တင်ႈတႄႇၼႂ်းပီ 2024 မႃး ၵၢၼ်လွၵ်ႇလႅၼ်ၵိၼ်ငိုၼ်းတၢင်းဢွၼ်ႊလၢႆႊ လၢမ်းၽႄႈလိူင်ႇၼမ်မႃး ၼႂ်း ၵုၼ်ၶဵဝ်ဢေႊသျႃႊ။ ၵၢၼ်လွၵ်ႇလႅၼ်ၵိၼ်ငိုၼ်း ဢၼ်ၵႂၢမ်းၶႄႇႁွင်ႉဝႃႈ ၵျႃးၽႅၼ်ႉၼႆႉ ပိူင်လူင် လၢမ်းၽႄႈၼႂ်းမိူင်းလၢဝ်း မိူင်းမၢၼ်ႈ  မိူင်းထႆးလႄႈ ဝီႊယႅတ်ႊၼၢမ်း ၼႂ်းၵုၼ်ၶဵဝ်ဢေႊသျႃႊ။ ထိုင်တီႈ မိူင်းၶႄႇ သင်ႇႁႂ်ႈလူင်ပွင်ၸိုင်ႈ  ၸိုင်ႈမိူင်းဢၼ်ၵဵဝ်ႇၶွင်ႈ ၵႂၢတ်ႇလၢင်ႉၽဵဝ်ႈမူၺ်ႉ ၸုမ်းၵျႃးၽႅၼ်ႉ။ တိုဝ်ႉတၢင်းၼႆႉ ၸုမ်းယိပ်းၵွင်ႈၵၢင်ႇၸၢဝ်းၶိူဝ်းၼႂ်းမိူင်းမၢၼ်ႈၵေႃႈ ဢဝ်ႁဵတ်းႁူဝ်ၶေႃႈယႂ်ႇသေ...

ၼႂ်းႁူဝ်လိူၼ်ၵျႅၼ်ႊၼိဝ်ႊရီႊ 2025 ၼႆႉ ၵူၼ်းပၢႆႈၽေး ၸိူဝ်းပၢႆႈမႃးသွၼ်ႈယူႇဝႆႉ တီႈဝဵင်းတူၼ်ႈတီး ယွင်ႁူၺ်ႈ ၼွင်တယႃး သီႇသႅင်ႇလႄႈ ပၢင်လွင်း ၸိူဝ်းၼႆႉ ယၢပ်ႇၽိုတ်ႇႁႅင်း ယွၼ်ႉဢမ်ႇမီးၼမ်ႉၵိၼ် ၼမ်ႉၸႂ်ႉၵုမ်ႇထူၼ်ႈ။ ၽူႈတူင်ႉၼိုင်ႈ ၼႂ်းၸုမ်းၸွႆႈၵူၼ်းပၢႆႈၽေး ဝဵင်းတူၼ်ႈတီး လၢတ်ႈတီႈၽူႈတွႆႇႁွၵ်ႈဝႃႈ - “ဢွင်ႈတီႈဢၼ် ၵူၼ်းပၢႆႈၽေး မႃးသွၼ်ႈယူႇသဝ်းဝႆႉ ၸိူဝ်းၼၼ်ႉ မၢင်တီႈၵေႃႈ ၾႆးၾႃႉဢမ်ႇလႆႈ။...

ယၢမ်းလဵဝ် တီႈႁူင်းႁဵၼ်းၸိူဝ်ႉၸၢတ်ႈထုင်ႉယိူင်း လင်ၵဝ်ႇၼၼ်ႉ ယွၼ်ႉလုၵ်ႈႁဵၼ်းၼမ်ၶိုၼ်ႈမႃး ဢွင်ႈတီႈ ၵၢၼ်သွၼ် ႁဵၼ်း ၸိူဝ်းၼၼ်ႉၵေႃႈ ၵႅပ်ႈႁႅင်းလႄႈ ၵွပ်ႈၼႆ ၸင်ႇၶၢႆႉမႃးၵေႃႇသၢင်ႈတီႈမႂ်ႇသေ ယၢပ်ႇၽိုတ်ႇဝႆႉလွင်ႈငိုၼ်းတွင်း။ ႁူင်းႁဵၼ်းၸိူဝ်ႉၸၢတ်ႈထုင်ႉယိူင်း လင်မႂ်ႇၼႆႉ ယူႇတီႈ သင်ၶၸဝ်ႈလႄႈ ၵူၼ်းပိုၼ်ႉတီႈ ႁူမ်ႈၵၼ်သေ ၵေႃႇသၢင်ႈဝႆႉတီႈဝၢၼ်ႈၵၢင်တူင်ႈ ဢိူင်ႇထုင်ႉယိူင်း ၸႄႈဝဵင်းလၢႆးၶႃႈ ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း ၼႆယဝ်ႉ။ မေႃသွၼ် ၼၢင်းတိုၼ်းဢွမ်လိူၼ်...

