ႁွင်ႈၵၢၼ်ၾၢႆႇတပ်ႉသိုၵ်းလူင်ပွင်ၸိုင်ႈမၢၼ်ႈ ပိုၼ်ၽၢဝ်ႇ ဢွၵ်ႇပဵၼ်တၢင်းၵၢၼ်ဝႃႈ တီႉလႆႈၶိူင်ႈတူမ်ႈႁုင် ယႃႈမဝ်းၵမ် တင်းၼမ်လၢႆ ၼႂ်းၸႄႈဝဵင်းၵူတ်ႉၶၢႆ ဝႃႈၼႆ။
ဝၼ်းတီႈ 23/08/2018 ယၢမ်းႁူဝ်ၶမ်ႈမွၵ်ႈ 5:30 မူင်းၼၼ်ႉ ၾၢႆႇလူမ်ႇႁူမ်ႈတပ်ႉသိုၵ်းလူင်ပွင်ၸိုင်ႈမၢၼ်ႈ လႆႈၶဝ်ႈ ၵူတ်ႇထတ်း ၼႂ်းသုမ်ႉ/သွင်း 5 လင် ဢၼ်မီးႁိမ်းၾၢႆႇဢွၵ်ႇဝၢၼ်ႈၵွင်းၶႃႈ ၸႄႈဝဵင်းၵူတ်ႉၶၢႆ ၸႄႈတွၼ်ႈမူႇၸေႊ ၸိုင်ႈ တႆးပွတ်းႁွင်ႇ ၵူတ်ႇထတ်းတီႉလႆႈ ၶိူင်ႈတူမ်ႈႁုင်ယႃႈမဝ်းၵမ် တင်းၼမ်လၢႆ ဝႃႈၼႆ။
ၶိူင်ႈၶူဝ်းၶွင် ဢၼ်တီႉၺွပ်းလႆႈၼၼ်ႉ မိူၼ်ၼင်ႇ ပုင်းၼမ်ႉမၼ်း/ တီႇပႃႇ၊ ပုင်းၼမ်ႉ၊ လွတ်ႇၼမ်ႉ၊ ၶိူင်ႈလေႃးဢႅၵ်ႉ သိတ်ႊ၊ ၶိူင်ႈၾႆးၾႃႉ၊ ၶိူင်ႈၸၢၵ်ႈၾႆးၾႃႉ၊ ဢႅပ်ႇယႃႈယႃ၊ ဢၢင်ႇ လႄႈၽႃႈယၢင် ၸိူဝ်းၼႆႉ ဝႃႈၼႆ။
ၵဵဝ်ႇၵပ်းလွင်ႈၼႆႉ ယူႇတီႈတပ်ႉသိုၵ်းလူင်ပွင်ၸိုင်ႈမၢၼ်ႈ ဢၼ်တီႉၺွပ်းလႆႈ ၶိူင်ႈတူမ်ႈႁုင် ယႃႈမဝ်းၵမ်ၼႆႉ လႆႈမွပ်ႈ ဢၢပ်ႈပၼ်တၢင်းၾၢႆႇၸဝ်ႈၼႃႈတီႈမၢၼ်ႈ ၼႂ်းၸႄႈဝဵင်းၵူတ်ႉၶၢႆ ပိုတ်ႇဢမူႉ/ၶၻီႊၵႂႃႇ ဝႃႈၼႆ။
စာတ်ပုံ – တပ်မတော်ကာကွယ်ရေးဦးစီးချူပ်ရုံး