Friday, March 29, 2024

ၽူႈယိင်းၵေႃႉၼိုင်ႈ ယဵပ်ႇၺႃးမၢၵ်ႇတႅၵ်ႇ လူႉတၢႆ ၼႂ်းၸႄႈဝဵင်းမိူင်းၵူဝ်း

Must read

ၽူႈယိင်းၸၢဝ်းၶိူဝ်းၶၢင် ၵေႃႉၼိုင်ႈ ဢႃယု 48 ပီ ၽွင်းတိုၵ်ႉၵႂႃႇၵၢတ်ႇၼၼ်ႉ ယဵပ်ႇၺႃးမၢၵ်ႇ ဢၼ်ႁၢင်ႈၵၢင်ဝႆႉႁိမ်းၶၢင်ႈ တၢင်း တႅၵ်ႇသႂ်ႇတူဝ်မၼ်းၼၢင်း လႆႈမၢတ်ႇၸဵပ်းႁၢဝ်ႈႁႅင်းသေ လူႉတၢႆၵႂႃႇ ဝႃႈၼႆ။

ဝၼ်းတီႈ 12/12/2017 ယၢမ်းၵၢင်ၼႂ် 7 မူင်းၼၼ်ႉ ၽူႈယိင်းၸၢဝ်းၶိူဝ်းၶၢင် ၵေႃႉၼိုင်ႈ ယူႇဝၢၼ်ႈၶူႉၶူး ဢိူင်ႇမၢၼ်ႈ သၢႆး ၸႄႈဝဵင်းမိူင်းၵူဝ်း ၸႄႈတွၼ်ႈမူႇၸေႊ ၸိုင်ႈတႆးပွတ်းႁွင်ႇ ၽွင်းတိုၵ်ႉတေၵႂႃႇၸၢႆႇၵၢတ်ႇ တီႈဝၢၼ်ႈၽွင်းသႅင် ၼၼ် ယဵပ်ႇၺႃးမၢၵ်ႇ ဢၼ်ႁၢင်ႈၵၢင်ဝႆႉ ၼႂ်းယုမ်းႁိမ်းၶၢင်ႈတၢင်း။ တႅၵ်ႇသႂ်ႇမၼ်းၼၢင်းမၢတ်ႇၸဵပ်းႁၢဝ်ႈႁႅင်း။ သူင်ႇတူဝ်ယူတ်းယႃ တီႈႁူင်းယႃ မၢၼ်ႈၸေႈလႅၼ်လိၼ်တႆး-ၶႄႇ။ ထိုင်ယၢမ်းဝၢႆးဝၼ်း 2 မူင်း လႆႈလူႉသဵင်ႈၵႂႃႇ တီႈႁူင်းယႃၼၼ်ႉ ဝႃႈၼႆ။

- Subscription -

ၽူႈၶဝ်ႈၸုမ်း တူင်ႇဝူင်းၸွႆႈထႅမ်ၸၢဝ်းၶိူဝ်းၶၢင် လၢတ်ႈဝႃႈ “ မၼ်းၼၢင်းတင်း လုၵ်ႈဢွၼ်ႇသၢမ်ၵေႃႉ တေၵႂႃႇၵၢတ်ႇ တီႈဝၢၼ်ႈၽွင်းသႅင်။ ထိုင်ၵၢင်တၢင်း မၼ်းၼၢင်းသမ်ႉ ၶႂ်ႈၵႂႃႇၽၢႆႈၼွႆႉသေ ၶဝ်ႈၵႂႃႇၼႂ်းယုမ်း ႁိမ်းၶၢင်ႈတၢင်းလႄႈ ယဵပ်ႇၺႃးမၢၵ်ႇတႅၵ်ႇသႂ်ႇမၼ်းၼၢင်း ၸွမ်းၶႃ၊ ၸွမ်းတူဝ် မၢတ်ႇၸဵပ်းႁၢဝ်ႈႁႅင်း။ ဢွင်ႈတီႈမၢၵ်ႇတႅၵ်ႇၼၼ်ႉ ပဵၼ် လႅၼ်လိၼ် မိူင်းတႆး-ၶႄႇလႄႈ ၸင်ႇသူင်ႇတူဝ်မၼ်းၼၢင်းၵႂႃႇ ႁူင်းယႃမၢၼ်ႈၸေႈ ၼႂ်းမိူင်းၶႄႇၵမ်းလဵဝ်” ဝႃႈၼႆ။

မၢၵ်ႇဢၼ်ႁၢင်ႈၵၢင်ဝႆႉၼၼ်ႉ ပဵၼ်ၼမ်ႉမိုဝ်းၸုမ်းလႂ် ၽႂ်လႂ် ဢမ်ႇလႆႈႁူႉ။ ၵူၺ်းၵႃႈ တၢင်းပွတ်း တွၼ်ႈၼၼ်ႉ မီးသိုၵ်းမၢၼ်ႈလႄႈ တပ်ႉသိုၵ်းၶၢင် တူင်ႉၼိုင်ၵႂႃႇမႃး ယူႇတႃႇသေႇ ဝႃႈၼႆ။

ၶေႃႈမုလ်း – DVB
Photo: Helen Ma

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း