ၾၢႆႇယေးငိုၼ်းမိူင်းထႆး ပိုၼ်ၽႄႈဢွၵ်ႇၾၢင်ႁၢင်ႈငိုၼ်းဝႂ်မႂ်ႇ၊ ၸဝ်ႈမုၼ်ယႂ်ႇၶုၼ်ႁေႃၶမ်း တူၼ်ထူၼ်ႈ 10 ။ ၼႂ်းငိုၼ်းဝႂ်မႂ်ႇၸိူဝ်းၼႆႉ မီးလွင်ႈထုၵ်ႇလီႁူႉဝႆႉလၢႆၸိူဝ်ႉလၢႆပိူင်- ၶၢဝ်ႇထႆးရတ်ႉဢွၼ်ႊလၢႆႊဢွၵ်ႇၵႂႃႇ ၼင်ႇၼႆ။ ငိုၼ်းဝႂ်မႂ်ႇၸိူဝ်းၼႆႉ မီးဝႂ်ၵႃႈၶၼ်မိူၼ်ၼင်ႇ 20 ဝၢတ်ႇ၊ 50 ဝၢတ်ႇလႄႈ 100 ဝၢတ်ႇ၊ ငိုၼ်းၸိူဝ်းၼႆႉ တေဢဝ်ဢွၵ်ႇၸႂ်ႉႁူဝ်တီးၼႂ်းဝၼ်းတီႈ 6 လိူၼ်ဢေႊပရိူဝ်ႊ 2018 ၼႆႉ။...

ၸုမ်းၵူၼ်းၼုမ်ႇမိူင်းယူႉ ႁူပ်ႉဢုပ်ႇႁူဝ်ၼႃႈပွၵ်ႉယွမ်ႇ၊ ဝၢၼ်ႈ ၊ ဢိူင်ႇသေ တုၵ်းယွၼ်းႁႂ်ႈၵိုတ်းပၢင်လွင်းလႄႈ ၵႄႈ လိတ်ႈပၼ်ႁႃယႃႈမဝ်းၵမ်။ ဝၼ်းတီႈ 08/03/2018 ၸုမ်းၵူၼ်းၼုမ်ႇလႄႈ ၽူႈယႂ်ႇၵူၼ်းလူင် ၸုမ်းပွင်ၵၢၼ်ဢိူင်ႇ၊ ဝၢၼ်ႈ ဢိၵ်ႇၵူၼ်းဝၢၼ်ႈ ဢဵၼ်ႁႅင်း 470 ၵေႃႉ ႁူပ်ႉထူပ်းဢုပ်ႇဢူဝ်းၵၼ် တႃႇသၢၼ်ၶတ်း ယႃႈမဝ်းၵမ်လႄႈ ပၢင်တေႃႇပၢင်လွင်း ၸတ်း    ႁဵတ်းတီႈ...

မၢႆမီႈမႂ်ႇ ၵဵဝ်ႇလူၺ်ႈႁႅင်းၵၢၼ်မိူင်းထႆး တေလူတ်းယွမ်းပၼ်တူတ်ႈတၢမ်ႇလႄႈ ၵမ်ႉထႅမ်ပၼ်လွင်ႈငၢႆႈလူမ် ပုၼ်ႈတႃႇၼၢႆးၸၢင်ႈလႄႈ ႁႅင်းၵၢၼ်ယၢၼ်မိူင်း ဢၼ်ထုၵ်ႇမႅၼ်ႈမၢႆမီႈ။ ၶၢဝ်ႇငဝ်းႁၢင်ႈသဵင်မိူင်းထႆး ၶျွင်ႉ 3 ဢွၵ်ႇၵႂႃႇမိူဝ်ႈဝၼ်းတီႈ 07/03/2018 ၼၼ်ႉဝႃႈ- မၢႆမီႈယုၵ်းယၢင်ႇ ၵဵဝ်ႇၵပ်းႁႅင်းၵၢၼ်ယၢၼ်မိူင်း ဢၼ်မူၼ်ႉမႄးၵႄႈၶႆမႂ်ႇၼႆႉ ပိူင်လူင်မၼ်း- 1.လွင်ႈၶၢႆႉၵၢၼ်ငၢၼ်း၊ ၶၢႆႉပိုၼ်ႉတီႈတီႈႁဵတ်းၵၢၼ် ၸိူဝ်းၼႆႉ ဢမ်ႇတၢပ်ႈယွၼ်းဢၼုၺၢတ်ႈ(ၶႂၢင်ႉ) မိူၼ်မိူဝ်ႈၵွၼ်ႇ၊ ဢဝ်ၽိုၼ်မိူၼ်လိၵ်ႈလၢႆး/ဝတ်းဝႂ် ၸႅင်ႈလၢတ်ႈၸဝ်ႈၼႃႈတီႈႁူႉၸွမ်းၵူၺ်းၵေႃႈလႆႈယဝ်ႉ။ 2.ႁႅင်းၵၢၼ်ယၢၼ်မိူင်းၶဝ် (မိူဝ်ႈၵွၼ်ႇပူၼ်ႉမႃး ဢၼ်လႆႈယူႇသဝ်းၼႂ်းပိုၼ်ႉတီႈဢၼ်ႁဵတ်းၵၢၼ်...