ၸၢဝ်းၶိူဝ်းတႆး ၸိူဝ်းယူႇသဝ်းၵိၼ်သၢင်ႈ တီႈမိူင်းဢႃႇသမ်ႇ ၼႂ်းမိူင်းဢိၼ်ႊတိူဝ်ႊယိူဝ်ႊ တွၼ်ႈၼိူဝ် ႁူမ်ႈၵၼ် ၸတ်းပၢင်ၼႄၾိင်ႈငႄႈတႆး International Workshop on Tai Culture လႄႈ ပၢင်ႁူပ်ႉထူပ်းၵူၼ်းၼုမ်ႇတႆး 1st International Tai Youth Festival ဝႃႈၼႆ။ ၼႂ်းၼၼ်ႉ ၵူၼ်းမိူင်းတႆးၵေႃႈ မီးသုၼ်ႇလႆႈၵႂႃႇၶဝ်ႈႁူမ်ႈ ၼႂ်းပၢင်ၼၼ်ႉ တႆးၵူႈတီႈတီႈ...

သိုၵ်းၶၢင် KIA ႁႅၼ်းသိုၵ်း လေႃႇတိုၵ်းတပ်ႉသိုၵ်းမၢၼ်ႈ ယိုတ်းမိူင်းမႃးႁၢဝ်ႈႁႅင်း တီႈဝဵင်းမၢၼ်ႈမေႃႇ ၾၢႆႇသိုၵ်းမၢၼ်ႈ ဢဝ်ၶိူင်ႈမိၼ်ပွႆႇမၢၵ်ႇယိုဝ်းၸွႆႈၶိူဝ်းယႂ်း တိူဝ်ႉသႂ်ႇႁိူၼ်းယေးၵူၼ်းမိူင်းလူႉၵွႆၼမ်။ တႄႇဢဝ် ဝၼ်းတီႈ 23/01/2025 ယၢမ်းၵၢင်ၶမ်ႈမွၵ်ႈ 8 မူင်း တေႃႇထိုင်မိူဝ်ႈၼႆႉ ဝၼ်းတီႈ 24 ယၢမ်းၵၢင်ၼႂ်ၸဝ်ႉ 6 မူင်း သိုၵ်းမၢၼ်ႈ ဢဝ်ၶိူင်ႈမိၼ်မႃးပွႆႇမၢၵ်ႇသႂ်ႇ တီႈဝဵင်းမၢၼ်ႈမေႃႇ ၸႄႈမိူင်းၶၢင်...

ဝၢႆးသိုၵ်းမၢၼ်ႈတင်း သိုၵ်းၵဝ်ႈၵၢင်ႉ ဢုပ်ႇဢူဝ်းတူၵ်းလူင်းလႆႈၸႂ်ၵိုတ်းတိုၵ်းၵၼ် တီႈဝဵင်းၶုၼ်ႊမိင်ႊ မိူင်းၶႄႇယဝ်ႉၼၼ်ႉ ၽၵ်းတူလႅၼ်လိၼ်တႆး - ၶႄႇ ဢၼ်မီးၼႂ်းၼႃႈတီႈသိုၵ်းၵဝ်ႈၵၢင်ႉ - ဝႃႉ ၵုမ်းၵမ်ဝႆႉ ၸိူဝ်းၼၼ်ႉၵေႃႈ ပိုတ်ႇပၼ်ၶိုၼ်းမူတ်းယဝ်ႉ ဝႃႈၼႆသေတႃႉ တီႈပၢင်ႇသၢႆးၼႆႉ ယင်းပႆႇပၼ်တေႃႉၶူဝ်းၵုၼ်ႇၵႂႃႇ မႃးလႆႈထၢင်ႇႁၢင်ႈ။ တႄႇဢဝ် ဝၼ်းတီႈ 20/01/2025 ၼႆႉမႃး တၢင်းၾင်ႇမိူင်းၶႄႇ ပိုတ်ႇပၼ်ၽၵ်းတူလႅၼ်လိၼ် မႃးယဝ်ႉသေတႃႉ...

