တပ်ႉသိုၵ်းပူတ်းပွႆႇၸိူဝ်ႉၸၢတ်ႈတဢၢင်း TNLA ဢၼ်ၵုမ်းၵမ်ဝႆႉ ဝဵင်းမိူင်းၵုတ်ႈသေ ပၵ်းတပ်ႉပၢင်သဝ်း ယူႇဝႆႉၼႂ်းဝဵင်းၼၼ်ႉ ယၢမ်းလဵဝ် ၵဵပ်းၶွၼ်ႇယွၼ်းငိုၼ်းၵူၼ်းမိူင်းၼႂ်းပိုၼ်ႉတီႈ ၼမ်ၶိုၼ်ႈမႃးႁႅင်းလႄႈ ႁဵတ်းႁႂ်ႈၵူၼ်းမိူင်း ႁူပ်ႉတၢင်းယၢပ်ႇၵိၼ်းမႃးလိူဝ်ၵဝ်ႇ။ ၵူၼ်းမိူင်းၼႂ်းပိုၼ်ႉတီႈ ဝဵင်းမိူင်းၵုတ်ႈ ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ -“မိူဝ်ႈလဵဝ် လွင်ႈၵဵပ်းၶွၼ်ႇၵေႃႈ တိူဝ်းၼမ်မႃးၶႃႈလႄႈ ႁဵတ်းႁႂ်ႈၵူၼ်းမိူင်းယူႇယၢပ်ႇၶၢၼ်ၸႂ်ၼမ်ၼႃႇယဝ်ႉ။ ၶွၼ်ႇၼႆႉတႄႉ လႆႈပၼ်ၵူႈ မဵဝ်းယဝ်ႉ။ တီႈဢွၵ်ႇသႅင်လီၵေႃႈ ၵူၼ်းမိူင်းၼႂ်းပိုၼ်ႉတီႈ ဢမ်ႇမီးသုၼ်ႇလႆႈႁဵတ်းသင်”-...

မိူဝ်ႈဝၼ်းတီႈ 28/04/2025 ယၢမ်းတၢမ်းၶမ်ႈမွၵ်ႈ 5 မူင်း သိုၵ်းၵဝ်ႈၵၢင်ႉ MNDAA ပူတ်းတုင်းသိုၵ်းၵဝ်ႈၵၢင်ႉဢွၵ်ႇသေ ဢဝ်တုင်း (ၸွမ်ပိဝ်) မိူင်းႁူမ်ႈတုမ် သႂ်ႇၶိုၼ်း တီႈၽၵ်းတူၶၢမ်ႈလႅၼ်လိၼ် မိူင်းၶႄႇ ပၢင်ႇသၢႆး - ဝၼ်းတဵင်ႈ ၸႄႈတွၼ်ႈမူႇၸေႊ ၸိုင်ႈတႆးပွတ်းႁွင်ႇ။ ဝၢႆးလင် ၽႅၼ်ယၼ်ႇသိုၵ်း 1027 မႃး သိုၵ်းၵဝ်ႈၵၢင်ႉ ယိုတ်းၵုမ်းလႆႈ...

ဝၢႆးသိုၵ်းၵဝ်ႈၵၢင်ႉ ထွႆဢွၵ်ႇတီႈဝဵင်းမိူင်းယႆ ၵမ်ႈၽွင်ႈယဝ်ႉ ၸဝ်ႈႁၢၼ်ႉၶၢႆၵုၼ်ႇယွႆႈ တီႈဢိူင်ႇႁူဝ်ယ ၸႄႈဝဵင်းမိူင်းယႆ ဢွၼ်ၵၼ်ၶၢင်းပွင်ႉ ယွၼ်ႉသိုၵ်းၶဝ် ၸိုၵ်းၵိၼ်ၶူဝ်းၵုၼ်ႇယဝ်ႉ ဢမ်ႇတၼ်းသၢႆႈၼီႈ တင်းမူတ်းမွၵ်ႈ 10 ႁၢၼ်ႉ။ မိူဝ်ႈဝၼ်းတီႈ 18/04/2025 ၼၼ်ႉ သိုၵ်းၵဝ်ႈၵၢင်ႉ MNDAA ဢၼ်ပႂ်ႉၵဵတ်ႉတီႈဝၢၼ်ႈၼွင်မူဝ် ၼႂ်းဢိူင်ႇႁူဝ်ယ ၸႄႈဝဵင်းမိူင်းယႆ ၸႄႈတွၼ်ႈလႃႈသဵဝ်ႈ ၸိုင်ႈတႆးပွတ်းႁွင်ႇၼၼ်ႉ ၸိုၵ်းၵိၼ်ၶူဝ်းၵုၼ်ႇ ၵူၼ်းဝၢၼ်ႈလူင်...