ဝၼ်းတီႈ 08/03/2018 ၶၼ်လႅၵ်ႈငိုၼ်း ၼႂ်းဝၼ်းမိူဝ်ႈၼႆႉ ငိုၼ်းထႆး 1 ဝၢတ်ႇ = 42.59 ပျႃး၊ ငိုၼ်းတေႃႊလိူဝ်ႊ(US) 1 တေႃႊလိူဝ်ႊ = 1336 ပျႃး၊ ငိုၼ်းၶႄႇ 1 ယႅၼ်ႉ = 211.18 ပျႃး (ၶၼ်လႅၵ်ႈငိုၼ်း လုမ်ႈၾႃႉ)။ ၶၢဝ်ႇမျၢၼ်ႇမႃႉဢလိၼ်း...

ၵူၼ်းဝၢၼ်ႈတႃႈလူင် ၸႄႈဝဵင်းသီႇပေႃႉ ဢဵၼ်ႁႅင်း 650 ၵေႃႉ ဢွၼ်ၵၼ်သၢၼ်ၶတ်းပၢင်ႁူပ်ႉထူပ်း ၵူၼ်းမိူင်း ဢၼ် ၸုမ်းသၽႃဝမၢၼ်ႈ တေႁူပ်ႉထူပ်းၵူၼ်းမိူင်းသေ ၶိုင်သၢင်ႈၾၢႆၼိူဝ်မႄႈၼမ်ႉတူႈ ဢၼ်တေႁဵတ်းႁႂ်ႈၼမ်ႉ လုပ်ႇထူမ်ႈ ဝၢၼ်ႈတႃႈလူင်။ ဝၼ်းတီႈ 08/03/2018 ယၢမ်းၵၢင်ၼႂ် 9 မူင်း ၸုမ်းသၽႃဝမၢၼ်ႈ Myanmar Environment Institute (MEI) ၸတ်းႁဵတ်းပၢင်ႁူပ်ႉထူပ်းၵူၼ်းမိူင်း...

ပီၼႆႉ ၼႂ်းမိူင်းတႆးပတ်းပိုၼ်ႉ လုၵ်ႈႁဵၼ်းဢၼ်ပၼ်သဵၼ်ႈသၢႆမၢႆ ၶဝ်ႈတွပ်ႇၸၼ်ႉသိပ်း မီး 5 မိုၼ်ႇ 5 ႁဵင်ၵေႃႉပၢႆ ၽွင်းလူင်ၾၢႆႇတူင်ႇဝူင်းၵူၼ်း ၼႂ်းလူင်ပွင်ၸိုင်ႈမိူင်းတႆးလၢတ်ႈ။ တႄႇဢဝ် ဝၼ်းတီႈ 07-16/03/2018 ယၢမ်းၵၢင်ၼႂ် 9 မူင်း ထိုင် 12 မူင်းၵၢင်ဝၼ်း မိူင်းႁူမ်ႈတုမ်ပတ်းပိုၼ်ႉၸတ်း ပၢင်တွပ်ႇလိၵ်ႈၸၼ်ႉသိပ်း ပီ 2017-2018 ၼႂ်းမိူင်းတႆးပတ်းပိုၼ်ႉ...

