ၶွမ်ႊပၼီႊ ၾူၼ်း/ မိုဝ်းထိုဝ် (Smart Phone) ၸိုဝ်ႈလိုဝ်းလင်တူဝ်ႈလုမ်ႈၾႃႉလၢႆလၢႆဢၼ် ဢွၼ်ၵၼ်တမ်း ၼႄၶူဝ်းၶွင် ၸိူဝ်းၸႂ်ႉလွၵ်းလၢႆးပၢႆးပၺ်ႇၺႃႇ လၢၵ်ႇလၢႆးၶိုတ်းၵၢပ်ႈၽႂ်မၼ်း တီႈပၢင် Mobile World Congress (MWC) ဢၼ်ၸတ်းႁဵတ်းတီႈ ဝဵင်းပႃႊသီႊလူဝ်ႊၼႃႊ မိူင်းသပဵၼ်ႊ။ ၼႂ်းၼၼ်ႉ ၶွမ်ႊပၼီႊ GlocalMe တမ်းၼႄၾူင်း (Smart Phone) တွၼ်ႈတႃႇတူဝ်သတ်းၸိူဝ်းလဵင်ႉလူဝႆႉ...

ၼႂ်းၶၢဝ်းတၢင်း 4-5 ဝၼ်း ႁူဝ်လိူၼ်မၢတ်ႊၶျ်ၼႆႉၵူၺ်း ၾၢႆႇႁူမ်ႇလူမ်ႈလႅၼ်လိၼ်ထႆး မိူင်းထႆးပွတ်းၼိူဝ် တီႉလႆႈယႃႈမႃႉ 2 လၢၼ်ႉမဵတ်ႉယဝ်ႉ။ ဝၼ်းတီႈ 04/03/2025 ယၢမ်းၵၢင်ၼႂ်ၸဝ်ႉ 1:45 မူင်း သိုၵ်းထႆးႁူမ်ႇလူမ်ႈလႅၼ်လိၼ်လႄႈ ၸုမ်းတေႃႉယႃႈ မႃႉ ပိုတ်းယိုဝ်းၵၼ် တီႈလွႆႁူဝ်ၼူၵ်ႉ ဝၢၼ်ႈၶွပ်ႇလင် ဢိူင်ႇမွၼ်ႉပိၼ်ႇ ၸႄႈဝဵင်းၾၢင် ၸႄႈတွၼ်ႈၵဵင်းမႂ်ႇ။ ပိုတ်းယိုဝ်းၵၼ်ႁိုင်မွၵ်ႈ 15...

ၾၢႆႇလၢမ်းၶၢတ်ႈ ၾိင်ႈၾႃႉရႃႇသီႇ မိူင်းထႆး လၢမ်းၶၢတ်ႈလၢတ်ႈဝႃႈ ၼႂ်းဝၼ်းတီႈ 6 ထိုင် 8 လိူၼ်မၢတ်ႊၶျ် ၼႆႉ တေမီးလူမ်းလႅင်ႉၶၢဝ်းမႆႈ ၽတ်ႉၶဝ်ႈမိူင်းထႆးပွတ်းၼိူဝ် တေမီးလူမ်းႁႅင်း ၾူၼ်တူၵ်းႁႃႇယႂ်ႇ မၢင်တီႈ တေ မီးပႃးမၢၵ်ႇႁဵပ်းတူၵ်း။ ဝၼ်းတီႈ 6/3/2025 ၼႆႉ လၢမ်းၶၢတ်ႈဝႃႈ တေတူၵ်းတီႈၽိသၼုလူၵ်ႊ၊ ၽိၵျိတ်ႊလႄႈ ၽဵတ်ႉၶျ်ပုၼ်ႊ။ ဝၼ်းတီႈ...

