ဝၢႆးသိုၵ်းမၢၼ်ႈ ယိုတ်းမိူင်းမႃး ၶၢဝ်းတၢင်း 4 ပီၼႆႉ ၵူၼ်းဢမ်ႇၶႅင်ႁႅင်း (Persons With Disabilities – PWDs) 117 ၵေႃႉ ၺႃးသိုၵ်းမၢၼ်ႈ ၶႃႈတၢႆၼႆ ၸုမ်း Human Rights Myanmar ဢၼ်ၶူၼ်ႉၶႂႃႉပၼ်ႁႃ ပတိၵ်ႈၶၢတ်ႈမိူင်းမၢၼ်ႈ ႁၢႆးငၢၼ်းဝႆႉ ၼႂ်းဝၼ်းတီႈ 17/02/2025...

ၼႂ်းလိူၼ်ဢေႃႊၵတ်ႊသ် ပီ 2024 ၼႆႉ ၵူၼ်းမိူင်းတႆးလၢႆတီႈ ထူပ်းၽေးၼမ်ႉထူမ်ႈ ထိုင်ယၢမ်းလဵဝ်ႁိုင် မႃးၶၢဝ်းတၢင်း  7 လိူၼ်ယဝ်ႉၵေႃႈ ၽွၼ်းယွၼ်ႈမၼ်းပႆႇယဝ်ႉပႆႇတူဝ်ႈ ပႆႇၸၢင်ႈပူၵ်းပွင်ၶိုၼ်းတီႈယူႇ တီႈသဝ်း။ မိူၼ်ၼင်ႇ တီႈထုင်ႉပူင်း ၸႄႈဝဵင်းသီႇသႅင်ႇ ၸိုင်ႈတႆးပွတ်းၸၢၼ်း ဢၼ်ဢွၼ်ၵၼ် ႁိၵ်ႈႁွင်ႉဝႃႈ ယွင်ၶဝ်ႈလူင်မိူင်းတႆးၼႆမႃး ပၢၼ်သိုပ်ႇပၢၼ်ၼၼ်ႉ၊ ဝၢႆးထူပ်းၽေးၼမ်ႉႁၢဝ်ႈႁႅင်းမႃးၼႆႉ ၵိုင်ႉၵၢင်ႉလႅၵ်ႈလၢႆႈ ၽႃႇမိုဝ်းပဵၼ်လင်မိုဝ်း။ တွၼ်ႈတႃႇ ပီတေမႃးပီၼႃႈၼႆႉ...

ဝၼ်းတီႈ 17/02/2025 ယၢမ်းၵၢင်ၼႂ် ၵူၼ်းမိူင်း ၸုတ်ႇၾႆးပႃႇ ႁိမ်းတိၼ်လွႆ ဝတ်ႉတေႃႉယ ပွၵ်ႉ 1 ဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ ၺႃးမၢၵ်ႇမႅင်းၾင်လိၼ် တႅၵ်ႇလုၵ်ႈၼိုင်ႈ လွင်ႈတုမ်ႉတိူဝ်ႉ ၵူၼ်းမၢတ်ႇၸဵပ်းလူႉတၢႆတႄႉ ဢမ်ႇမီး ဝႃႈၼႆ။ ၵူၼ်းပိုၼ်ႉတီႈ ဝဵင်းလႃႈသဵဝ်ႈ လၢတ်ႈၽူႈတွႆႇႁွၵ်ႈဝႃႈ -“လႆႈႁူႉဝႃႈ ၵူၼ်းမိူင်း ၸုတ်ႇၾႆးပႃႇ တီႈႁိမ်းတိၼ်လွႆ ၵျွင်းတေႃးယၼႆႉ...

