ၶၢဝ်းတၢင်း သိုၵ်းမၢၼ်ႈ ယိုတ်းမိူင်း 3 ပီပၢႆၼႆႉ လင်ႁိူၼ်းၵူၼ်းမိူင်း ၺႃးသိုၵ်းမၢၼ်ႈ ၽဝ်ယႃႉလူႉၵွႆ သႅၼ်ပၢႆ ၸုမ်း Data For Myanmar ပိုၼ်ၽၢဝ်ႇဢွၵ်ႇမႃး မိူဝ်ႈဝၼ်းတီႈ 10/09/2024 ၼႆႉ ၵမ်ႈၼမ် ပဵၼ်လင် ႁိူၼ်းၵူၼ်းမိူင်း ၼႂ်းတိူင်းၸႄႈ ၵႅင်း လင်ႁိူၼ်း ၺႃးၽဝ် 7 မိုၼ်ႇ 3 ႁဵင်ပၢႆ ဝႃႈၼႆ။
ၼႂ်းပီ 2024 ၼႆႉၵူၺ်း ၼႂ်းမိူင်းမၢၼ်ႈပတ်းပိုၼ်ႉ လင်ႁိူၼ်းၺႃးၽဝ် 2 မိုၼ်ႇပၢႆ၊ တီႈဝဵင်းၵွင်းလၢင်း၊ ၵၢတ်ႇလိုဝ်း၊ ပူးတီးတွင်ႇ၊ မျိၼ်းၶျၢၼ်ႇလႄႈ မူင်ႇယႂႃႇ ၸိူဝ်းၼႆႉ လင်ႁိူၼ်း ၺႃးယႃႉလူႉၵွႆသမ်ႉ ၼႂ်းၵႄႈ 1,000 – 5,000 လင် ဝႃႈၼႆ။
ၼႂ်းလိူၼ်ၵျူႊလၢႆႊ ပူၼ်ႉမႃးၼၼ်ႉၵူၺ်း လင်ႁိူၼ်း 1,100 ပၢႆ ဢၼ်မီးၼႂ်း မိူင်းတႆး၊ မိူင်းရၶႅင်ႇ၊ တိူင်းၸႄႈၵႅင်း၊ မ ၵူၺ်း၊ မၼ်းတလေး၊ မိူင်းယၢင်းလႅင်လႄႈ တိူင်းတၼၢဝ်းသီ ၸိူဝ်းၼႆႉ ၺႃးသိုၵ်းမၢၼ်ႈ ၽဝ်ယႃႉပႅတ်ႈၼႆ – ၸုမ်း Data For Myanmar ပိုၼ်ၽၢဝ်ႇပႃးဝႆႉၼင်ႇၼႆထႅင်ႈ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