ပီ 2024 ပူၼ်ႉမႃး ၶၢဝ်းတၢင်းၼိုင်ႈပီ ၽူႈသိုဝ်ႇၶၢဝ်ႇၼႂ်းလုမ်ႈၾႃႉ ၺႃးၸုမ်းယိပ်းၵွင်ႈ ႁဵတ်းႁၢႆႉၶႃႈတၢႆ 122 ၵေႃႉ ၼႂ်းၼၼ်ႉ ပႃးၼၢင်းယိင်း 14 ၵေႃႉၼႆ - ၸုမ်းၽူႈသိုဝ်ႇၶၢဝ်ႇၵူႈမိူင်းမိူင်း IFJ ႁၢႆးငၢၼ်းဝႆႉၼင်ႇၼႆ။ ပီၵၢႆၼႆႉ ပဵၼ်ပီၽူႈသိုဝ်ႇၶၢဝ်ႇ လူႉတၢႆႁၢႆၼမ်သုတ်း၊ မိူင်းဢၼ်ႁဵတ်းႁၢႆႉတေႃႇၽူႈသိုဝ်ႇၶၢဝ်ႇ ႁၢႆႉႁႅင်းသုတ်း သမ်ႉ ပဵၼ်မိူင်းပႃႊလႅတ်ႊသတၢႆႊ၊ ယူႇတီႈ...

ဝၼ်းတီႈ 03/03/2025 ယၢမ်းၵၢင်ၼႂ် ၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလႅင်ႇ လုၵ်ႉတီႈဝၢင်းၶိူင်ႈမိၼ် ၼေႇပျီႇတေႃႇ ဢွၵ်ႇၶၢဝ်းတၢင်းၵႂႃႇမိူင်းရတ်ႉသျႃး ၸွမ်းၼင်ႇ ၸွမ်ၸိုင်ႈမိူင်းရတ်ႉသျႃး မွၵ်ႇထိုင်မႃး လူၺ်ႈပဵၼ် တၢင်းၵၢၼ် ဝႃႈၼႆ။ လွင်ႈဢွၵ်ႇၶၢဝ်းတၢင်းပွၵ်ႈၼႆႉ ပဵၼ်ပွၵ်ႈၵမ်းႁႅၵ်ႈ ၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလႅင်ႇ ဝၢႆးၺႃးလုမ်းတြႃး မိူင်းဢႃႊၵျိၼ်ႊတီႊၼိူဝ်ႊ ပိုၼ်ၽၢဝ်ႇတီႉၺွပ်းတူဝ် လူၺ်ႈၽဵဝ်ႈမူၺ်ႉၶႃႈႁႅမ် ၵူၼ်းၶိူဝ်းရူဝ်ႊႁိၼ်ႊၵျႃႊ။ သိုဝ်ႇၶၢဝ်ႇ တႂ်ႈသိုၵ်းမၢၼ်ႈ ၵုမ်းၵမ်...

ၵူၼ်းမိူင်းၾိလိပ်ႉပိၼ်းသ်  ၸပ်း တၢင်းပဵၼ်ၼၢဝ်ၶႆႈလိူတ်ႈဢွၵ်ႇ ဢၼ်လုၵ်ႉတီႈယုင်း ၽႄႈလၢမ်းမႃး  ။ တႄႇဢဝ်လိူၼ် ၵျႅၼ်ႊၼိဝ်ႊရီႊ တေႃႇထိုင် ၵၢင်လိူၼ်ၾႅပ်ႉပိဝ်ႊရီႊၼႆႉ ၵူၼ်းၸပ်းတၢင်းပဵၼ် ၼၢဝ်ၶႆႈလိူတ်ႈဢွၵ်ႇ တီႈမိူင်းၾိလိပ်ႉပိၼ်းသ် မီး 43,000 ပၢႆယဝ်ႉ သိုဝ်ႇၶၢဝ်ႇ  ရၢႆႊထိူဝ်ႊ ပိုၼ်ၽၢဝ်ႇဝႆႉၼင်ႇၼႆ။ ယွၼ်ႉၾိင်ႈၾႃႉရႃႇသီႇလႅၵ်ႈလၢႆႈ ၊ ႁႅင်းလူမ်းမႆႈလုမ်ႈၾႃႉ ပုင်ႈၶိုၼ်ႈသုင်လႄႈ ႁဵတ်းႁႂ်ႈယုင်း ၽႄႈၸိူဝ်ႉၽၼ်းငၢႆႈ။ လွင်ႈၼႆႉ...

