ပလိၵ်ႈထႆး တီႉၺွပ်းၵူၼ်းမိူင်းမၢၼ်ႈ ဢၼ်ၶၢမ်ႈလႅၼ်လိၼ်ၶဝ်ႈမိူင်းထႆးဢမ်ႇၸႂ်ႈတၢင်းၵၢၼ် 40 ၵေႃႉ တီႉလႆႈတီႈ ၸႄႈဝဵင်းမႄႈလမၢတ်ႉ ၸႄႈတွၼ်ႈတၢၵ်ႇ လႅၼ်လိၼ်ထႆး – မၢၼ်ႈ။
ပလိၵ်ႈထႆးလၢတ်ႈတီႈသိုဝ်ႇၶၢဝ်ႇ သယမ်ရၢတ်ႉဝႃႈ – လႆႈငိူၼ်ႈၶၢဝ်ႇသေလႄႈ ပႂ်ႉတူၺ်းတီႈ တၢင်းဢၼ်ၼၢႆးၼႃႈ ၵႆႉဢဝ်ၵူၼ်း ၶၢမ်ႈလႅၼ်လိၼ်ၼၼ်ႉ – လႆႈထူပ်းႁၼ်ၵူၼ်း 40 ၵေႃႉလႄႈ ၵူၼ်းၼႄတၢင်း 5 ၵေႃႉ။ တီႉလႆႈၶဝ် မိူဝ်ႈဝၼ်းတီႈ 3 လိူၼ်မေႊ။ ၵူၼ်း 40 ၵေႃႉၼႆႉ ပဵၼ်ၵူၼ်းၸၢႆး 29 ၵေႃႉလႄႈ ၼၢင်းယိင်း 11 ၵေႃႉ။ တၢင်ႇမႃးၵႃး 2 လမ်း ဝႃႈၼႆ။
ဢိင်ၼိူဝ် ပၢင်တိုၵ်းသိုၵ်းသိူဝ်ပဵၼ်တူဝ်ႈမိူင်း ယဝ်ႉၵေႃႈ သိုၵ်းမၢၼ်ႈ ပိုၼ်ၽၢဝ်ႇၵဵပ်းသိုၵ်းထႅင်ႈသေ ၼႂ်းႁူဝ်ပီ 2024 ၼႆႉ ၵူၼ်းၼုမ်ႇမိူင်းမၢၼ်ႈ ပၢႆႈၶဝ်ႈႁဵတ်းၵၢၼ်မိူင်းထႆး ၵူႈဝၼ်း၊ ၺႃးတီႉၵူႈဝၼ်း။ ယဝ်ႉၵေႃႈ သိုၵ်းမၢၼ်ႈ ပိုၼ်ၽၢဝ်ႇ ထႅင်ႈဝႃႈ တႄႇဢဝ်ဝၼ်းတီႈ 1 လိူၼ်မေႊၼႆႉၵႂႃႇ ၵူၼ်းၸၢႆး သႅၼ်းလႂ်သေဢမ်ႇဝႃႈ ႁၢမ်ႈၵႂႃႇႁဵတ်းၵၢၼ်ၼွၵ်ႈမိူင်း ဝႃႈၼႆဝႆႉထႅင်ႈ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