ပႃႇတီႇမႂ်ႇသုင်ၸိုင်ႈတႆး/ တပ်ႉသိုၵ်းၸိုင်ႈတႆး SSPP/SSA ၸတ်းႁဵတ်းပၢင်ၽဝ်ယႃႈမဝ်းၵမ် တီႈငဝ်ႈငုၼ်းဝၢၼ်ႈႁႆး ၸႄႈဝဵင်းၵေးသီး ၸိုင်ႈတႆးပွတ်းၸၢၼ်း ၸုတ်ႇၽဝ် ယႃႈမဝ်းၵမ်တူၵ်းၵႃႈၶၼ်ငိုၼ်း 1 မိုၼ်ႇ သႅၼ်ပျႃးပၢႆ ဝႃႈၼႆ။ ဝၼ်းတီႈ 26/06/2018 ပဵၼ်ဝၼ်းသၢၼ်ၶတ်းယႃႈမဝ်းၵမ် လုမ်ႈၾႃႉ ပႃႇတီႇမႂ်ႇသုင်ၸိုင်ႈတႆး/တပ်ႉ သိုၵ်းၸိုင်ႈတႆး SSPP/SSA ၸတ်းပၢင်ၽဝ်ယႃႈမဝ်းၵမ်။ လႆႈၽဝ်ပႅတ်ႈယႃႈမႃႉ 5 သႅၼ်မဵတ်ႉပၢႆ။ လိူဝ်ၼၼ်ႉ...

ႁႅင်းၵၢၼ်မိူင်းမၢၼ်ႈ ၸိူဝ်းၶဝ်ႈႁဵတ်းၵၢၼ် ၼႂ်းမိူင်းထႆး ၸိူဝ်းဝတ်းဝႂ်ဢမ်ႇတဵမ်ထူၼ်ႈၼၼ်ႉ ဢွၼ်ၵၼ်ပွၵ်ႈမိူဝ်းၶိုၼ်း ဝၢၼ်ႈၽႂ်မိူင်းမၼ်းၼႂ်းၶၢဝ်းတၢင်း ၼိုင်ႈဝူင်ႈၵူၺ်း ၵူၼ်းပွၵ်ႈမိူဝ်းမီး 1,200 ၵေႃႉပၢႆ ဝႃႈၼႆ။ ႁႅင်းၵၢၼ်မိူင်းမၢၼ်ႈ ဢၼ်ပွၵ်ႈၶိုၼ်းႁိူၼ်းၼၼ်ႉ ၵမ်ႈၼမ်တေဢွၼ်ၵၼ်ပွၵ်ႈမိူဝ်းၶိုၼ်း တၢင်းလႅၼ်လိၼ် မိူင်းယၢင်း ၽိူၵ်ႇ- မႄႈသွတ်ႇ(မျႃႉဝတီႇ)။ မိူဝ်ႈဝၼ်းတီႈ 23/06/2018 ယၢမ်းႁူဝ်ၶမ်ႈ 5 မူင်းၼၼ်ႉ ႁႅင်းၵၢၼ်မိူင်းမၢၼ်ႈၵေႃႉၼိုင်ႈ ပွၵ်ႈမိူဝ်းၶိုၼ်းၵႂႃႇတၢင်း မျႃႉဝတီႇၼၼ်ႉ...

ပၢင်ၵုမ်လူင်ပၢင်လူင် ႁူဝ်ပၢၵ်ႇပီ 21 ပွၵ်ႈ 3 ၼႆႉ တေၶိုင်ၸတ်းႁဵတ်းၵႂႃႇၼႂ်းႁူဝ်လိူၼ်ၵျူႊလၢႆႊဢၼ် တေထိုင်ၼႆႉ တႃႇ ၶၢဝ်းတၢင်း 5 ဝၼ်း ဝႃႈၼႆ။ ဝၼ်းတီႈ 25/06/2018 ပၢင်ၵုမ်ႁူမ်ႈသၢင်ႈဢုပ်ႇဢူဝ်းလွင်ႈငမ်းယဵၼ် မိူင်းႁူမ်ႈတုမ် UPDJC ဢၼ်ၸတ်းႁဵတ်းတီႈ ၼေႇပျီႇတေႃႇၼၼ်ႉ ဢုပ်ႇၵုမ်တူၵ်းလူင်းလႆႈၸႂ်ၵၼ်ဝႃႈ ပၢင်ၵုမ်လူင်ပၢင်လူင် ႁူဝ်ပၢၵ်ႇပီ 21 ပွၵ်ႈ...

