ပျီႇတူႉၸိတ်ႉပဢူဝ်း PNO ၵဵပ်းၶွၼ်ႇ ၵူၼ်းမိူင်း ၸိူဝ်းမီးရူတ်ႉၵႃး တွၼ်ႈတၢင်းတူၵ်း ၼွင်ႁၢႆးယႃႈ ၸႄႈဝဵင်းယွင်ႁူၺ်ႈ ၸိုင်ႈတႆးပွတ်းၸၢၼ်း။ တႄႇဝၼ်းတီႈ 18/08/2024 ၼႆႉမႃး ၶုၼ်သိုၵ်းလူင် ယႅၵ်ႉၶ ၽူႈၵွၼ်းတပ်ႉၵွင် ၼႂ်းၸုမ်းပျီႇတူႉၸိတ်ႉပ ဢူဝ်း ဢွၼ်ႁူဝ်လုၵ်ႈၼွင်ႉ လူင်းပိုၼ်ႉတီႈသေ ၵဵပ်းၶွၼ်ႇတီႈၵူၼ်းမိူင်း ၸိူဝ်းမီးရူတ်ႉၵႃးဢွၼ်ႇ 1 လမ်း 5 မိုၼ်ႇပျႃး၊...

သိုၵ်းမၢၼ်ႈ ၸႂ်ႉၶိူင်ႈမိၼ်သိုၵ်း ပိုတ်းယိုဝ်းသႂ်ႇႁိူၼ်းယေးဝၢၼ်ႈသူၼ်ၵူၼ်းမိူင်း ၼႂ်းမိူင်းယၢင်းၽိူၵ်ႇ တိူဝ်ႉသႂ်ႇ ပႃးဝၢၼ်ႈတႆး ႁိူၼ်းယေး ဝတ်ႉဝႃးၽႃသိူဝ်ႇ ၺႃးၾႆးမႆႈဢမ်ႇလိူဝ်သင်။ ဝၼ်းတီႈ 19/08/2024 ၼႆႉ သိုၵ်းမၢၼ်ႈ ဢဝ်ၶိူင်ႈမိၼ်သိုၵ်း ပွႆႇမၢၵ်ႇသႂ်ႇ ဝၢၼ်ႈဢၼၢၼ်းၵုၼ်းလႄႈ ဝၢၼ်ႈတႆး (လုတ်ႉ သျၢၼ်း) ဢၼ်မီး ၼႂ်းၸႄႈဝဵင်းဝိၼ်းယေး ၸႄႈတွၼ်ႈတူးပလႃႇယႃႇ ၼႃႈလိၼ်သိုၵ်းယၢင်းၽိူၵ်ႇ KNU ၵုမ်းၵမ်။ သိုဝ်ႇၶၢဝ်ႇ...

ၽွင်းပၢင်ယၼ်ႇသိုၵ်း 1027 ၼႆႉ သိုၵ်းၵဝ်ႈၵၢင်ႉ MNDAA ပိုၼ်ၽၢဝ်ႇၵုမ်းလႆႈလၢႆၸႄႈဝဵင်း ၼႂ်းၸိုင်ႈ တႆးပွတ်းႁွင်ႇ။ သိုၵ်းၵဝ်ႈၵၢင်ႉၼႆႉ ၵူၼ်းမိူင်းတႆးပွတ်းႁွင်ႇ ႁွင်ႉဝႃႈ သိုၵ်းၶႄႇၼႆမႃးၸဵမ်လႂ် ယွၼ်ႉပိူဝ်ႈ ၶဝ်ၸႂ်ႉလိၵ်ႈၶႄႇ ၵႂၢမ်းၶႄႇ။ ၼႂ်း ၵၢၼ်ပူၵ်းပွင်ၽွင်းငမ်းဝၢၼ်ႈဝဵင်း ဢၼ်ၶဝ်ပိုၼ်ၽၢဝ်ႇ ၵုမ်းလႆႈဝႆႉ ၼၼ်ႉၵေႃႈ ယၢမ်းလဵဝ် တႄႇမီးပၼ်ႁႃၼႂ်းၵၢၼ်ၵပ်းသိုပ်ႇတိတ်းတေႃႇ ပွင်ႇၶၢဝ်ႇၸူးၵၼ် တင်းၵူၼ်းမိူင်း။  တီႈဝဵင်းလူင်လႃႈသဵဝ်ႈ ဢၼ်သိုၵ်းၵဝ်ႈၵၢင်ႉ...

