆႇတၢင်းဝၢၼ်ႈၼမ်ႉဢုၼ်ႇလႄႈ ၺွင်ႇလေးပိၼ်ႇ (ညောင်လေးပင်) PDF တင်း PNO ပဵၼ်ပၢင် တိုၵ်းဝႆႉထိုင်မိူဝ်ႈၼႆႉ”- ဝႃႈၼႆ။ ၼႂ်းၶၢဝ်းတၢင်း...

ပီၵၢႆ 2024 ၵူၼ်းမိူင်းယူႇသဝ်းၼႂ်းၼွင်ႁၢႆးယႃႈ ၸႄႈဝဵင်းယွင်ႁူၺ်ႈ ၸိုင်ႈတႆးပွတ်းၸၢၼ်း ထူပ်းၽေး ၼမ်ႉထူမ်ႈႁၢႆႉႁႅင်း။ ပီ 2025 ၼႆႉသမ်ႉ ယင်းပႆႇၸၢင်ႈပူၵ်းပွင်ႁိူၼ်းယေးလူႉၵွႆယွၼ်ႉၼမ်ႉထူမ်ႈ။ သမ်ႉ မႃးထူပ်းၽေးၽႅၼ်ႇလိၼ်ဝႆထႅင်ႈ ႁိူၼ်းယေးၵူၼ်ႇပင်းလူႉလႅဝ်ပႅတ်ႈတင်းလင် တင်းဝၢၼ်ႈ။ ႁဵတ်းႁႂ်ႈ ၵူၼ်းႁၢမ်းတီႈယူႇ၊ ဢမ်ႇမီးဢၼ်ၵိၼ်။ ၸဝ်ႈတႃႇၼ ဢမ်ႇထိုင်လႆႈ၊ ယွၼ်ႉပိူဝ်ႈသိုၵ်းမၢၼ်ႈ ဢမ်ႇပၼ် ၶႂၢင်ႉဢဝ်ၶူဝ်းၶွင်ၵိၼ်ယႅမ်ႉ ၶဝ်ႈၸွႆႈထိုင် တူဝ်ၵူၼ်းဝၢၼ်ႈလႄႈ...

မိူဝ်ႈဝႃး ဝၼ်းတီႈ 07/05/2025 ၸုမ်းၵူၼ်းၼုမ်ႇတႆး ဝဵင်းယွင်ႁူၺ်ႈ၊ ၸုမ်းၵုၼ်ႁဵင်ၽွင်ႇတေးသျိၼ်း လႆႈဢွၼ်ၸုမ်းၶႅၵ်ႇလီပၢင်ၸႃႉတႆး မိူင်းမၢဝ်း ဢၼ်လုၵ်ႉတၢင်းလႅၼ်လိၼ်တႆး - ၶႄႇ မႃးၼၼ်ႉ ၵႂႃႇ ႁူပ်ႉထူပ်းဢုပ်ႇဢူဝ်းပၼ်ႁႅင်းၸႂ် ၵူၼ်းပၢႆႈၽေးသိုၵ်း တီႈဝၢၼ်ႈမွၵ်ႇပီ ထုင်ႉၼွင်ႁၢႆးယႃႈ ၼႂ်းၸႄႈဝဵင်းယွင်ႁူၺ်ႈ ၸိုင်ႈတႆးပွတ်းၸၢၼ်း လႆႈၵမ်ႉထႅမ်ပၼ်ပႃး တႃႇပူၵ်းသုမ်ႉယူႇသဝ်း ၽွင်းပၢႆႈၽေးသိုၵ်း - ဝႃႈၼႆ။ ၸုမ်းၵူၼ်းၼုမ်ႇတႆး...

တႄႇႁူဝ်လိူၼ်မေႊၼႆႉမႃး ၾၢႆႇတင်းသိုၵ်းမၢၼ်ႈယိုတ်းမိူင်းႁူမ်ႈ ၸုမ်းပျီႇတူႉၸိတ်ႉပဢူဝ်း လၢမ်းဢဝ်ၶိူင်ႈ မိၼ်ၶိူင်ႈၵွင်ႈလူင် ပိုတ်းယိုဝ်းၼႂ်းဝၢၼ်ႈၼမ်ႉဢုၼ်ႇ ၸႄႈဝဵင်းယွင်ႁူၺ်ႈလႄႈ ၼႂ်းၸႄႈဝဵင်းၾၢႆၶုၼ် ၸိုင်ႈ တႆးပွတ်းၸၢၼ်း။ ဝၼ်းတီႈ 05/05/2025 ယၢမ်းၵၢင်ဝၼ်း 11 မူင်းၶိုင်ႈ ၾၢႆႇတင်းသိုၵ်းမၢၼ်ႈ ဢဝ်မၢၵ်ႇသႅၼ်းၼမ်ႉၼၵ်း 500 ပွၼ်ႊ ပွႆႇသႂ်ႇၼႂ်းဝၢၼ်ႈၼမ်ႉဢုၼ်ႇ 4 လုၵ်ႈ လွင်ႈတုမ်ႉတိူဝ်ႉၵူၼ်းမၢတ်ႇ ၸဵပ်းလူႉတၢႆတႄႉ ဢမ်ႇမီးဝႃႈၼႆ...