ႁူင်းယႃလူင် ၸႄႈတွၼ်ႈလၢင်းၶိူဝ်း ဢမ်ႇမီးမေႃယႃလူင် တႃႇႁၵ်ႉသႃၵူၼ်းမိူင်းလႄႈ ႁူပ်ႉထူပ်းတၢင်းယၢပ်ႇၽိုတ်ႇ ယူႇ ဝႃႈၼႆ။ ယိင်းႁၵ်ႉ ၵူၼ်းမိူင်းလၢင်းၶိူဝ်း လၢတ်ႈဝႃႈ “ မေႃယႃလူင် တီႈႁူင်းယႃၸႄႈတွၼ်ႈလၢင်းၶိူဝ်းႁဝ်းၶႃႈၼႆႉ လႆႈၶၢႆႉၵႂႃႇ ၸိၼ်ႉၵၢႆႇ ၼႂ်းလိူၼ်ဢွၵ်ႊထူဝ်ႊၿိူဝ်ႊ မိူဝ်ႈပီပူၼ်ႉမႃး။ တေႃႈလဵဝ် မီးဝႆႉၵႅမ်မေႃယႃလူင်ၵေႃႉၼိုင်ႈၵူၺ်း ဢၼ်ႁၵ်ႉသႃ ယူတ်းယႃပၼ်ၵူၼ်းမိူင်းယူႇၼႆႉ။ ယွၼ်ႉဝႃႈတေႃႈလဵဝ်သမ်ႉ ပဵၼ်ၶၢဝ်းၾူၼ်ၼႆလႄႈ ၵူၼ်းပဵၼ်တၢင်း ပဵၼ်ၼၢဝ်ၼူၵ်ႉ/...

တပ်ႉသိုၵ်းလူင်ပွင်ၸိုင်ႈထႆး တီႉၺွပ်းလႆႈၵူၼ်းမိူင်းမၢၼ်ႈ 40 ၵေႃႉ လၵ်ႉလွမ်ၶဝ်ႈမိူင်းထႆး။ ဝၼ်းတီႈ 25/06/2018 သိုၵ်းထႆး တပ်ႉမၢႆ 25 ႁႄႉလူတ်ႉၵႃး 3 လမ်း ဢၼ်လုၵ်ႉတၢင်းဝဵင်းရယွင်းသေ တေၵႂႃႇ တၢင်းၶျုမ်းၽွၼ်းၼၼ်ႉ တီႉလႆႈႁႅင်းၵၢၼ်မိူင်းမၢၼ်ႈ 40 ၵေႃႉ ၼႂ်းၵႃး 3 လမ်း။ မီးၽူႈၸၢႆး 34 ၵေႃႉ၊...

ႁွင်ႈၵၢၼ်ၾၢႆႇၽုၵ်ႇသွမ်ႈ လူင်ပွင်ၸိုင်ႈတေလူင်းပိုၼ်ႉတီႈ ၸွႆႈထႅမ် ၸဝ်ႈႁႆႈၸဝ်ႈၼႃး ဢၼ်ႁူပ်ႉပၼ်ႁႃလွင်ႈၵၢၼ် ၽုၵ်ႇသွမ်ႈ ဝႃႈၼႆ။ ဝၼ်းတီႈ 22/06/2018 ၸဝ်ႈႁႆႈၸဝ်ႈၼႃႈ ၼႂ်းၸိုင်ႈတႆး ပွတ်းၸၢၼ်း 5 ၸႄႈဝဵင်းလႄႈ ႁူမ်ႈလူၺ်ႈ ႁွင်ႈၵၢၼ်ၾၢႆႇ ၽုၵ်ႇသွမ်ႈလူင်ပွင်ၸိုင်ႈ ႁူပ်ႉထူပ်းဢုပ်ႇဢူဝ်းၵႄႈလိတ်ႈပၼ်ႁႃ ဢၼ်ၸဝ်ႈႁႆႈၸဝ်ႈၼႃး ႁူပ်ႉထူပ်းပၼ်ႁႃၼႂ်းၵၢၼ် ၽုၵ်ႇသွမ်ႈ ၸိူဝ်းၼၼ်ႉ။ ပၢင်ႁူပ်ႉထူပ်းၼႆႉ ၸတ်းႁဵတ်းတီႈႁူင်းႁႅမ်း Tanggyi...

