ၼႂ်းသဵၼ်ႈမၢႆၽိုၼ်လိၵ်ႈႁၢႆးငၢၼ်း ၸိုင်ႈမိူင်းၸိူဝ်းမီးတၢင်းသိူဝ်းၸႂ်လိူဝ်ပိူၼ်ႈသုတ်း ၼႂ်းလုမ်ႈၾႃႉၼၼ်ႉ ဢွၵ်ႇဝႆႉဝႃႈ မၢႆၼိုင်ႈ ပဵၼ်မိူင်းၾိၼ်ႊလႅၼ်ႊ မိူင်းမၢၼ်ႈသမ်ႉ ယူႇဝႆႉတီႈ ၸၼ်ႉ မၢႆ 126 ၼႂ်း 144 ၸိုင်ႈမိူင်း ဝႃႈၼႆ။ မိူင်းၾိၼ်ႊလႅၼ်ႊ ဢၼ်မီးၼႂ်းၵုၼ်ယူးရူပ်ႊသမ်ႉ ပဵၼ်မိူင်းမီးတၢင်းသိူဝ်းၸႂ်လိူဝ်ပိူၼ်ႈသုတ်း ၼႂ်းလုမ်ႈၾႃႉ။ ၸိုင်ႈမိူင်း ၸိူဝ်းသိုပ်ႇတၢမ်းမႃးၸွမ်းတၢင်းလင်သမ်ႉ ပဵၼ်မိူင်းတဵင်ႊမၢတ်ႊသ်၊ ဢၢႆႊသလႅၼ်ႊ ၊ သုၺ်ႊတိၼ်ႊ...

ၾႆးမႆႈ ၶိူင်ႈသႂၢင်းႁႅင်းၾူၼ်း Power Bank ၼႂ်းထူင်ၶူဝ်းၵူၼ်းဢွၵ်ႇၶၢဝ်းတၢင်းၸွမ်းၶိူင်ႈမိၼ် သၢႆၵၢၼ်မိၼ်ႁွင်ႊၵွင်ႊ လႆႈလူင်းၸွတ်ႇၶိုၵ်ႉၶၵ်ႉ ၼႂ်းမိူင်းၶႄႇ ၵူၼ်းဢွၵ်ႇၶၢဝ်းတၢင်း 168 ၵေႃႉတင်း ၽူႈမီးပုၼ်ႈၽွၼ်း ၼႂ်းၶိူင်ႈမိၼ် လွတ်ႈၽေးလီငၢမ်း ဝႃႈၼႆ။ ပဵၼ်ၶိူင်ႈမိၼ် သႅၼ်း Airbus SE A320 လုၵ်ႉတီႈဝဵင်းႁၢၼ်ႊၸူဝ်ႊ မိူင်းၶႄႇ ၽွင်းမိၼ်ၵႂႃႇတီႈ မိူင်းႁွင်ႊၵွင်ႊ ပဵၼ်လွင်ႈၾႆးမႆႈ...

ၵဵဝ်ႇလူၺ်ႈ မိူင်းဢမေႊရိၵၼ်ႊ မီးလွင်ႈလႅၵ်ႈလၢႆႈပေႃႇလသီႇလႄႈ ႁဵတ်းႁႂ်ႈတုမ်ႉယွၼ်ႈထိုင်ၵၢၼ်ပၢႆးမၢၵ်ႈမီး လၢႆဝၼ်းမႃးၼႆႉ ၶၼ်ၶမ်းလုမ်ႈၾႃႉ 1 ဢွင်ႊသ (အောင်စ) ပုင်ႈၶိုၼ်ႈထိုင် 3,000 ဢမေႊရိၵၼ်ႊ တေႃႊလႃႊပၢႆ ၶၼ်ၶမ်းမိူင်းမၢၼ်ႈၵေႃႈ ၶိုၼ်ႈထိုင် 1 ၵျၢပ်ႈလႂ် 6,850,000 ပျႃး ၼႆယဝ်ႉ။   မိူဝ်ႈဝူင်ႈပူၼ်ႉမႃးၼႆႉ ၶၼ်ၶမ်းလုမ်ႈၾႃႉ 1 ဢွင်ႊသ...

