Thursday, July 18, 2024

တႆးႁွတ်ႈမိူင်းထႆး ၶဝ်ႈႁူမ်ႈပၢင်ယေႃးမုၼ် ဝၼ်းၵိူတ်ႇၼၢင်းႁေႃၶမ်းထႆး

Must read

တႆးႁွတ်ႈမိူင်းထႆး ၸိူဝ်းယူႇၵဵင်းမႆႇ၊ မိူင်းၵွၵ်ႇ၊ ၵဵင်းႁၢႆး ၊ မႄႈႁွင်ႈသွၼ်ၸိူဝ်းၼႆႉ ၶဝ်ႈႁူမ်ႈပၢင်ယုၵ်ႉယွင်ႈဝၼ်းၵိူတ်ႇ ၼၢင်းႁေႃၶမ်းထႆး ၽွင်းဢႃယုၸဝ်ႈၼၢင်းၶွပ်ႈတဵမ် 86 ပီ။

ၾၢင်ႁၢင်ႈပီႈၼွင်ႉတႆး ၼႂ်းမိူင်းၵွၵ်ႇ ၶဝ်ႈႁူမ်ႈဝၼ်းမႄႈ Photo – Tai community online

ဝၼ်းတီႈ 12/08/2018 ပဵၼ်ဝၼ်းၵိူတ်ႇၼၢင်းႁေႃၶမ်းထႆး သူမ်ႊၻဵတ်ႊၽရႃႊၼၢင်းၸဝ်ႈသီႊရီႊၵိတ်ႊ ၽရႃႊပ  ရူမ်ႊမရႃႊၶျီႊၼီႊၼၢတ်ႊ ဢႃယုၸဝ်ႈၶွပ်ႈတဵမ် 86 ပီ ဢၼ်ၵူၼ်းမိူင်းထႆးဝႃႈဝၼ်းမႄႈ။ ၼႂ်းဝၼ်းၼၼ်ႉပီႈၼွင်ႉတႆးၸိူဝ်းႁွတ်ႈၽႅဝ် မိူင်းၵွၵ်ႇ၊ ၵဵင်းမႆႇ၊ ၵဵင်းႁၢႆး၊ မႄႈႁွင်ႈသွၼ် ၸိူဝ်းၼႆႉၵေႃႈၶဝ်ႈႁူမ်ႈပၢင်ၵႅဝ်ႈၸွမ်း ။

- Subscription -

ၼၢင်းၶမ်းဢိင်ႇ ႁႅင်းၵၢၼ်တႆးဢၼ်ႁွတ်ႈၵဵင်းမႆႇ လၢတ်ႈဝႃႈ – “ ႁဝ်းၶႃႈပီႈၼွင်ႉတႆး မႃးယူႇသဝ်း ႁႃၵိၼ်လဵင်ႉတွင်ႉ ၼႂ်းမိူင်းထႆးၼႆႉ ပေႃးထိုင်မႃးဝၼ်းပေႃႈဝၼ်းမႄႈၼႆ ႁဝ်းၶႃႈလီႁူမ်ႈၵၼ်သေ ၶဝ်ႈႁူမ်ႈၼမ်ၼမ် ပိူဝ်ႈၼႄၾၢင်ႁၢင်ႈလွင်ႈဝႃႈႁဝ်းၶႃႈၵေႃႈ ယုမ်ႇယမ်ၼပ်ႉထိုဝ် ဢမ်ႇလိုမ်းၵုင်ႇမုၼ်ဢၼ်ႁဝ်းၶႃႈလႆႈမႃးပိုင်ႈႁူမ်ႈၽူၺ်း ” ဝႃႈၼႆ။

သူမ်ႊၻဵတ်ႊၽရႃႊၼၢင်းၸဝ်ႈ သီႊရီႊၵိတ်ႊ ၽရႃႊပရူမ်ႊမရႃႊၶျီႊၼီႊၼၢတ်ႊၼႆႉ ၵိူတ်ႇမိူဝ်ႈဝၼ်းတီႈ 12/08/ 1932 ႁူမ်ႈၽၢၵ်ႈတင်း ၸဝ်ႈမုၼ်ယႂ်ႇၶုၼ်ႁေႃၶမ်းထႆးတူၼ်ထူၼ်ႈ 9 ။ ပဵၼ်မႄႈၸဝ်ႈ မုၼ်ယႂ်ႇၶုၼ်ႁေႃၶမ်းထႆး တူၼ်ထူၼ်ႈ 10 ။ ပေႃးထိုင်မႃးဝၼ်းၵိူတ်ႇမၼ်းၸဝ်ႈၼႆ ၶႃႈႁၢပ်ႇၵၢၼ်ၶုၼ်လူင်ပွင်ၸိုင်ႈမိူင်းထႆးလႄႈ ၵူၼ်းဝၢၼ်ႈ ၵူၼ်းမိူင်း ၼႂ်းမိူင်းထႆး ၸတ်းႁဵတ်းပၢင်ယုၵ်ႉယွင်ႈဝၼ်းၵိူတ်ႇမၼ်းၸဝ်ႈ ပီႈၼွင်ႉတႆးၸိူဝ်းႁွတ်ႈၽႅဝ်ၼႂ်းမိူင်းထႆး   တင်းၼမ်ၵေႃႈ ၶဝ်ႈႁူမ်ႈၵူႈပီ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း