ၵူၼ်းဢိူင်ႇႁူဝ်ယ ဝဵင်းမိူင်းယႆ ဢွၼ်ၵၼ်ထူပ်းတၢင်းယၢပ်ႇၽိုတ်ႇႁႅင်း ယွၼ်ႉသိုၵ်းမၢၼ်ႈ ဢမ်ႇပၼ်ၵူၼ်းမိူင်း တေႃႉတၢင်ႇၶူဝ်းၵုၼ်ႇၶွင်ၵိၼ်ယႅမ်ႉမႃး ၶဝ်ၵူဝ်ဢဝ်ၵႂႃႇလဵင်ႉလူပၼ် တီႈတပ်ႉသိုၵ်းၵဝ်ႈၵၢင်ႉ ဝႃႈၼႆ။ ယၢမ်းလဵဝ် ၵူၼ်းပိုၼ်ႉတီႈ ၼႂ်းဢိူင်ႇႁူဝ်ယ ၸႄႈဝဵင်းမိူင်းယႆ ၸႄႈတွၼ်ႈလႃႈသဵဝ်ႈ ၸိုင်ႈတႆးပွတ်းႁွင်ႇၼႆႉ ဢွၼ်ၵၼ်လႆႈသိုဝ်ႉၶူဝ်းၵုၼ်ႇၶွင်ၵိၼ်ယႅမ်ႉ ၵႃႈၶၼ်သုင် ယွၼ်ႉတပ်ႉသိုၵ်းမၢၼ်ႈ ၶလယ 67 ဢၼ်ပႂ်ႉဝႆႉ တီႈတၢင်းၽႄဢိူင်ႇႁူဝ်ယ - တၢင်ႉယၢၼ်းၼၼ်ႉ ဢမ်ႇပၼ်တေႃႉတၢင်ႇၶူဝ်းၵုၼ်ႇမႃး...

သိုၵ်းၵႅတ်ႇၶႄၵူၼ်းမိူင်း ၼႂ်းပိုၼ်ႉတီႈ လၢတ်ႈဝႃႈ - ၼႂ်းႁူဝ်ပီ 2025 ၼႆႉ သိုၵ်းမၢၼ်ႈ ၸႂ်ႉၵူၼ်းၶီႇၸွင်ႈမိၼ် (Paramotor) သေ ပွႆႇမၢၵ်ႇၼႂ်းတိူင်းတႃႈၵုင်ႈ၊ တိူင်းၸႄႈၵႅင်း ၊ တိူင်းမၵူၺ်းလႄႈ တိူင်းပႃႇၵိူဝ် ၸိူဝ်းၼႆႉ ဝႃႈၼႆ။ လိူၼ်ၾႅပ်ႊပိဝ်ႊရီႊၼႆႉၵူၺ်း ၼႂ်းတိူင်းၸႄႈၵႅင်းၼၼ်ႉ သိုၵ်းမၢၼ်ႈၸႂ်ႉ ၵူၼ်းၶီႇၸွင်ႈမိၼ်သေ ပွႆႇမၢၵ်ႇၼႂ်းၸႄႈဝဵင်း ၵၼီႇ 2...

ၸဵမ်မိူဝ်ႈ ၸုမ်းဢူၺ်းလီပွတ်းႁွင်ႇ တႄႇၽႅၼ်ယၼ်ႇသိုၵ်း 1027 ၼႂ်းပီ 2023 ၼၼ်ႉသေ ငဝ်းလၢႆးၼႂ်းမိူင်းတႆး လႅၵ်ႈ လၢႆႈမႃးၼမ်။ မိူင်းတႆးပွတ်းႁွင်ႇၼၼ်ႉ ၸုမ်းယိပ်းၵွင်ႈၵၢင်ႇၸၢဝ်းၶိူဝ်း ၶိၼ်ၽွင်းငမ်းပၼ်ႇပွင်ဝၢၼ်ႈမိူင်းယူႇၵေႃႈ ၵူၼ်းပိုၼ်ႉတီႈပႆႇၸၢင်ႈၵတ်းၸႂ်။ ၼႂ်းၸိုင်ႈတႆးပွတ်းဢွၵ်ႇၶူင်းၵေႃႈ ယွၼ်ႉပၼ်ႁႃယုင်ႈယၢင်ႈလၢႆလွင်ႈလႄႈ ၵူၼ်းမိူင်းဢမ်ႇ ၸၢင်ႈလူမ်ၸႂ်။ မိူၼ်ၼင်ႇ မိူင်းတူၼ်ၼႆႉ ယူႇဢိူမ်ႈမိူင်းထႆးဝႆႉယူႇသေတႃႉ ဢမ်ႇၶိုၼ်ႈယႂ်ႇ ပဵင်းၾၢႆႇမိူင်းထႆးသေဢမ်ႇၵႃး ၵၢၼ်ယူႇၵၢၼ်ၵိၼ်ၵူၼ်း မိူင်းၵပ်းၵိၼ်းမႃးၵူႈဝၼ်း။...