ႁႅင်းၵၢၼ်မိူင်းမၢၼ်ႈ ၸၢႆးယိင်း 2 ၵေႃႉ ၶၢႆၶူဝ်းႁၢင်ႈၶိူင်ႈၼိူဝ်ဢွၼ်ႊလၢႆႊသေ ၺႃးၸဝ်ႈၼႃႈတီႈထႆး ၵူတ်ႇ ထတ်းတီႉၺွပ်းလႆႈ ၼႂ်းၸႄႈတွၼ်ႈရၼွင်း မိူင်းထႆးပွတ်းၸၢၼ်း မိူဝ်ႈဝၼ်းတီႈ 25/02/2025 ပူၼ်ႉမႃးၼႆႉ ဝႃႈၼႆ။ သိုဝ်ႇၶၢဝ်ႇထႆး ဢွၵ်ႇဝႆႉဝႃႈ - ယွၼ်ႉမီးလွင်ႈတိူင်ႇၸႅင်ႈလႄႈ ပလိၵ်ႈၼႂ်းပိုၼ်ႉတီႈ လႆႈလူင်းၵႂႃႇၵူတ်ႇထတ်း။ ထူပ်းႁၼ် ၶူဝ်းႁၢင်ႈၶိူင်ႈလႄႈ ယႃႈယႃ 5,000 သႅၼ်းပၢႆ...

ၶူဝ်ၽႅၼ် ဢၼ်တိုၵ်ႉၵေႃႇသၢင်ႈဝႆႉ တီႈၼိူဝ်သဵၼ်ႈတၢင်းရူတ်ႉၵႃး ဢၼ်မီးတီႈ ၶျူဝ်ႊၼၼ်ႊ ယၢၼ်ၵႆဝဵင်း Seoul 40 လၵ်း ၼႂ်းမိူင်းၵူဝ်ႊရီႊယိူဝ်ႊၸၢၼ်းၼၼ်ႉ ႁၵ်းတူၵ်းလႄႈ မီးၵူၼ်းလူႉတၢႆ 4 ၵေႃႉ မၢတ်ႇၸဵပ်း 5 ၵေႃႉ လွင်ႈၼႆႉ ပဵၼ်ႈၵႂႃႇ မိူဝ်ႈဝၼ်းတီႈ 25/02/2025 ပူၼ်ႉမႃးၼႆႉ။ ၸဝ်ႈၼႃႈတီႈ မိူင်းၶူဝ်ႊရီႊယိူဝ်ႊၸၢၼ်း လၢတ်ႈဝႃႈ...

Subrahmanyam Jaishankar ၽွင်းလူင်ၾၢႆႇၼွၵ်ႈမိူင်း မိူင်းဢိၼ်ႊတီႊယိူဝ်ႊလၢတ်ႈဝႃႈ ယွၼ်ႉပၼ်ႁႃ ပတိၵ်ႈၶၢတ်ႈ ၼႂ်းမိူင်းမၢၼ်ႈလႄႈ ၶူင်းၵၢၼ်ၵေႃႇသၢင်ႈသဵၼ်ႈတၢင်းဝႆး (IMTT) မိူင်းဢိၼ်ႊတီႊယိူဝ်ႊ - မိူင်းထႆး - မိူင်းမၢၼ်ႈ လႆႈၵိုတ်းယင်ႉၵႂႃႇ ဝႃႈၼႆ။ လွင်ႈၼႆႉ ၽွင်းလူင်ၾၢႆႇၼွၵ်ႈမိူင်း လၢတ်ႈၵႂႃႇတီႈပၢင်ၵုမ် ဢၼ်ၸတ်းႁဵတ်းတီႈ ဝဵင်းၵူႇဝႃႇႁႃႇတီႇ ၸႄႈ တွၼ်ႈဢႃႊတၼ်ႊ မိူင်းဢိၼ်ႊတီႊယိူဝ်ႊ -...