ၸုမ်းၽွင်းလူင်မိူင်းထႆးပၢင်ၵုမ်ၵၼ် ၵဵဝ်ႇလူၺ်ႈလွင်ႈႁႅင်းၵၢၼ်ယၢၼ်မိူင်း၊ ဢုပ်ႇဢူဝ်းၵႄႈၶႆမၢႆမီႈ ယွၼ်ႇယၢၼ်းလူတ်းယွမ်းပၼ် တူတ်ႈတၢမ်ႇတၢင်းၽိတ်း လွင်ႈၸၢင်ႈႁႅင်းၵၢၼ်ယၢၼ်မိူင်း ၽိတ်းမၢႆမီႈ။ ပေႃးထုၵ်ႇမၢႆမီႈ ၶႂ်ႈယူႇလိုဝ်ႈသဝ်းတီႈလႂ်ၵေႃႈလႆႈ၊ ၶႂ်ႈႁဵတ်းၵၢၼ်တီႈလႂ်ၵေႃႈလႆႈ။ မိူဝ်ႈဝၼ်းတီႈ 06/03/2018 ၸုမ်းၽွင်းလူင် လူင်ပွင်ၸိုင်ႈမိူင်းထႆး ၸတ်းႁဵတ်းပၢင်ၵုမ်ၵၼ် တီႈႁူင်းႁႅမ်း တုသိတ်ႇထႃးၼီး ဝဵင်းၶျႃႉဢမ်း ၸႄႈဝဵင်းၽဵတ်းၶျၿူးရီး။ ဝၢႆးပၢင်ၵုမ်ယဝ်ႉ ၽွင်းဝၢႆးဝၼ်းၼၼ်ႉ ၸဝ်ႈသိုၵ်းလူင် သၼ်သိူၼ် ၵႅဝ်ႉၵမ်းၼိူတ်ႇ ၽူႈၶၢၼ်ပၢၵ်ႇလုမ်းၽွင်းလူင်မိူင်းထႆး...

ႁူင်းပွႆႇသဵင်လူင်ပွင်ၸိုင်ႈမိူင်းထႆး AM 1476 KHz ဝဵင်းၵဵင်းမႆႇ ၽူႈမီးပုၼ်ႈၽွၼ်းလႄႈ ၽူႈထွမ်ႇလၢႆး ၵၢၼ် ၸတ်းပၢင်ႁူပ်ႉထူပ်းဢုပ်ႇၵုမ် ။ ဝၼ်းတီႈ 07/03/2018 ႁူင်းပွႆႇသဵင် ၶွင်လူင်ပွင်ၸိုင်ႈမိူင်းထႆးသေႃဝေႃးထေႃး AM 1476 KHz ၸတ်းႁဵတ်းပၢင်ႁူပ်ႉထူပ်း ယင်ႇၵၢင်ၸႂ်ၽူႈထွမ်ႇ မီးၽူႈၸတ်းလၢႆးၵၢၼ်လႄႈ ၽူႈထွမ်ႇလၢႆးၵၢၼ်ၾၢႆႇ တႆး ပႃးၸဵမ်ၾၢႆႇ လႃးႁူႇ၊ ယၢင်း၊...

