Thursday, March 28, 2024

ၵူၼ်းဝၢၼ်ႈၼႂ်းၸႄႈဝဵင်းႁူဝ်ပူင်း 30 ပၢႆလဵပ်ႈႁဵၼ်းဢဝ်လၢႆးၸတ်းပွင်ၵၢၼ်ငိုၼ်း

Must read

ၵူၼ်းဝၢၼ်ႈၼႂ်းၸႄႈဝဵင်းႁူဝ်ပူင်း 30 ပၢႆ ၶဝ်ႈႁဵၼ်းဢဝ်တၢင်းႁူႉလၢႆးၸတ်းပွင်ၵၢၼ်ငိုၼ်း ပိူဝ်ႈႁႂ်ႈမေႃၸတ်း ဝၢင်းၽႅၼ်ၵၢၼ်ငိုၼ်း မိူဝ်းၼႃႈ။

ဝၼ်းတီႈ 18/12/2017 ၸုမ်းပႃႇရမီႇ ၼႅင်ႈသၢၼ်ၵၢၼ်ပူၵ်းပွင် Parami Development Network ၸတ်းႁဵတ်းပၢင်ၾိုၵ်းၽွၼ်ႉပၼ်ၵူၼ်းဝၢၼ်ႈ တီႈဝၢၼ်ႈတူၼ်ႈတီးၶမ်း ဢိူင်ႇပွင်ႇလႅင်း ၸႄႈဝဵင်းႁူဝ် ပူင်း ၸႄႈတွၼ်ႈတူၼ်ႈတီး ၸိုင်ႈတႆးပွတ်းၸၢၼ်း ။

- Subscription -

ၸၢႆးဝုၼ်ႇၼႃႉ ၽူႈပၼ်ပၢင်သွၼ်လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ – “ ၵၢၼ်ၸတ်းၵၢၼ်ငိုၼ်း ၼႆႉမၼ်းလွင်ႈယႂ်ႇ ပေႃးႁဝ်းမီးငိုၼ်းၸင်ႇၸၢင်ႈၸတ်းၵၢၼ်တႃႇႁဵတ်းၵၢၼ်တၢင်ႇၸိူဝ်းလႆႈ ပေႃးမီးပၢင် သွၼ်တီႈလႂ်ၵေႃႈ ၶႂ်ႈႁႂ်ႈပူႇၵႄႇဝၢၼ်ႈ ၸွႆႈထႅမ် ႁႂ်ႈၵူၼ်းဝၢၼ်ႈလႆႈလဵပ်ႈႁဵၼ်းၼမ်ၼမ်သေၵမ်း ” ဝႃႈၼႆ။

ၼႂ်းပၢင်ၼႆႉ ပူင်သွၼ်ပၼ်လွၵ်းလၢႆးၵၢၼ်ဝၢင်းၽႅၼ်ၵၢၼ်ၸႂ်ႉၸၢႆႇ ၊ ၵၢၼ်ႁွမ်ငိုၼ်း၊ ၵၢၼ်ၸႅၵ်ႇၽႄ ၸႂ်ႉၸၢႆႇငိုၼ်းတွင်းႁႂ်ႈပဵၼ်ပၵ်းပဵၼ်ပိူင် ၽူႈပၼ်ပၢင်သွၼ်မီးမွၵ်ႈ 5 ၵေႃႉ ၽူႈလဵပ်ႈႁဵၼ်းမီးမွၵ်ႈ 30 ၵေႃႉ ။

ၸုမ်းပႃႇရမီႇ ၼႅင်ႈသၢၼ်ၵၢၼ်ပူၵ်းပွင် Parami Development Network ၼႆႉ မီးၶူင်းၵၢၼ် ပူင်သွၼ် ပၼ် လၢႆးၸတ်းၵၢၼ်ငိုၼ်း၊ လၢႆးႁႃငိုၼ်း၊ လွင်ႈၶၢႆႉလႅၵ်ႈတီႈယူႇ၊ လွင်ႈပပ်ႉဝႂ်ၶၢမ်ႈမိူင်း Passport ဝီႊသႃႊ (ဝႂ်ႁပ်ႉႁၢင်ႈၶဝ်ႈမိူင်း) visa ၸိူဝ်းၼႆႉ။ မိူဝ်းၼႃႈမႃး တေၵႂႃႇပူင်သွၼ်ပၼ် တၢင်းဝဵင်းသီႇသႅင်ႇ၊ ပၢင်လွင်း၊ ပၢင်လူင်၊ လွႆလႅမ်လႄႈ ၾၢႆၶုၼ်ၸိူဝ်းၼႆႉထႅင်ႈဝႃႈၼႆ။

Photo: Jai Wonna Mao Phanghan

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း