ၶွမ်ႊပၼီႊ Meta ပိုၼ်ၽၢဝ်ႇဝႃႈ ၼႂ်းႁူဝ်ပီ 2024 ၼႆႉ လႆႈႁပ်ႉၶူတ်ႊသၼႃႊ တႃႇလူင်းၼႂ်းၾဵတ်ႉသ်ပုၵ်ႉ ဢိၼ်ႊသ တႃႊၵရမ်ႊ ၼမ်လႄႈ လႆႈငိုၼ်းၼမ်ႉတွၼ်းတွၼ်ႈတႃႇၶွမ်ႊပၼီႊ ႁိမ်းၸမ် 4 မိုၼ်ႇလၢၼ်ႉတေႃႊလႃႊ ဝႃႈၼႆ။ ၸွမ်းၼင်ႇ ပၵ်းပိူင်မၢႆမီႈ ၶွမ်ႊပၼီႊ သူဝ်ႊသျႄလ်ၼႆႉ- သင်ဝႃႈ ၶူတ်ႊသၼႃႊထိုင်ၼႂ်းဢၵွင်ႉၵူၼ်းၸႂ်ႉၾဵတ်ႉသ်ပုၵ်ႉ ၼမ်ၵႃႈႁိုဝ်ၵေႃႈ ၶွမ်ႊပၼီႊ Meta...

ၽွင်းပၢင်တိုၵ်းၼၼ်ႈယူႇ ၼႂ်းမိူင်းတႆးပွတ်းႁွင်ႇလႄႈ ပွတ်းၸၢၼ်းၼႆႉ ၵူၼ်းဝၢၼ်ႈၵူၼ်းမိူင်း ပၢႆႈဢွၵ်ႇႁိူၼ်း ၵႂႃႇသွၼ်ႈယူႇတီႈလွတ်ႈၽေး တၢင်ႇတီႈတၢင်ႇဝဵင်း။ ဝၼ်းတီႈ 31/07/2024 ပီႈၼွင်ႉၵူၼ်းမိူင်းတူၼ် ၊ မႄႈၵႅၼ်း ၊ ၼႃးၵွင်းမူး ၊ ပုင်ႇပႃႇၶႅမ် ၸိူဝ်းၼႆႉ ႁူမ်ႈၵၼ် ၶွတ်ႇၽွတ်ႈ  Committee (ၶွမ်ႊမတီႊ ပွင်ၵၢၼ်တႃႇၸွႆႈထႅမ် ၵူၼ်းပၢႆႈၽေး ၸႄႈဝဵင်းမိူင်းတူၼ်) သေ ဢုပ်ႇၵုမ်ၵၼ်...

တီႈၼႂ်းၸႄႈမိူင်းၵူႊၵျႃႊရတ်ႉ ဢၼ်မီးၼႂ်းတွၼ်ႈတၢင်းတူၵ်းၸိုင်ႈမိူင်းၵြႃး ဢိၼ်ႊတီႊယႃႊၼၼ်ႉ ၼႂ်းလိူၼ်ၵျူႊလၢႆႊ ၼႆႉ ၵူၼ်းမိူင်းၸပ်းတၢင်းပဵၼ် ၸိူဝ်ႉမႅၼ်းဝၢႆႊရၢတ်ႉသ် ဢၼ်ႁဵတ်းႁႂ်ႈ ဢွၵ်းဢေႃၵႂ်ႈ ၽႄႈလၢမ်းၸပ်းၵၼ်လႄႈ တၢႆ ႁိမ်းၸမ် 60 ၵေႃႉ၊ ႁဵတ်းႁႂ်ႈၸုမ်းၾၢႆႇယူႇလီလႄႈၾၢႆႇလိူမ်ႈလႆႈ ပိုၼ်ၽၢဝ်ႇပဵၼ်ငဝ်းလၢႆးၶိုၵ်ႉၶၵ်ႉသေပႂ်ႉတူၺ်းတၢင်းပဵၼ် ၼႆႉယူႇ ဝႃႈၼႆ။ တႃႇတေႁႄႉၵင်ႈလႆႈတၢင်းပဵၼ်ၸိူဝ်ႉမႅင်းဢၼ်တၢင်ႇၸိုဝ်ႈဝႆႉဝႃႈ ၶျၼ်ႊတီႊပူႊရႃႊၼႆႉ ၸဝ်ႈၼႃႈတီႈၸိုင်ႈမိူင်းလႆႈလူင်းပိုၼ်ႉတီႈၼႂ်းဝၢၼ်ႈၼႂ်းဢိူင်ႇ တီႈၵူၼ်းၸၼ်ႉထၢၼ်ႈပိုၼ်ႉၶဝ်ယူႇသဝ်းသေ ၸွႆႈႁဵတ်းလွင်ႈမူတ်းသႂ်၊ သိတ်းယႃႈယႃ ၶႃႈမူင်ႈမႅင်းလႄႈၶႃႈယုင်းလၢႆး...

