Tuesday, March 19, 2024

ၽူႈတႅၼ်းတင်းၵူၼ်းမိူင်းသီႇပေႃႉ ႁူမ်ႈၵၼ်သၢၼ်ၶတ်းၾၢႆၼမ်ႉတူႈ

Must read

ၽူႈတႅၼ်းသၽႃး ၼႂ်းၸႄႈဝဵင်းၵျွၵ်ႉမႄး၊ သီႇပေႃႉ၊ ၼမ်ႉတူႈ၊ လႃႈသဵဝ်ႈ၊ သႅၼ်ဝီ တင်း ၵူၼ်းၼႂ်းပိုၼ်ႉတီႈ လႆႈၸႂ်ၵၼ်ဝႃႈ တိုၼ်းတေသၢၼ်မိုဝ်းၵၼ်သေ သၢၼ်ၶတ်း ၶူင်းၵၢၼ် ဢၼ်တေၵေႃႇတႅၼ်ႈ ႁဵတ်းၾၢႆ ၼိူဝ်ၵေးၼမ်ႉတူႈ။

ၼိူဝ်ၵေးၼမ်ႉတူႈၼႆႉ လူင်ပွင်ၸိုင်ႈ တင်း ၶွမ်ႊပၼီႊၼွၵ်ႈမိူင်း ႁူမ်ႈၵၼ်သေ ၽႅၼ်ၵၢၼ်ၵေႃႇသၢင်ႈၾၢႆ ဢမ်ႇယွမ်း 5 တီႈ

ၼိူဝ်ၵေးၼမ်ႉတူႈၼႆႉ လူင်ပွင်ၸိုင်ႈ တင်း ၶွမ်ႊပၼီႊၼွၵ်ႈမိူင်း ႁူမ်ႈၵၼ်သေ ၽႅၼ်ၵၢၼ်ၵေႃႇသၢင်ႈၾၢႆ ဢမ်ႇယွမ်း 5 တီႈ။ ဢၼ်ႁဵတ်းယဝ်ႉၵႂႃႇတႄႉ ၼႂ်းတိူင်းတႃႈလိူဝ်ႇတီႈၼိုင်ႈ။ ဢၼ်တိုၵ်ႉသိုပ်ႇႁဵတ်းယူႇ ယၢမ်းလဵဝ် မီးယူႇ ၼႂ်းမိူင်းတႆး 4 တီႈ။ ဢၼ်ၵေႃႇသၢင်ႈဝႆႉၼႂ်းၸႄႈဝဵင်းၼွင်ၶဵဝ် ၸမ်တေယဝ်ႉ၊ ဢၼ် တိုၵ်ႉ ႁဵတ်းယူႇ သမ်ႉၾၢႆတႃႈလူင်၊ ၾၢႆလီလု – တႃႈတေႈ ။

- Subscription -

ၽူႈတႅၼ်းသၽႃးၶဵတ်ႇၸိူဝ်ႉၸၢတ်ႈ ၶဵတ်ႇလိူၵ်ႈတင်ႈမၢႆ 3 ၼႂ်းၸိုင်ႈတႆး ပွတ်းႁွင်ႇ ၸၢႆးဝၼ်းလႅင်းၶမ်း လၢတ်ႈဝႃႈ –  ပေႃးႁဝ်းၶႃႈ ဢမ်ႇၸွႆႈၵၼ်ၵႅတ်ႇၶႄမႄႈၼမ်ႉ၊  သၢၼ်ၶတ်းၾၢႆတႃႈလူင်ၼႆႉသေ ပိူၼ်ႈႁဵတ်းလႆႈသၢင်ႈလႆႈ ယဝ်ႉတူဝ်ႈၵႂႃႇၸိုင် ပိူၼ်ႈတိုၼ်းတေႁဵတ်းသၢင်ႈၵႂႃႇတိၵ်းတိၵ်း ။ ပေႃးပိူၼ်ႈသၢင်ႈတိၵ်းတိၵ်းၼႆ ၼႂ်းၵေးၼမ်ႉတူႈလူင်ၼႆႉတေပဵၼ်ၾၢႆၵႂႃႇပႅတ်ႈမူတ်း။ ဢၼ်ၸိူဝ်းယူႇၸွမ်းသၢပ်ႇၼမ်ႉတူႈတိုၼ်းတေလႆႈတုမ်ႉတိူဝ်ႉ။ ပေႃးၶဝ်သၢင်ႈယဝ်ႉၼႆ ၼမ်ႉၼႆႉတေၸၢင်ႈထိုင်သီႇပေႃႉ။ ပေႃးၼမ်ႉၼမ် ၾူၼ်တူၵ်းႁႅင်း ၼမ်ႉတေထူမ်ႈ။ ၾၢႆၼႆႉမၼ်းယူႇတၢင်းၼိူဝ်ၵျွၵ်ႉမႄး။ ပေႃးၾၢႆလၼ်ႇၼႆ တေၸၢင်ႈထူမ်ႈၼမ်။ ထုၵ်ႇလီဢဝ်တွၼ်ႈသွၼ်ဢၼ်ပဵၼ်ၵႂႃႇတီႈမိူင်းလၢဝ်းၼၼ်ႉ – ဝႃႈၼႆ။

ၶူင်းၵၢၼ် ၾၢႆတႃႈလူင် ၊ ၾၢႆလီလု – တႃႈတေႈ ၼႆႉၼမ်ႉတေထူမ်ႈ သူၼ်၊ ႁႆႈ၊  တင်းၼႃး ၵူၼ်းဝၢၼ်ႈ၊ ထိူၼ်ၶိူဝ်းၽိူဝ်မႆႉ ဝတ်ႉဝႃးၽႃသိူဝ် ၊ မူႇဝၢၼ်ႈၵူၼ်းမိူင်း ဢၼ်ပူၵ်းပၵ်းမႃး ၼပ်ႉႁူဝ်ပၢၵ်ႇ ပီ ၸိူဝ်းၼႆႉ တေ ထိုင်ၵႂႃႇတႂ်ႈၼမ်ႉ – တူၺ်းၾၢႆ ဝၢၼ်ႈပိူၼ်ႈမိူင်းပိူၼ်ႈ ၵူၼ်ႇပင်း ၸိူဝ်းၼႆႉ လီၵူဝ်တႄႉ ဝႃႈၼႆ။

ဝၼ်းတီႈ 08/08/2018 ပူၼ်ႉမႃးၼၼ်ႉ ၸုမ်းတူင်ႉၼိုင်တူင်ႇဝူင်းၵူၼ်း 11 ၸုမ်း၊ ပႃႇတီႇၵၢၼ်မိူင်း လၢႆလၢႆဢၼ် တင်းၵူၼ်းမိူင်း 17 ဝၢၼ်ႈ ႁူမ်ႈၸတ်းပၢင်ပၼ်ပိုၼ်ႉႁူႉ တီႈပွၵ်ႉၵျွင်းၶမ်း ၸႄႈဝဵင်းသီႇပေႃႉ ၸိုင်ႈတႆးပွတ်းႁွင်ႇသေ ဢွၵ်ႇၶေႃႈပိုၼ်ၽၢဝ်ႇ သၢၼ်ၶတ်း ႁႂ်ႈၵိုတ်းယင်ႉ လွင်ႈႁဵတ်းသၢင်ႈၾၢႆၼိူဝ်ၵေးၼမ်ႉတူႈ  သဵင်ႈသဵင်ႈ ဝႃႈၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း