ဝၢႆးသိုၵ်းမၢၼ်ႈတင်း သိုၵ်းၵဝ်ႈၵၢင်ႉ MNDAA တူၵ်းလူင်းလႆႈၸႂ်ၵိုတ်းတိုၵ်းၵၼ်ယဝ်ႉ မိူင်းၶႄႇ ပိုၼ်ၽၢဝ်ႇ ပိုတ်ႇၽၵ်းတူမိူင်း ၸွမ်းလႅၼ်လိၼ်တႆး - ၶႄႇ ၸိူဝ်းဢွင်ႈတီႈတပ်ႉသိုၵ်းၵဝ်ႈၵၢင်ႉ - ဝႃႉ ၵုမ်းၵမ်ဝႆႉၸိူဝ်း ၼၼ်ႉ။ တႄႇဢဝ် ဝၼ်းတီႈ 20/1/2025 ၼႆႉမႃး တၢင်းမိူင်းၶႄႇ ပိုၼ်ၽၢဝ်ႇ ပိုတ်ႇၽၵ်းတူမိူင်း (ၵဵတ်ႉ/ လၢၼ်ႇ) တီႈဝဵင်းပၢင်ႇသၢႆး၊...

ပၢင်တိုၵ်း သိုၵ်းမၢၼ်ႈ ယိုတ်းမိူင်းတင်း သိုၵ်းၶၢင် KIA တီႈဝဵင်းမၢၼ်ႈမေႃႇ ၸႄႈမိူင်းၶၢင် တိုၵ်ႉသိုပ်ႇပဵၼ် ႁၢဝ်ႈႁႅင်း ႁိူၼ်းယေးၵူၼ်းမိူင်း ၾႆးမႆႈလူႉၵွႆၼမ်။ ဝၼ်းတီႈ 20/1/2025 ယၢမ်းၵၢင်ၼႂ် ပၢင်တိုၵ်း သိုပ်ႇပဵၼ်ႁၢဝ်ႈႁႅင်းထႅင်ႈ ၸွမ်းႁိမ်းပွၵ်ႉၵယိၼ်ႇၵူင်း၊ ပိၼ်ႇသီးၵူင်းလႄႈ သူၺ်ႇၵျီးၼႃး ၼႂ်းဝဵင်းမၢၼ်ႈမေႃႇ ၸႄႈမိူင်းၶၢင် ယိုဝ်းပႃး ၶိူင်ႈၵွင်ႈယႂ်ႇ၊ ႁိူၼ်းၵူၼ်းမိူင်း ၺႃးၸၢၵ်ႇမၢၵ်ႇ...

ၵူၼ်းပၢႆႈၽေးသိုၵ်း ဢၼ်မႃးမီးတီႈ ဝဵင်းယႂႃႇငၢၼ်ႇ  ၸိုင်ႈတႆးပွတ်းၸၢၼ်း လူဝ်ႇၶိူင်ႈၸႂ်ႉသွႆၼၢင်းယိင်းလႄႈ ၶဝ်ႈၼမ့်တင်းၵိၼ် ဝႃႈၼႆ ။ ဝၼ်းတီႈ 22-23/12/2024   သိုၵ်းမၢၼ်ႈတင်း သိုၵ်းၵႅတ်ႇၶႄၸိူဝ်ႉၸၢတ်ႈတႄႈမိူင်း ထၼု  (DSNDA) ပဵၼ်ပၢင်တိုၵ်းၵၼ် ႁၢဝ်ႈႁႅင်း တီႈဝၢၼ်ႈ ယၼႄး ( ရနဲ)  ၼႂ်းၸႄႈဝဵင်းယႂႃႇငၢၼ်ႇ သိုၵ်းမၢၼ်ႈ ဢဝ်ၾႆးၸုတ်ႇဝၢၼ်ႈ မိၼ်းပလွင်ႇ ( မင်းပလောင်...

