လုၵ်ႈႁဵၼ်းတႆး ၸိူဝ်းမႃးၶိုၼ်ႈႁဵၼ်း ၸၼ်ႉၸွမ် ဝဵင်းလူင်တူၼ်ႈတီး ႁူမ်ႈၵၼ် ၸတ်းႁဵတ်း ပွႆးသွၼ်းၼမ်ႉ တီႈႁူင်းႁေႃၵေႃလိၵ်ႈလၢႆးတႆး ဝဵင်းတူၼ်ႈတီးသေ သူင်ႇသင်ႇယင်ႉလိုဝ်ႈၵၢၼ်ႁဵၼ်း ပီ 2018 ။ ဝၼ်းတီႈ 11/03/2018 ယၢမ်းဝၢႆးဝၼ်း 3:30 ထိုင် 5:30 မူင်းႁူဝ်ၶမ်ႈ ၸၼ်ႉၸွမ်တင်းလူင် ဝဵင်းတူၼ်ႈတီး ဢွၼ် ႁူဝ်ၼမ်းၼႃႈ လုၵ်ႈႁဵၼ်းတႆး...

ၸုမ်းတူင်ႉၼိုင်တူင်ႇဝူင်းတႆး ၼႂ်းၵဵင်းမႆႇ လၢႆမူႇၸုမ်း ၶွတ်ႇၽွတ်ႈၵေႃႇတင်ႈၶိုၼ်ႈမႃး ၵေႃႁူမ်ႈသၢင်ႈၸိူဝ်ႉၸၢတ်ႈတႆး သေ ႁူမ်ႈၵၼ် ပိုၼ်ၽၢဝ်ႇ ပဵၼ်တၢင်းၵၢၼ် တီႈၵဵင်းမႆႇ ၸိုင်ႈထႆး ယိူင်းဢၢၼ်း ပိူဝ်ႈတႃႇလွင်ႈၽွမ်ႉႁူမ်ႈ ဝႃႈၼႆ။ ဝၼ်းတီႈ 11/03/2018 ယၢမ်းၵၢင်ၼႂ် 9 မူင်း ထိုင် 3 မူင်း ဝၢႆးဝၼ်းၼၼ်ႉ ၵေႃလိၵ်ႈလၢႆးလႄႈ ၾိင်ႈငႄႈတႆး...

ၶွမ်ႊပၼီႊ ၸဝ်ႈငိုၼ်းသႃး ၵူၼ်းႁဵတ်းၵၢၼ်ပၢႆးမၢၵ်ႈမီးမိူင်းၶႄႇ မွၵ်ႈ 50 ပၢႆ ႁူၺ်းသူၼ်းပီႈၼွင်ႉၵူၼ်းမိူင်း ၼမ်ႉၶမ်း တႃႇတေမႃးႁဵတ်းၵၢၼ်ပၢႆးမၢၵ်ႈမီး ၸွမ်းသၢပ်ႇၼမ်ႉမၢဝ်း။ ၵူၼ်းမိူင်းၼမ်ႉၶမ်း ဢမ်ႇလႆႈၸႂ်။ မိူဝ်ႈဝၼ်းတီႈ 06/03/2018 ၼၼ်ႉ ၶွမ်ႊပၼီႊ Gold Gaday လႄႈၵူၼ်းမိူင်းၶႄႇမွၵ်ႈ 50 ၵေႃႉ မႃးႁဵတ်းပၢင်ၵုမ်ပၢင်သပ်းလႅင်း တီႈလုမ်းပွင်ၵၢၼ်ၵူႈလွင်ႈလွင်ႈၸႄႈဝဵင်း၊ ဝဵင်းၼမ်ႉၶမ်းသေ လၢတ်ႈၼႄလွင်ႈ...