ဢမ်ႇမီးပၢင်တိုၵ်းသင်သေ ၶိူင်ႈမိၼ်သိုၵ်းမၢၼ်ႈ တင်ႈၸႂ်ပွႆႇမၢၵ်ႇသႂ်ႇႁူင်းႁဵၼ်း တီႈၸႄႈဝဵင်းတီးမေႃးသူဝ်ႇ မိူင်းယၢင်းလႅင် မိူဝ်ႈဝၼ်းတီႈ 13/02/2025 ယၢမ်းဝၢႆးဝၼ်း 2 မူင်းပၢႆ။ မၢၵ်ႇၶိူင်ႈမိၼ်သိုၵ်းမၢၼ်ႈ တူၵ်းတႅၵ်ႇတီႈႁူင်းႁဵၼ်း ၼႂ်းဝၢၼ်ႈတေႃးယွၵ်ႉၶူ (ဒေါရောက်ခူ) ၾၢႆႇတူၵ်းဝဵင်း တီးမေႃးသူဝ်ႇ ႁွင်ႈႁဵၼ်းသွၼ်လိၵ်ႈ ဢိၵ်ႇပႃး ႁိူၼ်းယေး ဢၼ်တိတ်းၸပ်းဝႆႉႁူင်းႁဵၼ်း ၸိူဝ်းၼၼ်ႉ ၺႃး ၸၢၵ်ႇမၢၵ်ႇလူႉၵွႆၸွမ်း ဝႃႈ ၼႆ။...

ပလိၵ်ႈမၢၼ်ႈ ဢၼ်ယူႇၾၢႆႇတႂ်ႈသိုၵ်းမၢၼ်ႈ ၵုမ်းၵမ် ႁႄႉႁၢမ်ႈၵူတ်ႇထတ်းႁႅင်း ဢမ်ႇပၼ်ၵူၼ်းၼုမ်ႇ ဢႃယု 18 ပီ - 35 ပီ လတ်းၶၢမ်ႈၵႂႃႇမႃး တီႈၽၵ်းတူမိူင်းလႅၼ်လိၼ်တႆး - ၶႄႇယဝ်ႉ ဝႃႈၼႆ။ တႄႇဢဝ် ဝၼ်းတီႈ 12/02/2025 ၼႆႉမႃး တီႈၽၵ်းတူမိူင်းလႅၼ်လိၼ်တႆး - ၶႄႇ ဝဵင်းမူႇၸေႊ ၸိုင်ႈတႆးပွတ်းႁွင်ႇၼႆႉ...

သိုၵ်းမၢၼ်ႈ ပွႆႇမၢၵ်ႇၵွင်ႈလူင် တီႈဝဵင်းယွင်ႁူၺ်ႈ ၸိုင်ႈတႆးပွတ်းၸၢၼ်း ထပ်းၵၼ်လၢႆဝၼ်း မၢၵ်ႇတူၵ်းတိုဝ်ႉ ၵူၼ်းမိူင်းမၢတ်ႇၸဵပ်း လူႉတၢႆၼမ်။ ဝၼ်းတီႈ 13/02/2025 ယၢမ်းႁူဝ်ၶမ်ႈ 6 မူင်း သိုၵ်းမၢၼ်ႈတင်း ပျီႇတူႉၸိတ်ႉပဢူဝ်း PNO လုၵ်ႉတင်းတူၵ်း ဝဵင်းၾၢႆ ၶုၼ် ယိုဝ်းၵွင်ႈလူင် 3 လုၵ်ႈ တူၵ်းသႂ်ႇၼႂ်းဝၢၼ်ႈလိၼ်ပူၵ်ႇတႅၵ်ႇ (တောင်ပို့ကွဲ) ၵူၼ်းပိုၼ်ႉတီႈ...