လူင်ပွင်ၸိုင်ႈၶႄႇ ပိုၼ်ၽၢဝ်ႇပၼ်ၶႂၢင်ႉၵၢၼ်ၵႃႉၶၢႆၼႂ်းၼႃႈလိၼ် ဝႃႉ လႄႈ ၵဝ်ႈၵၢင်ႉ ၵုမ်းၵမ်ၸိူဝ်းၼၼ်ႉၶိုၼ်းမိူၼ်ၵဝ်ႇယဝ်ႉ- ၼႆ UWSA ပိုၼ်ၽၢဝ်ႇမိူဝ်ႈဝၼ်းတီႈ 20/01/2025 ဝႆႉၼင်ႇၼႆ။ ဢိင်ၼိူဝ်ၶေႃႈပိုၼ်ၽၢဝ်ႇ လုမ်းတၢင်မိူင်းမၢၼ်ႈ ဢၼ်ပၵ်းဝႆႉၼႂ်းမိူင်ၶႄႇ ပိုၼ်ၽၢဝ်ႇဢွၵ်ႇမႃးၼၼ်ႉသေ  - သိုၵ်းဝႃႉ လၢတ်ႈဝႃႈ ပၼ်ၶႂၢင်ႉရူတ်ႉၵႃးတၢင်ႇၶူဝ်းၵုၼ်ႇ လတ်းၽၢၼ်ႇသဵၼ်ႈတၢင်း ႁူဝ်ပၢင်ႇလႄႈ ၵုၼ်လူင်ၶိုၼ်းလွတ်ႈလွတ်ႈလႅဝ်းလႅဝ်းယဝ်ႉ။ တီႈတႃႈၽွင်ႇၵေႃႈ...

ယၢမ်းလဵဝ် သိုၵ်းဝႃႉ UWSA ဢၼ်မီးဝႆႉၼႂ်းၸႄႈဝဵင်းတၢင်ႉယၢၼ်းၼႆႉ ယိပ်းၵွင်ႈၵၢင်ႇ သႂ်ႇၶူဝ်းသိုၵ်းတဵမ်တူဝ်သေ ထၢင်ႇႁၢင်ႈတူင်ႉၼိုင်ၵႂႃႇမႃး လွတ်ႈလႅဝ်း ႁဵတ်းႁႂ်ႈၵူၼ်းမိူင်းမႆႈၸႂ် ၵူဝ်ပဵၼ်ပၢင်တိုၵ်း - ၵူၼ်းပိုၼ်ႉတီႈလၢတ်ႈ။ ၸႄႈဝဵင်းတၢင်ႉယၢၼ်း ၸိုင်ႈတႆးပွတ်းႁွင်ႇၼႆႉ ယူႇတီႈ တပ်ႉသိုၵ်းဝႃႉ UWSA ၶဝ်ႈမႃးယိုတ်းၵုမ်းဝႆႉ ၸဵမ်မိူဝ်ႈလိူၼ်ၵျူႊလၢႆႊ ပီ 2024 ၼၼ်ႉမႃးသေ ႁၢၼ်ႉတေႃႇထိုင်ယၢမ်းလဵဝ် ဝႃႈၼႆ။ ၵွပ်ႈၼႆလႄႈ...

မိူင်းၶႄႇပိုၼ်ၽၢဝ်ႇ ဝၼ်းတီႈ 20 ၵျႅၼ်ႊၼိဝ်ႊရီႊ မိူဝ်ႈၼႆႉဝႃႈ သိုၵ်းမၢၼ်ႈလႄႈ သိုၵ်းၵဝ်ႈၵၢင်ႉ MNDAA ၵိုတ်းတိုၵ်းၵၼ်လႆႈယဝ်ႉ ဝႃႈၼႆ။ တူဝ်တႅၼ်း သိုၵ်းမၢၼ်ႈလႄႈ သိုၵ်းၵဝ်ႈၵၢင်ႉ ႁူပ်ႉထူပ်းၵၼ်တီႈ ဝဵင်းၶုၼ်ႊမိင်ႊ မိူဝ်ႈဝၼ်းတီႈ 16 လႄႈ 17 လိူၼ် ၵျႅၼ်ႊၼိဝ်ႊရီႊၼႆႉသေ တူၵ်းလူင်းလႆႈၸႂ် လူင်းလၢႆးမိုဝ်းၵၼ်လႆႈတႃႇၵိုတ်းတိုၵ်းၵၼ်။ ထိုင်မႃးဝၼ်းတီႈ 18...

