ပလိၵ်ႈထႆး ပိုၼ်ၽၢဝ်ႇဢွၵ်ႇပဵၼ်တၢင်းၵၢၼ် တီႉလႆႈယႃႈမႃႉ 14 လၢၼ်ႉမဵတ်ႉ တီႈၸႄႈဝဵင်းဢယုတ်ႉထယႃး မိူင်းထႆး ၼၼ်ႉ ၾၢႆႇထႆးၼႄးဝႃႈ ပဵၼ်ၶွင်ၸုမ်းဝႃႉ ဢၼ်ယူႇလႅၼ်လိၼ်တႆး – ထႆး။
မိူဝ်ႈဝၼ်းတီႈ 21/08/2018 (ဝၼ်းဢင်းၵၢၼ်း) ၼၼ်ႉ ပလိၵ်ႈထႆး တီႉလႆႈယႃႈမႃႉ 14 လၢၼ်ႉမဵတ်ႉပၢႆ (တူၵ်းမႅၼ်ႈ ၶၼ်ငိုၼ်းၻေႃႇလႃႇ 45 လၢၼ်ႉပၢႆ) တီႈၸႄႈ ဝဵင်းဢယုတ်ႉထယႃး ၸိုင်ႈတႆး။ ၵူၼ်းဢၼ်လၵ်ႉတေႃႉသူင်ႇသမ်ႉ ပဵၼ် ၵူၼ်းၸၢဝ်းထႆး 3 ၵေႃႉ ယႃႈမႃႉၼႆႉ တေ ဢၢင်ႈတေႃႉသူင်ႇၵႂႃႇတၢင်းမိူင်းမလေးသျႃး ဝႃႈၼႆ။
ၸွမ်သိုၵ်း သူမ်မၢႆ ၵွင်းဝိသႆသုၵ်ႇ လၢတ်ႈဝႃႈ “ ယႃႈမႃႉၼႆႉလႆႈငိၼ်းဝႃႈ ႁဵတ်းဢွၵ်ႇတီႈၼႃႈ လိၼ်ၽွင်း ငမ်းတူဝ် ၵဝ်ႇဝႃႉ ၼႂ်းမိူင်းတႆးသေ တေဢၢင်ႈတေႃႉသူင်ႇၵႂႃႇတၢင်းမိူင်းမလေးသျႃး၊ လုၵ်ႉတီႈမိူင်းမလေးသျႃးသေ တေသိုပ်ႇ သူင်ႇၵႂႃႇထႅင်ႈ တၢင်းမိူင်းယူႊရူပ်ႊ(မိူင်းဝၼ်းတူၵ်း) ၶဝ် မိူၼ်ၼင်ႇ ဢမေႊရီႊၵၼ်ႊ၊ ဢေႃႊသတြေႊရီႊယိူဝ်ႊ၊ ၵျႃႇ ပၢၼ်ႇ၊ သိင်ႇ ၵႃႇပူဝ်ႇလႄႈ ၵူဝ်းရီႊယႃႊ ၸဵမ်ၸိူဝ်းၼႆႉ” ဝႃႈၼႆ။
ၵဵဝ်ႇၵပ်းလွင်ႈၼႆႉ ယူႇတီႈပလိၵ်ႈထႆး လႆႈၵုမ်းၶင်တူဝ် ၵူၼ်းတေႃႉသူင်ႇယႃႈမႃႉၸၢဝ်းထႆး 3 ၵေႃႉ ဝႆႉသေ ပိုတ်ႇဢမူႉ/ ၶၻီႊ ဢဝ်လိူင်ႈလၢဝ်း ၸွမ်းၼင်ႇပၵ်းပိူင်မၢႆမီႈ မိူင်းထႆးမီး ဝႃႈၼႆ။
ၶေႃႈမုလ်း – RFA
