ၶွမ်ႊပၼီႊႁဵတ်းရူတ်ႉ Honda Corporation မိူင်းၵျပၼ်ႊ ပိုၼ်ၽၢဝ်ႇဝႃႈ ရူတ်ႉၵႃးၾႆးၾႃႉၼႆႉ ၶၢႆၼၢၼ်းဢွၵ်ႇ ၵူၼ်းဢမ်ႇပေႃးသိုဝ်ႉၶီႇၵၼ်လႄႈ တေလူတ်းၵၢၼ်ႁဵတ်းဢွၵ်ႇရူတ်ႉၾႆးၾႃႉသေ တေၶိုၼ်းႁဵတ်းဢွၵ်ႇရူတ်ႉ Hybrid (မေႃႇတႃႇၾႆးၾႃႉလႄႈ ၸၢၵ်ႈဢိၼ်ႊၵျိၼ်ႊ ၼမ်ႉမၼ်း) ၼၼ်ႉၵူၺ်းယဝ်ႉ ဝႃႈၼႆ။
ၽူႈၵွၼ်းၵၢၼ် CEO Honda ပိုၼ်ၽၢဝ်ႇလၢတ်ႈၵႂႃႇ မိူဝ်ႈဝၼ်းတီႈ 20/05/2025 ၼၼ်ႉဝႃႈ – တေႃႇထိုင်ပီ 2030 ၼႆႉ ဢၢၼ်းတေၶၢႆရူတ်ႉၵႃး Hybrid 2 လၢၼ်ႉလမ်းပၢႆ ၊ တႄႇဢဝ်ပီ 2027 ၼႆႉ တေဢၢၼ်းၶူင်သၢင်ႈႁဵတ်းဢွၵ်ႇ ရူတ်ႉၵႃး Hybrid ဢၼ်ပဵၼ် Model သုင် 13 သႅၼ်း ဝႃႈၼႆ။
ၵွပ်ႈၼႆလႄႈ ၽႅၼ်ၵၢၼ် ဢၼ်တေႁဵတ်းဢွၵ်ႇရူတ်ႉၵႃးၾႆးၾႃႉၼၼ်ႉၵေႃႈ တေၵိုတ်းလိုဝ်ႈဝႆႉသေ ၵႃႈၸႂ်ႉၸၢႆႇၾၢႆႇၼႆႉၵေႃႈ တေလူတ်းယွမ်းလူင်းတင်းၼမ် ဝႃႈၼႆ။
ၵူၺ်းၵႃႈ တေႃႇထိုင်ပီ 2040 တႄႉ တေႁဵတ်းဢွၵ်ႇၶၢႆ ရူတ်ႉၵႃးၸႂ်ႉ ပႅတ်ႊထရီႊယူႇ ၽႅၼ်ၵၢၼ်ဝႆႉၼင်ႇၼႆ – သိုဝ်ႇၶၢဝ်ႇ Reuters ဢွၵ်ႇဝႆႉၼင်ႇၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