တပ်ႉသိုၵ်းပူတ်းပွႆႇၸိူဝ်ႉၸၢတ်ႈတဢၢင်း TNLA သင်ႇဢိုတ်း ႁူင်းယႃသုၼ်ႇတူဝ်ၵူၼ်းမိူင်း ဝဵင်းၼမ်ႉၶမ်း မီးၶၢဝ်းတၢင်း 10 ဝၼ်းပၢႆယဝ်ႉ ပႆႇပိုတ်ႇ ၵူၼ်းမိူင်းတုၵ်းယွၼ်းႁႂ်ႈပိုတ်ႇပၼ်ၶိုၼ်း ဝႃႈၼႆ။ ဝၼ်းတီႈ 01/03/2025 ၼၼ်ႉ ယူႇတီႈ သိုၵ်းတဢၢင်း သင်ႇဢိုတ်း ႁူင်းယႃသုၼ်ႇတူဝ်ၵူၼ်းမိူင်း “ၶျႄႇရီႇမျေႇ” ဢၼ်ပိုတ်ႇဝႆႉတီႈၼႂ်းပွၵ်ႉၼွင်ၸၢင်ႉ ၸႄႈဝဵင်းၼမ်ႉၶမ်း ၸႄႈတွၼ်ႈမူႇၸေႊ ၸိုင်ႈတႆးပွတ်းႁွင်ႇ ၼႆယဝ်ႉ။ ၵူၼ်းပိုၼ်ႉတီႈ ဝဵင်းၼမ်ႉၶမ်း...

“ၶွပ်ႈၸႂ်ထိုင် ၵူႈမူႇၸုမ်း တီႈၸွႆႈထႅမ်သေ လွတ်ႈဢွၵ်ႇမႃး ၼႂ်းမိုဝ်းၸုမ်းယိပ်းၵွင်ႈၵၢင်ႇ” မႂ်ႇသုင်ၶႃႈ ဢွၼ်တၢင်းသုတ်း ဢၼ်ယူႇတီႈ မုၵ်ႉၸုမ်းသိုၵ်းၵဝ်ႈၵၢင်ႉ MNDAA ဢၼ်တီႉၺွပ်းၶႃႈဝႆႉသေ ၶိုၼ်းပွႆႇပၼ်မႃးၼႆႉ ၶႃႈႁဝ်း ပဵၼ်ဢၼ်ငိၼ်းၸူမ်းယႂ်ႇယႂ်ႇၼမ်ၼမ်ၶႃႈ။ လိူဝ်ၼၼ်ႉ ငိၼ်းၸူမ်းပႃးထႅင်ႈ ၵေႃလိၵ်ႈလၢႆးလႄႈ ၾိင်ႈငႄႈတႆး တူင်ႇဝဵင်းလႃႈသဵဝ်ႈ၊ ၸုမ်းတႆးၵူႈၸုမ်းၸုမ်းသေဢမ်ႇၵႃး သုၼ်ႇတူဝ် တီႈၸွႆႈထႅမ်ၶႃႈမႃးၵူႈၵေႃႉၵူႈၵူၼ်း၊ ပႃႇတီႇတႆး၊ တူင်ႇဝူင်းတႆး၊ ၵူၼ်းၼုမ်ႇတႆး တႃႈၵုင်ႈလႄႈ ၸုမ်းၵႅတ်ႇၶႄတၢင်းယိင်း...

တႄႇႁူဝ်လိူၼ်မၢတ်ႊၶျ်ၼႆႉမႃး တပ်ႉသိုၵ်းပူတ်းပွႆႇၸိူဝ်ႉၸၢတ်ႈတဢၢင်း TNLA တႄႇဢွၵ်ႇၶေႃႈပူင်ဝႃႈ ၵူၼ်းမိူင်းၵူႈ​ၵေႃႉ ၸိူဝ်းဢႃယု 18 ပီ တေႃႇ 45 ပီ တေလႆႈႁၢပ်ႇထၢမ်းၵၢၼ်သိုၵ်း ၼိုင်ႈႁိူၼ်းၼိုင်ႈၵေႃႉ တၵ်းတေလႆႈၶဝ်ႈႁဵတ်းသိုၵ်း ၼႂ်းၸႄႈဝဵင်းမိူင်းၵုတ်ႈ ၸိုင်ႈတႆးပွတ်းႁွင်ႇ ဝႃႈၼႆ။ ၵူၼ်းပိုၼ်ႉတီႈ ၵေႃႉၼိုင်ႈ ဝဵင်းမိူင်းၵုတ်ႈ လၢတ်ႈတီႈၽူႈတွႆႇႁွၵ်ႈဝႃႈ - “ဢမ်ႇၸႂ်ႈဝႃႈ ၶဝ်ၵဵပ်းၵူၼ်းလွႆ (ပလွင်ႈ)...