ၸုမ်းၸွႆႈထႅမ် ႁႅင်းၵၢၼ်ယၢၼ်မိူင်း ၵူၼ်းမိူင်းမၢၼ်ႈ ၼႂ်းမိူင်းထႆးလၢတ်ႈဝႃႈ - ၼႂ်းၶၢဝ်းတၢင်း  50 ဝၼ်း တေႃႇထိုင်လိူၼ်ၵျူႊလၢႆႊသဵင်ႈၼႆႉၵူၺ်းၵူၼ်းမိူင်းမၢၼ်ႈဢၼ်ဢမ်ႇမီးဝတ်းဝႂ်သင် သေ ယူႇသဝ်းႁဵတ်းၵၢၼ်ဝႆႉ ၼႂ်းပတ်းပိုၼ်ႉၸိုင်ႈမိူင်း - ၺႃးပလိၵ်ႈထႆးတီႉ 110,000 ၵေႃႉယဝ်ႉ ဝႃႈၼႆ။ လူင်ပွင်ၸိုင်ႈထႆးၼႆႉပိုၼ်ၽၢဝ်ႇၽႅၼ်ၵၢၼ် ၵူတ်ႇထတ်းၵႂၢတ်ႇလၢင်ႉ ႁႅင်းၵၢၼ်ၽိတ်းမၢႆမီႈ 120 ဝၼ်းၼႆသေ တႄႇဢဝ်ႁူဝ်လိူၼ်ၵျုၼ်ႊမႃး ၵူတ်ႇထတ်းၸွမ်းပိုၼ်ႉတီႈၵၢၼ်ၵေႃႇသၢင်ႈ၊ ႁူင်းၸၢၵ်ႈ၊...

တႄႇၵၢင်လိူၼ်ၵျူႊလၢႆႊပူၼ်ႉမႃး ၾူၼ်တူၵ်းဢမ်ႇထၢတ်ႇ ၼႂ်းၸႄႈဝဵင်းပၢင်လွင်း ၸိုင်ႈတႆးပွတ်းၸၢၼ်း ၵူၼ်းပၢႆႈ ၽေးသိုၵ်း ၸပ်းတၢင်းပဵၼ်တွင်ႉၵႂႃႇတွင်ႉႁေႈ ထိုင်တီႈလူႉတၢႆဢမ်ႇယွမ်း 6 ၵေႃႉယဝ်ႉ ၵမ်ႈၼမ် ပဵၼ်ၵူၼ်းထဝ်ႈ ၵူၼ်းဢႃယုယႂ်ႇ ဝႃႈၼႆ။ ၵူၼ်းပၢႆႈၽေးသိုၵ်း တီႈသုၼ်ပၢႆႈၽေး သွင်းပျွင်း ၼႂ်းၸႄႈဝဵင်းပၢင်လွင်းၼႆႉ ၸပ်းတၢင်းပဵၼ်တွင်ႉၵႂႃႇတွင်ႉႁေႈ ဢၼ် ၵႆႉပဵၼ်ၸွမ်းရႃႇသီႇၶၢဝ်းၾူၼ် ယၢပ်ႇၽိုတ်ႇယႃႈယႃ ၊ မေႃယႃၵေႃႈ ဢမ်ႇယိုၼ်းထိုင်လႆႈလႄႈ...

သိုၵ်းမၢၼ်ႈ ယိုတ်းမိူင်းတင်း ပျီႇတူႉၸိတ်ႉပဢူဝ်း PNO တဵၵ်းၶၢၼ်း ႁႂ်ႈၵူၼ်းပၢႆႈၽေးသိုၵ်း ဝဵင်းသီႇသႅင်ႇ ပွၵ်ႈမိူဝ်း ၶိုၼ်းႁိူၼ်း၊ ၽႃႇၺႃး မၢၵ်ႇမႅင်းၾင်လိၼ်တင်း မၢၵ်ႇမိုဝ်ႉၸိုၼ်းယၢမ်း ၵိုတ်းၶင်ႉမိူဝ်ႈပၢင်တိုၵ်းသေ မၢတ်ႇၸဵပ်း လူႉတၢႆ 10 ပၢႆယဝ်ႉ ဝႃႈၼႆ။ တႄႇႁၢင်လိူၼ်ၵျုၼ်ႊပူၼ်ႉမႃး သိုၵ်းမၢၼ်ႈတင်း PNO တဵၵ်းၶၢၼ်းၵူၼ်းပၢႆႈၽေး ႁႂ်ႈပွၵ်ႈၶိုၼ်းႁိူၼ်း၊ လွၵ်ႇငိုတ်ႈ ပႃးဝႃႈ...