ၶူင်းၵၢၼ်ပၢႆးယူႇလီလႄႈ ပၼ်တၢင်းႁူႉႁႅင်းၵၢၼ်ၸၢဝ်းၶိူဝ်း ဢွၼ်ႁူဝ်ၸုမ်းတူင်ႉၼိုင် လွင်ႈၼၢင်းယိင်း ၸုမ်းတူင်ႇဝူင်းၵူၼ်း ႁူပ်ႉထူပ်းဢုပ်ႇဢူဝ်းလႅၵ်ႈလၢႆႈ ပိူဝ်ႈႁူမ်ႈၵၼ်တုၵ်းယွၼ်းသုၼ်ႇလႆႈၼၢင်းယိင်း ႁႂ်ႈမီးလွင်ႈတႅပ်းတတ်းၽဵင်ႇပဵင်း ၼႂ်းတိုဝ်ႉတၢင်းဝၼ်းၼၢင်းယိင်းလုမ်ႈၾႃႉ ။ ဝၼ်းတီႈ 08/03/2018 ၼႆႉ ပဵၼ်ဝၼ်းၼၢင်းယိင်းၵူႈမိူင်းမိူင်း(လုမ်ႈၾႃႉ)ၼႆလႄႈ ၶူင်းၵၢၼ်ပၢႆးယူႇလီလႄႈ ပၼ် တၢင်းႁူႉႁႅင်းၵၢၼ်ၸၢဝ်းၶိူဝ်း (မူလၼိထိမႅပ်ႉ MAP) ဢွၼ်ႁူဝ်ၼမ်းၼႃႈသေ ၸတ်းႁဵတ်းပၢင်ႁူပ်ႉထူပ်းပိူဝ်ႈႁႂ်ႈ  ၼၢင်းယိင်းတီႈၼိုင်ႈလႄႈ တီႈၼိုင်ႈမႃးဢုပ်ႇဢူဝ်းလႅၵ်ႈလၢႆႈၵၼ် ပိူဝ်ႈႁူမ်ႈၵၼ် ႁႃလၢႆးတၢင်းဢွၵ်ႇႁႂ်ႈၼၢင်းယိင်းမီးသုၼ်ႇလႆႈၽဵင်ႇပဵင်း။...

ၵႃးႁပ်ႉၸၢင်ႈတၢင်ႇၵူၼ်း/ သူင်ႇၶႅၵ်ႇလမ်းၼိုင်ႈ တူၵ်းၵႂႃႇၼႂ်းႁူၺ်ႈ တီႈသဵၼ်ႈတၢင်း မၢၼ်ႈမေႃႇ- လွႆၸေႊ ၵူၼ်းမိူင်းၶီႇ မႃးၸွမ်းၵႃး တင်းမူတ်း 15 ၵေႃႉ ပႃးၵူၼ်းႁေႃႈ ၼႂ်းၼၼ်ႉ လူႉတၢႆ 5 ၵေႃႉ မၢတ်ႇၸဵပ်း 10 ၵေႃႉ ဝႃႈၼႆ။ ဝၼ်းတီႈ 07/03/2018 ယၢမ်းဝၢႆးဝၼ်း 3 မူင်း...

ၵူၼ်းၼုမ်ႇတႆးတင်း ၽူႈပွင်ၵၢၼ်ၼႃႈဝၢၼ်ႈ ၼမ်ႉပွင်ႈ ၸႄႈဝဵင်းလႃႈသဵဝ်ႈ ႁူမ်ႈၵၼ် တီႉၺွပ်းၵူၼ်းၵဵဝ်ႇၶွင်ႈ ယႃႈမဝ်းၵမ်။ ဝၼ်းတီႈ 06/03/2018 ယၢမ်းၵၢင်ၶမ်ႈ 9 မူင်း ၵူၼ်းၼုမ်ႇတႆး တင်း ၽူႈပွင်ၵၢၼ်ၼႃႈဝၢၼ်ႈ သၢၼ်မိုဝ်းၵၼ်သေ ၵူတ်ႇထတ်း တီႈတူဝ်လုင်းၸၢႆးသၢင်ႇလႃႉ ၵူၼ်းမိူင်းယႆ ထူပ်းႁၼ် ယႃႈမႃႉ(WY) တီႈၼႂ်းထူင်မၼ်းၸၢႆး ၼႂ်း လင်ႁၢၼ်ႉၶၢႆၶဝ်ႈသွႆး တီႈဝၢၼ်ႈၼမ်ႉပွင်ႈ...

ဝၼ်းတီႈ 07/03/2018 ၶၼ်လႅၵ်ႈငိုၼ်း ၼႂ်းဝၼ်းမိူဝ်ႈၼႆႉ ငိုၼ်းထႆး 1 ဝၢတ်ႇ = 42.60 ပျႃး၊ ငိုၼ်းတေႃႊလိူဝ်ႊ(US) 1 တေႃႊလိူဝ်ႊ = 1334 ပျႃး၊ ငိုၼ်းၶႄႇ 1 ယႅၼ်ႉ = 211.01 ပျႃး (ၶၼ်လႅၵ်ႈငိုၼ်း လုမ်ႈၾႃႉ)။ ၶၢဝ်ႇမျၢၼ်ႇမႃႉဢလိၼ်း...