ႁွင်ႈၵၢၼ်ၶၢဝ်ႇ လူင်ပွင်ၸိုင်ႈမိူင်းၶႄႇ ပိုၼ်ၽၢဝ်ႇဝႃႈ - ၽူႈမီးပုၼ်ႈၽွၼ်း မိူင်းၶႄႇ ၊ မိူင်းမၢၼ်ႈ ၊ မိူင်းထႆး ဢုပ်ႇဢူဝ်းတူၵ်းလူင်းလႆႈၸႂ်ၵၼ် တႃႇတေၵႂၢတ်ႇလၢင်ႉ ၵၢၼ်လွၵ်ႇလႅၼ်ၵိၼ်ငိုၼ်းတၢင်းဢွၼ်ႊလၢႆႊ ႁႂ်ႈႁၢႆၵႂႃႇ - ဝႃႈၼႆ။ လွင်ႈၼႆႉ လႆႈႁူပ်ႉထူပ်းဢုပ်ႇၵုမ်ၵၼ်ၵႂႃႇ တီႈဝဵင်းၶုၼ်ႊမိင်ႊ မိူင်းၶႄႇ မိူဝ်ႈဝၼ်းတီႈ 21/1/2025 ပူၼ်ႉမႃးၼႆႉ ဝႃႈၼႆ။ ၼႂ်းၶၢဝ်းယၢမ်းလဵဝ်ၵၼ်ၼၼ်ႉၵူၺ်း ၽူႈမီးပုၼ်ႈၽွၼ်းၾၢႆႇ မိူင်းမၢၼ်ႈ...

ၶၢဝ်းတၢင်း သိုၵ်းမၢၼ်ႈယိုတ်းမိူင်းၼႆႉ ၵူၼ်းမိူင်းထူပ်းၽေးသိုၵ်းသိူဝ်၊ ထူပ်းၽေးသၽႃႇဝ ၵူၼ်းယူႇဝၢၼ်ႈၼွၵ်ႈ ပႃးၸဵမ်ၵူၼ်းယူႇၼႂ်းဝဵင်း ထူပ်းၽေးမိူၼ်ၵၼ်မူတ်း။ မိူဝ်ႈပၢၼ်လူင်ပွင်ၸိုင်ႈ ၵူၼ်းမိူင်း လိူၵ်ႈတင်ႈၼၼ်ႉတႄႉ ယင်းမီးၵၢၼ်ပူၵ်းပွင်ဝၢၼ်ႈမိူင်းလႄႈ ပိုတ်ႇပၢင်ႇယူႇၽွင်ႈ။ ထိုင်မႃး ပၢၼ်သိုၵ်းမၢၼ်ႈ ယိုတ်းမိူင်းၼႆႉတႄႉ ယႃႇဝႃႈ တေပူၵ်းပွင်ၶူင်သၢင်ႈဢၼ်မႂ်ႇလႃႈ။ ဢၼ်မီးဝႆႉ ၵူၺ်းၵေႃႈ ဢမ်ႇသိုပ်ႇလုမ်းလႃးလႆႈ။ မိူၼ်ၼင်ႇ ၾႆးၾႃႉ ဢၼ်သိုၵ်းမၢၼ်ႈဝႃႈ မိူင်းမၢၼ်ႈ ႁဵတ်းဢွၵ်ႇၶၢႆ...

သိုၵ်းမၢၼ်ႈ ယိုတ်းမိူင်းတင်း တပ်ႉသိုၵ်းၵႅတ်ႇၶႄ ၸိူဝ်ႉၸၢတ်ႈယၢင်းလႅင် KNDP ႁူမ်ႈတင်း PDF သေ သိုပ်ႇပဵၼ်ပၢင်တိုၵ်းၵၼ်ထႅင်ႈ ႁၢဝ်ႈႁႅင်း တီႈဝဵင်းမိူင်းပၢႆး ၸိုင်ႈတႆးပွတ်းၸၢၼ်း။ ယၢမ်းလဵဝ် တပ်ႉသိုၵ်းမၢၼ်ႈ ၶမယ 422 တင်း တပ်ႉသိုၵ်းၵႅတ်ႇၶႄ ၸိူဝ်ႉၸၢတ်ႈယၢင်းလႅင် KNDP ႁူမ်ႈတင်း PDF ပဵၼ်ပၢင်တိုၵ်းၵၼ် တၢင်းၾၢႆႇႁွင်ႇဝဵင်းမိူင်းပၢႆး ယဝ်ႉၵေႃႈ...