ဝၼ်းတီႈ 09/03/2018 ၶၼ်လႅၵ်ႈငိုၼ်း ၼႂ်းဝၼ်းမိူဝ်ႈၼႆႉ ငိုၼ်းထႆး 1 ဝၢတ်ႇ = 42.11 ပျႃး၊ ငိုၼ်းတေႃႊလိူဝ်ႊ(US) 1 တေႃႊလိူဝ်ႊ = 1336 ပျႃး၊ ငိုၼ်းၶႄႇ 1 ယႅၼ်ႉ = 210.69 ပျႃး (ၶၼ်လႅၵ်ႈငိုၼ်း လုမ်ႈၾႃႉ)။ ၶၢဝ်ႇမျၢၼ်ႇမႃႉဢလိၼ်း...

ၵူၼ်းမိူင်း ဝူင်ႈၵၢင်ၼမ်ႉၶမ်း - မၢၼ်ႈမေႃႇ ထုင်ႉလွႆႁူဝ်သိူဝ် ႁူမ်ႈၵၼ်ၵေႃႇသၢင်ႈ ႁူင်းႁဵၼ်းၸၼ်ႉဢွၼ်ဢမ်ႇၼၼ် ႁူင်းႁဵၼ်းၸိူဝ်ႉၸၢတ်ႈ 2 လင် ဝႃႈၼႆ။ တႄႇဢဝ် ႁၢင်လိူၼ်ၵျႅၼ်ႊၼိဝ်ႊရီႊ ပီ 2018 ၼႆႉမႃး ၶွမ်ႊမတီႊ ႁူင်းႁဵၼ်းၸၼ်ႉဢွၼ်တႆး ထုင်ႉလွႆႁူဝ်သိူဝ် ဢွၼ်ႁူဝ် ပီႈၼွင်ႉၵူၼ်းမိူင်း ၵေႃႇသၢင်ႈႁူင်းႁဵၼ်းၸၼ်ႉဢွၼ်တႆး တီႈဝၢၼ်ႈၼမ်ႉႁီး တင်း မၢၼ်ႈဝဵင်း...

ဝၼ်းတွပ်ႇလိၵ်ႈၸၼ်ႉသိပ်း ဝၼ်းထူၼ်ႈသွင် ၽႃသႃဢင်းၵိတ်း လုၵ်ႈႁဵၼ်းၼႂ်းမိူင်းတႆး 3,000 ၵေႃႉပၢႆ ၶၢတ်ႇႁၢႆဢမ်ႇမႃးတွပ်ႇလိၵ်ႈ ဝႃႈၼႆ။ ဝၼ်းတီႈ 08/03/2018 ယၢမ်းၵၢင်ၼႂ် 9 မူင်း ထိုင် 12 မူင်း မိူင်းႁူမ်ႈတုမ်ပတ်းပိုၼ်ႉၸတ်းပၢင်တွပ်ႇလိၵ်ႈ ၸၼ်ႉသိပ်း ပီ 2017-2018 ပဵၼ်ဝၼ်းထူၼ်ႈသွင် “ဝၼ်းတွပ်ႇလိၵ်ႈၽႃသႃဢင်းၵိတ်း လုၵ်ႈႁဵၼ်းၼႂ်း မိူင်းတႆးပတ်းပိုၼ်ႉ ဢမ်ႇၶဝ်ႈပၢင်တွပ်ႇလိၵ်ႈၽႃသႃဢင်းၵိတ်း...

