ၵေႃလိၵ်ႈလၢႆးပွတ်းၸၢၼ်းႁူပ်ႉထူပ်းဢုပ်ႇၵၼ်တီႈပၢင်ပွႆးႁူမ်ၸူမ်းႁပ်ႉတွၼ်ႈပီမႂ်ႇတႆး 2112 ၼီႈ ထုင်ႉၼႃးၵူင်း လၢင်းၶိူဝ်းသေ သၢင်ႈလွင်ႈၸမ်ၸႂ် ဝၢင်းၽႅၼ်တႃႇႁူမ်ႈၵၼ် ႁဵတ်းသၢင်ႈၼႃႈ ၵၢၼ်ၵႂႃႇမိူဝ်းၼႃႈ။ ဝၼ်းတီႈ 04/12/2017 သင်ၶၸဝ်ႈ၊ ၵူၼ်းမိူင်း၊ တပ်ႉသိုၵ်းၵူၼ်းမိူင်းပၢင်ႇလႅင်းသႂ်၊ တပ်ႉႁူမ်ႇလူမ်ႈ လႅၼ်လိၼ်ထုင်ႉႁူဝ်မိူင်း SSS (ၸုမ်းပျီႇတူႉၸိတ်ႉႁူဝ်မိူင်း) ၵေႃလိၵ်ႈလၢႆးလႄႈ ၾိင်ႈငႄႈတႆးၸိူဝ်း ၼႆႉ ႁူမ်ႈၵၼ်ၸတ်းႁဵတ်း ပၢင်ပွႆးပီမႂ်ႇ၊ ၵူၼ်းမိူင်းၼႂ်းၸိုင်ႈတႆးပွတ်းၸၢၼ်းၶဝ်ႈႁူမ်ႈလၢႆလၢႆဝဵင်း ဢဝ်တိုဝ်ႉတၢင်းၼႆႉသေ...

ဢွၼ်ႇၸၢႆး ဢႃယု 8 ၶူပ်ႇ ၵႂႃႇၵဵပ်းၽၵ်းပၵ်ႉ ၼႂ်းသူၼ်ၶဝ်ႈၵၢပ်ႇသေ ယဵပ်ႇၺႃးမၢၵ်ႇ ဢၼ်ၾင်လိၼ်ဝႆႉ ၼႂ်းသူၼ် ၶဝ်သေ တႅၵ်ႇတိူဝ်ႉမၼ်းၸၢႆး လူႉတၢႆထင်တီႈ ၼႂ်းၸႄႈဝဵင်းၼမ်ႉတူႈ ဝႃႈၼႆ။ ဝၼ်းတီႈ 28/11/2017 ယၢမ်းဝၢႆးဝၼ်း 4 မူင်း ၸၢႆးလႃႉႁၢၼ်ႇ(ႁွင်ႉ) ဢၢႆႈလႅင် ဢႃယု 8 ၶူပ်ႇ ပဵၼ်လုၵ်ႈၸၢႆး...

လုၵ်ႈႁဵၼ်း 18 ၵေႃႉ ၸႄႈဝဵင်းမိူင်းၵိုင် သိုဝ်ႉၵိၼ်ၶဝ်ႈမုၼ်းၼမ်ႉၶႅင်ဝၢၼ် Ice-Cream သေ ပဵၼ်ၵွင်ႉ မဝ်း၊ ႁၢၵ်ႈ လႄႈလႆႈသူင်ႇယႃတူဝ်တီႈႁူင်းယႃလူင်ၵူၼ်းမိူင်း ၸႄႈဝဵင်းမိူင်းၵိုင် ဝႃႈၼႆ။ ဝၼ်းတီႈ 29/11/2017 ယၢမ်းၵၢင်ဝၼ်း 12 မူင်းၶိုင်ႈၼၼ်ႉ လုၵ်ႈႁဵၼ်း ၼႂ်းႁူင်းႁဵၼ်းၸၼ်ႉသုင် (ဢထၵ) ၸႄႈဝဵင်း မိူင်းၵိုင် ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း...