ၼႂ်းဝၼ်းတီႈ 22/1/2025 ၸုမ်းၼၢင်းယိင်းမိူင်းမၢၼ်ႈ ပိုၼ်ၽၢဝ်ႇဝႃႈ ၶၢဝ်းတၢင်းၼိုင်ႈပီ ၼႂ်းပီ 2024 ပူၼ်ႉ မႃးၼႆႉ ယွၼ်ႉပိူဝ်ႈပၢင်တိုၵ်းသေတုမ်ႉတိူဝ်ႉပႃးၼၢင်းယိင်း - မၢတ်ႇၸဵပ်းလူႉတၢႆ 478 ၵေႃႉ၊ ၼႂ်းၼၼ်ႉ မိူင်းတႆး ၼမ်သုတ်းထီႉသွင်။ ယွၼ်ႉသိုၵ်းမၢၼ်ႈလႄႈ သိုၵ်းၸၢဝ်းၶိူဝ်း ပိုတ်းယိုဝ်းၵၼ်သေ ၼၢင်းယိင်းၵူၼ်းမိူင်းတႆး တၢႆ 92 ၵေႃႉ တၢႆၼမ်သုတ်းထီႉသွင်၊...

ဝၼ်းတီႈ 23/01/2025 ဝၼ်းမိူဝ်ႈၼႆႉ ၵူႈႁၵ်ႉ LGBTQ+  ၼႂ်းမိူင်းထႆး လူင်းလၢႆးမိုဝ်းၵူပ်ႉၵူႈၵၼ် ပဵၼ်တၢင်းၵၢၼ် ပဵၼ် ၸုပ်ႈႁႅၵ်ႈၼႂ်းပိုၼ်းလႄႈ ၼႂ်းၸဵင်ႇၸၢၼ်းဝၼ်းဢွၵ်ႇၵုၼ်ၶဵဝ်ဢေႊသျႃႊ။ ပဵၼ်ပၢင်ပွႆးၵူပ်ႉၵူႈ လၢၵ်ႇလၢၵ်ႇလၢႆးလၢႆး - ယိင်းတေႃႇယိင်း ၸၢႆးတေႃႇၸၢႆး - ဢၼ်ယႂ်ႇသုတ်းလႄႈ ပွၵ်ႈႁႅၵ်ႈ ၼႂ်းပိုၼ်းမိူင်းၸိုင်ႈထႆး ၼႆၵေႃႈဝႃႈလႆႈ။ ပီၵၢႆ 2024 သၽႃးမိူင်းထႆး ဢုပ်ႇၵုမ်ၵၼ်လွင်ႈသုၼ်ႇလႆႈ ၵူၼ်းသႅၼ်းပၢၼ်လၢၵ်ႇလၢႆ...

ယၢမ်းလဵဝ် သိုၵ်းရၶႅင်ႇ AA တင်း သိုၵ်းမၢၼ်ႈ ယိုတ်းမိူင်း တိုၵ်ႉသိုပ်ႇပဵၼ်ပၢင်တိုၵ်းၵၼ်ဝႆႉ ႁၢဝ်ႈႁႅင်း ၸွမ်းလႅၼ်လိၼ်တိတ်းၸပ်း သၼ်လွႆၸႄႈမိူင်းရၶႅင်ႇ ၸိူဝ်းၼၼ်ႉ ဝႃႈၼႆ။ ပူၼ်ႉမႃး ဝၼ်းတီႈ 20/1/2025 ၼႆႉ ယူႇတီႈ တပ်ႉသိုၵ်းရၶႅင်ႇ AA ပိုၼ်ၽၢဝ်ႇဝႃႈ တိုၵ်ႉသိုပ်ႇပဵၼ်ပၢင်တိုၵ်းၵၼ် တင်းသိုၵ်းမၢၼ်ႈ ႁၢဝ်ႈႁႅင်း ၸွမ်းလႅၼ်လိၼ် ၸႄႈမိူင်းရၶႅင်ႇ...