ၽူႈၸၢႆးၵေႃႉၼိုင်ႈ ယူႇၼႂ်းဢိူင်ႇမိူင်းလၢပ်ႈ ၸႄႈဝဵင်းၵဵင်းတုင် ဢဝ်ၵွင်ႈသတ်ႉယၢမ်းယဵတ်ႈသႂ်ႇပၢၵ်ႇသေ ယိုဝ်း တူဝ်ၸဝ်ႈၵဝ်ႇတၢႆ ထင်တီႈ။ ဝၼ်းတီႈ 07/03/2018 ယၢမ်းဝၢႆးဝၼ်း မွၵ်ႈ 4 မူင်း ၸၢႆးယီႈၼူၼ်း ၽူႈၵွၼ်းဢိူင်ႇမိူင်းလၢပ်ႈ ၵပ်းၾူၼ်းၸူးတီႈႁူင်း ပလိၵ်ႈ ၸႄႈဝဵင်းၵဵင်းတုင် ပွင်ႇၶၢဝ်ႇထိုင်ပလိၵ်ႈ လွင်ႈၵူၼ်းမိူင်း ၵေႃႉၼိုင်ႈ ၼႂ်းဝၢၼ်ႈပႃႇသႃ (ဝၢၼ်ႈလႃးႁူႇ) ၼႂ်းဢိူင်ႇ မိူင်းလၢပ်ႈ...

ၽူႈၸၢႆးၵေႃႉၼိုင်ႈ ဢႃယု 24 လၵ်ႉဢဝ်ဢွၼ်ႇယိင်း ဢႃယု 13 ၶူပ်ႇ ၵေႃႉၼိုင်ႈ ၵႂႃႇယူႇၸွမ်းပဵၼ်ၽူဝ်ပဵၼ်မေးသေ ဢမ်ႇႁပ်ႉဢဝ်ပုၼ်ႈၽွၼ်းလႄႈ ၺႃးၾၢႆႇပေႃႈမႄႈၼၢင်းယိင်းၸႅင်ႈၵႂၢမ်းတီႈႁူင်းပလိၵ်ႈၵဵင်းတုင်။ ဝၼ်းတီႈ 06/03/2018 ယၢမ်းၵၢင်ၶမ်ႈ 6 မူင်း ဢွၼ်ႇယိင်း ၵေႃႉၼိုင်ႈ ယူႇဝၢၼ်ႈမႆႉႁုင်း ဢိူင်ႇမိူင်းပၼ်ႇ ၸႄႈဝဵင်း ၵဵင်းတုင် ၺႃးၽူႈၸၢႆး ဢႃယု 24...

ငဝ်ႈငုၼ်း တပ်ႉသိုၵ်းဝႃႉ 171 ဢၼ်ပၵ်းဝႆႉ ၼႂ်းၸိုင်ႈတႆး ပွတ်းဢွၵ်ႇၶူင်း ၸတ်းႁဵတ်းပၢင်ၵူပ်ႉၵူႈ ပၼ်ၽူႈမီးၸၼ်ႉလႄႈ ၵေႃႉသိုၵ်းႁၢၼ် တႃႇ 112 ၵူႈ တီႈငဝ်ႈငုၼ်းတပ်ႉသိုၵ်း 171 ႁူၺ်ႈဢေႃႈ ဝႃႈၼႆ။ ဝၼ်းတီႈ 08/03/2018 ငဝ်ႈငုၼ်းတပ်ႉသိုၵ်းဝႃႉ 171 ဢၼ်ပၵ်းဝႆႉ တီႈဝၢၼ်ႈႁူၺ်ႈဢေႃႈ ၵိင်ႇၸႄႈဝဵင်း ပုင်ႇပႃႇၶႅမ်ၼၼ်ႉ ၸတ်းႁဵတ်း...

