ပေႃးငဝ်းလၢႆးဝၢၼ်ႈမိူင်းလီ လဵၵ်ႉယႂ်ႇၼုမ်ထဝ်ႈ ယိင်းၸၢႆး ထၢင်ႇႁၢင်ႈလႆႈယူႇသဝ်း ၼႂ်းၸိုင်ႈမိူင်းၽႂ်မၼ်း လူၺ်ႈဢမ်ႇမီးတၢင်းလိူတ်ႇတၢင်းမႆႈ ။ ပေႃးဝႃႈ ၸိုင်ႈမိူင်းၼိုင်ႈမိူင်း ၵတ်းယဵၼ်ႁၢမ်းၶဵၼ်ၸိုင် ၵူၼ်းတေၵိုၼ်းငိုၼ်းတေၶွၼ်ႈ တူဝ်ယၢင်ႇမၼ်းမိူၼ်ၸိုင်ႈမိူင်းႁိမ်းႁွမ်းႁဝ်း မိူင်းထႆး ၊ မိူင်းၶႄႇ ၸိူဝ်းၼႆႉ ။ ၵူၺ်းၵႃႈ ၸဵမ်မိူဝ်ႈၶၢဝ်းတၢင်းပဵၼ်ၶူဝ်ႊဝိတ်ႉလၢမ်းၽႄႈႁႅင်း ၵၢၼ်ဢႅဝ်ႇလႄႇတွင်ႊတဵဝ်ႊၸိူဝ်းၼႆႉၵေႃႈ ၶၢတ်ႇၵႂႃႇၵမ်းၼိုင်ႈ ။ လူင်ပွင်ၸိုင်ႈမိူင်းလႂ်မိူင်းၼၼ်ႉ သင်ႇပိၵ်ႉဢိုတ်းတၢင်းၶဝ်ႈဢွၵ်ႇမိူင်းၽႂ်မၼ်း ။...

ၽွင်းငဝ်းလၢႆး ဝၢၼ်ႈမိူင်းသုၵ်ႉ ဢမ်ႇၼိမ်သဝ်းၸိူင်ႉၼႆ တႃႇတေၶွၼ်ႈတုမ်တီႈလဵဝ်ၵၼ်သေ ပိုတ်ႇပၢင်သွၼ်လိၵ်ႈတႆး ၶၢဝ်းမႆႈၵႂႃႇၼႆႉ တေဢမ်ႇငၢႆႈလႄႈ ယူႇတီႈ ၽူႈႁၵ်ႉသႃမႅတ်ႇပႅင်း ၾိင်ႈငႄႈလိၵ်ႈလၢႆး သုၼ်ႇတူဝ် ၵေႃႉၼိုင်ႈသေ တေပိုတ်ႇ ပၢင်သွၼ်လိၵ်ႈတႆး တီႈႁိူၼ်းၸဝ်ႈၵဝ်ႇၵႂႃႇ ဝႃႈၼႆ။ ပေႃးထိုင်မႃး ဝၼ်းတီႈ 6/3/2024 ၼႆႉ ယူႇတီႈ လုင်းၸၢႆးၶုၼ်ထီးလႄႈ ပႃႈၼၢင်းၶမ်းလဵၵ်ႉ ပိုၼ်ၽၢဝ်ႇ တေပိုတ်ႇပၢင်...

ဝၢႆးပၢင်တိုၵ်း ယဵၼ်လူင်ယဝ်ႉ သိုၵ်းမၢၼ်ႈ ယိုတ်းမိူင်း ဢွၵ်ႇပိူင်မႃႊသျႄႊလေႃႊ တီႈဝဵင်းမိူင်းမိတ်ႈ - မၢၼ်ႈပဵင်း ႁၢမ်ႈ ၵူၼ်းမိူင်းဢွၵ်ႇၼွၵ်ႈႁိူၼ်းယေး ၽွင်ႈၵၢင်ၶမ်ႈ/ ၵၢင်ၶိုၼ်း။ ဝၼ်းတီႈ 28/2/2024 မႃးၼႆႉ သိုၵ်းမၢၼ်ႈ ယိုတ်းမိူင်း ပိုၼ်ၽၢဝ်ႇ ဢွၵ်ႇပဵၼ်တၢင်းၵၢၼ် ပိူင်ၽွင်းငမ်းသိုၵ်း မႃႊသျႄႊ လေႃႊ ၸူးၵူၼ်းမိူင်းမိတ်ႈ  - မၢၼ်ႈပဵင်း...