ဝၢႆးသိုၵ်းမၢၼ်ႈ ယိုတ်းမိူင်းမႃး ၶၢဝ်းတၢင်း 4 ပီ တႄႇဢဝ်ႁူဝ်ပီ 2021 တေႃႇထိုင် ႁူဝ်ပီ 2025 ၼႆႉ သိုၵ်းမၢၼ်ႈ တီႉၺွပ်းၼၢင်းယိင်း 5,952 ၵေႃႉၼႆ - လူင်ပွင်ၸိုင်ႈၽွမ်ႉႁူမ်ႈၸိူဝ်ႉၸၢတ်ႈ NUG ပိုၼ်ၽၢဝ်ႇဢွၵ်ႇဝႆႉ ၼႂ်းဝၼ်းၼၢင်းယိင်းလုမ်ႈၾႃႉ ဝၼ်းတီႈ 8 ၼႆႉၼင်ႇၼႆ။ ၼႂ်းၼၼ်ႉ တႃႇ...

ၽူႈၸၢႆး ဢႃယု 56 ပီ ၵေႃႉၼိုင်ႈ ၵႂႃႇႁႆႈသေ ယဵပ်ႇၺႃးမၢၵ်ႇမႅင်းၾင်လိၼ် တႅၵ်ႇသႂ်ႇ လူႉတၢႆထင်တီႈ ဝႃႈၼႆ။ ပူၼ်ႉမႃး ဝၼ်းတီႈ 08/03/2025 လုင်းၸၢႆးၽွင်း ဢႃယု 56 ပီ ၵႂႃႇႁႆႈသေ ယဵပ်ႇၺႃးမၢၵ်ႇမႅင်းၾင်လိၼ် ၾၢႆႇ ႁွင်ႇဝၢၼ်ႈတူင်ႈၸၢင်ႉ ၼႂ်းၸႄႈဝဵင်းသီႇပေႃႉ ၸႄႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇ ၼႆယဝ်ႉ။ လႆႈႁူႉဝႃႈ...

ယၢမ်းလဵဝ် တီႈတူဝ်းၵဵတ်ႉ တၢင်းၶဝ်ႈဢွၵ်ႇဝဵင်းလွႆလႅမ် ၸိုင်ႈတႆးပွတ်းၸၢၼ်းၼႆႉ ယူႇတီႈ ပလိၵ်ႈမၢၼ်ႈ ၾၢႆႇၽဵဝ်ႈမူၺ်ႉယႃႈမဝ်းၵမ် တႂ်ႈသိုၵ်းမၢၼ်ႈ ၵုမ်းၵမ်ဝႆႉၼၼ်ႉ ၵူတ်ႇထတ်းၸႅတ်ႈထၢမ်ၵူၼ်းၵႂႃႇမႃးႁၢဝ်ႈႁႅင်း သင်ဢမ်ႇပႃးမၢႆၾၢင်ၸိုင် ၺႃးတီႉၺွပ်းၵုမ်းတူဝ်ဝႆႉ။ ၵူၼ်းႁေႃႈၵႃး ဝဵင်းၼမ်ႉၸၢင် - တူၼ်ႈတီး လၢတ်ႈတီႈၽူႈတွႆႇႁွၵ်ႈဝႃႈ - “တီႈတူဝ်းၵဵတ်ႉလွႆလႅမ်ၼႆႉ တေပဵၼ်ပလိၵ်ႈၾၢႆႇၽဵဝ်ႈမူၺ်ႉယႃႈမဝ်းၵမ်ၶဝ် တေႁွင်ႉလူင်းၵႃးသေ ယိုတ်းမၢႆၾၢင်ဝႆႉ ယဝ်ႉၵေႃႈ ဢမ်ႇလၢတ်ႈတေႃႇလီလီ။...