ဝၢင်းၶိူင်ႈမိၼ်ၵူႈမိူင်းမိူင်း ဝဵင်းတႃႈၵုင်ႈ တႂ်ႈသိုၵ်းမၢၼ်ႈၵုမ်းၵမ်ဝႆႉၼၼ်ႉ ပိုၼ်ၽၢဝ်ႇဝႃႈ တေတိူဝ်းၵဵပ်းၶွၼ်ႇ တီႈၵူၼ်းဢွၵ်ႇၶၢဝ်းတၢင်း ၸွမ်းသဵၼ်ႈတၢင်းသၢႆၵၢၼ်မိၼ် ဝႃႈၼႆ။ ၸွမ်းၼင်ႇ ၶေႃႈပိုၼ်ၽၢဝ်ႇၼၼ်ႉသေ တႄႇဢဝ်ဝၼ်းတီႈ 12/05/2025 ၼႆႉၵႂႃႇ ၵူၼ်းၸိူဝ်းတေ ဢွၵ်ႇၶၢဝ်းတၢင်းၵႂႃႇၼွၵ်ႈမိူင်း လူၺ်ႈသၢႆၵၢၼ်မိၼ်ၼၼ်ႉ တေၵဵပ်းၶွၼ်ႇငိုၼ်း 25 တေႃႊလႃႊ၊ ၸိူဝ်း ဢွၵ်ႇ ၶၢဝ်းတၢင်းၸွမ်းသၢႆၵၢၼ်မိၼ် ၵႂႃႇမႃးၼႂ်းမိူင်းသမ်ႉ တေၵဵပ်း 15,000...

ရူတ်ႉၵႃးတၢင်ႇၵုၼ်ႇ ဢၼ်လုၵ်ႉတၢင်းမိူင်းတႆးပွတ်းဢွၵ်ႇၶူင်းလတ်းမႃးထိုင် မိူင်းတႆးပွတ်းၸၢၼ်း တီႈဝဵင်းႁူဝ်ပူင်းၼၼ်ႉ ထုၵ်ႇသိုၵ်းမၢၼ်ႈတီႉၺွပ်းဝႆႉတင်းၼမ်။ ပူၼ်ႉမႃး ဝၼ်းတီႈ 23/04/2025 ၼႆႉ ရူတ်ႉၵႃးတၢင်ႇၵုၼ်ႇ ဢၼ်လုၵ်ႉတၢင်းမိူင်းတႆး ပွတ်းဢွၵ်ႇၶူင်း တေႃႉတၢင်ႇၵုၼ်ႇမႃးၼၼ်ႉ ၺႃးသိုၵ်းမၢၼ်ႈ ဢဝ်ၶေႃႈဢၢင်ႈလွင်ႈၵဵပ်းၶွၼ်ႇၼႆသေ တီႉၺွပ်းရူတ်ႉၵႃးလူင်သေ ၵႂႃႇဝႆႉၼႂ်းဝၢင်းႁူင်းႁဵၼ်းတပ်ႉသိုၵ်း ၾၢႆႇၶွမ်ႊပိဝ်ႊတိူဝ်ႊလႄႈ ၾၢႆႇပၢႆးသၢႆႊ (ဟိုပုံးမြို့ တပ်မတော် ကွန်ပျူတာနဲ့ နည်းပညာသိပ္ပံကျောင်း) တီႈဝဵင်းႁူဝ်ပူင်း ၸိုင်ႈတႆးပွတ်းၸၢၼ်း။ ၵူၼ်းႁေႃရူတ်ႉၵႃး...

ၸၢတ်ႈၸိုင်ႈလုမ်ႈၾႃႉ ပိုၼ်ၽၢဝ်ႇဝႃႈ တေဢဝ်လိူင်ႈ ၵူၼ်းၸိူဝ်းဢဝ်ၶဝ်ႈမုၼ်း ပီႇသၵဵတ်ႉ (Biscuits) ဢၼ်ၸုမ်း WFP ၵမ်ႉၸွႆႈပၼ်တႃႇၵူၼ်းမိူင်း ၸိူဝ်းထူပ်းၽေးၽႅၼ်ႇလိၼ်ဝႆၼၼ်ႉ သိုပ်ႇၶၢႆတေႃႇၶိုၼ်း ဝႃႈၼႆ။ ယူႇတီႈၸုမ်း WFP ႁၼ်မႅၼ်ႈၼႂ်းသိုဝ်ႇတူင်ႇဝူင်းၵူၼ်း (social media) ဝႃႈ တီႈၼႂ်းတိူင်း ၼေႇပျီႇ တေႃႇ မီးၵူၼ်းဢဝ်ၶဝ်ႈမုၼ်း ပီႇသၵဵတ်ႉ (Biscuits) ၶၢႆၶိုၼ်း။...