ၸုမ်းၵူၼ်းၼုမ်ႇတႆး TYO ၸႄႈဝဵင်းသီႇသႅင်ႇ ဢွၼ်ႁူဝ်ၵူၼ်းဝၢၼ်ႈၵႂႃႇ လဵပ်ႈႁဵၼ်း လၢႆလၢႆဝဵင်း သေႁႃလွၵ်းၵၢတ်ႇတႃႇသူင်ႇၶၢႆၶူဝ်းသူၼ်ၶူဝ်းႁိူၵ်ႈ ဢၼ်ၵူၼ်းဝၢၼ်ႈၽုၵ်ႇသွမ်ႈဝႆႉ။ ဝၼ်းတီႈ 13 – 24/11/2017 ၸုမ်းၵူၼ်းၼုမ်ႇတႆး TYO ၸၢႆးပိုၼ်းႁၢၼ်လႄႈ ၸၢႆးလၢဝ်ၶမ်း ဢွၼ် ဢဝ် တူဝ်တႅၼ်းၵူၼ်းဝၢၼ်ႈဢိူင်ႇၵုင်းသုတ်းလႄႈ ဢိူင်ႇတမ်ႇၽၢၵ်ႇ ၵႂႃႇလဵပ်ႈႁဵၼ်း လွၵ်းၵၢတ်ႇ ၼႂ်းဝဵင်းလူင် တူၼ်ႈတီး၊ လႃႈသဵဝ်ႈ၊...

ပႃႇတီႇႁူဝ်သိူဝ် ပိုတ်ႇလုမ်းၵိင်ႇၽႄမႂ်ႇ တီႈၵဵင်းတွင်း ပိူဝ်ႈၸၢင်ႈၵွင်ႉသၢၼ်ႁဵတ်းၵၢၼ်ငၢႆႈမိူဝ်းၼႃႈ မီးၽူႈတႅၼ်းလၢႆၸႄႈဝဵင်းလႄႈ ၵူၼ်းမိူင်းၶဝ်ႈႁူမ်ႈၸမ် 5 ပၢၵ်ႇ။ ဝၼ်းတီႈ 28/11/2017 ငဝ်ႈငုၼ်းတီႇမူဝ်ႇၶရေႇၸီႇ ၸိူဝ်ႉၶိူဝ်းတႆး ႁိုဝ်ပႃႇတီႇ ႁူဝ်သိူဝ် SNLD ပိုတ်ႇ လုမ်းၵိင်ႇၽႄ တီႈပွၵ်ႉ 5 ဝဵင်းၵဵင်းတွင်း ၸႄႈဝဵင်းမိူင်းၼၢႆး ၸႄႈတွၼ်ႈလၢင်းၶိူဝ်း ၸိုင်ႈတႆးပွတ်း ၸၢၼ်း ။ ၼႂ်းပၢင်ၼႆႉမီးၽူႈတႅၼ်းလၢႆလၢႆၸႄႈဝဵင်းမိူၼ်ၼင်ႇ...

ပၢင်မွပ်ႈယိုၼ်ႈသူးရၢင်းဝလ်းလႄႈ ယုၵ်ႉယွင်ႈၶူးသွၼ် ၸိူဝ်းပူင်သွၼ်လိၵ်ႈတႆး ၸွမ်းၶႅမ်ႉပၢင်သဝ်းပီႈၼွင်ႉႁႅင်း ၵၢၼ်တႆး ၸိူဝ်းႁွတ်ႈၵဵင်းမႆႇ။ ဝၼ်းတီႈ 28/11/2017 ယၢမ်းၵၢင်ၼႂ် 9 မူင်း ထိုင် 4:30 မူင်းဝၢႆးဝၼ်း ၶူင်းၵၢၼ်မုလ်းလၼိထိရၵ်ႉၻဵၵ်ႇ(มูลนิธิรักษ์เด็ก) ၸတ်းႁဵတ်း ပၢင်မွပ်ႈယိုၼ်ႈသူးရၢင်းဝလ်းလႄႈ ယုၵ်ႉယွင်ႈၶူးသွၼ် ၸိူဝ်းလူင်းပိုၼ်ႉတီႈပူင်သွၼ်ပၼ် လိၵ်ႈတႆး၊ ထႆး၊ ဢင်းၵိတ်း လႄႈ မၢၼ်ႈ ၸွမ်းၶႅမ်ႉပၢင်သဝ်း...

ႁႅင်းၵၢၼ်တႆး ယၢၼ်မိူင်း ႁွတ်ႈမိူင်းၶႄႇ တင်း ပီႈၼွင်ႉတႆး ၸိူဝ်းယူႇသဝ်း ၼႂ်းမိူင်းၶႄႇ ႁူမ်ႈၵၼ်ၵမ်ႉထႅမ် ၶူဝ်းၼုင်ႈ၊ တၢင်းၵိၼ်ယႅမ်ႉထိုင် ၵေႃႉသိုၵ်း RCSS/SSA တီႈလႅၼ်လိၼ်တႆး-ၶႄႇ ပွၵ်ႈၵမ်း 7 ဝႃႈၼႆ။ ၸုမ်းတႆးၽွမ်ႉႁူမ်ႈၸွႆႈၸိူဝ်ႉၸၢတ်ႈ ဢွၼ်ႁူဝ်သေ ႁပ်ႉဢဝ်ၶူဝ်း ၸွႆႈထႅမ်တီႈ ၽူႈမီးၼမ်ႉၸႂ် ႁႅင်းၵၢၼ်တႆး ယၢၼ်မိူင်း လႄႈ ပီႈၼွင်ႉတႆး...