တႄႇႁူဝ်လိူၼ်မၢတ်ႊၶျ် ပီ 2025 ၼႆႉမႃး သိုၵ်းၵဝ်ႈၵၢင်ႉ MNDAA ႁွင်ႉပၢင်ၵုမ် ၵူၼ်းဝၢၼ်ႈ ၼႂ်းၸႄႈဝဵင်းသႅၼ်ဝီ ၸိုင်ႈတႆးပွတ်းႁွင်ႇ လၢႆလၢႆဝၢၼ်ႈသေ ဢုပ်ႇဢူဝ်းႁႂ်ႈၶၢတ်ႈဢွင်ႈတီႈသူၼ်ပၼ် တႃႇႁဵတ်းသူၼ်ၵူၺ်ႈ။ ၵူၼ်းၼႂ်းပိုၼ်ႉတီႈ ဝဵင်းသႅၼ်ဝီ ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ - “ၶဝ်တေႁဵတ်းသူၼ်ၵူၺ်ႈ၊ ၽုၵ်ႇၵူၺ်ႈ ၼႆဝႃႇ။ ႁဝ်းတႄႉၵေႃႈ ႁိုဝ်တေၶႂ်ႈၶၢတ်ႈလႃႇ ႁဝ်းလူဝ်ႇႁဵတ်းသူၼ်ႁဝ်းလူး။ ႁဝ်းတႄႉဝႃႈ...

သိုၵ်းမၢၼ်ႈယိုတ်းမိူင်း တတ်းၶၢတ်ႇ လွင်ႈၸဝ်ႈတႃႇၼ ၵမ်ႉၸွႆႈၵူၼ်းပၢႆႈၽေးသိုၵ်း ၼႂ်းၸႄႈဝဵင်းယွင်ႁူၺ်ႈ ၸိုင်ႈတႆးပွတ်းၸၢၼ်းသေ တဵၵ်းၶၢၼ်း ႁႂ်ႈၵူၼ်းပၢႆႈၽေးသိုၵ်း ပွၵ်ႈမိူဝ်းၶိုၼ်းၼႂ်းလိူၼ်ၼႆႉ ဝႃႈၼႆ။ ၼၢင်းယိင်း ၵူၼ်းပၢႆႈၽေးသိုၵ်း မိူင်းယၢင်းလႅင် ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ -“ယွၼ်ႉဢမ်ႇမီး ၸဝ်ႈတႃႇၼ မႃးၵမ်ႉၸွႆႈလႄႈ ၵူၼ်းပၢႆႈၽေးသိုၵ်းၵမ်ႈၽွင်ႈ လႆႈဢွၼ်ၵၼ်ပွၵ်ႈမိူဝ်းၶိုၼ်း။ ၵိုတ်းဝႆႉ ၵူၼ်းပၢႆႈၽေးသိုၵ်း ၸိူဝ်းမီးလုၵ်ႈလၢင်း ဢၼ်တေလႆႈတွပ်ႇလိၵ်ႈၸၼ်ႉသိပ်းၵူၺ်း”- ဝႃႈၼႆ။ ၼႂ်းၸႄႈဝဵင်းယွင်ႁူၺ်ႈၼၼ်ႉ...

 ဝၼ်းတီႈ 8/3/2025 ၸုမ်းတူင်ႉၼိုင်တူင်ႇဝူင်းၵူၼ်း မိူင်းႁူမ်ႈတုမ် တင်း မိူင်းထႆး ႁူမ်ႈၵၼ် ၸတ်းႁဵတ်းဝၼ်းၼၢင်းယိင်းလုမ်ႈၾႃႉ တီႈၵဵင်းမႂ်ႇ ၸိုင်ႈထႆး ။ ဝၼ်းၼၢင်းယိင်း လုမ်ႈၾႃႉ ၸုမ်းသုၼ်ၵၢၼ်လဵပ်ႈႁဵၼ်းလွင်ႈၼၢင်းယိင်းၸၼ်ႉၸွမ် ၵဵင်းမႆ Department of women studies CMU ၼႆႉဢွၼ်ၼႅင်ႈၵၢၼ်လၢႆလၢႆၸုမ်း တင်း တူင်ႇဝူင်း ၼၢင်းယိင်း ၼႂ်းမိူင်းႁူမ်ႈတုမ်...