ၾၢႆႇယေးငိုၼ်းမိူင်းထႆး ပိုၼ်ၽႄႈဢွၵ်ႇၾၢင်ႁၢင်ႈငိုၼ်းဝႂ်မႂ်ႇ၊ ၸဝ်ႈမုၼ်ယႂ်ႇၶုၼ်ႁေႃၶမ်း တူၼ်ထူၼ်ႈ 10 ။ ၼႂ်းငိုၼ်းဝႂ်မႂ်ႇၸိူဝ်းၼႆႉ မီးလွင်ႈထုၵ်ႇလီႁူႉဝႆႉလၢႆၸိူဝ်ႉလၢႆပိူင်- ၶၢဝ်ႇထႆးရတ်ႉဢွၼ်ႊလၢႆႊဢွၵ်ႇၵႂႃႇ ၼင်ႇၼႆ။ ငိုၼ်းဝႂ်မႂ်ႇၸိူဝ်းၼႆႉ မီးဝႂ်ၵႃႈၶၼ်မိူၼ်ၼင်ႇ 20 ဝၢတ်ႇ၊ 50 ဝၢတ်ႇလႄႈ 100 ဝၢတ်ႇ၊ ငိုၼ်းၸိူဝ်းၼႆႉ တေဢဝ်ဢွၵ်ႇၸႂ်ႉႁူဝ်တီးၼႂ်းဝၼ်းတီႈ 6 လိူၼ်ဢေႊပရိူဝ်ႊ 2018 ၼႆႉ။...

ၸုမ်းၵူၼ်းၼုမ်ႇမိူင်းယူႉ ႁူပ်ႉဢုပ်ႇႁူဝ်ၼႃႈပွၵ်ႉယွမ်ႇ၊ ဝၢၼ်ႈ ၊ ဢိူင်ႇသေ တုၵ်းယွၼ်းႁႂ်ႈၵိုတ်းပၢင်လွင်းလႄႈ ၵႄႈ လိတ်ႈပၼ်ႁႃယႃႈမဝ်းၵမ်။ ဝၼ်းတီႈ 08/03/2018 ၸုမ်းၵူၼ်းၼုမ်ႇလႄႈ ၽူႈယႂ်ႇၵူၼ်းလူင် ၸုမ်းပွင်ၵၢၼ်ဢိူင်ႇ၊ ဝၢၼ်ႈ ဢိၵ်ႇၵူၼ်းဝၢၼ်ႈ ဢဵၼ်ႁႅင်း 470 ၵေႃႉ ႁူပ်ႉထူပ်းဢုပ်ႇဢူဝ်းၵၼ် တႃႇသၢၼ်ၶတ်း ယႃႈမဝ်းၵမ်လႄႈ ပၢင်တေႃႇပၢင်လွင်း ၸတ်း    ႁဵတ်းတီႈ...

မၢႆမီႈမႂ်ႇ ၵဵဝ်ႇလူၺ်ႈႁႅင်းၵၢၼ်မိူင်းထႆး တေလူတ်းယွမ်းပၼ်တူတ်ႈတၢမ်ႇလႄႈ ၵမ်ႉထႅမ်ပၼ်လွင်ႈငၢႆႈလူမ် ပုၼ်ႈတႃႇၼၢႆးၸၢင်ႈလႄႈ ႁႅင်းၵၢၼ်ယၢၼ်မိူင်း ဢၼ်ထုၵ်ႇမႅၼ်ႈမၢႆမီႈ။ ၶၢဝ်ႇငဝ်းႁၢင်ႈသဵင်မိူင်းထႆး ၶျွင်ႉ 3 ဢွၵ်ႇၵႂႃႇမိူဝ်ႈဝၼ်းတီႈ 07/03/2018 ၼၼ်ႉဝႃႈ- မၢႆမီႈယုၵ်းယၢင်ႇ ၵဵဝ်ႇၵပ်းႁႅင်းၵၢၼ်ယၢၼ်မိူင်း ဢၼ်မူၼ်ႉမႄးၵႄႈၶႆမႂ်ႇၼႆႉ ပိူင်လူင်မၼ်း- 1.လွင်ႈၶၢႆႉၵၢၼ်ငၢၼ်း၊ ၶၢႆႉပိုၼ်ႉတီႈတီႈႁဵတ်းၵၢၼ် ၸိူဝ်းၼႆႉ ဢမ်ႇတၢပ်ႈယွၼ်းဢၼုၺၢတ်ႈ(ၶႂၢင်ႉ) မိူၼ်မိူဝ်ႈၵွၼ်ႇ၊ ဢဝ်ၽိုၼ်မိူၼ်လိၵ်ႈလၢႆး/ဝတ်းဝႂ် ၸႅင်ႈလၢတ်ႈၸဝ်ႈၼႃႈတီႈႁူႉၸွမ်းၵူၺ်းၵေႃႈလႆႈယဝ်ႉ။ 2.ႁႅင်းၵၢၼ်ယၢၼ်မိူင်းၶဝ် (မိူဝ်ႈၵွၼ်ႇပူၼ်ႉမႃး ဢၼ်လႆႈယူႇသဝ်းၼႂ်းပိုၼ်ႉတီႈဢၼ်ႁဵတ်းၵၢၼ်...