ဝၢႆးလင် သိုၵ်းမၢၼ်ႈယိုတ်းဢႃႇၼႃႇ ၸိုင်ႈမိူင်းမႃးၼႆႉ ပၢင်တိုၵ်းတႅၵ်ႇၼၼ်ႈတူဝ်ႈၸိုင်ႈမိူင်း၊ ထိုင်မႃးၽႅၼ်ယၼ်ႇသိုၵ်း 1027 - ၽႅၼ်ယၼ်ႇသိုၵ်း 1111 လႄႈ 0307 သေ ဢဵၼ်ႁႅင်းသိုၵ်းမၢၼ်ႈ လူႉယႂ်ႇသုမ်းၼမ်။ ထိုင်တီႈသိုၵ်းမၢၼ်ႈ ပိုၼ် ၽၢဝ်ႇပၵ်းပိူင်ၵူၼ်းမိူင်းႁၢပ်ႇၵၢၼ်သိုၵ်း ၼႂ်းဝၼ်းတီႈ 10/02/2024 ။ သိုၵ်းမၢၼ်ႈ သင်ႇႁႂ်ႈပျီႇတူႉၸိတ်ႉ တႂ်ႈမိုဝ်းၶဝ်ထႅမ်ႁႅင်းသိုၵ်း ၵူႈမူႇၵူႈၸုမ်း။...

ၽူႈၶဝ်ႈၵႄႈၵၢင်ငူပ်ႉငီႉ မိူင်းဢမေႊရိၵၼ်ႊတင်း ၵႃႊတႃႊ လၢတ်ႈဝႃႈ - ဢိတ်ႉသ်ရေႊတင်း ႁႃႊမၢတ်ႉသ် တူၵ်းလူင်းလႆႈၸႂ် တႃႇတေၵိုတ်းတိုၵ်းလႄႈ ပွႆႇပၼ်ၵူၼ်းမိူင်း ၸိူဝ်းတီႉၺွပ်းပဵၼ်တူဝ်ယိူဝ်ႇဝႆႉ ဝႃႈၼႆ။ ပၢင်တိုၵ်း တီႈထုင်ႉၵႃႊသႃႊၼႆႉ ႁိုင်မႃးၶၢဝ်းတၢင်း 1 ပီပၢႆ (15 လိူၼ်)။ ယၢမ်းလဵဝ် လူင်ပွင်ၸိုင်ႈ မိူင်းဢိတ်ႉသ်ရေႊ မၵ်းမၼ်ႈၶေႃႈတူၵ်းလူင်း တႃႇတေၵိုတ်းတိုၵ်းသေ တေတႄႇပဵၼ်တၢင်းၵၢၼ်ၵႂႃႇ...

မိူဝ်ႈဝႃး ဝၼ်းတီႈ 16/1/2025 ၵၢင်ဝၼ်းတဵင်ႈ 12 မူင်း ၶိူင်ႈမိၼ်သိုၵ်းမၢၼ်ႈ ပွႆႇမၢၵ်ႇ တီႈထုင်ႉၵျွၵ်ႉၵူႇ ၼႂ်းၸႄႈဝဵင်းလွၵ်ႉၸွၵ်ႇ ၸိုင်ႈတႆးပွတ်းၸၢၼ်း။ တပ်ႉသိုၵ်းပူတ်းပွႆႇၵူၼ်းမိူင်းထၼု DPLA လႄႈ သိုၵ်းမၢၼ်ႈ ယိုတ်းမိူင်း ပဵၼ်ပၢင်တိုၵ်းၵၼ် ႁၢဝ်ႈ ႁႅင်းသေ သိုၵ်းမၢၼ်ႈ ဢဝ်ၶိူင်ႈမိၼ်မႃးပွႆႇမၢၵ်ႇ ဝႃႈၼႆ။ ၵူၼ်းပိုၼ်ႉတီႈ လၢတ်ႈၽူႈတွႆႇႁွၵ်ႈဝႃႈ -“မႃးပွႆႇထပ်းၵၼ် 5-6...