ပၢင်တိုၵ်း သိုၵ်းမၢၼ်ႈလႄႈ သိုၵ်းၵဝ်ႈၵၢင်ႉ တီႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ တိုၵ်ႉသိုပ်ႇပဵၼ်ထႅင်ႈပႆႇယဝ်ႉပႆႇတူဝ်ႈ လႄႈ ဝၼ်းတီႈ 01/08/2024 မိူဝ်ႈဝႃး ယၢမ်းၵၢင်ဝၼ်း မၢၵ်ႇလူင်တူၵ်းသႂ်ႇ ႁူင်းယႃတပ်ႉသိုၵ်း မၢႆ 9 (အမှတ် ၉ ကုတင် ၁၀၀ ဆန့်ဆေးရုံ) ၵူၼ်းတီႈႁူင်းယႃ မၢတ်ႇၸဵပ်းလူႉတၢႆ ဢမ်ႇယွမ်း 30...

သိုၵ်းမၢၼ်ႈ ယိုတ်းဢႃႇၼႃႇ ၸိုင်ႈမိူင်း ၶိၼ်ၽွင်းငမ်းဝၢၼ်ႈမိူင်းယူႇသေတႃႉ ၵုမ်ႇမိုင်ႉႁႅၼ်းသိုၵ်း ၶဝ်ႈပၢင်တိုၵ်းယူႇ ဢမ်ႇၵိုတ်းဢမ်ႇလိုဝ်ႈလႄႈ ဢမ်ႇတၼ်းပူၵ်းပွင်တူၺ်းလူဝၢၼ်ႈမိူင်း။ ႁွင်ႈၵၢၼ် ၾၢႆႇၵဵဝ်ႇၶွင်ႈ ဢၼ်ၽွင်းငမ်း ဝဵင်းလႂ်ဝဵင်း ၼၼ်ႉၵေႃႈ ၼွၵ်ႈလိူဝ်ၵၢၼ် ၵဵပ်းၶွၼ်ႇတီႈၵူၼ်းမိူင်းယဝ်ႉ ဢမ်ႇသႂ်ႇၸႂ် ၼႂ်းၵၢၼ်ၵႄႈလိတ်ႈပၼ်ႁႃ ပၼ်ၵူၼ်းမိူင်းသင်။ တီႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၼႆႉ - ၾၢႆႇလိူမ်ႈလႆႇ ဢမ်ႇၽဵဝ်ႈယုၵ်းယၢၵ်း၊ ၾၢႆႇႁုၼ်ႈမုၼ်း ဢမ်ႇပူၵ်းပွင်ၶိုင်သၢင်ႈၼႂ်းပိုၼ်ႉတီႈလႄႈ...

ၼႂ်းၵူၼ်းမိူင်း ၸိူဝ်းဢၼ်လႆႈယူႇသဝ်း တီႈၼႂ်းၵႄႈၵၢင်ပၢင်တိုၵ်းသိုၵ်းသိူဝ်သေ လႆႈငိၼ်းသဵင်ၵွင်ႈ သဵင်မၢၵ်ႇ သဵင်ၶိူင်ႈမိၼ် မႃးပွႆႇမၢၵ်ႇယူႇၵူႈဝၼ်းၼၼ့် လုၵ်ႈဢွၼ်ႇၸိူဝ်းၽိူၵ်ႇၸိုၼ်ႈၶၢဝ်သႂ်ၵေႃႈ ၶဝ်ႈပႃးမိူၼ်ၵၼ် ။ လုၵ်ႈဢွၼ်ႇၼႆ့ ပဵၼ်ၽွင်းပၢၼ်ဢၼ် တုမ့်တိူဝ့်ငၢႆႈ ၸဵမ်ဢဝ်ပၢႆးတူဝ် ၊ ပၢႆးၸႂ် ။ သင်ဝႃႈ လႆႈမီးလွင်ႈတုမ့်တိူဝ့်ပၢႆးၸႂ်ဝႆ့ ၸဵမ်မိူဝ်ႈၵေႃႉလဵၵ့်ၼႆၸိုင် ႁွႆးၸဵပ်းဢၼ်ၼၼ့် တေၸၢင်ႈ ၸပ်းၵႂႃႇၸွမ်း တၢင်းၸူဝ်ႈၸၢတ်ႈပၢၼ်...