ပိူဝ်ႈတႃႇမၢႆတွင်းဝၼ်းၵိူတ်ႇ ၸဝ်ႈတူၼ်ၶူးလူင် Dr. ထမ်ႇမသႃႇမိ ၶမ်းမၢႆ ဢႃယုၸဝ်ႈၶွပ်ႈတဵမ် 53 ၼၼ်ႉ တီႈၸၼ်ႉၸွမ်ဝဵင်းလူင်တူၼ်ႈတီး မီးၵၢၼ်ၸတ်းႁဵတ်းပၢင်ပွႆးၶုၵ်းထူပ်း ဝၼ်းၵိူတ်ႇၸဝ်ႈ၊ ၾင်ဢုတ်ႇငိုၼ်း/ၶမ်း။ မိူဝ်ႈဝၼ်းတီႈ 27-28/11/2017 ၊ တီႈပၢင်ပွႆးၶုၵ်းထူပ်းဝၼ်းၵိူတ်ႇၸဝ်ႈၼၼ်ႉ လူႇတၢၼ်းယၢတ်ႇၼမ်ႉ လၢႆၸိူဝ်ႉလၢႆပိူင်၊ မိူၼ်ၼင်ႇၾင်ဢုတ်ႇငိုၼ်းဢုတ်ႇၶမ်း တႃႇၵေႃႇသၢင်ႈႁူင်းႁေႃး တႃႇတေပဵၼ်ႁူင်းႁေႃး မွပ်ႈဝႂ်ၸုမ်ႈၶူး၊ ၸၼ်ႉၸွမ် BA, MA...

ပၢႆႉတၢင်းၶဝ်ႈၸူး ပၢင်ပွႆးတၢင်ႇယွတ်ႈၸွမ်သႅင် ၵွင်းမူး ယွၼ်းသူးတဵမ်ထူၼ်ႈ မင်ႇၵလႃႇၸုမ်ႈမိူင်း (ၵွင်းမူးမႄႈမၢႆႈ) တီႈၵုၼ်ၵၢင်ၼွင်ၽႃ ဢၼ်တေၸတ်းႁဵတ်းပၢင်ပွႆးလူင် တၢင်ႇယွတ်ႈၸွမ်သႅင် ၼႂ်းဝၼ်းလိူၼ်ၸဵင်မူၼ်းၼၼ်ႉ ပိုတ်ႇပၢႆႉတၢင်းၶဝ်ႈယဝ်ႉတူဝ်ႈၵႂႃႇလီငၢမ်း။ ဢၼ်ၸတ်းပၢင်ပွႆးလူင် တၢင်ႇယွတ်ႈၸွမ်သႅင် ၸေႇၻီႇ/ၵွင်းမူး ယွၼ်းသူးတဵမ်ထူၼ်ႈ မင်ႇၵလႃႇၸုမ်ႈမိူင်း ပွၵ်ႈၵမ်းၼႆႉ (လိူၼ်ၸဵင်မူၼ်း ဝၼ်းတီႈ 03/12/2017) ၽူႈဢွၼ်ႁူဝ်ၼမ်းၼႃႈ ပဵၼ်မုၵ်ႉၸုမ်းလူင်သင်ၶၸိုင်ႈတႆး တင်း ၸဝ်ႈၶူးဝႃးဝုၼ်းၸုမ်ႉ ဢိၵ်ႇပီႈၼွင်ႉမိူင်းၶူဝ်ၶမ်း...