လူင်ပွင်ၸိုင်ႈမိူင်းဢမေႊရိၵၼ်ႊ ၵိုတ်းယင်ႉပႅတ်ႈ လွင်ႈပၼ်တၢင်းၸွႆႈထႅမ်ၼွၵ်ႈမိူင်းဝႆႉလႄႈ ယႃႈယႃ တႃႇတေယူတ်းယႃတၢင်းပဵၼ် HIV တႃႇ 8 ၸိုင်ႈမိူင်း ပႃးၸဵမ်မိူင်းၼၢႆႊၵျီႊရီႊယိူဝ်ႊ၊ ၵိၼ်ႊၺႃႊ၊ လီႊသူဝ်ႊတူဝ်ႊ ၸိူဝ်းၼႆႉ တေၸၢင်ႈၵိုတ်းၶၢတ်ႇၵႂႃႇၼႆ - ၸုမ်းပၢႆးယူႇလီ လုမ်ႈၾႃႉ WHO လၢတ်ႈၼင်ႇၼႆ။ ၼႂ်းလိူၼ်ၵျႅၼ်ႊၼိဝ်ႊရီႊ ပူၼ်ႉမႃးၼႆႉ လူင်ပွင်ၸိုင်ႈမိူင်းဢမေႊရိၵၼ်ႊ ပိုၼ်ၽၢဝ်ႇၵိုတ်းယင်ႉဝႆႉ လွင်ႈပၼ်တၢင်းၸွႆႈထႅမ် တီႈၼွၵ်ႈမိူင်းၸူဝ်ႈၶၢဝ်း...

ရူတ်ႉၵႃးၾႆးၾႃႉ ဢၼ်ၶွမ်ႊပၼီႊ ၵႃးၾႆးၾႃႉမိူင်းၶႄႇ BYD ႁဵတ်းဢွၵ်ႇမႃး ၵမ်းလိုၼ်းသုတ်းၼႆႉ လႆႈၸႂ်ႉၶၢဝ်းယၢမ်းထႅမ်ႁႅင်းၾႆး 5 မိၼိတ်ႉၵူၺ်းသေ ၵႂႃႇလႆႈၶၢဝ်းတၢင်းၵႆ 400 ၵီႊလူဝ်ႊ လွင်ႈၼႆႉ ႁဵတ်းႁႂ်ႈငိုၼ်းႁုၼ်ႈသတွၵ်ႉ (stock shares) ၶွမ်ႊပၼီႊ ပုင်ႈၶိုၼ်ႈသုင်မႃးၸွမ်း ၼႆယဝ်ႉ။ ရူတ်ႉၵႃးၾႆးၾႃႉ ၶွမ်ႊပၼီႊ Tesla မိူင်းဢမေႊရိၵၼ်ႊ ဢၼ်ပဵၼ်ၵူႈၶႅင်ႇၵၼ်ၼၼ်ႉသမ်ႉ တႃႇၵႂႃႇလႆႈ ၶၢဝ်းတၢင်းၵႆ...

ဝၼ်းတီႈ 17/03/2025 ယၢမ်းၵၢင်ၶမ်ႈ ၶိူင်ႈမိၼ်တၢင်ႇၵူၼ်း Jetstream လမ်းၼိုင်ႈ လုၵ်ႉတီႈၵုၼ်ရူဝ်ႊဝႃႊ တၢၼ်းသေ မိၼ်ၶိုၼ်ႈၵႂႃႇ ဢမ်ႇတၼ်းႁိုင် ယၢတ်ႇတူၵ်း ၼႂ်းၼမ်ႉပၢင်ႇလၢႆႇ မီးၵူၼ်းလူႉတၢႆ 7 ၵေႃႉ လႆႈၸွႆႈ ထႅမ်ဝႆႉ 10 ၵေႃႉ ဝႃႈၼႆ။ လွင်ႈၼႆႉ ပဵၼ်ၵႂႃႇတီႈ ပၢင်ႇလၢႆႇ ၵႃႊယေႊပီႊယၼ်ႊ (Caribbean)...