ပျီႇတူႉၸိတ်ႉပဢူဝ်း ၵဵပ်းသိုၵ်းမႂ်ႇ တီႈဝဵင်းသီႇသႅင်ႇ 10 ဝၼ်း ၼိုင်ႈပွၵ်ႈ တီႈၵေႇသုတ်း ၵဵပ်း 5 ၵေႃႉ ၵူၼ်းမိူင်းထူပ်းတၢင်းယၢပ်ႇၽိုတ်ႇ ဢမ်ႇၸၢင်ႈၵႂႃႇဢဝ်လႂ်မႃးပၼ်။ ယၢမ်းလဵဝ် တီႈဝဵင်းသီႇသႅင်ႇၼႆႉ သဵင်ၵွင်ႈယဵၼ်ဝႆႉယူႇသေတႃႉ သိုၵ်းသွင်ၾၢႆႇၶဵင်ႈၶႅင် ၵၢၼ်သိုၵ်းၵၼ်ဝႆႉ ၸွမ်းႁိမ်းႁွမ်းဝဵင်းၸိူဝ်းၼၼ်ႉ၊ ပျီႇတူႉၸိတ်ႉပဢူဝ်း တဵၵ်းၸႂ်ႉၵူၼ်းပၢႆႈၽေးသိုၵ်းဝႆႉ ၸိူဝ်းၼၼ်ႉ ပွၵ်ႈယူႇ ၶိုၼ်းဝၢၼ်ႈသူၼ်ႁိူၼ်းယေးသေ ႁႂ်ႈၸတ်းၵဵပ်း ၵူၼ်းၼုမ်ႇၼႂ်းဝၢၼ်ႈၼႂ်းဢိူင်ႇ...

တႄႇႁူဝ်လိူၼ်ၼႆႉမႃး ၼမ်ႉမၼ်းၸိူဝ်ႉၾႆး ႁႃသိုဝ်ႉယၢပ်ႇ ၼႂ်းၸိုင်ႈတႆး လၢႆၸႄႈဝဵင်း ၵူၼ်းမိူင်းလႆႈၶဝ်ႈ ထႅဝ်ၶၢဝ်းႁိုင်ပႂ်ႉသိုဝ်ႉ မၢင်တီႈ မီးၵူၼ်းၵႃႉၶၢႆၼမ်ႉမၼ်းၸိူဝ်ႉၾႆး ၸွမ်းလွၵ်းၵၢတ်ႇမိုတ်ႉ (မှောင်ခိုစျေးကွက်) ထႅင်ႈ။   ဝၼ်းတီႈ 19/08/2024 ၼႆႉ ပလိၵ်ႈသိုၵ်းမၢၼ်ႈ တီႈဝဵင်းတူၼ်ႈတီး ၸိုင်ႈတႆးပွတ်းၸၢၼ်း ၸွမ်းၵူတ်ႇထတ်းတီႈႁၢၼ်ႉ ၸိူဝ်းဢဝ်ၼမ်ႉမၼ်းၸိူဝ်ႉၾႆး သႂ်ႇတဝ်ႈသႂ်ႇၶူတ်ႇဝၢင်းၶၢႆ ၸွမ်းၶၢင်ႈတၢင်း ၼိူဝ်သဵၼ်ႈတၢင်း တူၼ်ႈတီး...

ဝၼ်းတီႈ 19/08/2024 ယၢမ်းၵၢင်ၼႂ်မွၵ်ႈ 11 မူင်းၶိုင်ႈၼႆႉ မၢၵ်ႇလူင်တူၵ်းတႅၵ်ႇ ထင်ၼမ်ႉမၼ်းၸိူဝ်ႉၾႆး AAA ၼႂ်းဝဵင်းသီႇပေႃႉ ၸိုင်ႈတႆးပွတ်းႁွင်ႇ ၺႃးၾႆးမႆႈလူႉၵွႆ မီးလွင်ႈလူႉသုမ်းၼမ် ဝႃႈၼႆ။ ၽွင်းၾႆးမႆႈၼၼ်ႉ ၵူၼ်းပိုၼ်ႉတီႈလႄႈ ၸုမ်းပရႁိတ ႁူမ်ႈၵၼ် ၸွႆႈယိုတ်းၾႆး ႁိုင်ၶၢဝ်းတၢင်း 3 မူင်းပၢႆ ၾႆးၸင်ႇမွတ်ႇ ၵႂႃႇ။ ယၢမ်းလဵဝ် တီႈဝဵင်းသီႇပေႃႉ သဵင်ၵွင်ႈယဵၼ်ဝႆႉသေတႃႉ...

