ၵူၼ်းမိူင်းၸိူဝ်းယူႇသဝ်း ၼႂ်းၸႄႈမိူင်းတမီႇလ်ၼႃႇတူး(တမီလ်နာဒူး) မိူင်းဢိၼ်းတီးယႃး ပွတ်းၸၢၼ်း ဢွၼ်ၵၼ်ၵိၼ် ၺႃးလဝ်ႈ ဢၼ်ဢမ်ႇမူတ်းသႂ်သေ လူႉတၢႆ 31 ၵေႃႉ လႆႈၶိုၼ်ႈႁူင်းယႃဝႆႉ 60 ပၢႆ - ၽူႈၶၢၼ်ပၢၵ်ႇ ၸုမ်းလူင်ပွင်ၸိုင်ႈ လၢတ်ႈၵႂႃႇၼႂ်းဝၼ်းတီႈ 20 လိူၼ် ၵျုၼ်ႊၼႆႉ ၼင်ႇၼႆ။ ၵူၼ်းၸိူဝ်းၵိၼ်ၺႃးလဝ်ႈႁုင် ဢၼ်ဢမ်ႇမူတ်းသႂ်ၼႆႉ ဢွၼ်ၵၼ်ပဵၼ်ဢေႃႉႁၢၵ်ႈ၊ တွင်ႉၸဵပ်း...

ၸၢတ်ႈၸိုင်ႈ ယူႊရူပ်ႊ EU ပိုၼ်ၽၢဝ်ႇ ၼႂ်းဝၼ်းတီႈ 20 လိူၼ်ၵျုၼ်ႊၼႆႉဝႃႈ တေၸွႆႈထႅမ် ၵူၼ်းပၢႆႈၽေး ၸိူဝ်းလူဝ်ႇတၢင်းၸွႆႈထႅမ် တီႈၼႂ်းမိူင်းမၢၼ်ႈလႄႈ ဢၼ်လႆႈပၢႆႈဢွၵ်ႇ မိူင်း မၢၼ်ႈၵႂႃႇ ၸိူဝ်းၼႆႉ တႃႇငိုၼ်း 15 လၢၼ်ႉယူႊရူပ်ႊ - ဝႃႈၼႆ။ ငိုၼ်းၸွႆႈထႅမ် 15 လၢၼ်ႉယူႊရူပ်ႊၼႆႉ တေပဵၼ်တွၼ်ႈတႃႇ လွင်ႈၵိၼ်ယႅမ်ႉ...

ၼႂ်းလုမ်ႈၾႃႉၼႆႉ ၵူၼ်းမိူင်း ၸိူဝ်းႁူပ်ႉတၢမ်ႇသိုၵ်းသိူဝ်တင်း ပတိၵ်ႈၶၢတ်ႈသေ လႆႈပွႆႇပိုၼ်ႉတီႈ ပၢႆႈၽေးဝႆႉၼႆႉ ၼႂ်းလိူၼ်မေႊ ပီ 2024 ႁူဝ်ၼပ်ႉၵူၼ်းၼမ်မႃးထိုင် 120 လၢၼ်ႉၵေႃႉယဝ်ႉၼႆ ၸၢတ်ႈၸိုင်ႈလုမ်ႈၾႃႉ ပိုၼ်ၽၢဝ်ႇဝႆႉၼင်ႇၼႆ။ ဝၼ်းတီႈ 20/06/2024 ၼႆႉ ပဵၼ်ဝၼ်းၵူၼ်းတုၵ်ႉယၢၵ်ႈတင်း လုမ်ႈၾႃႉလႄႈ ၼႂ်းဝၼ်းၼၼ်ႉ ဢႅၼ်ႊတူဝ်ႊၼီႇယူဝ် ၵူႊတႃရႅတ့် (Antonio Guterres) ၽူႈၼမ်းၼႂ်း ၸၢတ်ႈၸိုင်ႈလုမ်ႈၾႃႉ...

ၼႂ်း 5 ၸႄႈဝဵင်း ၸႄႈမိူင်းၶၢင် ယွၼ်ႉပၢင်တိုၵ်းပႆႇယဵၼ်လႄႈ တေႃႇထိုင် လိူၼ်ၵျုၼ်ႊဝၼ်းတီႈ 20 ၼႆႉ ႁူင်းႁဵၼ်းပႆႇ ၸၢင်ႈပိုတ်ႇ လုၵ်ႈႁဵၼ်း မိုၼ်ႇပၢႆ ပႆႇၸၢင်ႈၶိုၼ်ႈႁဵၼ်း ဝႃႈၼႆ။ ၼႂ်းမိူင်းၶၢင်ၼႆႉ ႁူင်းႁဵၼ်းမီး 200 ပၢႆ ဢၼ်မီးၼႂ်းၸႄႈဝဵင်းမၢၼ်ႈၸေႈ၊ မိူင်းမွၵ်ႇလႄႈ ဝဵင်းမႂ်ႇ ဢိၵ်ႇပႃး ႁူင်းႁဵၼ်း ၼႂ်း...