RCSS/SSA ၸတ်းႁဵတ်းပၢင်ၵႅဝ်ႈ လႄႈ ဢွၵ်ႇၶေႃႈပိုၼ်ၽၢဝ်ႇ သၢၼ်ၶတ်း ယႃႈမဝ်းၵမ် တီႈငဝ်ႈၸိုင်ႈ လွႆတႆးလႅင်း။ ဝၼ်းတီႈ 26/06/2018 ယၢမ်းၵၢင်ၼႂ် ၶွင်ႇသီႇဢဝ်ၶိုၼ်းၸိုင်ႈတႆး/ တပ်ႉသိုၵ်းၸိုင်ႈတႆး RCSS/SSA ၸတ်းႁဵတ်း ပၢင်ၵႅဝ်ႈသၢၼ်ၶတ်းယႃႈမဝ်းၵမ် ဢွၵ်ႇၶေႃႈပိုၼ်ၽၢဝ်ႇ သၢၼ်ၶတ်းၵၢၼ်ၵႃႉၶၢႆၶူဝ်းၶွင်ၼွၵ်ႈမၢႆမီႈ ၸဵမ်ၸိူဝ်းၼႆႉ ဝႃႈၼႆ။ ၸဝ်ႈသိုၵ်း ၸၢႆးႁၢၼ် ၽူႈၵွၼ်းႁွင်ႈၵၢၼ် ၾၢႆႇၽဵဝ်ႈမူၺ်ႉယႃႈမဝ်းၵမ် RCSS/SSA လၢတ်ႈတီႈၽူႈတွႆႇႁွၵ်ႈဝႃႈ...

ႁွင်ႈၵၢၼ်ၾၢႆႇပလိၵ်ႈ လူင်ပွင်ၸိုင်ႈမိူင်းထႆး ၸတ်းပၢင်သပ်းၸႅင်ႈၶၢဝ်ႇ တေႁူမ်ႈၵၼ် ၵူတ်ႇထတ်း တီႉၺွပ်းၵူၼ်းတၢင်ႇမိူင်း ၸိူဝ်းယိပ်းဝတ်းဝႂ်မၢႆၾၢင်ထႆး ဢၼ်ပွမ်သေ ႁဵတ်းၵၢၼ်ၵႃႉၶၢႆၼႂ်းမိူင်းထႆး ထိုင်တီႈပဵၼ်ၽူႈမၢၵ်ႈၵူၼ်းမီး။ တႃႇပၼ်တူတ်ႈတၢမ်ႇဝႃႈၼႆ။ ဝၼ်းတီႈ 21/06/2018 ႁွင်ႈၵၢၼ်ၾၢႆႇပလိၵ်ႈ လူင်ပွင်ၸိုင်ႈမိူင်းထႆး ၸတ်းပၢင်သပ်းၸႅင်ႈၶၢဝ်ႇ ၵဵဝ်ႇလူၺ်ႈလွင်ႈ ၵူၼ်းတၢင်ႇမိူင်း (ၵမ်ႈၼမ်ပဵၼ်ၶႄႇ ) ႁဵတ်းဝႂ်လၵ်းထၢၼ်သၢၵ်ႈသေႇဢၼ်ပွမ် ႁဵတ်းဝႂ်ၵပ်းတူဝ်(မၢႆၾၢင်)ထႆး ။ ၸဝ်ႈ ၼႃႈတီႈပလိၵ်ႈထႆးလၢတ်ႈဝႃႈ...

ဢွၼ်ႇယိင်း 33 ၵေႃႉ ဢၼ်ထုၵ်ႇပလိၵ်ႈတီႉၺွပ်း တီႉႁၢၼ်ႉၼူတ်ႈ တီႈမိူင်းၵွၵ်ႇ မိူဝ်ႈႁူဝ်ပီ 2018 ၼၼ်ႉၸဝ်ႈ ၼႃႈတီႈလၢႆၾၢႆႇႁူမ်ႈၵၼ်ၸွႆႈထႅမ်သေ သူင်ႇတူဝ်ပွၵ်ႈႁိူၼ်းၽႂ်မၼ်းယဝ်ႉ။ ယိင်းသၢဝ်တႆး 33 ၵေႃႉ ဢၼ်ထုၵ်ႇတီႉၺွပ်းတီႈႁၢၼ်ႉၼူတ်ႈ Victoria The Secret Forever ၽရႃႊရၢမ်ႊ9မိူင်း ၵွၵ်ႇ ၸိုင်ႈထႆးၼၼ်ႉ ၸဝ်ႈၼႃႈတီႈပလိၵ်ႈထႆး၊ ႁွင်ႈၵၢၼ်ၾၢႆႇသုၼ်ႇလႆႈၵူၼ်း ႁူမ်ႈၵၼ်သူင်ႇပွၵ်ႈမိူဝ်းၶိုၼ်း...