မိူဝ်ႈဝၼ်းတီႈ 24/04/2025 ယၢမ်းၵၢင်ၶမ်ႈမွၵ်ႈ 6 မူင်း သိုၵ်းမၢၼ်ႈၸႂ်ႉၶိူင်ႈမိၼ် ပွႆႇမၢၵ်ႇသႂ်ႇ ၸွမ်းႁိမ်းဝၢၼ်ႈ သဵၼ်ႈတၢင်းၽႄ ဢုမ်ႇတီး ၼႃႈတီႈတပ်ႉသိုၵ်းပူတ်းပွႆႇၸိူဝ်ႉၸၢတ်ႈတဢၢင်း TNLA ၸႄႈဝဵင်းၼွင်ၶဵဝ် ၸိုင်ႈတႆးပွတ်းႁွင်ႇ။ သိုၵ်းမၢၼ်ႈ ၸႂ်ႉၶိူင်ႈမိၼ် မႃးပွႆႇမၢၵ်ႇသႂ်ႇ မွၵ်ႈ 30 လုၵ်ႈပၢႆလႄႈ ႁဵတ်းႁႂ်ႈလင်ႁိူၼ်းၵူၼ်းမိူင်း ၸွမ်းဝၢၼ်ႈႁိမ်းတၢင်းၽႄ ဢုမ်ႇတီး ၾႆးမႆႈၵႂႃႇတင်းၼမ်ၼႆ ၵူၼ်းမိူင်းပိုၼ်ႉတီႈၵေႃႉၼိုင်ႈ...

ဝၼ်းတီႈ 04/03/2025 ၼၼ်ႉ ၸဝ်ႈၶူးထမ်ႇမသႃႇရ (ႁွင်ႉ) ဢူးပဵင်ႇ ဢႃယု 48 ပီလႄႈ တၵ်ႉၵႃႇၸမ်ၸႂ် မၼ်းၸဝ်ႈ ၸၢႆးပီး ဢႃယု 40 ပၢႆ ၺႃးၸုမ်းသိုၵ်း ၼႂ်းသၢႆသိုၵ်းပျႃး (ပျားစစ်ကြောင်း PDF) ယိုဝ်းလူႉ လွၼ်ႇတၢႆထင်တီႈ တီႈဝၢၼ်ႈဢုမ်ႇတိုင်း ၸႄႈဝဵင်းၾၢႆၶုၼ် ၸိုင်ႈတႆးပွတ်းၸၢၼ်း။ ၸူးၸႂ်ၵူၼ်းဝၢၼ်ႈ...

ဝၼ်းတီႈ 23/04/2025 သိုၵ်းမၢၼ်ႈ ၸိူဝ်းပႂ်ႉႁိမ်းၶူဝ်ၼမ်ႉယၢဝ် တီႈလႅၼ်ၶႅၼ်ႈ သိုၵ်းမၢၼ်ႈတင်း သိုၵ်းၵဝ်ႈၵၢင်ႉ တၢင်းၶဝ်ႈဢွၵ်ႇဝဵင်းလႃႈသဵဝ်ႈ - သႅၼ်ဝီၼၼ်ႉ တင်ႈလၢၼ်ႇပႂ်ႉၵဵပ်းၶွၼ်ႇ ရူတ်ႉၵႃးၵူၼ်းမိူင်း ၸိူဝ်းလတ်းၵႂႃႇမႃး ၼႂ်းၸိုင်ႈတႆးပွတ်းႁွင်ႇ။ တင်ႈတႄႇ သိုၵ်းမၢၼ်ႈ ဢဝ်ၶိူင်ႈၵွင်ႈၵၢင်ႇတင်း ႁႅင်းၵူၼ်းသိုၵ်း ၼပ်ႉႁူဝ်ႁဵင်ၵေႃႉ ၶဝ်ႈမႃးၵုမ်းၵမ်ၶိုၼ်း ၼႂ်းဝဵင်းလႃႈသဵဝ်ႈ ၵူၼ်းမိူင်းၸိူဝ်းလတ်းၵႂႃႇမႃး တီႈၶူဝ်ၼမ်ႉယၢဝ် AD လႆႈပၼ်ငိုၼ်း...