ယၢမ်းလဵဝ် ၵူၼ်းၼုမ်ႇ ၸိူဝ်းပၢႆႈၽေးသိုၵ်းဝႆႉၼႆႉ သင်ဝႃႈ တေပွၵ်ႈၶိုၼ်းႁိူၼ်း တီႈဝၢၼ်ႈၼမ်ႉဢုၼ်ႇ ၸႄႈဝဵင်းယွင်ႁူၺ်ႈ ၸိုင်ႈတႆးပွတ်းၸၢၼ်း တၵ်းတေလႆႈၶဝ်ႈႁၢပ်ႇၵၢၼ်သိုၵ်းယဝ်ႉ ၸင်ႇတေပၼ်ၶဝ်ႈယူႇၶိုၼ်း ၼႂ်းမူႇဝၢၼ်ႈ ဝႃႈၼႆ။ ၼုမ်ႇၸၢႆး ၼႂ်းဝၢၼ်ႈၼမ်ႉဢုၼ်ႇၼႆႉ သင်ဢႃယုၼႂ်းၵႄႈ 18 ပီ ထိုင် 35 ပီၸိုင် ပေႃးလူင်းလၢႆးမိုဝ်း ယိုၼ်တူဝ်ၶဝ်ႈႁၢပ်ႇထၢမ်းၵၢၼ်သိုၵ်း တီႈၸုမ်းပျီႇတူႉၸိတ်ႉပဢူဝ်း PNO ယဝ်ႉ...

ၵူၼ်းပၢႆႈၽေးသိုၵ်း မိူင်းယၢင်းလႅင် ဢၼ်ပၢႆႈမႃးသွၼ်ႈဝႆႉ တီႈဝဵင်းယွင်ႁူၺ်ႈ ႁူဝ်ၵူၼ်းၼပ်ႉႁဵင်ၼၼ်ႉ သိုၵ်းမၢၼ်ႈ ၸႂ်ႉပွၵ်ႈၶိုၼ်းႁိူၼ်းယေး ႁဵတ်းႁႂ်ႈမီးလွင်ႈယၢပ်ႇၽိုတ်ႇႁႅင်း။ ယၢမ်းလဵဝ် ၾၢႆႇၽွင်းငမ်း ဢၼ်ယူႇတႂ်ႈသိုၵ်းမၢၼ်ႈ ၵုမ်းၵမ် ပၼ်ႁႅင်းဢီး ႁႂ်ႈၵူၼ်းပၢႆႈၽေးသိုၵ်း ဢၼ်မႃးသွၼ်ႈဝႆႉ ၸွမ်းဝတ်ႉဝႃးၽႃသိူဝ်ႇ ၼႂ်းဝဵင်းယွင်ႁူၺ်ႈ ၸိုင်ႈတႆးပွတ်း ၸၢၼ်းၼႆႉ ႁႂ်ႈဢွၼ်ၵၼ် ပွၵ်ႈ ၶိုၼ်းႁိူၼ်းယေးၽႂ်းမၼ်း တင်းမူတ်း တေႃႇထိုင်လိူၼ်ၼႆႉသဵင်ႈ ဝႃႈၼႆ။ ၵဵဝ်ႇလူၺ်ႈ...

သိုၵ်းမၢၼ်ႈယိုတ်းမိူင်း တတ်းၶၢတ်ႇ လွင်ႈၸဝ်ႈတႃႇၼ ၵမ်ႉၸွႆႈၵူၼ်းပၢႆႈၽေးသိုၵ်း ၼႂ်းၸႄႈဝဵင်းယွင်ႁူၺ်ႈ ၸိုင်ႈတႆးပွတ်းၸၢၼ်းသေ တဵၵ်းၶၢၼ်း ႁႂ်ႈၵူၼ်းပၢႆႈၽေးသိုၵ်း ပွၵ်ႈမိူဝ်းၶိုၼ်းၼႂ်းလိူၼ်ၼႆႉ ဝႃႈၼႆ။ ၼၢင်းယိင်း ၵူၼ်းပၢႆႈၽေးသိုၵ်း မိူင်းယၢင်းလႅင် ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ -“ယွၼ်ႉဢမ်ႇမီး ၸဝ်ႈတႃႇၼ မႃးၵမ်ႉၸွႆႈလႄႈ ၵူၼ်းပၢႆႈၽေးသိုၵ်းၵမ်ႈၽွင်ႈ လႆႈဢွၼ်ၵၼ်ပွၵ်ႈမိူဝ်းၶိုၼ်း။ ၵိုတ်းဝႆႉ ၵူၼ်းပၢႆႈၽေးသိုၵ်း ၸိူဝ်းမီးလုၵ်ႈလၢင်း ဢၼ်တေလႆႈတွပ်ႇလိၵ်ႈၸၼ်ႉသိပ်းၵူၺ်း”- ဝႃႈၼႆ။ ၼႂ်းၸႄႈဝဵင်းယွင်ႁူၺ်ႈၼၼ်ႉ...