တႃႇႁၢပ်ႇၵၢၼ်သိုၵ်း ၸုပ်ႈ 12 ၼႆႉ ၵၢင်ႉၵႄႇၼႂ်းပွၵ်ႉ ဝဵင်းတူၼ်ႈတီး ၸိုင်ႈတႆးပွတ်းၸၢၼ်း ၸႂ်ႉၵူၼ်းမိူင်း ၸူၵ်းမႄး၊ ၽႂ်ၸူၵ်းလႆႈၵေႃႈ တၵ်းလႆႈၵႂႃႇၾိုၵ်းၵၢၼ်သိုၵ်း ငိူင်ႉဝႄႈဢမ်ႇလႆႈ ဝႃႈၼႆ။ ဝၼ်းတီႈ 07/04/2025 ယၢမ်းၵၢင်ၼႂ် ၵၢင်ႉၵႄႇၼႂ်းပွၵ်ႉ ရတၼႃႇသီႇရိ ၊ ၵျွင်းၵျီးၸူႉ ၊ ၸဵင်ႇပၢၼ်း ဝဵင်းတူၼ်ႈတီး ႁွင်ႉဢဝ် ၵူၼ်းၼုမ်ႇၸိူဝ်းပႃးၼႂ်းသဵၼ်ႈၸိုဝ်ႈ...

မိူဝ်ႈႁၢင်လိူၼ်မၢတ်ႊၶျ် ဝၼ်းတီႈ 28 ယၢမ်းၵၢင်ဝၼ်းမွၵ်ႈ 1 မူင်းၼၼ်ႉ လုၵ်ႉတၢင်းသုၼ်ၵၢင်မိူင်းမၢၼ်ႈ တိူင်းၸႄႈၵႅင်းသေ ၽႅၼ်ႇလိၼ်ဝႆ (ဢိင်ႇသၼ်ႇ) ႁႅင်း 7.7 မႅၵ်ႊၼီႊၵျုတ်ႉသေႁိူၼ်းယေး ၵူၼ်ႇၵၢၼ်ႉယူတ်ႇတဵင် ၵူၺ်းဢမ်ႇၵႃး ႁဵတ်းႁႂ်ႈၾႆးသျွတ်ႉသေ ၵိူတ်ႇပဵၼ်ၾႆးမႆႈပႃး။ ၵူၼ်းမိူင်း ႁူပ်ႉတၢင်းတုၵ်ႉ လွင်ႈပၢင်တိုၵ်းသိုၵ်းသိူဝ်ယင်းပႆႇယဝ်ႉ သမ်ႉပေႃးလႆႈတူၵ်းၵိၼ်းထႅင်ႈ ယွၼ်ႉၽေးသၽႃႇဝ ၽႅၼ်ႇလိၼ်ဝႆသေ ႁႃတီႈၸႂ်ယႂ်ႇၸႂ်ယဵၼ်...

တႄႇႁူဝ်လိူၼ်ဢေႊပရိူဝ်ႊမႃး သိုၵ်းၵဝ်ႈၵၢင်ႉ MNDAA ပၼ်ႁႅင်းဢီး တဵၵ်းႁႂ်ႈၵူၼ်းမိူင်း ၼႂ်းဝဵင်းလၢဝ်ႇၵၢႆး(လဝ်ႉၵႆႇ) ပိုတ်ႇႁၢၼ်ႉတၢင်းၶၢႆၵုၼ်ႇ ၵူႈၸိူဝ်းၸိူဝ်းၶိုၼ်း၊ ႁၢၼ်ႉတၢင်းၶၢႆ ၸိူဝ်းဢမ်ႇပိုတ်ႇၼၼ်ႉ တေၺႃးဢိုတ်း ဢမ်ႇၼၼ် ၾၢႆႇသိုၵ်းၶဝ် တေၶိုၼ်းသိုပ်ႇၶၢတ်ႈပၼ်တၢင်ႇၵေႃႉပႅတ်ႈၼႆ - ၵူၼ်းမိူင်းၼႂ်းပိုၼ်ႉတီႈ လၢတ်ႈၼႄၼင်ႇၼႆ။ “မိူဝ်ႈလဵဝ် ၼႂ်းဝဵင်းတမ်ႉပႆႇပေႃးမီးၵူၼ်းသင်လႄႇ။ ဢမ်ႇမီးၵူၼ်းၸႂ်ႉငိုၼ်းၼမ်မိူၼ်မိူဝ်ႈဢွၼ်တၢင်းလူး။ ပေႃးပိုတ်ႇလၢၼ်ႉၵေႃႈ တမ်ႉဢမ်ႇၶၢႆလီ။ ပၢႆသေလိူဝ် လႆႈလူင်းဢလၢင်း (တိုၼ်းလၢင်း)...