ၵူၼ်းတူၼ်ႈတီး ႁႄႇၵၼ်ၶဝ်ႈထႅဝ် ပႂ်ႉသိုဝ်ႉၼမ်ႉမၼ်းၸိူဝ်ႉၾႆး (ၼမ်ႉမၼ်းၸၢၵ်ႈ) တီႈပၢမ်ႉၼမ်ႉမၼ်း ၵိုၼ်းၶွၼ်ႈသတ်ႉၼႅၼ်ႈ ဝႃႈၼႆ။ တႄႇဢဝ် ဝၼ်းတီႈ 30/07/2024 ၼၼ်ႉမႃး ႁၢၼ်ႉတေႃႇထိုင် မိူဝ်ႈၼႆႉ ဝၼ်းတီႈ 02/08/2024 ၵူၼ်းမိူင်း ဢွၼ်ၵၼ် ၵႂႃႇၶဝ်ႈထႅဝ် ပႂ်ႉသိုဝ်ႉၼမ်ႉမၼ်းၸၢၵ်ႈ တီႈပၢမ်ႉၼမ်ႉမၼ်း BOC ၼႂ်းဝဵင်းတူၼ်ႈတီး ၸိုင်ႈတႆး ပွတ်းၸၢၼ်း လႆႈပႂ်ႉႁိုင်...

ၶိူင်ႈမိၼ်သိုၵ်းမၢၼ်ႈ ပွႆႇမၢၵ်ႇတီႈဝဵင်းလၢဝ်ႇၵၢႆး ယၢမ်းၵၢင်ၶိုၼ်း တိူဝ်ႉၺႃးၵူၼ်းမိူင်းတၢႆ 10 ပၢႆ ဝႃႈၼႆ။ ယၢမ်းၵၢင်ၼႂ်ၸဝ်ႉ 1 မူင်း ဝၼ်းတီႈ 02/08/2024 ၼႆႉ ၶိူင်ႈမိၼ်သိုၵ်းမၢၼ်ႈ ပွႆႇမၢၵ်ႇသႂ်ႇထႅင်ႈတီႈဝဵင်းလၢဝ်ႇ ၵၢႆး (ၵၢတ်ႇၵဝ်ႇ) မိူင်းတႆးပွတ်းႁွင်ႇ တူၵ်းတိူဝ်ႉသႂ်ႇႁူင်းယႃလႄႈ ႁိူၼ်းယေးၵူၼ်းမိူင်း ဢၼ်မီးၼႂ်းပွၵ်ႉ တူင်ႊၶျိူင်ႊ (တွၼ်ႈၾၢႆႇဢွၵ်ႇဝဵင်းလၢဝ်ႇၵၢႆး) ၵူၼ်းမိူင်းမၢတ်ႇၸဵပ်းလႄႈ လူႉတၢႆ...

မၢၵ်ႇလူင် တူၵ်းသႂ်ႇၼႂ်းၵၢတ်ႇလႃႈသဵဝ်ႈလူင် မီးလွင်ႈလူႉသုမ်းၼမ် ယဝ်ႉၵေႃႈ ၸၢၵ်ႇမၢၵ်ႇတိူဝ်ႉၺႃး ႁိူၼ်းယေး ၵူၼ်းမိူင်းႁိမ်းႁွမ်းၼၼ်ႉ လူႉၵွႆထႅင်ႈ။   ဝၼ်းတီႈ 29/07/2024 ယၢမ်းၵၢင်ၶမ်ႈ မၢၵ်ႇလူင်တူၵ်းသႂ်ႇ တီႈၼႂ်းၵၢတ်ႇလႃႈသဵဝ်ႈလူင် ပွၵ်ႉ 12 ဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ ယွၼ်ႉသိုၵ်းမၢၼ်ႈ ယိုတ်းမိူင်းတင်း သိုၵ်းၵဝ်ႈၵၢင်ႉ MNDAA ပိုတ်းယိုဝ်းၵၼ် ႁၢဝ်ႈႁႅင်း ၼႆယဝ်ႉ။ ၵူၼ်းပိုၼ်ႉတီႈ...