ၸၢတ်ႈၸိုင်ႈယူႊရူပ်ႊ (EU) ပိုၼ်ၽၢဝ်ႇ ၼႂ်းဝၼ်းတီႈ 03/03/2025 ၼႆႉဝႃႈ တေၸွႆႈထႅမ်ၵူၼ်းပၢႆႈၽေး ၼႂ်းမိူင်းမၢၼ်ႈ ဢိၵ်ႇပႃး ၵူၼ်းၶိူဝ်းရူဝ်ႊႁိၼ်ႊၵျႃႊ တႃႇငိုၼ်းယူႊရူဝ်ႊ 65 လၢၼ်ႉပၢႆ ဝႃႈၼႆ။ ၸိုင်ႈမိူင်းၸိူဝ်းႁူပ်ႉလွင်ႈၵပ်ႉၵိၼ်း ၼႂ်းၵုၼ်ၶဵဝ်ဢေးသျႃး ၸဵင်ႇၸၢၼ်းဝၼ်းဢွၵ်ႇလႄႈ ဢေးသျႃး ပွတ်းၸၢၼ်း ပႃးၸဵမ်မိူင်းမၢၼ်ႈတင်း မိူင်းၿင်းၵလႃးတဵတ်ႉၶျ် ၸိူဝ်းၼႆႉ ႁူမ်ႈသဵင်ႈတေၸွႆႈထႅမ်ပၼ် တႃႇငိုၼ်းယူႊရူဝ်ႊ 76...

ပၢင်တိုၵ်း သိုၵ်းမၢၼ်ႈ ယိုတ်းမိူင်းတင်း ၸုမ်းႁူမ်ႈႁွမ်ႈသိုၵ်းတဢၢင်း TNLA ၼႂ်းၸႄႈဝဵင်းၼွင်ၶဵဝ် ၸိုင်ႈတႆးပွတ်းႁွင်ႇၼႆႉ တုမ်ႉယွၼ်ႈၵူၼ်းမိူင်းႁႃၵိၼ်လဵင်ႉတွင်ႉႁၢဝ်ႈႁႅင်းလႄႈ သူၼ်ဢွႆႈၸိူဝ်းၼႆႉၵေႃႈ လႆႈၵိုတ်းယင်ႉဝႆႉ ဝႃႈၼႆ။ ဝဵင်းၼွင်ၶဵဝ်ၼႆႉ သိုၵ်းတဢၢင်း TNLA ပိုၼ်ၽၢဝ်ႇယိုတ်းၵုမ်းလႆႈဝႆႉ ၸဵမ်မိူဝ်ႈဝၼ်းတီႈ 10/07/2024 ၼၼ်ႉသေ ႁၢၼ်ႉတေႃႇထိုင်ယၢမ်းလဵဝ် သိုၵ်းမၢၼ်ႈတင်း သိုၵ်းတဢၢင်း တိုၵ်ႉသိုပ်ႇပဵၼ်ပၢင်တိုၵ်းၵၼ်ယူႇႁၢဝ်ႈႁႅင်း တၢင်းဝၢၼ်ႈတွင်းၶမ်း ၾၢႆႇၸၢၼ်းဝဵင်းၼွင်ၶဵဝ်ၼၼ်ႉ ႁိုင်မႃးၶၢဝ်းတၢင်း...

မိူဝ်ႈၼႆႉ ဝၼ်းတီႈ 07/03/2025 ယၢမ်းဝၢႆးဝၼ်း 3:30 သိုၵ်းၵဝ်ႈၵၢင်ႉ MNDAA ပွႆႇပၼ်ၶိုၼ်း ၼၢင်းယိင်းႁွမ် ဢႃယု 15 ပီယဝ်ႉ ယၢမ်းလဵဝ် မၼ်းၼၢင်း ႁွတ်ႈထိုင်ၶိုၼ်းတီႈႁိူၼ်းယေး ဝၢၼ်ႈလူင်မူၼ်း ဢိူင်ႇမိူင်းယေႃ ၸႄႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ လီငၢမ်းယဝ်ႉ။ ၼင်ႇႁိုဝ် ၼၢင်းယိင်းႁွမ် တေလွတ်ႈဢွၵ်ႇမႃးၶိုၼ်းၼႆႉ မုၵ်ႉၸုမ်းတူင်ႇဝူင်းၵူၼ်းလၢႆလၢႆၸုမ်းလႄႈ သိုဝ်ႇ...