ဝၼ်းတီႈ 05/04/2025 ၼႆႉ ၵူၼ်းမိူင်းဢမေႊရိၵၼ်ႊ ၸတ်းႁဵတ်းပၢင်ၼႄၵၢင်ၸႂ် “Hand Off” ၼႂ်း 50 ၸႄႈတွၼ်ႈ တူဝ်ႈမိူင်းဢမေႊရိၵၼ်ႊပတ်းပိုၼ်ႉ မီးၵူၼ်းၶဝ်ႈႁူမ်ႈၼႄၵၢင်ၸႂ် 1,400 ပၢႆ။ ပၢင်ၼႄၵၢင်ၸႂ်ၼႆႉ ပဵၼ်ဢၼ်ယႂ်ႇလိူဝ်ပိူၼ်ႈ ဝၢႆးလင် ၻူဝ်ႊၼေႃႊ ထရမ်ႉ ႁပ်ႉတၼ်းႁဵင်း ပဵၼ်ၸွမ်ၸိုင်ႈ ၼႂ်းလိူၼ်ၵျႅၼ်ႊၼိဝ်ႊရီႊ ႁူဝ်ပီ 2025 မႃးၼႆႉ။ ၵူၼ်းမိူင်း...

တႄႇႁူဝ်ပီ 2025 မႃး ၸုမ်းယိပ်းၵွင်ႈၵၢင်ႇ ၸိူဝ်းၵုမ်းၵမ်ဝႆႉ ၼိူဝ်သဵၼ်ႈတၢင်းလူင် ဝဵင်းလိူဝ်ႇ - မိူင်းၵုတ်ႈ - မူႇၸေႊ ယွၼ်းငိုၼ်း (ၵဵပ်းၶွၼ်ႇ) တီႈၸဝ်ႈရူတ်ႉၵႃး ၸိူဝ်းတေႃႉတၢင်ႇၶူဝ်းၵုၼ်ႇ သူင်ႇၶဝ်ႈၸူးမိူင်းတႆးပွတ်းႁွင်ႇ ၼမ်လူၼ်ႉႁႅင်းလႄႈ ႁဵတ်းႁႂ်ႈမီးတၢင်းယၢပ်ႇၵိၼ်း ၼႂ်းၵၢၼ်ဢွၵ်ႇၶၢဝ်းတၢင်း ၵႄႈၵၢင်ဝဵင်းလိူဝ်ႇ- မူႇၸေႊ။ ၼိူဝ်သဵၼ်ႈတၢင်း ဝဵင်းလိူဝ်ႇ - မိူင်းၵုတ်ႈ...

မိူဝ်ႈဝၼ်းတီႈ 05/04/2025 ယၢမ်းၵၢင်ၶမ်ႈ 10 မူင်းပၢႆ သိုၵ်းမၢၼ်ႈ ၸႂ်ႉၶိူင်ႈမိၼ်တိုၵ်းသေ ပွႆမၢၵ်ႇသႂ်ႇ တီႈဝၢၼ်ႈၼွင် လႅင် တင်း ဝၢၼ်ႈၼမ်ႉသွင်ႁူး ၼႂ်းၸႄႈဝဵင်းၼွင်ၶဵဝ် ၸိုင်ႈတႆးပွတ်းႁွင်ႇၼႆ ႁွင်ႈၵၢၼ်ပိုၼ်ၽၢဝ်ႇ တပ်ႉသိုၵ်းပူတ်းပွႆႇ ၸိူဝ်ႉၸၢတ်ႈတဢၢင်း ပိုၼ်ၽၢဝ်ႇဝႆႉ ၼင်ႇၼႆ။ “ၾၢႆႇသိုၵ်းမၢၼ်ႈ ၸႂ်ႉၶိူင်ႈမိၼ်တိုၵ်းသေ ဢဝ်မၢၵ်ႇလူင်ႁႅင်း 250 ပွင်ႇ ပွႆႇသႂ်ႇ...