မိူဝ်ႈဝႃး ဝၼ်းတီႈ 23/04/2025 ၼႆႉ သိုဝ်ႇၵဝ်ႈၵၢင်ႉ The Kokang တႅမ်ႈတၢင်ႇဝႆႉဝႃႈ ၵူၼ်းၸိူဝ်းတၢင်ႇတီႈသီႇလႅၼ် ဢၼ်မႃးယူႇသဝ်းဝႆႉ ၼႂ်းၼႃႈတီႈၵုမ်းၵမ် တပ်ႉသိုၵ်းၵဝ်ႈၵၢင်ႉ MNDAA တီႈဝဵင်းလၢဝ်ႇၵၢႆးၼႆႉ တၵ်းလႆႈႁဵတ်းဝႂ်ၶႂၢင်ႉယူႇသဝ်း။ ၵူၼ်းပိုၼ်ႉတီႈ ဝဵင်းလၢဝ်ႇၵၢႆး လၢတ်ႈတီႈၽူႈတွႆႇႁွၵ်ႈဝႃႈ - “တႃႇတေႁဵတ်းဝႂ်ၶႂၢင်ႉယူႇသဝ်း ၼႂ်းပိုၼ်ႉတီႈၼႆႉ ၾၢႆႇပလိၵ်ႈၶဝ် ၸုမ်းသိုၵ်းၵဝ်ႈၵၢင်ႉၶဝ် တေႁဵတ်းပၼ်တီႈလုမ်းပလိၵ်ႈ...

ဢမ်ႇပဵၼ်ပၢင်တိုၵ်းသင်သေ သိုၵ်းမၢၼ်ႈပွႆႇမၢၵ်ႇလူင် တီႈဝၢၼ်ႈၶွင်းဢီႉ(ခေါင်းအိရွာ) ၸႄႈဝဵင်းၾၢႆၶုၼ် ၸိုင်ႈတႆးပွတ်းၸၢၼ်း ႁဵတ်းႁႂ်ႈၵူၼ်းမိူင်းတုမ်ႉတိူဝ်ႉမၢတ်ႇၸဵပ်း 7 ၵေႃႉ။ ဝၼ်းတီႈ 21/04/2025 ယၢမ်းၵၢင်ဝၼ်း 1 မူင်း ဢမ်ႇမီးပၢင်တိုၵ်းၵေႃႈ သိုၵ်းမၢၼ်ႈလုၵ်ႉတၢင်း တပ်ႉပၢင် သဝ်းမၢႆ 7 ဝဵင်းၾၢႆၶုၼ် ပွႆႇမၢၵ်ႇလူင် ဢမ်ႇယွမ်း 10 ၵမ်း။ ႁဵတ်းႁႂ်ႈၵူၼ်းပိုၼ်ႉတီႈ မၢတ်ႇၸဵပ်းၼႆ...

မီးၶၢဝ်ႇဢွၵ်ႇမႃးဝႃႈ ၼႂ်းဝၼ်းတီႈ 21/04/2025 ၼႆႉ ၽႅၼ်ႇလိၼ်တေဝႆႁႅင်းၼႆလႄႈ ၵူၼ်းမိူင်းလွႆမႆႇ (မဲနယ်တောင်) ဝၢၼ်ႈၸၢမ်ၽူး ၸႄႈဝဵင်းႁူဝ်ပူင်း ၸိုင်ႈတႆးပွတ်းၸၢၼ်း ဢွၼ်ၵၼ် ဢမ်ႇႁတ်းၵႂႃႇသူၼ်သေ ႁၢင်ႈႁႅၼ်းယူႇၸွမ်းပၢင်ႇပိတ်ႉမၢၵ်ႇၼင်ႇ ၸိူဝ်းၼႆႉ ဝႃႈၼႆ။ ၼၢင်းယိင်း ဢႃယု 30 ပီ ၵူၼ်းဝၢၼ်ႈၸၢမ်ၽူး လၢတ်ႈၽူႈတွႆႇႁွၵ်ႈဝႃႈ -“ပေႃးၽႅၼ်ႇလိၼ်ဝႆ ယူႇၼွၵ်ႈႁိူၼ်း လီသေပိူၼ်ႈယဝ်ႉ၊ ယွၼ်ႉၽႅၼ်ႇလိၼ်ဝႆလႄႈ...