ၸုမ်းၵူၼ်းၼုမ်ႇ ဝဵင်းလၢႆးၶႃႈ ႁူမ်ႈၵၼ် ႁႃငိုၼ်းၵွင်ၵၢင် တႃႇၵမ်ႉၸွႆႈလုၵ်ႈႁဵၼ်းလႄႈ ၶူးသွၼ်ႁူင်း ႁဵၼ်းၸိူဝ်ႉၸၢတ်ႈ ဝဵင်းလၢႆးၶႃႈ။ ဝၼ်းတီႈ 26/11/2017 ၸုမ်းၵူၼ်းၼုမ်ႇဝဵင်းလၢႆးၶႃႈ ဢဵၼ်ႁႅင်း 10 ပၢႆ ႁူမ်ႈၵၼ်လူႇၶၢမ်ႇငိုၼ်းတႃႇ သိုဝ်ႉသိူဝ်ႈၶူဝ်းတွၼ်ႈပၼ်လုၵ်ႈႁဵၼ်းလႄႈ ၶူးသွၼ်ၼႂ်းႁူင်းႁဵၼ်းၸိူဝ်ႉၸၢတ်ႈ ထုင်ႉယိူင်းဝဵင်းလၢႆးၶႃႈ ၼႂ်းတိုဝ်ႉတၢင်းၸတ်းပၢင်ပွႆး ႁပ်ႉတွၼ်ႈပီမႂ်ႇတႆး ဝၼ်းတီႈ 30/11/2017 ၼႆႉ ။ ၸၢႆးလႅင်းႁိူင်း ႁူဝ်ၼႃႈၵူၼ်းၼုမ်ႇဝဵင်းလၢႆးၶႃႈ...

ၸုမ်းတပ်ႉသိုၵ်းၵူၼ်းမိူင်း (ပျီႇတုၸိတ်ႉ)ၼႃးယႆး ဢွၼ်ႁူဝ်ၼမ်းၼႃႈမူႇၸုမ်း ၵူၼ်းမိူင်း ၸတ်းပၢင်ပွႆးဝၢင်းမၢၵ်ႇဢုတ်ႇ တႃႇၵေႃႇသၢင်ႈၸေႇၻီႇ/ၵွင်းမူး တီႈဝၢၼ်ႈမႂ်ႇ ဢိူင်ႇမိူင်းၸိတ်ႇ ၸႄႈဝဵင်းၼမ်ႉၸၢင်ၼၼ်ႉ ၽူႈၵိုၵ်းပိုၼ်းလုၵ်ႉၽိုၼ်ႉ ၸဝ်ႈၵၼ်းၸဵတ်းၶဝ်ႈႁူမ်ႈ။ မိူဝ်ႈဝၼ်းတီႈ 26/11/2017 တင်ႈတႄႇပွတ်းၼႂ်ၶၢဝ်းယၢမ်း 9 မူင်းတေႃႇထိုင် 12 မူင်း၊ တီႈဝၢၼ်ႈမႂ်ႇ ၼႂ်းၼႃႈလိၼ်ၵုမ်းၵမ်ၸုမ်းသိုၵ်းၵူၼ်းမိူင်း ၼႃးယႆး၊ မီးၵၢၼ်ၸတ်းပၢင်ပွႆးလူင် ဝၢင်းမၢၵ်ႇဢုတ်ႇ ပိူဝ်ႈတႃႇသၢင်ႈၸေႇၻီႇ/ၵွင်းမူးလူင်။ ပိူဝ်ႈတႃႇၵေႃႇသၢင်ႈၵွင်းမူးလူင်ၼႆႉ...

ၼႂ်းၸႄႈဝဵင်းတႃႈၶီႈလဵၵ်း သင်ၶၸဝ်ႈတူၼ်ၼိုင်ႈ ႁေႃႈၵႃးဝႆးသေ ဢမ်ႇၵုမ်းလႆႈႁႅင်းၵႃး တမ်ၽႃႇၵူၼ်းထဝ်ႈ ဢႃယု 60 ပီ တိူဝ်ႉၸဵပ်းႁၢဝ်ႈႁႅင်းသေ လႆႈလူႉတၢႆထင်တီႈ ဝႃႈၼႆ။ ဝၼ်းတီႈ 26/11/2017 ယၢမ်းၵၢင်ၼႂ် 6 မူင်းၼၼ်ႉ သင်ၶၸဝ်ႈ တူၼ်ၼိုင်ႈ ၸိုဝ်ႈႁွင်ႉ ၸဝ်ႈၸၢင်းဝိၸိၵ်ႉတ ဢႃယု 24 ပီ လုၵ်ႉတၢင်းမိူင်းၵူဝ်းမႃး တေၶဝ်ႈမႃးတၢင်းဝဵင်းတႃႈၶီႈလဵၵ်းၼၼ်ႉ...