မိူဝ်ႈဝၼ်းတီႈ 06/04/2025 ယၢမ်းၵၢင်ၼႂ် မွၵ်ႈ 10 မူင်း သိုၵ်းၵဝ်ႈၵၢင်ႉ တင်ႈလၢၼ်ႇ တီႈသဵၼ်ႈတၢင်းလူင် တီႈႁိမ်းပၢမ်ႉၼမ်ႉမၼ်းႁူဝ်ဝဵင်းသေ  ၵူတ်ႇထတ်း ရူတ်ႉၵႃး လႄႈ ၵူၼ်း ၶဝ်ႈဢွၵ်ႇ  ဝဵင်းသႅၼ်ဝီ ။    သိုၵ်းၵဝ်ႈၵၢင်ႉ ဢမ်ႇပိုၼ်ၽၢဝ်ႇ ဢမ်ႇၸႅင်ႈၶၢဝ်ႇဝႆႉဢွၼ်တၢင်းသေ ၵိုင်ႉၵၢင်ႉမႃးတင်ႈလၢၼ်ႇ ၵူတ်ႇထတ်းၵူၼ်း ၵႂႃႇမႃး ၸိူင်ႉၼႆ...

ယၢမ်းလဵဝ် သိုၵ်းမၢၼ်ႈယိုတ်းမိူင်း ပိုၼ်ၽၢဝ်ႇ ၵိုတ်းတိုၵ်းၸူဝ်ႈၶၢဝ်းသေတႃႉ တီႈဝဵင်းမိူင်းပၢႆးတႄႉ ၶဝ်တိုၵ်ႉၸႂ်ႉၶိူင်ႈမိၼ်တိုၵ်းလႄႈ တင်းၵွင်ႈလူင် မႃးပွႆႇမၢၵ်ႇသႂ်ႇ တိူဝ်ႉၺႃးၵူၼ်းမိူင်းလူႉတၢႆ 5 ၵေႃႉ။ တီႈလႅၼ်လိၼ်မိူင်းတႆး - မိူင်းယၢင်းလႅင် ဢၼ်မီးၼႂ်းၵႄႈဝဵင်းမိူင်းပၢႆးတင်း ဝဵင်းလွႆၶေႃ တီႈႁိမ်းဝၢၼ်ႈပီၵိၼ်းၵေႃးၶူၼၼ်ႉ ဢမ်ႇမီးပၢင်တိုၵ်းသင် သိုၵ်းမၢၼ်ႈတင်ႈၸႂ် ဢဝ်ၶိူင်ႈမိၼ်တိုၵ်း၊ ၸႂ်ႉၵွင်ႈလူင် ပွႆႇမၢၵ်ႇသႂ်ႇလႄႈ တိူဝ်ႉၺႃးၵူၼ်းမိူင်းပိုၼ်ႉတီႈ လူႉတၢႆ 5...

ယၢမ်းလဵဝ် တီႈတၢင်းၶဝ်ႈဢွၵ်ႇဝဵင်းၵေးသီးၼႆႉ ၾၢႆႇပလိၵ်ႈမၢၼ်ႈ ဢၼ်ယူႇတႂ်ႈသိုၵ်းမၢၼ်ႈၵုမ်းၵမ်ၼၼ်ႉ ၵူတ်ႇထတ်းၸႅတ်ႈထၢမ် ယွၼ်းငိုၼ်းၵူၼ်းမိူင်းလႄႈ ၸဝ်ႈရူတ်ႉၵႃး ႁၢဝ်ႈႁႅင်း။ တႄႇဢဝ် ဝၼ်းတီႈ 03/04/2025 ၼႆႉမႃး ႁၢၼ်ႉတေႃႇထိုင်ယၢမ်းလဵဝ် ပလိၵ်ႈမၢၼ်ႈ တင်ႈလၢၼ်ႇ တီႈႁိမ်းတူၼ်ႈမႆႉၺွင်ႇလူင် တၢင်းၶဝ်ႈဝဵင်းၵေးသီး ၵူတ်ႇထတ်းၵူၼ်းႁေႃႈရူတ်ႉၵႃး ၸဵမ်ဝႂ်ၵႃး (လၢႆႊသိၼ်ႊ)၊ ဝႂ်ႁေႃႈရူတ်ႉ၊ မၢႆၾၢင် ၸိူဝ်းၼႆႉၵူၺ်းဢမ်ႇၵႃး ပၢႆတဵၵ်းယွၼ်းငိုၼ်းၵူၼ်းမိူင်းပႃးထႅင်ႈ။ ၵူၼ်းႁေႃႈၵႃး ၵေးသီး...

