ဝၼ်းတီႈ 02/11/2024 ၼႆႉ Joby Aviation ၶွင်ၶွမ်ႊပၼီႊမိူင်းဢမေႊရိၵၼ်ႊ (American aerospace company) တႄႇၸၢမ်းၸႂ်ႉတိုဝ်း ၶိူင်ႈမိၼ်ႁပ်ႉၸၢင်ႈ eVTOL ဢၼ်ၸႂ်ႉတိုဝ်းႁႅင်းၾႆးၾႃႉ ပဵၼ်ပွၵ်ႈၵမ်းႁႅၵ်ႈ တီႈမိူင်းၵျပၼ်ႊ ဝႃႈ ၼႆ။
ၶိူင်ႈမိၼ်ႁပ်ႉၸၢင်ႈ eVTOL ဝႃႈၼႆသေတႃႉ ၾၢင်ႈႁၢင်ႈတႄႉ မိူၼ်ၼင်ႇ ဢဝ်ၶိူင်ႈမိၼ် ႁႄႊလီႊၶွပ်ႊတိူဝ်ႊလႄႈ ၶိူင်ႈမိၼ်ၻရူၼ်ႊ မႃးႁူမ်ႈၵၼ်သေ ႁဵတ်းသၢင်ႈဝႆႉ။ ယိူင်ႈဢၢၼ်းဝႆႉဝႃႈ တေဢမ်ႇႁဵတ်းဢွၵ်ႇလူမ်းဝူၺ်ႇႁင်ႈ(ၵႃႊပုၼ်ႊ) ၼႆသေ တူဝ်ႊယူဝ်ႊတႃႊ မေႃႊတိူဝ်ႊ ၵေႃႊပူဝ်ႊရေႊသျိၼ်ႊ ယူႇၾၢႆႇလင် ၵမ်ႉၸွႆႈပၼ်ႁႅင်းဝႆႉ – ၼႆယဝ်ႉ။
မိူဝ်ႈလိူၼ်ဢွၵ်ႊထူဝ်ႊပိူဝ်ႊ ပူၼ်ႉမႃးၼၼ်ႉ တူဝ်ႊယူဝ်ႊတႃႊ (Toyota) ပိုၼ်ၽၢဝ်ႇဝႆႉဝႃႈ တေလူင်းတိုၼ်းလၢင်း ၼႂ်း Joby ထႅင်ႈတႃႇ 500 လၢၼ်ႉတေႃႊလႃႊ ဝႃႈၼႆ။ ၵွပ်ႈၼႆလႄႈ ၵၢၼ်လူင်းတိုၼ်းလၢင်း တင်းသဵင်ႈ မီးမႃး 894 လၢၼ်ႉတေႃႊလႃႊ ၼႆယဝ်ႉ။
Joby Aviation ယိူင်းဢၢၼ်းဝႆႉဝႃႈ တေဢဝ်ၶိူင်ႈမိၼ်ႁပ်ႉၸၢင်ႈ eVTOL ၸႂ်ႉတိုဝ်းၼႄၵႂႃႇ တီႈၼႂ်းပၢင်ပွႆး Expo 2025 ဢၼ်တေၸတ်းႁဵတ်းတီႈ ဢူဝ်ႊသႃႊၵႃႊ ပီတေမႃးၼႆႉ – သိုဝ်ႇၶၢဝ်ႇ DVB ဢွၵ်ႇဝႆႉၼင်ႇၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