မိူဝ်ႈၼႆႉ ဝၼ်းတီႈ 21/06/2024 ယၢမ်းၵၢင်ၼႂ် 10 မူင်းထိုင် 11 မူင်းၶိုင်ႈ ၵူၼ်းဝၢၼ်ႈၼမ်ႉၶွႆႈ (မြစ်ဆုံကျေးရွာ) ၼႂ်းၸႄႈဝဵင်းမိူင်းမိတ်ႈ ၸိုင်ႈတႆးပွတ်းႁွင်ႇ ဢွၵ်ႇၼႄၵၢင်ၸႂ်တေႃႇ တပ်ႉသိုၵ်းတဢၢင်း TNLA ဝႃႈၼႆ။ ၵူၼ်းပိုၼ်ႉတီႈ ဝဵင်းမိူင်းမိတ်ႈ လၢတ်ႈတီႈၽူႈတွႆႇႁွၵ်ႈဝႃႈ - “ၸႂ်ႈၶႃႈဢေႃႈ ပဵၼ်ၵူၼ်းဝၢၼ်ႈမျိတ်ႉသူင်ႇ ဢွၵ်ႇၼႄၵၢင်ၸႂ် တေႃႇသိုၵ်းလွႆၶဝ် လႆႈႁူႉဝႃႈ...

သိုၵ်းမၢၼ်ႈ ယိုတ်းမိူင်းတင်း သိုၵ်းယၢင်းလႅင် KNDF ပိုတ်းယိုဝ်းၵၼ်မႃးႁၢဝ်ႈႁႅင်း ၼႂ်းၸႄႈဝဵင်းပၢင်လွင်းသေ ႁဵတ်း ႁႂ်ႈၵူၼ်းမိူင်းၸိူဝ်းဢမ်ႇၵပ်းၵၢႆႇသင် လႆႈတုၵ်ႉၶယၢပ်ႇၽိုတ်ႇၸွမ်းလႄႈ ထိုင်တီႈလႆႈပၢႆႈယၢၼ်ႁိူၼ်းယေး ၼပ်ႉႁူဝ်မိုၼ်ႇ ၵူၼ်းမိူင်းၸိူဝ်းၺႃးၸၢၵ်ႇမၢၵ်ႇ လူႉတၢႆမၢတ်ႇၸဵပ်း ၸွမ်းၵေႃႈမီးလႄႈ ၼႂ်းၼၼ်ႉ သင်ၶၸဝ်ႈ တူၼ်ၼိုင်ႈ တီႈဝတ်ႉလွႆၵဵင်ႈ ၺႃးမၢၵ်ႇလူင် သိုၵ်းမၢၼ်ႈတူၵ်းသႂ်ႇသေ လႆႈလူႉလွၼ်ႇၵႂႃႇ ၼႆယဝ်ႉ။ ဝၼ်းတီႈ 17...

သိုၵ်းမၢၼ်ႈတင်း ၸုမ်းယိပ်းၵွင်ႈၵၢင်ႇ ၸၢဝ်းၶိူဝ်း ၶဝ်ႈပၵ်းတပ်ႉ ယူႇၸွမ်းဝတ်ႉဝႃးၽႃသိူဝ်ႇ ၼႂ်းၸႄႈဝဵင်းမိူင်းမိတ်းလႄႈ ႁဵတ်းႁႂ်ႈသင်ၶၸဝ်ႈ - ၵူၼ်းမိူင်း မႆႈၸႂ်တႃႇတိုဝ်းၵမ်သိလ် ၽွင်းၼႂ်းဝႃႇသၢမ်လိူၼ်။ တႄႇဢဝ် လိူၼ်ၵျုၼ်ႊၼႆႉမႃး သိုၵ်းမၢၼ်ႈ ယိုတ်းမိူင်းသမ်ႉ ပၵ်းသဝ်းဝႆႉ တီႈဝတ်ႉဝၢၼ်ႈလွၵ်းလူင်၊ ဝတ်ႉဝၢၼ်ႈသၢၵ်ႈတေႃႇ။ သိုၵ်းၶၢင် KIA တင်း PDF သမ်ႉ ပၵ်းသဝ်းဝႆႉ တီႈၼိူဝ်လွႆၵွင်းမူး...