ၼႂ်းပီ 2024-2025 ၼႆႉ ဢိင်ၼိူဝ် ၵၢၼ်မိူင်းဢမ်ႇလီသေ ပၢႆးမၢၵ်ႈမီးတူၵ်း ၶၼ်ၶဝ်ႈပိူၵ်ႇၵေႃႈတူၵ်း ၶၼ်ၶဝ်ႈသၢၼ်ၶိုၼ်ႈသုင် ၵူၼ်းမိူင်းမၢင်တီႈၸမ်ဢိုပ်းၶဝ်ႈ ယွၼ်ႉသိုၵ်းမၢၼ်ႈ တေႃႉသူင်ႇၶၢႆၼွၵ်ႈမိူင်းၼမ်။ ၼႂ်းႁၢင်ပီ 2024 သိုၵ်းမၢၼ်ႈ ဢဝ်ၶဝ်ႈသၢၼ်ဢွၵ်ႇၶၢႆၼွၵ်ႈမိူင်း 420,000 တၼ်ႊပၢႆ ဝၢႆးၼၼ်ႉ လွင်ႈတေႃႉသူင်ႇၶၢႆၶဝ်ႈသၢၼ် ယွမ်းလူင်းၵႂႃႇတိၵ်းတိၵ်း၊ ထိုင်မႃး ႁူဝ်ပီ 2025 လိူၼ်ၵျႅၼ်ႊၼိဝ်ႊရီႊၼႆႉ သူင်ႇၶၢႆၶဝ်ႈသၢၼ်...

သိုၵ်းမၢၼ်ႈ တင်ႈၵဵတ်ႉလၢၼ်ႇၼမ်   တီႈသဵၼ်ႈတၢင်း   ၵျွၵ်ႉၵူႇ - ပႃႉထူး- ၶိုၼ်ႈၼွင်ၶဵဝ်-ၵျွၵ်ႉမႄး   ၵဵတ်ႉ/လၢၼ်ႇ ဢမ်ႇယွမ်း 20 တီႈ ၵူတ်ႇထတ်းၵူၼ်းမိူင်းၸိူဝ်းၵႂႃႇမႃး ႁၢဝ်ႈႁႅင်း ထႆၵိၼ်ငိုၼ်း ၵူၼ်းမိူင်း  ၵူႈၵဵတ်ႉၵူႈလၢၼ်ႇ။ ၼၢင်းယိင်းသႅၼ်းပၢၼ်ဢႃယုမွၵ်ႈ 40 ပီ  လၢတ်ႈဝႃႈ မၼ်းၼၢင်းလုၵ်ႉၵျွၵ်ႉမႄး မႃးတူၼ်ႈတီး မိူဝ်ႈ ဝၼ်းတီႈ 9/2/2025။...