ၸုမ်းၵူၼ်းၼုမ်ႇ၊ သင်ၶၸဝ်ႈလႄႈ ၵူၼ်းမိူင်းလၢႆးၶႃႈ ႁူမ်ႈၵၼ်မႄးၵုမ်း ၶုမ်ၵုတ်းၸဝ်ႈၾႃႉလူင် ၸဝ်ႈၶုၼ်ၼုမ်ႇ ဝၢႆးသေၼၼ်ႉတေသိုပ်ႇၵုမ်းလုမ်းလႃးၶုမ်ၵုတ်းလႄႈ ၶူဝ်းၶွင်ၵိုၵ်းပိုၼ်းဝဵင်းလၢႆးၶႃႈ ထႅင်ႈလၢႆလၢႆဢၼ်ဝႃႈၼႆ။ ၸုမ်းၵူၼ်းၼုမ်ႇ၊သင်ၶၸဝ်ႈလႄႈၵူၼ်းမိူင်းဝဵင်းလၢႆးၶႃႈ တေဢွၼ်ၵၼ်ႁဵတ်းႁူဝ်ႉၵုမ်းၶိုၼ်းၶုမ်ၵုတ်း ၸဝ်ႈၼုမ်ႇ ၸဝ်ႈၾႃႉလၢႆးၶႃႈ တေၵုမ်းပႃးၶုမ်ၵုတ်းပီႈၼၢင်းမၼ်းၸဝ်ႈ ၸဝ်ႈၼၢင်းမိူင်းယႆ ၊ လႄႈ မေးၼၢင်းမၼ်းၸဝ်ႈ ၸဝ်ႈၼၢင်းမိင်ႈသူၺ်ႇဢိင်ႇ ၸိူဝ်းၼႆႉ။ ၸၢႆးလႅင်းႁိူင်း ႁူဝ်ၼႃႈၵူၼ်းၼုမ်ႇတႆး လၢႆးၶႃႈ လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ – “...

ၵႃးလမ်းၼိုင်ႈ ဢၼ်ၵိုတ်းဝႆႉၼိူဝ်တၢင်းလူင် တီႈပွၵ်ႉပႃႇလႅင် ၸႄႈဝဵင်းတႃႈၶီႈလဵၵ်းၼၼ်ႉ ထုၵ်ႇၾႆးမႆႈ ယွၼ်ႉၼမ်ႉ မၼ်းႁူဝ်ႈတီႈဢိၼ်ႊၵျိၼ်ႊၵႃးသေ ၾႆးလုၵ်ႉႁုပ်ႇမႆႈ ဝႃႈၼႆ။ ဝၼ်းတီႈ 23/11/2017 ယၢမ်းၵၢင်ၼႂ်ၸဝ်ႉ မွၵ်ႈ 6 မူင်းၼၼ်ႉ ၵႃး Honda Integra Types ဢၼ် ၵိုတ်းဝႆႉၼိူဝ် တၢင်းလူင် တီႈပွၵ်ႉပႃႇလႅင် တေႃႇၼႃႈတႃႈလူတ်ႉသၢႆ(လႅင်းၵႃး) သူၺ်ႇမဵဝ်ႉတေႃႇ...

ဝၼ်းလိူၼ်ၸဵင်မူၼ်းတေမႃးၼႆႉ သင်ၶၸဝ်ႈဢိၵ်ႇပီႈၼွင်ႉၵူၼ်းမိူင်း တၵ်ႉၵႃႇသတ်ႉထႃးဝတ်ႉသီမိူင်းမွၵ်ႇ ဢိူင်ႇပဵင်းလူင် တေၸတ်းပၢင်ပွႆးတၢင်ႇယွတ်ႈၸွမ်သႅင် (ထီး)ဝိႁၢရ်လူင် ဝတ်ႉသီမိူင်းမွၵ်ႇ လႄႈမွၵ်ႇသတ်ႉထႃး ၸမ်ၵႆ ၶဝ်ႈႁူမ်ႈႁွမ်းတၢၼ်း သၢင်ႈၵုသူလ်ၼႃးမုၼ် ယၢတ်ႇၼမ်ႉၶႂမ်ႈတဝ်ႈၸွမ်းၵၼ်။ ပေႃးထိုင်မႃး ၽွင်းႁူဝ်လိူၼ်ၻီႊသႅမ်ႊၿိူဝ်ႊ ဝၼ်းလိူၼ်ၸဵင်မူၼ်း ဝၼ်းဢႃးတိတ်ႉတီႈ 03/12/2017 (ပီသႃသၼႃ-မိူင်းထႆး 2560)သင်ၶၸဝ်ႈဢိၵ်ႇ ပီႈၼွင်ႉၵူၼ်းမိူင်း တၵ်ႉၵႃႇသတ်ႉထႃးဝတ်ႉသီမိူင်းမွၵ်ႇ (ဝတ်ႉသၼ်ပႅၵ်ႇ) ဝၢၼ်ႈသၼ်ပႅၵ်ႇ ဢိူင်ႇပဵင်းလူင် ၸႄႈဝဵင်းဝဵင်းႁႅင်၊...