လူင်ပွင်ၸိုင်ႈထႆး ယေႃးမုၼ် ပၢင်းထၢတ်ႈတေႃႇ ပုတ်ႉထၽြႃးပဵၼ်ၸဝ်ႈ ၊ ထၢတ်ႈတေႃႇ ၸဝ်ႈသႃရိပုတ်ႉတရႃႇလႄႈ ၸဝ်ႈမႁႃမွၵ်ႉၵလၢၼ်ႇ ဢၼ်မီးတီႈ ၸိုင်ႈမိူင်းဢိၼ်ႊတီႊယႃႊၼၼ်ႉ မႃးမိူင်းထႆး ႁႂ်ႈၵူၼ်းမိူင်းထႆးလႆႈဝႆႈသႃ။ ၼႂ်းဝၼ်းတီႈ 5 ထိုင်ဝၼ်းတီႈ 8 လိူၼ်မၢတ်ႉၶျ်ၼႆႉ တေပၢင်းမႃးဝႆႉတီႈ ႁေႃၶမ်းလူင် သူၼ်မွၵ်ႇ ရၢတ်ႉၶျ်ၽရိူၵ်း ဢိူင်ႇမႄႈႁဵၵ်ႇ ၸႄႈဝဵင်းမိူင်း ဝဵင်းၵဵင်းမႆႇ ။...

ၸူဝ်ႈသိုၵ်းမၢၼ်ႈတင်း ပျီႇတူႉၸိတ်ႉပဢူဝ်း PNO ပိၵ်ႉသဵၼ်ႈတၢင်း မိူင်းပွၼ် - ႁူဝ်ပူင်းမႃးၼႆႉ ႁဵတ်းႁႂ်ႈၶၼ်ၼမ်ႉမၼ်း ၸိူဝ်ႉၾႆး (ၼမ်ႉမၼ်းၸၢၵ်ႈ) ပုင်ႈၶိုၼ်ႈႁႅင်း 1 လိတ်ႊလႂ် 5,500 ပျႃး ထိုင် 6,000 ပျႃးယဝ်ႉ။ တႄႇဢဝ် ဝၼ်းတီႈ 21/2/2024 ၼၼ်ႉမႃး သိုၵ်းမၢၼ်ႈ ယိုတ်းမိူင်းလႄႈ ပျီႇတူႉၸိတ်ႉပဢူဝ်း...

ဝၢႆးသိုၵ်းမၢၼ်ႈ ပိုၼ်ၽၢဝ်ႇ ဢွၵ်ႇပၵ်းပိူင်မၢႆမီႈၵဵပ်းသိုၵ်းယဝ်ႉ ၵူၼ်းမိူင်း ၼႂ်းဝဵင်းတႃႈၶီႈလဵၵ်း ၺႃးတီႉၺွပ်းၵႂႃႇ ဢမ်ႇယွမ်း 10 ယဝ်ႉ ယွၼ်ႉဢမ်ႇမီးမၢႆၾၢင် (မၢတ်ႉပူင်ႇတိၼ်ႇ) ဝႃႈၼႆ။ တႄႇဢဝ် လိူၼ်ၾႅပ်ႊပိဝ်ႊရီႊ 2024 ၼႆႉ ယူႇတီႈ ပလိၵ်ႈမၢၼ်ႈလႄႈ သိုၵ်းမၢၼ်ႈ ယိုတ်းမိူင်း ႁူမ်ႈၵၼ် လူင်းၵူတ်ႇထတ်း ၵူၼ်းပိုၼ်ႉတီႈ ၼႄၶေႃႈဢၢင်ႈဝႃႈ ၵူတ်ႇထတ်းသဵၼ်ႈမၢႆႁူဝ်ၵူၼ်း...

ၵူၼ်းၵေးသီး ဢွၼ်ၵၼ်ၶၢင်းပွင်ႉ လွင်ႈၶွမ်ႊပၼီႊ ၶဝ်ႈၶုတ်းထၢၼ်ႇႁိၼ် တီႈၼႂ်းဢိူင်ႇမိူင်းၵၢဝ် ႁဵတ်းႁႂ်ႈၵူၼ်းမိူင်း လႆႈသုတ်ႇ ၼူမ် မဵၼ်ဢၢႆၵွၼ်းထၢၼ်ႇႁိၼ်ၼၼ်ႉ ၵူႈၶၢဝ်း။ တႄႇဢဝ် လိူၼ်ၵျုႊလၢႆႊ 2023 ၼၼ်ႉမႃး ႁၢၼ်ႉတေႃႇထိုင် ယၢမ်းလဵဝ် မီးၶၢဝ်းတၢင်း 8 လိူၼ်ယဝ်ႉ ထၢၼ်ႇႁိၼ် တီႈ ၼႂ်းဢိူင်ႇ မိူင်းၵၢဝ် ၸႄႈဝဵင်းၵေးသီး ၸႄႈတွၼ်ႈလွႆလႅမ်...

