ၸဝ်ႈၼႃႈတီႈပလိၵ်ႈ လူင်ပွင်ၸိုင်ႈမၢၼ်ႈ ၵူတ်ႇထတ်းတီႉၺွပ်းလႆႈ ၵူၼ်းထႆး 4 ၵေႃႉ ၼႂ်းၸႄႈ ဝဵင်းတႃႈၶီႈလဵၵ်း ယိုတ်းလႆႈၵွင်ႈလႄႈ ယႃႈမဝ်းၵမ်။
ဝၼ်းတီႈ 18/08/2018 ပလိၵ်ႈလူင်ပွင်ၸိုင်ႈမၢၼ်ႈ ဝဵင်းတႃႈၶီႈလဵၵ်း တီႉၺွပ်းၸၢဝ်းထႆး 4 ၵေႃႉ တီႈပွၵ်ႉမႄႈၶၢဝ် ၸႄႈတွၼ်ႈတႃႈၶီႈလဵၵ်း ၸိုင်ႈတႆးပွတ်းဢွၵ်ႇ။ ယိုတ်းလႆႈ ယႃႈမႃႉ 80 မဵတ်ႉ ယႃႈဢႆႉသ် 50 ၵရမ်ႊ လႄႈၵွင်ႈပွတ်း 2 လဝ်း ၼႆယဝ်ႉ။
ၵူၼ်းတႃႈၶီႈလဵၵ်း လၢတ်ႈၼႄတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ – “ မိူဝ်ႈလဵဝ်ၼႂ်းဝဵင်းတႃႈၶီႈလဵၵ်းၼႆႉၵူၼ်း ၵိုၼ်းမႃးလႄႈ ပီႈၼွင်ႉၵူၼ်းထႆးဢွၼ်ၵၼ်မႃးႁဵတ်း ၵၢၼ်ၼႂ်းဝဵင်းတႃႈၶီႈလဵၵ်း ၼမ်မႃးၶႃႈဢေႃႈ မၢင်ၸိူဝ်းၵေႃႈၶဝ်ႈမိူင်းမႃးထုၵ်ႇမႅၼ်ႈၸွမ်းၼင်ႇမၢႆမီႈ မၢင်ၸိူဝ်းလၵ်ႉ ၶဝ်ႈမိူင်းမႃးၵေႃႈမီး မၢင်ၸိူဝ်း ပၢႆႈတၢင်းၽိတ်းသေမႃးၵေႃႈမီး” ဝႃႈၼႆ။
သိုဝ်ႇၶၢဝ်ႇထႆး 77 Kaoded ပိုၼ်ၽၢဝ်ႇဝႃႈ ဢၼ်ၵႂႃႇၸူၼ်ႁၢၼ်ႉၶမ်းမိူဝ်ႈဝၼ်းတီႈ 18/08/2018 ပူၼ်ႉမႃးၼၼ်ႉၵေႃႈ ပဵၼ်ၶဝ် 4 ၵေႃႉၼႆႉၼႆယဝ်ႉ။