ၵူၼ်းဝၢၼ်ႈပွၵ်ႉၸၢၼ်း ဝဵင်းမူႇၸေႊ တီႉလႆႈဢွၼ်ႇၸၢႆး ဢၢင်ႈၶိုင်လၵ်ႉလူတ်ႉ ၶိူင်ႈပၢႆႈၵူၺ်းၵႃႈ ဢမ်ႇတၼ်းပၢႆႈ လွတ်ႈသေထုၵ်ႇတီႉလႆႈၵုမ်းၶင်တူဝ် ဝႃႈၼႆ။ ဝၼ်းတီႈ 25/06/2018 ယၢမ်းၵၢင်ဝၼ်း 12:30 မူင်း (မိူဝ်ႈၼႆႉ) မွင်ႇသိၼ်ႇမိၼ်းၼွင်ႇ ဢႃယု 17 ပီ ပဵၼ်ၵူၼ်းၸႃတိ တိူင်းမၵူၺ်း ၶိုင်ဢၢင်ႈလၵ်ႉလူတ်ႉၶိူင်ႈ ၵူၼ်းဝၢၼ်ႈတီႈပွၵ်ႉၸၢၼ်း ၸႄႈဝဵင်းမူႇၸေႊ ၸိုင်ႈတႆးပွတ်းႁွင်ႇ။ ၵူၺ်းၵႃႈ...

ၵူၼ်းဝၢၼ်ႈ 2 ၵေႃႉ လုၵ်ႉတၢင်းဝဵင်းၵျွၵ်ႉမႄးသေ တေၵႂႃႇတၢင်းဝဵင်းမိူင်းငေႃႉၼၼ်ႉ ယဵပ်ႇၺႃးမၢၵ်ႇတႅၵ်ႇ ဢၼ်ႁၢင်ႈ ၵၢင်ဝႆႉၸွမ်းတၢင်း။ တၢႆထင်တီႈတင်း 2 ၵေႃႉ ဝႃႈၼႆ။ ဝၼ်းတီႈ 20/06/2018 ယၢမ်းၵၢင်ၼႂ် 9:30 မူင်းၼၼ်ႉ ၸၢႆးထုၼ်းၼၢႆႇ ဢႃယု 16 ပီ တင်း ပႃႈဢေးလူင် ၶႃသွင် ၵေႃႉ...

ယေးငိုၼ်းလုမ်ႈၾႃႉ တေၵမ်ႉထႅမ်ငိုၼ်းပၢၵ်ႇလၢၼ်ႉၻေႃႊလိူဝ်ႊ တႃႇလုၵ်ႈဢွၼ်ႇဢႃယု 2 ပီ လူင်းတႂ်ႈလႄႈ ၵူၼ်းပႃးတွင်ႉ(ပုမ်ယႂ်ႇ) တွၼ်ႈတႃႇ ၼႂ်းၸႄႈမိူင်းတႆးပတ်းပိုၼ်ႉ ဝႃႈၼႆ။ ဝၼ်းတီႈ 20/06/2018 ပၢင်ၵုမ်ဢုပ်ႇဢူဝ်း တွၼ်ႈတႃႇၵမ်ႉထႅမ် လုၵ်ႈဢွၼ်ႇ ဢႃယု 2 ပီလူင်းတႂ်ႈလႄႈ ၵူၼ်းပႃးတွင်ႉ (ပုမ်ယႂ်ႇ)၊ ၼႂ်းမိူင်းတႆး ၸတ်းႁဵတ်းတီႈႁူင်းႁႅမ်း Royal Taungyi Hotel၊...