ၸဝ်ႈယုၼ်းပႅင်ႇ ၽူႈၵိူဝ်းၵုမ် တီႇမူဝ်ႇၶရႅတ်ႇတိၵ်ႉ ပႃႇတီႇၸၢဝ်းၶိူဝ်းတႆး(ႁိုဝ်) ပႃႇတီႇသိူဝ်ၽိူၵ်ႇ SNDP လူႉသဵင်ႈ သုတ်းမုၼ် ၽွင်းဢႃယု 71 ပီ လူၺ်ႈတၢင်းပဵၼ်ႁူဝ်ၸႂ် ဝႃႈၼႆ။ ဝၼ်းတီႈ 05/03/2018 ယၢမ်းၵၢင်ၶမ်ႈ 8:30 မူင်း ၸဝ်ႈယုၼ်းပႅင်ႇ ဢႃယု 71 ပီ လူႉသဵင်ႈ တီႈႁိူၼ်းမၼ်း ၸဝ်ႈ...

ၵူၼ်းၼုမ်ႇတႆး ၼႂ်းၸႄႈဝဵင်းမိူင်းယႆ တင်း သီႇပေႃႉ ႁူမ်ႈၵၼ် ၸတ်းပၢင်ၾိုၵ်းၽွၼ်ႉၽိူမ်ႉထႅမ်ၼမ်ႉၵတ်ႉ တီႈၸႄႈဝဵင်းမိူင်းယႆ တင်းမူတ်း ၵူၼ်းၼုမ်ႇၶဝ်ႈႁူမ်ႈ 170 ပၢႆ ဝႃႈၼႆ။ ဝၼ်းတီႈ 03-07/03/2018 ယၢမ်းၵၢင်ၼႂ် ထိုင် ဝၢႆးဝၼ်း ၸုမ်းၵူၼ်းၼုမ်ႇတႆးၸႅတ်ႈ သႅင်ၵႅဝ်ႉ ဢွၼ်ႁူဝ်ၵူၼ်း ၼုမ်ႇတႆး 6 ဢိူင်ႇ မိူၼ်ၼင်ႇ ဢိူင်ႇႁူဝ်ယ၊...

မၢၵ်ႇတႅၵ်ႇႁိမ်း ႁူင်းပလိၵ်ႈ ၸႄႈဝဵင်းသႅၼ်ဝီလုၵ်ႈၼိုင်ႈလႄႈ ဝၢႆးလင်ပလိၵ်ႈၵႂႃႇၵူတ်ႇထတ်းယဝ်ႉ ထူပ်းႁၼ် ထႅင်ႈမၢၵ်ႇဢၼ်ပႆႇတႅၵ်ႇထႅင်ႈ လုၵ်ႈၼိုင်ႈ ဝႃႈၼႆ။ ဝၼ်းတီႈ 06/03/2018 ယၢမ်းၵၢင်ၼႂ် မွၵ်ႈ 7 မူင်း မၢၵ်ႇတႅၵ်ႇတီႈၼႂ်းပႃႇၸႃႉ/ ပႃႇႁဵဝ်ႈၵဝ်ႇ ပွၵ်ႉ 2 ၾၢႆႇလင်ႁူင်း ပလိၵ်ႈ ၸႄႈဝဵင်းသႅၼ်ဝီ ၸႄႈတွၼ်ႈလႃႈသဵဝ်ႈ ၸိုင်ႈတႆးပွတ်းႁွင်ႇ။ ဢမ်ႇမီးၵူၼ်းမၢတ်ႇၸဵပ်းလူႉတၢႆ။ ၼၢင်းၶိၼ်ႇထႃးယီႇ ၽူႈတႅၼ်းသၽႃးၸႄႈမိူင်းၶဵတ်ႇလိူၵ်ႈတင်ႈ...