ၽႅၼ်ႇလိၼ်ဝႆ ဝၼ်းတီႈ 28/03/2025 ၼၼ်ႉ သုၼ်ၵၢင်မၼ်းပဵၼ်တီႈတိူင်းၸႄႈၵႅင်းသေတႃႉ ၶွၼ်းသၼ်ႇဝႆႁႅင်းထိုင် 7.7 မႅၵ်ႊၼီႊၵျုတ်ႉလႄႈ ဢမ်ႇၵွမ်ႉတီႈသုၼ်ၵၢင်မၼ်းၼၼ်ႉ ၵူၺ်း ယွၼ်ႈပတ်းပိုၼ်ႉ ၸိုင်ႈမိူင်း ယင်းပၢႆႁွတ်ႈထိုင်မိူင်းထႆး လူးၵွၼ်ႇ။    ၵူၼ်းမိူင်းၼႂ်းၼွင်ႁၢႆးယႃႈ ၸိုင်ႈတႆးပွတ်းၸၢၼ်းၵေႃႈ ၺႃးၽွၼ်းယွၼ်ႈႁၢဝ်ႈႁႅင်းမိူၼ်ၵၼ်။ ဝၢႆးၽႅၼ်ႇလိၼ်ဝႆၼႆႉ ၵူၼ်းၼႂ်းၼွင် ယၢပ်ႇၽိုတ်ႇတႃႇပူၵ်းပွင်မႄးၵုမ်းလုမ်းလႃးၶိုၼ်းတီႈယူႇသဝ်းၸဝ်ႈၵဝ်ႇ ၵူၼ်းၼပ်ႉႁူဝ်ႁဵင်ၵပ်ႉၵိၼ်းလွင်ႈယူႇၵိၼ် ၼႆယဝ်ႉ။ ၼွင်ႁၢႆးယႃႈၼႆႉ ပဵၼ်ၼွင်ၼမ်ႉဢၼ်ႁၢင်ႈလီသုတ်းၼႂ်းမိူင်းႁူမ်ႈတုမ်ပတ်းပိုၼ်ႉ။ ပဵၼ်ပိုၼ်ႉတီႈ...

သိုၵ်းမၢၼ်ႈ ဢဝ်ၶိူင်ႈမိၼ်တိုၵ်း ၻရူၼ်ႊ ပွႆႇမၢၵ်ႇတိူဝ်ႉၺႃးၵူၼ်းမိူင်းလူႉတၢႆ 5 ၵေႃႉ မၢတ်ႇၸဵပ်း 10 ၼႂ်း ၸႄႈဝဵင်းၼွင်ၶဵဝ် - ၵဝ်ႉငဝ်ႈသုၼ်ႇလႆႈၵူၼ်းၸိုင်ႈတႆး SHRF ဢွၵ်ႇဝႆႉ ၽိုၼ်တၢမ်းငဝ်းလၢႆး မိူဝ်ႈဝၼ်းတီႈ 03/04/2025 ၼႆႉၼင်ႇၼႆ။ တႄႇဝၼ်းတီႈ 21/03/2025 ၼၼ်ႉမႃး တေႃႇထိုင် ဝၼ်းတီႈ 01/04/2025 ၼႆႉ...

တႄႇဝၼ်းတီႈ 03/04/2025 မႃး ပလိၵ်ႈမၢၼ်ႈ ဢဝ်ၶေႃႈဢၢင်ႈဝႃႈ တေတီႉၺွပ်းရူတ်ႉၵႃး ၸိူဝ်းဢမ်ႇမီးဝႂ် ပဵၼ်တၢင်းၵၢၼ် (လၢႆႇၸိၼ်ႇ) ၸိူဝ်းၼၼ်ႉၼႆသေ တဵၵ်းယွၼ်းငိုၼ်း တီႈၸဝ်ႈၵႃး ၸိူဝ်းတေၶဝ်ႈဢွၵ်ႇလတ်းၵႂႃႇမႃး ၼႂ်းၸႄႈဝဵင်းၵေးသီး တီႈႁိမ်းတူၼ်ႈမႆႉၺွင်ႇလူင် တၢင်းၶဝ်ႈဝဵင်းၵေးသီးၼၼ်ႉ ၼႆယဝ်ႉ။ ၸဝ်ႈၵႃး ဢၼ်လုၵ်ႉတၢင်းဝဵင်းတူၼ်ႈတီး ၵႂႃႇတၢင်းဝဵင်းလႃႈသဵဝ်ႈ ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ -“ၸမ်ပွႆးသွၼ်းၼမ်ႉယဝ်ႉၼႃႇ ၶဝ်လူဝ်ႇႁႃငိုၼ်းၸၢႆႇၶဝ်ၵႃႈ။ တီႈတႄႉမၼ်း...