လူင်ပွင်ၸိုင်ႈ မိူင်းထႆး မိူင်းမၢၼ်ႈ မိူင်းၶႄႇ ဢိၵ်ႇလၢႆလၢႆၸိုင်ႈမိူင်း ႁူမ်ႈၵၼ်သေ ႁဵတ်းၵၢၼ်ၵႂၢတ်ႇလၢင်ႉ ၵူၼ်းႁဵတ်းၵၢၼ်ၵျႃးၽႅၼ်ႉ(ႁိုဝ်) ၵူၼ်းႁဵတ်းၵၢၼ်လွၵ်ႇလႅၼ်ၵိၼ်ငိုၼ်းတၢင်း ဢွၼ်ႊလၢႆႊ ၸွမ်းလႅၼ်လိၼ် ၸိူဝ်းတိတ်းၸပ်းၵၼ်ၼၼ်ႉယူႇသေတႃႉ ႁၢၼ်ႉတေႃႇယၢမ်းလဵဝ် ယင်းပႆႇႁၢႆမူတ်း ၼႆယဝ်ႉ။ ၼႂ်းမိူင်းမၢၼ်ႈၼႆႉ ၵူၼ်းၸိူဝ်း တိုၵ်ႉသိုပ်ႇႁဵတ်းၵၢၼ်ၵျႃးၽႅၼ်ႉၼႆႉ ယင်းတိုၵ်ႉမီးမွၵ်ႈၼိုင်ႈသႅၼ်ၵေႃႉ ယူႇ ၼႆ ၸဝ်ႈၼႃႈတီႈ ၸၼ်ႉသုင် ၼႂ်းႁွင်ႈၵၢၼ်ပလိၵ်ႈ ၾၢႆႇမိူင်းထႆးၵေႃႉၼိုင်ႈ...

ဝၼ်းတီႈ 18/03/2025 ၼႆႉ သိုၵ်းဢိတ်ႉသရေႊ လၢတ်ႈဝႃႈ လႆႈၸႂ်ႉၶိူင်ႈမိၼ်သိုၵ်း 20 လမ်းပၢႆသေ ၶဝ်ႈယိုဝ်းတိုၵ်းပဝ်ႉမၢႆ ၼႂ်းဝဵင်းၵႃႊသႃႊ၊ ရႃႇၽႃႇလႄႈ ၶၢၼ်ယုၼ်ႊၼိတ်ႉ ၸိူဝ်း ၼႆႉႁၢဝ်ႈႁႅင်း ဝႃႈၼႆ။ လွင်ႈပိုတ်းယိုဝ်း ၵမ်းၼႆႉ ၵူၼ်းမိူင်းပႃႊလႅတ်ႊသတၢႆႊ တၢႆ 200 ပၢႆၼႆ - ၽူႈမီးပုၼ်ႈၽွၼ်း ၾၢႆႇပၢႆးယူႇလီ ၵႃႊသႃႊ...

ၸွမ်ၸိုင်ႈရတ်ႉသျႃး ဝလႃႊတီႊမီႊယႃႊ ပူႊတိၼ်ႊ ၵမ်ႉထႅမ်ၸွမ်း တႃႇၵိုတ်းတိုၵ်းၵၼ်တင်း ယူႊၶရဵၼ်ႊ ၶၢဝ်းတၢင်း 30 ဝၼ်း ဝႃႈၼႆ။ ၼႂ်းၶၢဝ်းတၢင်း ၵိုတ်းတိုၵ်းၵၼ် 30 ဝၼ်းၼႆႉ ၾၢႆႇသိုၵ်းယူႊၶရဵၼ်ႊ တေဢမ်ႇလႆႈႁွင်ႉ ၵူၼ်းသိုၵ်းမႂ်ႇ၊ ၾိုၵ်းသွၼ်ၵၢၼ်သိုၵ်းလႄႈ ႁပ်ႉတၢင်းၸွႆႈၶိူင်ႈၵွင်ႈၵၢင်ႇ ၸိူဝ်းၼႆႉ မိူဝ်ႈၽွင်းႁဵတ်းပၢင်သပ်းၸႅင်ႈၶၢဝ်ႇ တင်းၸွမ်ၸိုင်ႈမိူင်းပႄႇလႃႊရုတ်ႉသ် (Belarus) ၼၼ်ႉ ၸွမ်ၸိုင်ႈရတ်ႉသျႃး...