ပၢင်တိုၵ်း RCSS လႄႈ SSPP သိုပ်ႇပဵၼ်ၼႂ်းၸႄႈဝဵင်းၼမ်ႉၸၢင် မိူဝ်ႈဝႃး ဝၼ်းတီႈ 15/1/2025 ယၢမ်းႁူဝ်ၶမ်ႈ မၢၵ်ႇလူင်တူၵ်းသႂ်ႇ ႁွင်ႈယူတ်းယႃတူဝ် တီႈဝၢၼ်ႈၼမ်ႉမူဝ် ဢိူင်ႇၼွင်ႁီး။ ၼၢင်းယိင်း ပၢႆႈၽေးသိုၵ်း ႁွတ်ႈထိုင်ဝဵင်းၼမ်ႉၸၢင် လၢတ်ႈၽူႈတွႆႇႁွၵ်ႈဝႃႈ- “ၶမ်ႈဝႃး မၢၵ်ႇမႃးတူၵ်း တီႈႁူင်းယႃ (ဝၢၼ်ႈၼမ်ႉမူဝ်) တူၵ်းသႂ်ပၢႆႉႁူင်းယႃ ၵူၼ်းတႄႉ ဢမ်ႇပဵၼ်သင် မေႃယႃၶဝ်...

ၸွမ်ၸိၵ်းသိုၵ်းမၢၼ်ႈ ၸူဝ်းဝိၼ်း ဢၢၼ်းမႃးပွႆးဝၼ်းၸိူဝ်ႉၸၢတ်ႈယၢင်းလႅင် (ကယားပြည်နယ်နေ့) ၶွပ်ႈတဵမ် 73 ပီ ၺႃးသိုၵ်းလုၵ်ႉၽိုၼ်ႉ ငွႆးယိုဝ်းလႄႈ ပဵၼ်ပၢင်တိုၵ်းၵၼ် ၵူၺ်းၵႃႈ ဢမ်ႇတိူဝ်ႉ မၼ်းၸၢႆး။ မိူဝ်ႈဝႃး ဝၼ်းတီႈ 14/1/2025 ယၢမ်းၵၢင်ၶမ်ႈ 7 မူင်း ၸုမ်းယိပ်းၵွင်ႈၵၢင်ႇ မိူင်းယၢင်းလႅင် ယိုဝ်းမၢၵ်ႇပျႃင်းသျွတ်ႉသႂ်ႇတီႈႁူင်းႁေႃးၸႄႈမိူင်း (ပြည်နယ်ခန်းမ) ငဝ်ႈငုၼ်းၵုမ်းၵမ်ယၼ်ႇသိုၵ်း ပိုၼ်ႉတီဝဵင်းလွႆၶေႃ။ လုၵ်ႈၸုမ်း...

တပ်ႉသိုၵ်းပူတ်းပွႆႇၵူၼ်းမိူင်းထၼု DPLA လႄႈ သိုၵ်းမၢၼ်ႈ ယိုတ်းမိူင်း ပဵၼ်ပၢင်တိုၵ်းၵၼ် တီႈဝၢၼ်ႈၵျွၵ်ႉၵူႇ ၼႂ်းၸႄႈဝဵင်းလွၵ်ႉၸွၵ်ႇ   ၸိုင်ႈတႆးပွတ်းၸၢၼ်း ။ တႄႇဝၼ်းတီႈ 11/1/2025 တေႃႇထိုင် ဝၼ်းမိူဝ်ႈၼႆ့ 14/1/2025 သိုၵ်းမၢၼ်ႈ လႄႈ တပ်ႉသိုၵ်းပူတ်းပွႆႇၵူၼ်းမိူင်းထၼု DPLA ပဵၼ်ပၢင်တိုၵ်းၵၼ်မႃး။ ၵူၼ်းၸၢႆး ဢၼ်ပၢႆႈၽေးသိုၵ်းၵေႃႉၼိုင်ႈလၢတ်ႈၽူႈတွႆႇႁွၵ်ႈဝႃႈ -“ဝၼ်းတီႈ11 ၼၼ့်တႄ့ ပၢင်တိုၵ်းပႆႇပဵၼ်တီႈၼႂ်းဝၢၼ်ႈ ပဵၼ်ၸွမ်းၶႅပ်ႇဝၢၼ်ႈၸိူဝ်းၼၼ့်ၵူၺ်း ၊...