လူင်ပွင်ၸိုင်ႈထႆးလၢတ်ႈဝႃႈ တေပၼ်ငိုၼ်း ၵႃႈသၢႆႈတႅၼ်း ၵူၼ်းႁဵတ်းၵၢၼ်ၵေႃႇသၢင်ႈ ၸိူဝ်းလူႉႁၢႆတၢႆၵႂႃႇ တီႈႁိူၼ်းတိူၵ်ႈလူင် ဢၼ်တိုၵ်ႉၵေႃႇသၢင်ႈဝႆႉၼၼ်ႉ လႆႈၵူၼ်ႇပင်းၵႂႃႇ ယွၼ်ႉၽႅၼ်ႇလိၼ်ဝႆ (ဢိင်ႇသၼ်ႇ) တီႈမိူင်းၵွၵ်ႇ ၸိုင်ႈထႆးၼၼ်ႉ ဝႃႈၼႆ။   လုမ်းထတ်းသဵၼ်ႈမၢႆ ၶွင်လူင်ပွင်ၸိုင်ႈထႆး ပိုၼ်ၽၢဝ်ႇဢွၵ်ႇဝႆႉ တေႃႇထိုင်ဝၼ်းတီႈ 01/04/2025 ယၢမ်းၵၢင်ၶမ်ႈၼႆႉ ထူပ်းႁၼ်တူဝ်တၢႆ ၵူၼ်းထႆး 11 ၵေႃႉလႄႈ ႁႅင်းၵၢၼ်မိူင်းမၢၼ်ႈ...

ယၢမ်းလဵဝ် တီႈဝဵင်းၼွင်ၶဵဝ်ၼႆႉ သိုၵ်းတဢၢင်း TNLA လၢတ်ႈဝႃႈ ပေႃးထူပ်းႁၼ် ၵူၼ်းဢၼ်မႃးဢုပ်ႇၾူၼ်းၼႆၸိုင် တေပၼ်တၢမ်ႇငိုၼ်း 10 သႅၼ်ပျႃးလႄႈ တၢမ်ႇၶွၵ်ႈ 2 ပီၼႆသေ မႃးတႅမ်ႈလိၵ်ႈတိတ်ႉဝႆႉ ၸွမ်းသဵၼ်ႈတၢင်းလႄႈ သဝ်ၾႆးၾႃႉ ၼႂ်းၵၢင်ဝဵင်းၸွမ်းဝၢၼ်ႈၵျွၵ်ႉၵျၢၼ်း ၸိူဝ်းၼႆႉ။ ၵူၼ်းဝဵင်းၼွင်ၶဵဝ် ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ - “ယၢမ်းလဵဝ် ၵူၼ်းမိူင်းပိုၼ်ႉတီႈ ထူပ်းတၢင်းယၢပ်ႇ...

သိုၵ်းမၢၼ်ႈ ၸႂ်ႉၵူၼ်းဝၢၼ်ႈၼွင်တွင်း ၸႄႈဝဵင်းႁူဝ်ပူင်း ၶၢႆႉပၢႆႈ တႃႇလင်ႁိူၼ်းပၢၵ်ႇပၢႆ ဝႃႈပဵၼ်တီႈလိၼ်တပ်ႉ တႃႇ 560 ဢေႊၶိူဝ်ႊ ဝႃႈၼႆ။ ဝၼ်းတီႈ 25/03/2025 ပူၼ်ႉမႃးၼႆႉ ႁွင်ႈၵၢၼ်ၾၢႆႇ ၽွင်းငမ်း ဝဵင်းႁူဝ်ပူင်း ဢွၵ်ႇလိၵ်ႈပိုၼ်ၽၢဝ်ႇ ႁႂ်ႈၵူၼ်းဝၢၼ်ႈၼွင်တွင်း ၸႄႈဝဵင်းႁူဝ်ပူင်း ၸိုင်ႈတႆးပွတ်းၸၢၼ်း ၶၢႆႉပၼ်ႁိူၼ်းယေး ႁႂ်ႈယဝ်ႉၼႂ်းၶၢဝ်းတၢင်း 15 ဝၼ်း ဝႃႈၼႆ။    ၵူၼ်းပိုၼ်ႉတီႈ...