ၵႃးသိုၵ်းမၢၼ်ႈ ယိုတ်းမိူင်း လုၵ်ႉတၢင်းမိူင်းယႆ မုင်ႈၸူး ဝဵင်းၼမ်ႉလၼ်ႈ ဢမ်ႇယွမ်း 20 ႁဵတ်းႁႂ်ႈ ၵူၼ်းပိုၼ်ႉတီႈမႆႈၸႂ် ၵူဝ်ပဵၼ် ပၢင်တိုၵ်း။ တႄႇဢဝ် ဝၼ်းတီႈ 23-26/2/2024 ၼႆႉ ၵႃးသိုၵ်းမၢၼ်ႈ ယိုတ်းမိူင်း လုၵ်ႉတၢင်းဝဵင်းမိူင်းယႆ မုင်ႈၸူးမႃးတၢင်းဝဵင်းၼမ်ႉလၼ်ႈ ၸႄႈဝဵင်းသီႇပေႃႉ ၸႄႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇ ႁဵတ်းႁႂ်ႈၵူၼ်းမိူင်းတူၵ်းၸႂ် ၵူဝ်ပဵၼ်ပၢင်တိုၵ်း ၸွမ်း...

မီးၶၢဝ်ႇလိုဝ်းဢွၵ်ႇမႃးဝႃႈ ပီၼႆႉ ၸဝ်ႈသိလ်ထမ်း ၶူးဝႃးဝုၼ်းၸုမ်ႉ မီးၽႅၼ် တေယေႃးမုၼ် ၵႂႃႇမိူင်းပူႊတၼ်ႊ ပေႃးဝၢၼ်ႈ မိူင်းပႆႇၵတ်းယဵၼ် ၼိမ်သဝ်းၸိုင် တေပႆႇပွၵ်ႈမႃး ဝႃႈၼႆ။ ဝၼ်းတီႈ 24/2/2024 ၼႆႉ ၸဝ်ႈသိလ်ထမ်း ၶူးဝႃးဝုၼ်းၸုမ်း ဢၼ်ယေႃးမုၼ်ၵႂႃႇတိုဝ်းၵမ်သိလ်ဝႆႉ တီႈၼႂ်းထမ်ႈလူင်မ ႁႃႇၽူဝ်းထိသတ်ႊရၢတ်ႊၶျၶရိုတ်ႊ တီႈမူႇဝၢၼ်ႈမႄႈၵႄႉ ဢိူင်ႇဝၢၼ်ႈဢွၼ်ႉ ဝဵင်းမိူင်းငၢဝ်း ၸႄႈတွၼ်ႈလမ်းပၢင်း ၸိုင်ႈထႆး...

သိုၵ်းမၢၼ်ႈ ယိုတ်းမိူင်း တင်ႈၸႂ် ယိုဝ်းၵွင်ႈလူင် သႂ်ႇၼႂ်းမူႇဝၢၼ်ႈသေ မၢၵ်ႇလူင် တႅၵ်ႇတိူဝ်ႉသႂ်ႇ ထဝ်ႈၸၢႆး ဢႃယု 70 ပီ ၵေႃႉၼိုင်ႈ လူႉတၢႆထင်တီႈ။ ဝၼ်းတီႈ 24/2/2024 ယၢမ်းၵၢင်ၼႂ် သိုၵ်းမၢၼ်ႈ ယိုတ်းမိူင်း ဢၼ်ပၵ်းဝႆႉတီႈ ဝၢၼ်ႈၺွင်ႇၵုင်း ဢၼ်မီးၼႂ်းၵႄႈ ပၢင်ႇဢူႈ လူင် - မိူင်းၵုတ်ႈၼၼ်ႉသေ...

ၶၢဝ်းတၢင်း 2 ဝၼ်း ထပ်းၵၼ်မႃးၼႆႉ မၢၵ်ႇတႅၵ်ႇသႂ်ႇ ၵူၼ်းၵျွၵ်ႉမႄး လူႉတၢႆထင်တီႈ 1 ၵေႃႉ မၢတ်ႇၸဵပ်း 4 ၵေႃႉ ဝႃႈၼႆ။ ဝၼ်းတီႈ 25/2/2024 ယၢမ်းဝၢႆးဝၼ်း 2:30 မူင်း ၵူၼ်းတၢင်ႇဢွႆႈ 4 ၵေႃႉ ထူပ်းႁၼ်မၢၵ်ႇ RPG ဢၼ်ပႆႇတႅၵ်ႇပၵ်းၶဝ်ႈ လိၼ်ဝႆႉ...