ၸွမ်ၸိုင်ႈမႂ်ႇ မိူင်းဢမေႊရိၵၼ်ႊ ၻူဝ်ႊၼေႃႊ ထရမ်ႉ ဢၼ်ၶိုၼ်ႈႁပ်ႉပုၼ်ႈၽွၼ်း မိူဝ်ႈႁၢင်လိူၼ်ၵျႅၼ်ႊၼိဝ်ႊရီႊ 2025 ပူၼ်ႉမႃးၼၼ်ႉသေ ထိုင်မႃးၼႂ်းလိူၼ်ၾႅပ်ႊပိဝ်ႊရီႊၼႆႉ ၵိုင်ႉၵၢင်ႉသင်ႇၸုမ်းၸဝ်ႈတႃႇၼ မိူင်းဢမေႊရိၵၼ်ႊ ဢၼ်ပၼ်တၢင်းၸွႆႈထႅမ်ယူႇ တင်းလုမ်ႈၾႃႉၼၼ်ႉ ႁႂ်ႈတတ်းၶၢတ်ႇလွင်ႈၸွႆႈထႅမ်သေ ၶဝ်ႈမႃးၸွႆႈထႅမ်ပူၵ်းပွင်ၸိုင်ႈမိူင်းဢမေႊရိၵၼ်ႊၶိုၼ်း။    လွင်ႈၼႆႉ ႁဵတ်းႁႂ်ႈ ၸုမ်းႁဵတ်းၵၢၼ်တူင်ႇၵူၼ်း NGO, CSO တွၼ်ႈတႃႇ ၵူၼ်းမိူင်းႁူမ်ႈတုမ်မၢၼ်ႈၵူၺ်းဢမ်ႇၵႃး ၸိုင်ႈမိူင်းဢၼ်လႆႈ တၢင်းၸွႆႈထႅမ်...

ထဝ်ႈၸၢႆး ဢႃယု 77 ပီ ၵေႃႉၼိုင်ႈ ၺႃးပေႃႉထုပ်ႉၶႃႈတၢႆ ပႅတ်ႈတူၵ်းၼမ်ႉႁွင်ႉ ၼႂ်းၵႄႈမိူင်းငေႃႉ - ၵျွၵ်ႉမႄး ဝႃႈၼႆ။   ဝၼ်းတီႈ 05/02/2025 ပူၼ်ႉမႃးၼႆႉ ထူပ်းႁၼ် တူဝ်တၢႆ လုင်းသၢင်ႇၶုၼ်ႇ ဢႃယု 77 ပီ တီႈၼႂ်းၼမ်ႉသိမ်ႇ ၼႂ်းၵႄႈမိူင်းငေႃႉ - ဝဵင်းၵျွၵ်ႉမႄး...

ၽူႈဢွၼ်ႁူဝ် ႁွင်ႈၵၢၼ်ၾၢႆႇလူင်ပွင်ၸိုင်ႈ မိူင်းဢမေႊရိၵၼ်ႊ ၽူႈမၢၵ်ႈမီးလူင် ဢီႊလုၼ်ႊမၢတ်ႉ (Elon Musk) တုၵ်းယွၼ်း ႁႂ်ႈပိၵ်ႉဢိုတ်းပႅတ်ႈ ႁွင်ႈၵၢၼ်ၶၢဝ်ႇ Voice of America တင်း Radio Free Europe ဢၼ်လူင်ပွင်ၸိုင်ႈ ဢမေႊရိၵၼ်ႊ ၵမ်ႉၸွႆႈပၼ်ဝႆႉ ဝႃႈၼႆ။ မိူင်းယူႊရူပ်ႊၼႆႉ ယၢမ်းလဵဝ် လွတ်ႈလႅဝ်းဝႆႉယဝ်ႉလႄႈ သဵင်ၶၢဝ်ႇ...

ႁၢင်လိူၼ် ၵျႅၼ်ႊၼိဝ်ႊရီႊ ပီ 2025 ၼႆႉ မီးၶၢဝ်ႇ ဢွၵ်ႇမႃးဝႃႈ သိုၵ်းမၢၼ်ႈတေၵဵပ်းၼၢင်းယိင်း ဢႃယု 18 ထိုင် 35 ႁၢပ်ႇၵၢၼ်သိုၵ်းၼႆသေ ၵၢင်ႉၵႄႇၼႂ်းဝဵင်း မိူင်းသၢတ်ႇ ၸိုင်ႈတႆးပွတ်းဢွၵ်ႇၵေႃႈ လူင်းၵဵပ်းသႅၼ်ႈမၢႆ ၼၢင်းယိင်း  ႁဵတ်းႁႂ်ႈ ၵူၼ်းမိူင်း တိုၼ်ႇသၢၼ်ႈတူၵ်းၸႂ် ဝႃႈၼႆ ။   ၼၢင်းယိင်းဢႃယုမွၵ်ႈ...