ဝၼ်းတီႈ 19/08/2024 ၼႆႉ ပဵၼ်ဝၼ်းၵူၼ်းလုမ်ႈၾႃႉ ၼင်ႇၵၼ် တူၺ်းထိုင်ၸွႆႈထႅမ်ၵၼ် ယူႇတီႈ UNOCHA သေ လၢတ်ႈဝႃႈ ၵူၼ်းမိူင်းမၢၼ်ႈ 18.6 လၢၼ်ႉ ႁူမ်ႈပႃး လုၵ်ႈဢွၼ်ႇ 6 လၢၼ်ႉ လူဝ်ႇတၢင်းၸွႆႈထႅမ် ၶိုၵ်ႉၶၵ်ႉ ဝႃႈၼႆ။ ၵူၼ်းမိူင်းႁူမ်ႈတုမ်မၢၼ်ႈပတ်းပိုၼ်ႉ လႆႈႁူပ်ႉပၼ်ႁႃပတိၵ်ႈၶၢတ်ႈ လွင်ႈလူႉသုမ်းယႂ်ႇလူင်လႄႈ ၽေးသၽႃႇဝ ၸိူဝ်းၼႆႉတင်းၼမ်။...

ၼႂ်းဝၼ်းတီႈ 20/08/2024 သိုၵ်းမၢၼ်ႈ ႁွတ်ႈထိုင်မႃး တီႈဝတ်ႉၵျွင်းပၢင်ႇၽႅတ်ႈ ၸႄႈဝဵင်းလွၵ်ႉၸွၵ်ႇသေ လဝ်ႈလၢတ်ႈတီႈ ၸဝ်ႈတူၼ်ၶူးၼင်ႈၵျွင်း တႃႇမႃးယွၼ်းၶႂၢင်ႉၾိုၵ်းၵၢၼ်သိုၵ်း ၼႂ်းဝၢင်းၵျွင်းမုၼ်ၸဝ်ႈ ဝႃႈၼႆ။ ၵူၼ်းဝၢၼ်ႈ လၢတ်ႈဝႃႈ - “သိုၵ်းမၢၼ်ႈ ၶဝ်ႈမႃးၼႂ်းၵျွင်းပၢင်ႇၽႅတ်ႈသေ မႃးယွၼ်ႉၶႂၢင်ႉတီႈၸဝ်ႈသြႃႇ ႁဝ်းၶႂ်ႈပိုတ်ႇပၢင်သွၼ် ၵၢၼ်သိုၵ်းၼႆၶႃႈဝႃႇ။ ၸဝ်ႈသြႃႇလႄႈတၵ်ႉၵႃႇ ဢမ်ႇပၼ်ၶႂၢင်ႉလႄႈ ၶဝ်ၶိုၼ်းၵႂႃႇ တၢင်းဝၢၼ်ႈသပ်ႉပေႇပုၼ်ႉထႅင်ႈၶႃႈဢေႃႈ” - ဝႃႈၼႆ။ ယၢမ်းလဵဝ်...

သင်ၸိူဝ်ႉဝၢၼ်ႈမိူင်း ၵတ်းယဵၼ် မိူင်းတႆးၼႆႉ ပဵၼ်တီႈဢၼ်လီယူႇလီသဝ်းလႄႈ မၢၵ်ႇၶဝ်ႈတဝ်ႈၼမ်ႉ လိူင်ႇမၢၵ်ႈ ၼမ်တွၼ်း ပဵၼ်ဝၢၼ်ႈမိူင်း ဢၼ်တၢင်းႁၢင်ႈလီသၽႃႇဝ တဵမ်ထူၼ်ႈ ၸိုဝ်ႈသဵင်လိုဝ်းလင် ၼႂ်းမိူင်းႁူမ်ႈတုမ်။ ၸူဝ်ႈသိုၵ်းမၢၼ်ႈ ယိုတ်းဢႃႇၼႃႇ ၸိုင်ႈမိူင်းမႃးၼႆႉ ၵၢၼ်ၽုၵ်ႇသွမ်ႈၵေႃႈ ဢမ်ႇပဵၼ် ၵၢၼ်ၵႃႉၶၢႆၵေႃႈ ဢမ်ႇတေႃႇဢမ်ႇမၢၼ် ၊ ပၢႆးမၢၵ်ႈမီးတူၵ်း ႁႃၵိၼ်လဵင်ႉတွင်ႉယၢပ်ႇ။ တၢင်းဝဵင်းပၢင်လွင်း ၸိုင်ႈတႆး ပွတ်းၸၢၼ်းၼႆႉၵေႃႈ...