ဝၼ်းတီႈ 14 လိူၼ်မၢတ်ႊၶျ်ၼႆႉ မိူင်းၶႄႇ တေႁူပ်ႉဢုပ်ႇၵၼ်တင်း မိူင်းရတ်ႉသျႃးလႄႈ ဢီႊရၢၼ်ႊ တီႈဝဵင်းပေႇၵျိၼ်း ၵဵဝ်ႇလူၺ်ႈပၼ်ႁႃၼိဝ်ႊၶလီႊယိူဝ်ႊ မိူင်းဢီႊရၢၼ်ႊ ဝႃႈၼႆ။ မဝ်ႊၼိင်ႊ ၽူႈၶၢၼ်ပၢၵ်ႇ ႁွင်ႈၵၢၼ် ၽွင်းလူင်ၾၢႆႇၼွၵ်ႈမိူင်း မိူင်းၶႄႇ လၢတ်ႈဝႃႈ - ရတ်ႉသျႃးတင်း ဢီႊရၢၼ်ႊၼႆႉ တေသူင်ႇၵႅမ်ၽွင်းလူင်ၾၢႆႇၼွၵ်ႈမိူင်းၶဝ် ၶိုၼ်ႈႁွတ်ႈ။ ၵႅမ်ၽွင်းလူင် ၾၢႆႇၼွၵ်ႈမိူင်း မိူင်းၶႄႇ...

မိူင်းၶႄႇ တုၵ်းယွၼ်းမႃးၶိုၼ်း ၶိူင်ႈၶူဝ်းၸၢၵ်ႈ ၶွမ်ႊပိဝ်ႊတိူဝ်ႊ ၸိူဝ်းၸႂ်ႉၼႂ်းၵၢၼ်လွၵ်ႇလႅၼ်ၵိၼ်ငိုၼ်း တင်းဢွၼ်ႊလၢႆႊ ၵျႃးၽႅၼ်ႉ ဢၼ်တပ်ႉပႂ်ႉလႅၼ်လိၼ်ယၢင်းၽိူၵ်ႇ BGF ယိုတ်းသိမ်းဝႆႉၼၼ်ႉ ဝႃႈၼႆ။ ၸွမ်းၼင်ႇ မိူင်းၶႄႇ ပၼ်ႁႅင်းဢီးသေ မိူဝ်ႈၵၢင်လိူၼ်ၾႅပ်ႊပိဝ်ႊရီႊမႃးၼႆႉ တပ်ႉပႂ်ႉလႅၼ်လိၼ်ယၢင်းၽိူၵ်ႇ ၶဝ်ႈၵူတ်ႇထတ်းတီႉၺွပ်း ၵူၼ်းႁဵတ်းၵၢၼ်ၵျႃးၽႅၼ်ႉ တီႈဝဵင်းမႂ်ႇ သူၺ်ႇ ၵူၵ်ႉၵူဝ်ႇ၊ မျႃႉဝတီႇ၊ KK Park တီႈလႅၼ်လိၼ်ယၢင်းၽိူၵ်ႇ...

ပၢင်တိုၵ်း သိုၵ်းမၢၼ်ႈ ယိုတ်းမိူင်းတင်း သိုၵ်းယၢင်းလႅင် တီႈလႅၼ်လိၼ်ယၢင်းလႅင် - ထႆးၼၼ်ႉ မၢၵ်ႇလူင် တူၵ်းတႅၵ်ႇထိုင် ၼႂ်းၸႄႈတွၼ်ႈမႄႈႁွင်ႈသွၼ် ၾင်ႇထႆး၊ ၸဝ်ႈၼႃႈတီႈထႆး လူင်းပိုၼ်ႉတီႈၵူတ်ႇထတ်း ၼႆ ၶၢဝ်ႇထႆး Khaosod English ဢွၵ်ႇဝႆႉ ၼႂ်းဝၼ်းတီႈ 11/03/2025 ၼႆႉၼင်ႇၼႆ။ ပၢင်တိုၵ်း သိုၵ်းမၢၼ်ႈတင်း သိုၵ်းယၢင်းလႅင်ၼႆႉ ယူႇတၢင်းမႄႈႁွင်ႈသွၼ်...