ဝၢႆးသိုၵ်းမၢၼ်ႈ ယိုတ်းမိူင်းမႃးၼႆႉ ႁဵတ်းႁႂ်ႈၽူႈလၵ်ႉၸၵ်ႉၶုတ်ႈ လိူင်ႇၼမ်ႁႅင်း ၶူဝ်းၶွင်ဢၼ်ၸႂ်ႉ ၼႂ်းၵၼ်ႇၼႂ်းဝတ်ႉၵေႃႈ ဢမ်ႇဝႆႉလၵ်းဢဝ်မူတ်း တေႃႈၼင်ႇ သၢႆၾႆးၾႃႉ တီႈဝတ်ႉၶူးဝႃးဝုၼ်းၸုမ်ႉ လွႆသၢမ်သိပ်း ယင်းၺႃးလၵ်ႉ။ ပူၼ်ႉမႃး ဝၼ်းတီႈ 17/06/2024 ၼႆႉ တီႈဝတ်ႉၸဝ်ႈသိလ်ထမ်း ၶူးဝႃးဝုၼ်းၸုမ်ႉ ဢၼ်ၵေႃႇသၢင်ႈဝႆႉ တီႈလွႆသၢမ်သိပ်း ၼႂ်းၵႄႈၵူတ်ႉၶၢႆ - သႅၼ်ဝီ ၼႂ်းၸႄႈဝဵင်းၵူတ်ႉၶၢႆ ၸႄႈတွၼ်ႈမူႇၸေႊ...

ပလိၵ်ႈၾၢႆႇၵဵပ်းၶွၼ်ႇမိူင်းထႆး တီႉၺွပ်းလႆႈၶိူင်ႈၸၢၵ်ႈ Star Link မွၵ်ႈ 60 လုၵ်ႈ ဢၼ်တေသူင်ႇၸူး လႅၼ်လိၼ် မိူင်းမၢၼ်ႈ။ ၸဝ်ႈၼႃႈတီႈ ပလိၵ်ႈၾၢႆႇၵဵပ်းၶွၼ်ႇမိူင်းထႆး ပိုၼ်ၽၢဝ်ႇၼႂ်းဝၼ်းတီႈ 19/06/2024 ၼႆႉဝႃႈ တီႉၺွပ်း လႆႈၶိူင်ႈၸၢၵ်ႈ Star Link မွၵ်ႈ 60 လုၵ်ႈ ၼႂ်းၸႄႈတွၼ်ႈတၢၵ်ႇ လႅၼ်လိၼ်ထႆး...

ဝဵင်းမႅၵ်ႇၵႃႇ(မက္ကာမြို့) မိူင်းသေႃႇတီႇ ဢႃႇရေးပီးယႃး (ဆော်ဒီအာရေဗျ) တီႈၵူၼ်းၶိူဝ်းမူႇသလိမ်ႇၶဝ် ၼပ်ႉႁူဝ်ပၢၵ်ႇ ဢွၼ်ၵၼ်ၵႂႃႇဝႆႈၽြႃးႁၢၵ်ႉၵျီႇ (ဟာ့ဂျ်) ယူႇၵူႈပီၼၼ်ႉ ပီၼႆႉ ယွၼ်ႉမႆႈႁႅင်းၼႃႇလႄႈ မီးၵူၼ်းလူႉတၢႆ ဢမ်ႇယွမ်း 550 ၵေႃႉၼႆ - ဢိင်ၼိူဝ် လုမ်းၽွင်းတၢင်ၼွၵ်ႈမိူင်း ပိုၼ်ၽၢဝ်ႇဝႆႉသေ သိုဝ်ႇၶၢဝ်ႇ AFP မိူင်းၾရင်ႇသဵတ်ႈ ႁၢႆးငၢၼ်းဝႆႉ မိူဝ်ႈဝၼ်းတီႈ...

ၽွင်းၸဝ်ႈသြႃႇလူင် လုၵ်ႉဝဵင်းပႃႇၵိူဝ် တေမႃးၶဝ်ႈႁူမ်ႈပၢင်ၵုမ် တီႈဝဵင်းလိူဝ်ႇၼၼ်ႉ ၺႃးသိုၵ်းမၢၼ်ႈ လၢမ်းယိုဝ်း ၸွမ်းတၢင်းသေ လႆႈလွၼ်ႉၵႂႃႇ ဝႃႈၼႆ။ ဝၼ်းတီႈ 19/06/2024 ယၢမ်းၵၢင်ၼႂ် 10 မူင်းၶိုင်ႈ  ၽွင်းၸဝ်ႈသြႃႇလူင် ၽတ်ႉတၼ်ႇတ မုၼိၼ်ႇတႃႇ ပိဝုၼ်ႇတ (ဘဒ္ဒန္တမုနိန္ဒာဘိဝံသ) ၸဝ်ႈၵွၼ်းဝတ်ႉဝိၼ်းၼဵမ်ႇမိတႃႇရူင်ႇ (ဝင်းနိမ္မိတာရုံကျောင်း တိုက်) ဝဵင်းပႃႇၵိူဝ် ဢွၵ်ႇတႃႇႁိူဝ်းမိၼ် ဝဵင်းလိူဝ်ႇမႃး...