သိုၵ်းမၢၼ်ႈ ပွႆႇမၢၵ်ႇတူၵ်းသႂ်ႇႁိူၼ်းယေးၵူၼ်းမိူင်း ဝဵင်းသီႇပေႃႉ လူႉၵွႆ 3 လင် ထဝ်ႈယိင်း လူႉတၢႆၵေႃႉၼိုင်ႈ။ ဝၼ်းတီႈ 19/08/2024 ယၢမ်းၵၢင်ၼႂ် 2 မူင်း သိုၵ်းမၢၼ်ႈ ဢဝ်ၶိူင်ႈမိၼ် ပွႆႇမၢၵ်ႇလႄႈ တူၵ်းတိူဝ်ႉႁိူၼ်းၵူၼ်းမိူင်း ဢၼ်မီးတီႈဝၢၼ်ႈၺွင်ႇၵဝ်ႈတူၼ်ႈ လူႉၵွႆ 3 လင် ၵူၼ်းတၢႆ  1 ၵေႃႉ မၢတ်ႇၸဵပ်းၵေႃႈမီး...

မေႃယႃ မိူင်းဢိၼ်ႊတီႊယႃႊ လၢၼ်ႉပၢႆ ႁူမ်ႈၵၼ် ဢွၵ်ႇပႆၼႄၵၢင်ၸႂ် ၼိူဝ်သဵၼ်ႈတၢင်း တုၵ်းယွၼ်း ႁႂ်ႈၽူႈမီးပုၼ်ႈၽွၼ်းၶဝ် ဢဝ်လိူင်ႈပၼ်တၢင်းၽိတ်း ၵူၼ်းၵေႃႉဢၼ် ၵၼ်ႉၸၼ်လူလၢႆ ၶႃႈႁႅမ်မေႃယႃယိင်း ၾိုၵ်းၵၢၼ် ၵေႃႉၼိုင်ႈ တီႈၼႂ်းမိူင်းဢိၼ်ႊတီႊယႃႊ ပွတ်းႁွင်ႇ - ဝႃႈၼႆ။ မေႃယႃယိင်း ၾိုၵ်းၵၢၼ် ၵေႃႉဢၼ်ၺႃးၵၼ်ႉၸၼ်သေ ထုၵ်ႇၶႃႈႁႅမ်တၢႆၵႂႃႇၼၼ်ႉ ဢႃယုမီး 31 ပီ။...

သိုၵ်းမၼ်ႈ ၸိူဝ်းပႂ်ႉလၢၼ်ႇ/ ၵဵတ်ႉ တီႈဝဵင်းသီႇၵိပ်ႇ ၸႄႈဝဵင်းပၢင်လွင်း ၵူတ်ႇထတ်း ယွၼ်းငိုၼ်းၼမ်ႁႅင်း ၵူၼ်းမိူင်းယၢပ်ႇၽိုတ်ႇၶၢၼ်ၸႂ် တႃႇလတ်းလၢၼ်ႇၵႂႃႇမႃးၵႃႉၶၢႆ ဝႃႈၼႆ။ ၵူၼ်းႁဵတ်းၵၢၼ်ၽုၵ်ႇသွမ်ႈ ၼႂ်းပိုၼ်ႉတီႈ ပၢင်လွင်း - သီႇၵိပ်ႇ ၵမ်ႈၼမ် လတ်းၽၢၼ်ႇၵႂႃႇမႃးၵဵတ်ႉလၢၼ်ႇ သိုၵ်းမၢၼ်ႈ တင်း PNO ပႂ်ႉႁူမ်ႈၵၼ်ဝႆႉ တီႈၾၢႆႇၼႃႈ ႁူင်းၸၢၵ်ႈလိၼ်ပုၼ်ၼၵႃး ဝဵင်းသီႇၵိပ်ႇ၊ ၺႃးၵူတ်ႇထတ်းယွၼ်းငိုၼ်းၼမ်ႁႅင်း၊...