ဝၼ်းတီႈ 04/03/2025 ၼၼ်ႉ ၸဝ်ႈတူၼ်ၶူးလႄႈ တၵ်ႉၵႃႇလူင် မၼ်းၸဝ်ႈထုၵ်ႇယိုဝ်းတၢႆ တီႈဝၢၼ်ႈဢုမ်ႇတိုင်း ၸႄႈဝဵင်းၾၢႆၶုၼ် ၸိုင်ႈတႆးပွတ်းၸၢၼ်း ႁဵတ်းႁႂ်ႈၵူၼ်းမိူင်းတူၵ်းၸႂ်ယုပ်းၽၢၼ်ႈ။ ဢၼ်ၺႃးယိုဝ်းတၢႆၼႆႉသမ်ႉ ပဵၼ်ၵေႃႉဢၼ်မေႃတူၺ်းထိုင်လူလွမ် ပူၵ်းပွင်ၸွႆႈထႅမ်ပၼ် ၵူၼ်းဝၢၼ်ႈၵၢၼ်မိူင်း၊ ၸဝ်ႈၽူႈဢၼ်ၵူၼ်းမိူင်းထုင်ႉမိူင်းပၢႆး ၊ ၾၢႆၶုၼ် ၊ ပၢင်လွင်း လႆႈပိုင်ႈဢိင်ၸႂ်ယႂ်ႇလႄႈ ပဵၼ်ဢၼ်လူႉယႂ်ႇသုမ်းလူင်။ ၸုမ်းၵူၼ်းၼုမ်ႇတႆး ၵူႈမူႇၵူႈၸုမ်း ၸင်ႇဢွၵ်ႇလိၵ်ႈယိုၼ်ႈထိုင် ႁႂ်ႈၽူႈၵဵဝ်ႇၶွင်ႈ ဝႆႉၼမ်ႉၼၵ်းသေ...

မိူဝ်ႈၼႆႉ ဝၼ်းတီႈ 07/03/2025 ၸုမ်းၾၢႆႇၸွႆႈထႅမ် ငူပ်ႉငီႉလွင်ႈပူၼ်ႉပႅၼ်သုၼ်ႇလႆႈၵူၼ်း ၸၢတ်ႈၸိုင်ႈလုမ်ႈၾႃႉ (UNOCHA) ပိုၼ်ၽၢဝ်ႇဝႃႈ ၼႂ်းမိူင်းမၢၼ်ႈၼႆႉ ၼၢင်းယိင်းလႄႈ လုၵ်ႈဢွၼ်ႇ ထူပ်းၺႃးလွင်ႈ ပူၼ်ႉပႅၼ်သုၼ်ႇလႆႈၵူၼ်းလႄႈ မီးၽေးၼမ်လိူဝ်ပိူၼ်ႈသုတ်း ယၢမ်းလဵဝ် လူဝ်ႇတၢင်းၸွႆႈထႅမ်ဝႆႉတင်းၼမ် ဝႃႈၼႆ။ ဝၢႆးသိုၵ်းမၢၼ်ႈ ယိုတ်းဢႃႇၼႃႇမႃး ၶၢဝ်းတၢင်း 4 ပီၼႆႉ ၼၢင်းယိင်းလႄႈ လုၵ်ႈဢွၼ်ႇ ၼႂ်းမိူင်းမၢၼ်ႈမွၵ်ႈ...

သိုၵ်းမၢၼ်ႈ ၸႂ်ႉၶိူင်ႈမိၼ်တိုၵ်း ပွႆႇမၢၵ်ႇသႂ်ႇ ၸွမ်းၼႂ်းပိုၼ်ႉတီႈ ၵူၼ်းမိူင်းယူႇသဝ်းလႄႈ ပူၼ်ႉပႅၼ်သုၼ်ႇလႆႈၵူၼ်း ၽွင်းၶၢဝ်းယိုတ်းဢႃႇၼႃႇ 4 ပီမႃးၼႆႉ ၼႂ်းလိူၼ်ၾႅပ်ႊပိဝ်ႊရီႊပူၼ်ႉမႃးၼႆႉၵူၺ်း ၼၢင်းယိင်းလႆႈလူႉတၢႆၵႂႃႇ 66 ၵေႃႉ။ ဝၼ်းတီႈ 06/03/2025 ၼႆႉ ယူႇတီႈ ၸုမ်းၼၢင်းယိင်း မိူင်းမၢၼ်ႈ (BWU) ၾၢႆႇလဵပ်ႈႁဵၼ်းၶူၼ်ႉၶႂႃႉ ႁဵတ်း ဢွၵ်ႇ ၽိုၼ်ႁၢႆးငၢၼ်း ၵဵဝ်ႇၵပ်းလွင်ႈၼၢင်းယိင်း...