ရူတ်ႉၵႃးပၢတ်ႉသ် တၢင်ႇၵူၼ်းပိၼ်ႈတီႈၸႄႈတွၼ်ႈ ပရႃႊၵျိၼ်ႊပူႊရီႊ မိူင်းထႆး ၵူၼ်းၶီႇမႃးၸွမ်းတၢႆ 17 ၵေႃႉ မၢတ်ႇၸဵပ်း 30 ပၢႆ။ ဝၼ်းတီႈ 26/02/2025 မိူဝ်ႈၼႆႉယၢမ်းၵၢင်ၼႂ်ၸဝ်ႉမွၵ်ႈ 3 မူင်းပၢႆ ရူတ်ႉၵႃးဢႄႊပၢတ်ႉသ်(ရူတ်ႉတၢင်ႇၵူၼ်း) ပိၼ်ႈၶွမ်ႈတူၵ်းတၢင်းၽွင်းလူင်းလွႆ ၼႂ်းဢိူင်ႇပူႊၽရၢမ်ႊ ၸႄႈဝဵင်းၼႃးၻီႊ ၸႄႈတွၼ်ႈပရႃႊၵျိၼ်ႊပူႊရီႊ မိူင်းထႆး ။ ရူတ်ႉၵႃးဢၼ်မႃးပိၼ်ႈၶွမ်ႈၼႆႉ ပဵၼ်ရူတ်ႉၵႃးဢၼ်တၢင်ႇ ၶႃႈႁၢပ်ႇၵၢၼ်ၶုၼ်တီႈႁွင်ႈၵၢၼ်ၾၢႆႇလိူမ်ႈလႆႇ ၸႄႈတွၼ်ႈပိုင်ႊၵၢၼ်ႊ...

ႁႅင်းၵၢၼ်မိူင်းမၢၼ်ႈ 200 ပၢႆ ဢၼ်ၺႃးတီႉၺွပ်း ၼႂ်းမိူင်းထႆးပွတ်းၸၢၼ်းၼၼ်ႉ ဝၢႆးပူၼ်ႉလွတ်ႈတၢမ်ႇတၢင်းၽိတ်းယဝ်ႉ ထုၵ်ႇၸဝ်ႈၼႃႈတီႈၶဝ် သူင်ႇတူဝ်ပွၵ်ႈၶိုၼ်းမိူင်းမၢၼ်ႈၼႆ - သိုဝ်ႇၶၢဝ်ႇ Bangkok Post ဢွၵ်ႇဝႆႉ မိူဝ်ႈဝၼ်းတီႈ 24/02/2025 ၼႆႉၼင်ႇၼႆ။ ႁႅင်းၵၢၼ်မိူင်းမၢၼ်ႈ ၸိူဝ်းၺႃးသူင်ႇတူဝ်ပွၵ်ႈၶိုၼ်းမိူင်းမၢၼ်ႈၼႆႉ ပဵၼ်ၸၢႆး 198 ၵေႃႉ ၊ ယိင်း 2 ၵေႃႉ။...

ၶွမ်ႊပၼီႊ ၾၢႆႇသၢႆၵၢၼ်မိၼ် မိူင်းဢမေႊရိၵၼ်ႊ Alef Aeronautics (American flying car company) ဢဝ်ၵႃးမိၼ် ဢၼ်ၶွမ်ႊပၼီႊၶဝ်ၶူင်သၢင်ႈႁဵတ်းဢွၵ်ႇဝႆႉၼၼ်ႉ မႃးမိၼ် ၼႄ ၽူႈၸတ်းၵၢၼ်လူင် ၶွမ်ႊ ပၼီႊလၢတ်ႈဝႃႈ ယၢမ်းလဵဝ် ၵူၼ်းသင်ႇသိုဝ်ႉၵႃးမိၼ်ဝႆႉလူင်ႈၼႃႈၼႆႉ မီးၼပ်ႉႁူဝ်ႁဵင်ယဝ်ႉ ဝႃႈၼႆ။ ၼႂ်းၶၢဝ်းတၢင်း 1 ပီ တေဢၢၼ်းၶပ်းၶိုင် ၶၢႆဢွၵ်ႇပဵၼ်ပွၵ်ႈၵမ်းႁႅၵ်ႈ...