မိူဝ်ႈၼႆႉ ဝၼ်းတီႈ 22/04/2025 တႄႇဢဝ်ယၢမ်းၵၢင်ၼႂ်ၸဝ်ႉ 5 မူင်းမႃး သိုၵ်းမၢၼ်ႈတင်း သိုၵ်းၵဝ်ႈၵၢင်ႉ MNDAA ပိၵ်ႉသဵၼ်ႈတၢင်း တီႈဢိူင်ႇႁူဝ်ယလႄႈ တၢင်းၶဝ်ႈဢွၵ်ႇဝဵင်းမိူင်းယႆ ၸိူဝ်းၼႆႉ ယွၼ်ႉသၢႆၵႃးသိုၵ်းမၢၼ်ႈ ၼပ်ႉႁူဝ်ပၢၵ်ႇ မုင်ႈၸူးတၢင်းလႃႈသဵဝ်ႈ။   ၵူၼ်းမိူင်းယႆ လၢတ်ႈတီႈၽူႈတွႆႇႁွၵ်ႈဝႃႈ - “ဢလူဝ်ႈ ...... ၶဝ်ပိၵ်ႉပၼ်သဵၼ်ႈတၢင်းၼႆႉ ပေႇၸႂ်ယဝ်ႉ ရူတ်ႉၵႃးၼႆႉ...

ၸုမ်း UNICEF လၢတ်ႈဝႃႈ ၵူၼ်းထူပ်းၽေးၽႅၼ်ႇလိၼ်ဝႆ ၼႂ်းမိူင်းမၢၼ်ႈ 6.3 လၢၼ်ႉပၢႆ လူဝ်ႇတၢင်းၸွႆႈထႅမ် ၶိုၵ်ႉၶၵ်ႉလႄႈ လွင်ႈႁႄႉၵင်ႈ ဝႃႈၼႆ။ ပိူင်လူင် ယွၼ်ႉမႆႈႁႅင်း၊ ၼမ်ႉလႄႈ ႁိမ်းႁွမ်းတီႈယူႇသဝ်း ဢမ်ႇမူတ်းသႂ်သေ ၼၢင်းယိင်းတင်း လုၵ်ႈ ဢွၼ်ႇ လႆႈႁူပ်ႉပၼ်ႁႃပၢႆးယူႇလီဝႆႉႁၢဝ်ႈႁႅင်း။ ယွၼ်ႉပိူင်ၸႅၵ်ႇၼမ်ႉ လူႉၵွႆၵႂႃႇလႄႈ မီးလွင်ႈယၢပ်ႇၽိုတ်ႇ တႃႇတေလႆႈၼမ်ႉ ဢၼ်မူတ်းသႂ်၊ တၢင်းပဵၼ်...

ၸဵမ်မိူဝ်ႈၽႅၼ်ႇလိၼ်ဝႆႁၢဝ်ႈႁႅင်း မိူဝ်ႈႁၢင်ႈလိူၼ်မၢတ်ႊၶျ် 2025 ၼႆႉသေ ႁိူၼ်းယေးၵူၼ်း မိူင်းထုင်ႉၼွင်ႁၢႆးယႃႈ ၵူၼ်ႇပင်းလူႉၵွႆ တေႃႇထိုင်ယၢမ်းလဵဝ် ပႆႇလႆႈပူၵ်းပွင်ၶိုၼ်းသေဢိတ်း။ ၵူၼ်းမိူင်း ဢမ်ႇမီးတီႈယူႇတၼ်းသဝ်း လႆႈၵႂႃႇႁဵတ်းသုမ်ႉသွင်းၼွၼ်းဝႆႉၼိူဝ်ၵုင်း ၾင်ႇၼွင်။ ယၢမ်းလဵဝ် ၾူၼ်ၵေႃႈတူၵ်းမႃးယဝ်ႉ၊ ၶၢဝ်းၾူၼ်ၵေႃႈ ၸမ်တေထိုင်ယဝ်ႉလႄႈ ၵူၼ်းမိူင်းၼွင် ႁၢႆးယႃႈဢွၼ်ၵၼ်မႆႈၸႂ်။ ၶႂ်ႈႁႂ်ႈၸုမ်းၸွႆႈထႅမ် တူင်ႇၵူၼ်းၶဝ်ႈထိုင်ၵမ်ႉၸွႆႈပၼ်ဝႆးဝႆး ၼႆယဝ်ႉ ။ ၼႂ်းထုင်ႉၼွင်ႁၢႆးယႃႈၼႆႉ မီး 445...