ၵူၼ်းမိူင်းတႆးပွတ်းႁွင်ႇ ၼပ်ႉႁူဝ်သႅၼ် ပၢႆႈၽေးပၢင်တိုၵ်း ၽႅၼ်ယၼ်ႇသိုၵ်း 1027 ၵမ်ႈၽွင်ႈ ပၢႆၵႂႃႇပွတ်းၸၢၼ်း ၵမ်ႈၽွင်ႈ ၶၢမ်ႈၶူင်းပၢႆႈၵႂႃႇပွတ်းဢွၵ်ႇ။ ပဵၼ်ဢၼ်ယၢပ်ႇၽိုတ်ႇ တႃႇတီႈယူႇတၼ်းသဝ်းလႄႈ တႃႇႁႃၵိၼ်လဵင်ႉတွင်ႉ။ ၵူၼ်းပၢႆႈၽေးသိုၵ်း ၸိူဝ်းတေၶၢမ်ႈၶူင်း တီႈၶူဝ်တႃႈၵေႃႈၼၼ်ႉ ၺႃးသိုၵ်းမၢၼ်ႈ ႁႄႉႁၢမ်ႈၵူတ်ႇထတ်း ထဵတ်ႈထၢမ်ႁႅင်း။ ပေႃးဝႃႈပဵၼ်ၵူၼ်းပၢႆႈၽေးသိုၵ်း မိူင်းတႆးပွတ်းႁွင်ႇၼႆ ယိင်ႈၶႅၼ်းၵူတ်ႇထတ်းယွႆႈယႅမ်း ႁဵတ်းႁႂ်ႈၵူၼ်းမိူင်း လၢႆသႅၼ်းထၢၼ်ႈဢမ်ႇထၢင်ႇႁၢင်ႈၵႂႃႇမႃး။ တႄႇဢဝ် ႁူဝ်လိူၼ်ၵျူႊလၢႆႊ ၼၼ်ႉမႃး...

ၸုမ်းသိုၵ်းတဢၢင်း TNLA ၶဝ်ႈလေႃႇတိုၵ်းတပ်ႉသိုၵ်းမၢၼ်ႈ တီႈဝဵင်းသီႇပေႃႉ ၸိုင်ႈတႆးပွတ်းႁွင်ႇ ႁိုင်မႃးၶၢဝ်းတၢင်း 10 ဝၼ်း ၵူၼ်းမိူင်းၸိူဝ်းတၢႆယွၼ်ႉပၢင်တိုၵ်းၼၼ်ႉၽႂ်ဢမ်ႇၸၢင်ႈၸွႆႈၽဵဝ်ႈၶၢပ်ႈတူဝ် ဢၢႆတူႇၼဝ်ႈဢွၵ်ႇမႃးၸင်ႇႁၼ်တူဝ်တၢႆ။ ၽွင်းပၢင်တိုၵ်းၼႆႉ ၵူၼ်းမိူင်းပိုၼ်ႉတီႈ ဢွၼ်ၵၼ်လႆႈငိူင်ႉပၢႆႈၽေးသိုၵ်း ၵူႈယွမ်ႇၵူႈတၢင်း၊ ၸိူဝ်းၺႃးၸၢၵ်ႇမၢၵ်ႇမၢတ်ႇ ၸဵပ်းလူႉတၢႆ ၵေႃႈမီး။ ၼႂ်းဝၼ်းတီႈ 18 လိူၼ်ထူၼ်ႈပႅတ်ႇ ထူပ်းႁၼ်ၶၢပ်ႈတူဝ်ၵူၼ်းမိူင်းသွင်ၵေႃႉ၊ လူႉတၢႆဝႆႉ မွၵ်ႈ 3-4 ဝၼ်းယဝ်ႉ၊ ၼႂ်းၼၼ်ႉ...

ၵူၼ်းၵႃႉၶဝ်ႈၵၢပ်ႇ တီႈဝဵင်းပၢင်လွင်း 4 ၵေႃႉ ၺႃးၸုမ်းပျီႇတူႉၸိတ်ႉပဢူဝ်း တီႉၺွပ်းၵုမ်းတူဝ်ယဝ်ႉ လွၵ်ႇငိုတ်ႈယွၼ်းငိုၼ်း ၵႃႈဢမ်ႇလႆႈဢမ်ႇၸူး ဝၢႆးပၼ်ငိုၼ်းယဝ်ႉ ၸင်ႇပွႆႇတူဝ်။ ပူၼ်ႉမႃး မိူဝ်ႈလိူၼ်ၵျူႊလၢႆႊၼၼ်ႉ ၵူၼ်းၵႃႉၶဝ်ႈၵၢပ်ႇ ဝၢၼ်ႈၼမ်ႉၽႃမူ 2 ၵေႃႉလႄႈ ၵူၼ်းဝၢၼ်ႈ ဢၼ်ယူႇႁိမ်းသဵၼ်ႈတၢင်း ၵျႃႇမၼီႇ 2 ၵေႃႉ ၼႂ်းၸႄႈဝဵင်းပၢင်လွင်း ၸႄႈတွၼ်ႈတူၼ်ႈတီး ၸိုင်ႈတႆး ပွတ်းၸၢၼ်း...