ၼႂ်းလိူၼ်ၵျႅၼ်ႊၼိဝ်ႊရီႊ ပူၼ်ႉမႃးၼႆႉ သိုၵ်းမၢၼ်ႈ ယိုတ်းမိူင်း ၸႂ်ႉလၢႆးမိူၵ်ႈမႂ်ႈ ၵၼ်ႉၸၼ် ၼၢင်းယိင်း ၵူၼ်းမိူင်းမိတ်း 3 ၵေႃႉ ၼႂ်းၼၼ်ႉ ယိုဝ်းတၢႆ ပႅတ်ႈၵေႃႉၼိုင်ႈ - ၵဝ်ႉငဝ်ႈသုၼ်ႇလႆႈၵူၼ်းၸိုင်ႈတႆး SHRF ဢွၵ်ႇဝႆႉၼင်ႇၼႆ။ ဝၼ်းတီႈ 27/2/2024 ၼႆႉ ယူႇတီႈ ၵဝ်ႉငဝ်ႈ သုၼ်ႇလႆႈၵူၼ်း ၸိုင်ႈတႆး ဢွၵ်ႇၽိုၼ်တၢမ်းငဝ်းလၢႆး...

မိူဝ်ႈၼႆႉ ဝၼ်းတီႈ 27/2/2024 ယၢမ်းၵၢင်ဝၼ်း 11 မူင်း သိုၵ်းမၢၼ်ႈ ယိုတ်းမိူင်းတင်း ပျီႇတူႉၸိတ်ႉပဢူဝ်း PNO ပိၵ်ႉ ဢိုတ်း သဵၼ်ႈတၢင်း ပၢင်လူင် - ၵျွၵ်ႉတၢၼ်း - ႁူဝ်ပူင်း ဝႆႉၸူဝ်ႈၶၢဝ်း ႁဵတ်းႁႂ်ႈၵူၼ်းမိူင်း - ၸဝ်ႈရူတ်ႉၵႃး ၵႂႃႇမႃးထူပ်းတၢင်းယၢပ်ႇၽိုတ်ႇထႅင်ႈ။ ၸဝ်ႈရူတ်ႉၵႃး ၵေႃႉၼိုင်ႈ...

သဵင်မၢၵ်ႇတႅၵ်ႇ လင်ႁႅင်း တၢင်းၾၢႆႇႁွင်ႇဝဵင်းလၢႆးၶႃႈ ၵမ်းၼိုင်ႈ ႁဵတ်းႁႂ်ႈၵူၼ်းမိူင်း ဢွၼ်ၵၼ်တူၵ်းၸႂ် တိုၼ်ႇသၢၼ်ႈ ၵူဝ်ပဵၼ် ပၢင်တိုၵ်းယႂ်ႇလူင်။   ဝၼ်းတီႈ 27/2/2024 ယၢမ်းႁူဝ်ၶမ်ႈမွၵ်ႈ 7 မူင်း သဵင်မၢၵ်ႇတႅၵ်ႇ လင်ႁႅင်း ၵမ်းၼိုင်ႈ တၢင်းၾၢႆႇတပ်ႉသိုၵ်းမၢၼ်ႈ ၶမယ 64 ၾၢႆႇႁွင်ႇဝဵင်းလၢႆးၶႃႈ ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း ၵူၼ်းမိူင်းၵမ်ႈၼမ်တူၵ်းၸႂ်...

ၵူၼ်းၼုမ်ႇႁဵတ်းၵၢၼ်တေႃႇလွင်း ၼိူဝ်ဢွၼ်ႊလၢႆႊ တီႈဝဵင်းတႃႈၶီႈလဵၵ်း ႁူဝ်ၵူၼ်းၸမ် 700 ဢၼ်ထုၵ်ႇသိုၵ်းမၢၼ်ႈ တီႉ ၺွပ်းၵုမ်းတူဝ်ၵႂႃႇဝႆႉၼၼ်ႉ ႁိုင် 3 ဝၼ်းယဝ်ႉ ပႆႇပွႆႇတူဝ် ပေႃႈမႄႈပီႈၼွင်ႉ ၸိူဝ်းၵိုတ်းတင်းလင် မႆႈၸႂ် ၵူဝ်သိုၵ်းမၢၼ်ႈ ဢဝ် ၵႂႃႇႁဵတ်းသိုၵ်း ဝႃႈၼႆ။ ဝၼ်းတီႈ 23/2/2024 ယၢမ်းၼႂ်ၸဝ်ႉ သိုၵ်းမၢၼ်ႈ ယိုတ်းမိူင်း ၶဝ်ႈတီႉၺွပ်း...