ၵေႃႁူမ်ႈသၢင်ႈၸိူဝ်ႉၸၢတ်ႈတႆး ၸတ်းႁဵတ်းပၢင်ဢုပ်ႇဢူဝ်းလႅၵ်ႈလၢႆႈတၢင်းႁူႉၵၼ်တီႈ ဝတ်ႉၵူႇတဝ်ႈ ဝဵင်းၵဵင်းမႆႇ ၸိုင်ႈထႆး မီးပီႈၼွင်ႉတႆးၶဝ်ႈႁူမ်ႈႁိမ်း 150 ၵေႃႉ။ ဝၼ်းတီႈ 24/06/2018 ယၢမ်းၵၢင်ၼႂ် 9 မူင်း ထိုင် 4 မူင်းဝၢႆးဝၼ်း ၵေႃႁူမ်ႈသၢင်ႈၸိူဝ်ႉၸၢတ်ႈတႆး ၵဵင်းမႆႇ ဢွၼ်ႁူဝ် တႆးၸိူဝ်းႁွတ်ႈၵဵင်းမႆႇ (ႁႅင်းၵၢၼ်ယၢၼ်မိူင်း) ၸတ်းႁဵတ်းပၢင်ဢုပ်ႇဢူဝ်းပိၼ်ႇပႆႇလႅၵ်ႈလၢႆႈၵၼ် တီႈဝတ်ႉၵူႇတဝ်ႈ ဢိူင်ႇသီၽုမ်း ဝဵင်းၵဵင်းမႆႇ...

ဢွၼ်ႇၸၢႆး 12 ၵေႃႉလႄႈၶူး1ၵေႃႉ ႁၢႆတူဝ်ၶဝ်ႈၵႂႃႇၼႂ်းထမ်ႈ ပေႃႈမႄႈပီႈၼွင်ႉမႆႈၸႂ် ဢွၼ်ၵၼ်တိူင်ႇၵၢဝ်ႇ လၢႆၾၢႆႇႁူမ်ႈၵၼ်ၸွႆႈထႅမ်။ ဝၼ်းတီႈ 23/06/2018 သိုဝ်ႇၶၢဝ်ႇၵဵင်းမႆႇ ပိုၼ်ၽၢဝ်ႇဝႃႈ လုၵ်ႈႁဵၼ်းလႄႈၶူးႁူမ်ႈၵၼ် 13 ၵေႃႉ ၶဝ်ႈၵႂႃႇၼႂ်းထမ်ႈ ၼၢင်းၼွၼ်း ၸႄႈတွၼ်ႈၵဵင်းႁၢႆး ၸိုင်ႈထႆး ပွတ်းႁွင်ႇ။ ဝၢႆးၼၼ်ႉ ဢမ်ႇမီးၵၢၼ်ၵပ်းသိုပ်ႇ ၸဝ်ႈၼႃႈတီႈလၢႆၾၢႆႇႁူမ်ႈ ၵၼ်ၸွမ်းသွၵ်ႈႁႃတူဝ် တေႃႇထိုင်မိူဝ်ႈလဵဝ်ဢမ်ႇပႆႇထူပ်း။ ၸုမ်းၸဝ်ႈၼႃႈတီႈ၊...

သင်ၶလႄႈ တၵ်ႉၵႃႇသတ်ႉထႃး ဝဵင်းၵဵင်းတုင် ႁူမ်ႈၵၼ်ၸတ်းႁဵတ်းပၢင်တၢၼ်ႈၶႆႈ ပွၵ်ႈၵမ်းႁႅၵ်ႈ ၽူႈသူၼ်ၸႂ်ၶဝ်ႈ ႁူမ်ႈထွမ်ႇ ၼပ်ႉႁူဝ်ပၢၵ်ႇ။ ဝၼ်းတီႈ 21/06/2018 ယၢမ်းၵၢင်ၼႂ် 9 မူင်းထိုင် 4 မူင်းဝၢႆးဝၼ်း သင်ၶၸဝ်ႈလႄႈ တၵ်ႉၵႃႇသတ်ႉထႃး ဝဵင်းၵဵင်းတုင် ႁူမ်ႈၵၼ်သေ ၸတ်းႁဵတ်းပၢင်ဢုပ်ႇၶႆႈ(တၢၼ်ႈၶႆႈ) တီႈဝတ်ႉဝိႁၢရ်မွၵ်ႇမႆႇ/ ၵျွင်းၵွင်းမူးၶမ်း ၸႄႈဝဵင်းၵဵင်းတုင် ၸိုင်ႈတႆးပွတ်းဢွၵ်ႇၶူင်း။ သႂ်ႇၸိုဝ်ႈႁူဝ်ၶေႃႈဝႆႉဝႃႈ“တေၶၢမ်ႇၸူမ်ၼႄႇ...