ၸွမ်ၸိုင်ႈမႂ်ႇမိူင်းဢီႊရၼ်ႊ - မႃႊသုတ်ႉ ပီႊသျိတ်ႉသ်ၶဵၼ်ႊ Masoud Pezeshkian ၵၢဝ်ႇၵိၼ်ႇ ႁပ်ႉပုၼ်ႈၽွၼ်းပဵၼ် ၸွမ်ၸိုင်ႈ မိူဝ်ႈဝၼ်းတီႈ 30 လိူၼ်ၵျူႊလၢႆႊၼႆႉ ဝႃႈၼႆ။ မၼ်းၸၢႆးလၢတ်ႈဝႃႈ - ၸိုင်ႈမိူင်းယႂ်ႇ ဢၼ်ၵမ်ႉၸွႆႈၶိူင်ႈၵွင်ႈၵၢင်ႇၸူးပၢင်တိုၵ်း တႃႇၶႃႈႁႅမ်လုၵ်ႈဢွၼ်ႇတၢႆ ယူႇၼၼ်ႉ မႃးသွၼ်ပၼ်ၸၢဝ်းမုတ်ႉသလိမ်ႇ ႁႂ်ႈႁူႉလွင်ႈဢီးလူၼႆတႄႉ မၼ်းတိုၼ်းဢမ်ႇပဵၼ်လႆႈ - ဝႃႈၼႆ။ ဝၢႆးလင် ၸွမ်ၸိုင်ႈဢီႊရၼ်ႊၵေႃႉၵဝ်ႇ...

ၵူၼ်းမိူင်းမၢၼ်ႈ ၸိူဝ်းၵႂႃႇႁဵတ်းၵၢၼ် တီႈမိူင်းထႆးသေ ပွၵ်ႈၶိုၼ်းႁိူၼ်းဝႆႉၼၼ်ႉ တႄႇဢဝ်ဝၼ်းတီႈ 1 ဢေႃႊၵတ်ႊသ် ၼႆႉၵႂႃႇ သင်ဝႃႈ ဢမ်ႇၼႄ ဝႂ်ဢူၼ်းငိုၼ်း ဢၼ်လုၵ်ႉမိူင်းထႆးသေ ဢူၼ်းၶဝ်ႈပၼ်ၵူၼ်းႁိူၼ်းယေး တၢင်းမိူင်းမၢၼ်ႈ လူၺ်ႈတၢင်းယေးငိုၼ်းၸိုင်ႈမိူင်း ပဵၼ်တၢင်းၵၢၼ်ၼၼ်ႉၼႆၸိုင် - သိုၵ်းမၢၼ်ႈ တေဢမ်ႇပၼ်ဢွၵ်ႇၵႂႃႇႁဵတ်းၵၢၼ် တီႈမိူင်းထႆးၶိုၼ်း ဝႃႈၼႆ။ သိုၵ်းမၢၼ်ႈ ပိုၼ်ၽၢဝ်ႇဝႆႉဝႃႈ ၵူၼ်းၵႂႃႇႁဵတ်းၵၢၼ်ၼႂ်းမိူင်းထႆးလူၺ်ႈ ၶေႃႈတူၵ်းလူင်း...

သိုၵ်းမၢၼ်ႈပိုၼ်ၽၢဝ်ႇဝႃႈ တႄႇဢဝ်ဝၼ်းတီႈ 1 လိူၼ်ဢေႃႊၵတ်ႊသ် 2024 ၼႆႉၵႂႃႇ တေၶိုၼ်ႈငိုၼ်းလိူၼ် ပၼ်ၶႃႈႁၢပ်ႇၵၢၼ်ၶုၼ် ဢၼ်တိုၵ်ႉႁၢပ်ႇၵၢၼ်ယူႇလႄႈ ၸိူဝ်းလိုဝ်ႈၵၢၼ်ယဝ်ႉ ၸိူဝ်းၼၼ်ႉ ၼိုင်ႈလိူၼ် 3 မိုၼ်ႇပျႃး ဝႃႈၼႆ။ လွင်ႈၶိုၼ်ႈငိုၼ်းလိူၼ် ပၼ်ၶႃႈႁၢပ်ႇၵၢၼ်ၶုၼ်ၼႆႉ ၸူဝ်ႈသိုၵ်းမၢၼ်ႈ ယိုတ်းဢႃႇၼႃႇၸိုင်ႈမိူင်းမႃးၼႆႉ ၵမ်းၼႆႉ ပဵၼ်ပွၵ်ႈ ၵမ်းသွင်ယဝ်ႉ။ မိူဝ်ႈပီၵၢႆ 2023 လိူၼ်ၼူဝ်ႊဝႅမ်ႊပိူဝ်ႊၼၼ်ႉ...