ၶၢဝ်းတၢင်းၼိုင်ႈလိူၼ်ၵူၺ်း ၸဝ်ႈၼႃႈတီႈထႆး ၵူတ်ႇထတ်းတီႉၺွပ်းလႆႈ ႁႅင်းၵၢၼ်မိူင်းမၢၼ်ႈ ၸမ်မိုၼ်ႇၵေႃႉ ၸိူဝ်းယူႇသဝ်း၊ ၶဝ်ႈမိူင်းထႆး ဢမ်ႇပဵၼ်တၢင်းၵၢၼ် ဝႃႈၼႆ။ တႄႇၵၢင်လိူၼ်ၾႅပ်ႊပိဝ်ႊရီႊ ၼၼ်ႉမႃး ၸဝ်ႈၼႃႈတီႈထႆး ၶဝ်ႈၵူတ်ႇထတ်းတီႉၺွပ်းႁႅင်းၵၢၼ်ၼွၵ်ႈမိူင်း ဢိၵ်ႇပႃး ႁႅင်းၵၢၼ်မိူင်းမၢၼ်ႈ ၸိူဝ်းယူႇၼႂ်းမိူင်းထႆးဢမ်ႇပဵၼ်တၢင်းၵၢၼ် ႁႅင်းၵၢၼ်မိူင်းမၢၼ်ႈ ၺႃးတီႉၺွပ်းၵူႈဝၼ်း။ ဢိင်ၼိူဝ်လွင်ႈၼႆႉ ၽူႈၸွႆႈထႅမ်ႁႅင်းၵၢၼ်မိူင်းမၢၼ်ႈၼႂ်းမိူင်းထႆး တိုၵ်းသူၼ်းဝႆႉ ယႃႇပေမႃးၸွမ်း ၼၢႆးၼႃႈ(ပွႆးသႃး) ၶဝ်၊ ယႃႇပေၶဝ်ႈမိူင်းထႆး လူၺ်ႈတၢင်းလတ်း၊...

ၼႂ်းသဵၼ်ႈမၢႆ  ဝဵင်းဢၼ်မီးလူမ်းဝူၺ်ႇႁင်ႈ လိူဝ်ပိူၼ်ႈသုတ်း 20 မိူင်း တူဝ်ႈလုမ်ႈၾႃႉၼၼ်ႉ တႃႇ 19 ဝဵင်း ပဵၼ်ၼႂ်းၵုၼ်ဢေးသျႃး ဝႃႈၼႆ။ လွင်ႈၼႆႉ ယူႇတီႈၸုမ်းထတ်းထွင်လူမ်း (IQAir) တူဝ်ႈလုမ်ႈၾႃႉ ငဝ်ႈလုမ်းပၵ်းတီႈ သုၺ်ႊၸႃႊလႅၼ်ႊ ႁၢႆးငၢၼ်းဝႆႉ။ ၼႂ်း 19 ဝဵင်းၼၼ်ႉ တႃႇ 13 ဝဵင်း ပဵၼ်တီႈမိူင်းဢိၼ်ႊတီႊယိူဝ်ႊ ဢၼ်မီးႁူဝ်ၼပ်ႉၵူၼ်းယူႇသဝ်းၵိုၼ်း...

ဝၼ်းတီႈ 11/03/2025 ယၢမ်းၵၢင်ၼႂ် ၸွမ်ၸိုင်ႈၵဝ်ႇ မိူင်းၾလိပ်ႉပိၼ်း ရူဝ်ႊတရီႊၵူဝ်ႊ တူႊတႃႊတေႊ (Rodrigo Duterte) ၺႃးတီႉၺွပ်း တီႈဝၢင်းၶိူင်ႈမိၼ် မၼီႊလႃႊ (Manila’s international airport) ဝၢႆးလုၵ်ႉ တီႈမိူင်းႁွင်ႊၵွင်ႊ ပွၵ်ႈမႃးၶိုၼ်းတီႈမိူင်းၾလိပ်ႉပိၼ်း။ ၸွမ်ၸိုင်ႈၵဝ်ႇၼႆႉ ၺႃးလုမ်းတႅပ်းတတ်းတြႃးၵူႈမိူင်းမိူင်း (ICC) ပိုၼ်ၽၢဝ်ႇတီႉၺွပ်းတူဝ်ဝႆႉ လူၺ်ႈလိူင်ႈၶႃႈႁႅမ်ၵူၼ်းတၢႆ 3 မိုၼ်ႇပၢႆ...