ဝၼ်းတီႈ 08/03/2018 ၶၼ်လႅၵ်ႈငိုၼ်း ၼႂ်းဝၼ်းမိူဝ်ႈၼႆႉ ငိုၼ်းထႆး 1 ဝၢတ်ႇ = 42.59 ပျႃး၊ ငိုၼ်းတေႃႊလိူဝ်ႊ(US) 1 တေႃႊလိူဝ်ႊ = 1336 ပျႃး၊ ငိုၼ်းၶႄႇ 1 ယႅၼ်ႉ = 211.18 ပျႃး (ၶၼ်လႅၵ်ႈငိုၼ်း လုမ်ႈၾႃႉ)။ ၶၢဝ်ႇမျၢၼ်ႇမႃႉဢလိၼ်း...

ၵူၼ်းဝၢၼ်ႈတႃႈလူင် ၸႄႈဝဵင်းသီႇပေႃႉ ဢဵၼ်ႁႅင်း 650 ၵေႃႉ ဢွၼ်ၵၼ်သၢၼ်ၶတ်းပၢင်ႁူပ်ႉထူပ်း ၵူၼ်းမိူင်း ဢၼ် ၸုမ်းသၽႃဝမၢၼ်ႈ တေႁူပ်ႉထူပ်းၵူၼ်းမိူင်းသေ ၶိုင်သၢင်ႈၾၢႆၼိူဝ်မႄႈၼမ်ႉတူႈ ဢၼ်တေႁဵတ်းႁႂ်ႈၼမ်ႉ လုပ်ႇထူမ်ႈ ဝၢၼ်ႈတႃႈလူင်။ ဝၼ်းတီႈ 08/03/2018 ယၢမ်းၵၢင်ၼႂ် 9 မူင်း ၸုမ်းသၽႃဝမၢၼ်ႈ Myanmar Environment Institute (MEI) ၸတ်းႁဵတ်းပၢင်ႁူပ်ႉထူပ်းၵူၼ်းမိူင်း...

ပီၼႆႉ ၼႂ်းမိူင်းတႆးပတ်းပိုၼ်ႉ လုၵ်ႈႁဵၼ်းဢၼ်ပၼ်သဵၼ်ႈသၢႆမၢႆ ၶဝ်ႈတွပ်ႇၸၼ်ႉသိပ်း မီး 5 မိုၼ်ႇ 5 ႁဵင်ၵေႃႉပၢႆ ၽွင်းလူင်ၾၢႆႇတူင်ႇဝူင်းၵူၼ်း ၼႂ်းလူင်ပွင်ၸိုင်ႈမိူင်းတႆးလၢတ်ႈ။ တႄႇဢဝ် ဝၼ်းတီႈ 07-16/03/2018 ယၢမ်းၵၢင်ၼႂ် 9 မူင်း ထိုင် 12 မူင်းၵၢင်ဝၼ်း မိူင်းႁူမ်ႈတုမ်ပတ်းပိုၼ်ႉၸတ်း ပၢင်တွပ်ႇလိၵ်ႈၸၼ်ႉသိပ်း ပီ 2017-2018 ၼႂ်းမိူင်းတႆးပတ်းပိုၼ်ႉ...