သိုၵ်းမၢၼ်ႈ ယိုတ်းဢႃႇၼႃႇၸိုင်ႈမိူင်းပွၵ်ႈၼႆႉ ဢမ်ႇမိူၼ်ၼင်ႇ ပၢၼ်သိုၵ်းမၢၼ်ႈ ယိုတ်းဢႃႇၼႃႇ ၸိုင်ႈမိူင်းမႃး လၢႆလၢႆၵမ်း။ ၽႅၼ်ၵၢၼ်သိုၵ်းမၢၼ်ႈတႄႉ ငၢႆးမိူၼ်ပွၵ်ႈၵမ်းၵဝ်ႇၸိူဝ်းၼၼ်ႉၵူၺ်းသေတႃႉ ၸုမ်းၾၢႆႇလုၵ်ႉၽိုၼ်ႉၶဝ်တႄႉ ဢမ်ႇမိူၼ်လၢႆးၵဝ်ႇ။ မိူၼ်ၼင်ႇ ၵၢၼ်တိုၵ်းတေႃးလေႃႇယိုဝ်းၵၼ်ၸိူဝ်းၼႆႉ ၾၢႆႇလုၵ်ႉၽိုၼ်ႉသႅၼ်းႁုၼ်ႈမႂ်ႇ မေႃၸႂ်ႉလၢႆးဢၢႆႊထီႊသေ ၶိုင်ပွင်ၵၢၼ်တိုၵ်း။ ၼႂ်းၵၢၼ်သိုၵ်း ၵူႈၶၵ်ႉတွၼ်ႈၼႆႉ ၾၢႆႇလုၵ်ႉၽိုၼ်ႉလႆႈၸႂ်ႉ ၶိူင်ႈၻရူၼ်ႊသေ ပဵၼ်ၶိူင်ႈတိုၵ်းပၢၼ်မႂ်ႇမႃး။ ၵၢၼ်လုၵ်ႉၽိုၼ်ႉပွၵ်ႈၼႆႉ မီးလွင်ႈဢွင်ႇမၢၼ်ႈမႃးလိူဝ်ၵဝ်ႇၼႆ ၽႂ်ၵေႃႈ တေဢမ်ထဵင်လႆႈ။...

သိုဝ်ႇၶၢဝ်ႇသိုၵ်းမၢၼ်ႈ ႁၢႆးငၢၼ်းၼႂ်းဝၼ်းတီႈ 13/1/2025 ၼႆႉဝႃႈ ၵဵဝ်ႇလူၺ်ႈ ၵၢၼ်တေႃႉတၢင်ႇၵႃႉၶၢႆ ၶူဝ်းၵုၼ်ႇၵိၼ်ယႅမ်ႉတင်း ၼမ်ႉမၼ်းၸိူဝ်ႉၾႆး ဢမ်ႇမႅၼ်ႈၸွမ်းမၢႆမီႈၼႆသေ မီးလွင်ႈတီႉၺွပ်း တီႈၼႂ်းတိူင်းဝဵင်းလိူဝ်ႇလႄႈ တိူင်းၸႄႈၵႅင်း - ဝႃႈၼႆ။ ပူၼ်ႉမႃးဝၼ်းတီႈ 11/1/2025 ၼႆႉ ၸုမ်းၶိုၵ်ႉတွၼ်းၾၢႆႇတိုၵ်းတေႃး ၵၢၼ်ၵႃႉၶူဝ်းၵုၼ်ႇ ၸိူဝ်းဢမ်ႇမႅၼ်ႈ တၢင်းၵၢၼ် တႂ်ႈသိုၵ်းမၢၼ်ႈ တီႉၺွပ်းလႆႈ ၼမ်ႉမၼ်းၸိူဝ်ႉၾႆး တီႇၸႄႇ...

ၸုမ်းဢူၺ်းလီသိုၵ်းပွတ်းႁွင်ႇ 3 ၸုမ်း သိုၵ်းၶႄႇၵဝ်ႈၵၢင်ႉ MNDAA သိုၵ်းရၶႅင်ႇ AA တင်း သိုၵ်းတဢၢင်းပလွင်ႈ TNLA ႁူမ်ႈၵၼ်ပိုၼ်ၽၢဝ်ႇ တႄႇပၢင်ယၼ်ႇသိုၵ်း 1027 မိူဝ်ႈပီ 2023 လိူၼ်ဢွၵ်ႊထူဝ်ႊပိူဝ်ႊ ဝၼ်းတီႈ 27 ယၢမ်းၵၢင်ၼႂ် 4 မူင်း။ တႄႇလူမ်ႇတိုၵ်း ဝဵင်းၼမ်ႉၽႃႈ (ၶျိၼ်းသုၺ်ႇႁိူဝ်)။...