ၵူၼ်းမိူင်းၶႄႇ ၸိူဝ်းႁဵတ်းၵၢၼ်လႅၼ်ၵိၼ်ငိုၼ်း ၼိူဝ် Online  တီႈတႃႈၶီႈလဵၵ်း ၺႃးတီႉၺွပ်း 150 ၵေႃႉ။ ဝၼ်းတီႈ 19/06/2024 ၼႆႉ သိုဝ်ႇၶၢဝ်ႇသျိၼ်ႇႁႂႃႇ ဢၢင်ႈဢိင် တီႈႁွင်ႈၵၢၼ် ၾၢႆႇႁူမ်ႇလူမ်ႈၵူၼ်းမိူင်း မိူင်းၶႄႇသေ ႁၢႆးငၢၼ်းဝႆႉဝႃႈ -  တီႉၺွပ်းလႆႈၵူၼ်းမိူင်းၶႄႇ 150 ၵေႃႉ ၸိူဝ်းႁဵတ်းၵၢၼ် လႅၼ်ၵိၼ်ငိုၼ်း ၼိူဝ်ဢွၼ်ႊလၢႆႊ...

ၼႂ်းလိူၼ်ၵျုၼ်ႊၼႆႉ သဵင်ၵွင်ႈတႅၵ်ႇ တီႈဝဵင်းလွၵ်ႉၸွၵ်ႇ ဢမ်ႇယွမ်း 3-4 ပွၵ်ႈယဝ်ႉ ၵူၼ်းပိုၼ်ႉတီႈဝႃႈ ပဵၼ်သိုၵ်း RCSS တင်း SSPP ယိုဝ်းၵၼ် ဝႃႈၼႆ။ ဝၼ်းတီႈ 19/06/2024 ယၢမ်းၵၢင်ၼႂ် 9 မူင်း သဵင်ၵွင်ႈတႅၵ်ႇ တၢင်းဢိူင်ႇၵဵင်းၶမ်း ၼႂ်းၵႄႈဢၢင်ႇတေႃး - ၵျွၵ်ႉၵူႇ တၢင်း ၸဵင်ႇႁွင်ႇဝၼ်းဢွၵ်ႇ...

ၸွမ်းၼင်ႇ လွင်ႈယုမ်ႇယမ် ၵူၼ်းမိူင်းတီႈၼိုင်ႈလႄႈ တီႈၼိုင်ႈ ဢမ်ႇမိူၼ်ၵၼ် တေမီးလွင်ႈပႅၵ်ႇပိူင်ႈ ၵၼ်ယူႇ ပေႃးမႃးတူၺ်း ၵူၼ်းမိူင်းတႆး ၵမ်ႈၼမ် တေၼပ်ႉထိုဝ်ပုတ်ႉထၽႃႇသႃႇလႄႈ ပေႃးလႆႈထူပ်း ႁၼ် ၼိမိၵ်ႈႁၢႆႉ သေဢၼ်ဢၼ်မႃးၸိုင် ၵူၼ်းမိူင်းတေတူၵ်းၸႂ်တိုၼ်ႇသၢၼ်ႈဝႃႈ ၵူဝ်ဝၢၼ်ႈမိူင်းသုၵ်ႉ ယုင်ႈ ၼႆၼၼ်ႉယဝ်ႉ။ မိူၼ်ၼင်ႇ တီႈမိူင်းၵိုင် ၸိုင်ႈတႆးပွတ်းၸၢၼ်းၼႆႉၵေႃႈ ၾႃႉၽႃႇ ၺႃးၵွင်းမူး...

မိူဝ်ႈၼႆႉ ဝၼ်းတီႈ 20/6/2024 ယၢမ်းၵၢင်ဝၼ်း 12 မူင်းပၢႆ မၢၵ်ႇတႅၵ်ႇသႂ်ႇ လုၵ်ႈဢွၼ်ႇ မၢတ်ႇၸဵပ်းႁၢဝ်ႈႁႅင်း 3 ၵေႃႉ တီႈပွၵ်ႉ 7 ဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ။ ၵူၼ်းလႃႈသဵဝ်ႈ လၢတ်ႈတီႈၽူႈတွႆႇႁွၵ်ႈဝႃႈ - “လုၵ်ႈဢွၼ်ႇ 3 ၵေႃႉၼၼ်ႉ ၼႂ်းလုၵ်ႈဢွၼ်ႇၸၢႆး ဢႃယု 14 ပီ...