တပ်ႉသိုၵ်းၸိုင်ႈတႆး သွင်တပ်ႉသိုၵ်းႁူပ်ႉထူပ်းဢုပ်ႇဢူဝ်းၵၼ် တႃႇႁူမ်ႈၵၼ်ၵႄႈလိတ်ႈပၼ်ႁႃ ဝူင်ႈၵၢင်သွင်ၸုမ်း။
ၼႂ်းဝူင်ႈၼႆႉ ၵေႃႁူမ်ႈသၢင်ႈၸိုင်ႈတႆး SSJAC ယူႇၵၢင်ၶပ်းၶိုင်ပၼ်သေ တူဝ်တႅၼ်း ပႃႇတီႇမႂ်ႇသုင်ၸိုင်ႈတႆး SSPP/ SSA လႄႈ တူဝ်တႅၼ်းၶွင်ႇသီႇဢဝ်ၶိုၼ်းၸိုင်ႈတႆး RCSS/SSA ႁူပ်ႉထူပ်းဢုပ်ႇဢူဝ်းၵၼ် ၊ ႁူမ်ႈၵၼ်ႁႃတၢင်းၵႄႈ လိတ်ႈပၼ်ႁႃ ဢၼ်ပဵၼ်ယူႇ ဝူင်ႈၵၢင်သွင်ၸုမ်း။
ၸၢႆးလဵၵ်ႉ ၽူႈၶၢၼ်ပၢၵ်ႇ ၵေႃႁူမ်ႈသၢင်ႈၸိုင်ႈတႆး SSJAC လၢတ်ႈဝႃႈ- “ မိူဝ်ႈပီ 2017 ၼၼ်ႉယူႇတီႈ CSSU သေ မွပ်ႈပၼ်ႁႂ်ႈ SSJAC ၸွႆႈယူႇၵၢင် သင်မီးပၼ်ႁႃဝူင်ႈၵၢင်သွင်ၸုမ်း ႁႂ်ႈၸွႆႈၵႄႈလိတ်ႈၼႆလႄႈ ယၢမ်းလဵဝ်သွင်ၾၢႆႇ ႁူပ်ႉဢုပ်ႇၵၼ်ပွင်ႇၸႂ်ၵၼ်မႃးယဝ်ႉ ” ဝႃႈၼႆ။
ၼႂ်းလုၵ်ႈလိူၼ် July ၊ August 2018ၼႆႉ ပၼ်ႁႃဝူင်ႈၵၢင်သိုၵ်းသွင်ၸုမ်းမိူၼ်ႁၢင်ႈယႂ်ႇမႃး ၵူၼ်းသိုၵ်းၸၼ်ႉပႃႈတႂ်ႈယိုဝ်းၺႃးၵၼ် ပၼ်ႁႃၼႃႈလိၼ်ၵုမ်းၵမ်ၼႂ်းၸႄႈဝဵင်းၼမ်ႉတူႈၸိူဝ်းၼႆႉ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