ၾၢႆႇႁူမ်ႇလူမ်ႈလႅၼ်လိၼ် မိူင်းထႆး ပိုၼ်ၽၢဝ်ႇဝႃႈ ၼႂ်းၶၢဝ်းတၢင်း 5 လိူၼ်ၼႆႉ တီႉလႆႈၵူၼ်းတေႃႉယႃႈ 100 ၵမ်းပၢႆ ၵႃႈၶၼ်ယႃႈ ဢၼ်တီႉလႆႈမီး မိုၼ်ႇလၢၼ်ႉပၢႆ ဝႃႈၼႆ။ ဢိင်ၼိူဝ် ၵၢၼ်မိူင်းမိူင်းမၢၼ်ႈသုၵ်ႉ  ပၢင်တိုၵ်းၸွတ်ႇတူဝ်ႈၸိုင်ႈမိူင်းယူႇယၢမ်းလဵဝ် ၼႂ်းမိူင်းထႆးပွတ်းႁွင်ႇ မီးၵူၼ်းတေႃႉယႃႈၶၢမ်ႈလႅၼ်လိၼ်ၶႂ်ႈဝႃႈမီးၵူႈဝၼ်း။ ၼႂ်းဝၼ်းတီႈ 24 လိူၼ်ၾႅပ်ႉပိဝ်ႊရီႊၼႆႉသိုၵ်းထႆး   ယိုတ်းလႆႈယႃႈမႃႉ 3 လၢၼ်ႉ 7 သႅၼ်မဵတ်ႉလႄႈ...

ဢိင်ၼိူဝ် လွင်ႈႁဵတ်းဢွၵ်ႇႁႅင်းထၢတ်ႈၾႆးၾႃႉ တီႈမိူင်းမၢၼ်ႈၼႆႉသေ ယူႇတီႈ မိူင်းရတ်ႉသျႃး တူဝ်ႈတၼ်းဝႆႉ တႃႇတေလူင်းတိုၼ်းလၢင်းယူႇ ဝႃႈၼႆ။ ပူၼ်ႉမႃး ဝၼ်းတီႈ 23/02/2025 ၼႆႉ ယူႇတီႈ သိုဝ်ႇၶၢဝ်ႇတႂ်ႈသိုၵ်းမၢၼ်ႈ ၵုမ်းၵမ်ဝႆႉၼၼ်ႉ ႁၢႆးငၢၼ်းဝႆႉဝႃႈ -  ၽွင်းလူင် H.E Maxim RESHETNIKOV ႁွင်ႈၵၢၼ် ၾၢႆႇႁုၼ်ႈမုၼ်း ၶိုၼ်ႈယႂ်ႇ ၵၢၼ်ပၢႆးမၢၵ်ႈမီး...

ၸုမ်းၸွႆႈထႅမ်ႁႅင်းၵၢၼ်မိူင်းမၢၼ်ႈ AAC ၺႃးၸဝ်ႈၼႃႈတီႈထႆး ၶဝ်ႈၵူတ်ႇထတ်းသေ သင်ႇဢိုတ်းပႅတ်ႈ  လုမ်း ၼႂ်းဝၼ်းတီႈ 20/02/2025 ပူၼ်ႉမႃးၼႆႉ ဝႃႈၼႆ။ ၸုမ်းၾၢႆႇၸွႆႈထႅမ်ႁႅင်းၵၢၼ်မိူင်းမၢၼ်ႈ AAC ၼႆႉ ပိုတ်ႇလုမ်းဝႆႉတီႈ ဝဵင်းမႁႃၶျႆး ၸႄႈတွၼ်ႈသမုတ်ႊသႃၶွၼ်ႊ ယၢၼ်ၵႆဝဵင်းလူင်ၵုင်းထဵပ်ႈ မွၵ်ႈ 30 လၵ်း မိူင်းထႆး။ ၸဝ်ႈၼႃႈတီႈထႆး မႃးပႃႉလိၵ်ႈဝႆႉဝႃႈ - တၵ်းတေဢမ်ႇလႆႈပိုတ်ႇလုမ်းၼႆႉ၊ သင်ဝႃႈ...