လုၵ်ႈၸုမ်း ပျီႇတူႉၸိတ်ႉမၢၼ်ႈပဵင်း ၼင်ႇၵၼ် မဝ်းယႃႈသေ ယိုဝ်းၵၼ်တၢႆၶိုၼ်း တီႈဝဵင်းမူႇၸေႊ ၸိုင်ႈတႆးပွတ်းႁွင်ႇ။ ပူၼ်ႉမႃး မိူဝ်ႈဝၼ်းတီႈ 19/1/2025 ယၢမ်းၵၢင်ၶမ်ႈ လုၵ်ႈၸုမ်းပျီႇတူႉၸိတ်ႉမၢၼ်ႈပဵင်း 3 ၵေႃႉ မဝ်းလဝ်ႈ/ မဝ်းယႃႈသေ ပိုတ်းယိုဝ်းၶႃႈႁႅမ်ၵၼ်တၢႆၶိုၼ်း တီႈပွၵ်ႉတေႃႇယွတ်ႈ ဝဵင်းမူႇၸေႊ ၸိုင်ႈတႆးပွတ်းႁွင်ႇ လႅၼ်လိၼ်တႆး - ၶႄႇ ၵေႃႉၺႃး ၶႃႈတၢႆၼၼ်ႉ...

ၸဵမ်မိူဝ်ႈပီ 2019  ၵူၼ်းမိူင်းႁူမ်ႈတုမ်ၵိုင်ႉၵၢင်ႉတူၵ်းၵိၼ်းမႃး။ မိူဝ်ႈပၢၼ်တၢင်းပဵၼ်ၶူဝ်ႊဝိတ်ႉၵေႃႈ ၵၢၼ်ႁႃၵိၼ်လဵင်ႉတွင်ႉယၢပ်ႇၽိုတ်ႇ။ ထိုင်မႃးပၢၼ်သိုၵ်းမၢၼ်ႈ ယိုတ်းမိူင်းထႅင်ႈသမ်ႉ ၶႅၼ်းၵပ်ႉၵိၼ်း။ ယွၼ်ႉငဝ်းလၢႆး ဝၢၼ်ႈမိူင်းသေ ၵူၼ်းလီၵေႃႈ ယဵၼ်းပဵၼ်ၵူၼ်းမိူၵ်ႈ။ မၢင်ၸိူဝ်းၵေႃႈ ႁူႉဢၼ်လီဢၼ် ၸႃႉမႃးသေတႃႉ မၢင်ၸိူဝ်းသမ်ႉ တင်ႈၸႂ် ဝႅၼ်ၶဝ်ႈၼႂ်းလပ်းသိင်ႇသေ ၵေႃႇၵၢၼ်ႁၢႆႉၵၢၼ်မိူၵ်ႈၵေႃႈမီး။ ဢိင်ၼိူဝ် တၢင်းပဵၼ်ၶူဝ်ႊဝိတ်ႉလၢမ်းၽႄႈသေ ၵူၼ်းတင်းလုမ်ႈၾႃႉၼႆႉ တူၵ်းၵိၼ်းမိူၼ်ၵၼ်မူတ်း။ ဝၢႆးသေ ၶူဝ်ႊဝိတ်ႉ ၸၢင်ႁၢႆၵႂႃႇလွႆးလွႆးယဝ်ႉၼၼ်ႉ...

မိူဝ်ႈၼႆႉ ဝၼ်းတီႈ 22/1/2025 ယၢမ်းၵၢင်ဝၼ်း 11:15 မူင်း ၶိူင်ႈမိၼ်သိုၵ်းမၢၼ်ႈ ပွႆႇမၢၵ်ႇတူၵ်းသႂ်ႇ တီႈလုမ်းၽူႈၵွၼ်း ၸႄႈဝဵင်းၼွင်ၶဵဝ် ၸိုင်ႈတႆးပွတ်းႁွင်ႇ 2 လုၵ်ႈ ၵူၼ်းတၢႆ 7 ၵေႃႉ မၢတ်ႇၸဵပ်းထႅင်ႈတင်းၼမ် ။ ၵူၼ်းပိုၼ်ႉတီႈ လၢတ်ႈၽူႈတွႆႇႁွၵ်ႈဝႃႈ - “မိူဝ်ႈၵႆႈ 11 မူင်းပၢႆ...