တႃႊလီႊပၢၼ်ႊ ဢွၵ်ႇၶေႃႈပူင်ႁႄႉႁၢမ်ႈ ဢမ်ႇပၼ်ၼၢင်းယိင်း ၼႂ်းမိူင်းဢႅပ်ႊၾ်ၵၢၼ်ႊၼိတ်ႉသ်တၢၼ်ႊ (Afghanistan) သိုပ်ႇၶိုၼ်ႈႁဵၼ်း ၾၢႆႇပၢႆးမေႃယႃၵိူတ်ႇလဵင်ႉလုၵ်ႈလႄႈ မေႃလုမ်းလႃး လွင်ႈၼႆႉ ပဵၼ်ဢၼ်ပိၵ်ႉဢိုတ်းႁႄႉႁၢမ်ႈပႅတ်ႈသဵၼ်ႈတၢင်း ၵမ်းလိုၼ်းသုတ်း တႃႇၼၢင်းယိင်းၶဝ် တေဢမ်ႇၸၢင်ႈသိုပ်ႇၶိုၼ်ႈႁဵၼ်း ပၢႆးပၺ်ႇၺႃႇ ၼႆယဝ်ႉ။ လိူဝ်ၼၼ်ႉ ႁူင်းႁဵၼ်းၾိုၵ်းသွၼ် ၾၢႆႇပၢႆးယႃႈယႃ 5 တီႈ ဢၼ်မီးတူဝ်ႈ မိူင်းဢႅပ်ႊၾ်ၵၢၼ်ႊၼိတ်ႉသ်တၢၼ်ႊ ၼၼ်ႉ ၵေႃႈ ႁႂ်ႈပိၵ်ႉဢိုတ်းဝႆႉ...

သိုၵ်းမၢၼ်ႈ ယိုတ်းမိူင်း ႁၢင်ႈႁႅၼ်း တေသူင်ႇႁႅင်းၵၢၼ်မိူင်းမၢၼ်ႈ ၵႂႃႇႁဵတ်းၵၢၼ်တီႈမိူင်းရတ်ႉသျႃႊ ဝႃႈၼႆ။ ႁႅင်းၵၢၼ်မိူင်းမၢၼ်ႈ ၸိူဝ်းတေၵႂႃႇႁဵတ်းၵၢၼ် တီႈမိူင်းရတ်ႉသျႃႊၼၼ်ႉ တေလႆႈမေႃၽႃႇသႃႇၵႂၢမ်းလၢတ်ႈရတ်ႉသျႃႊ။ ၵၢၼ်ငၢၼ်း ဢၼ်တေလႆႈႁဵတ်းသမ်ႉ မိူၼ်ၼင်ႇ - ၵၢၼ်ၽုၵ်ႇသွမ်ႈ၊ ၵၢၼ်လဵင်ႉလူတူဝ်သတ်း၊ ၵၢၼ်ၵေႃႇသၢင်ႈလႄႈ ၵၢၼ်ႁူင်းၸၢၵ်ႈ ၸိူဝ်းၼႆႉ။ ႁွင်ႈၵၢၼ် ၽွင်းလူင် ၾၢႆႇၵူၼ်းႁဵတ်းၵၢၼ် တႂ်ႈသိုၵ်းမၢၼ်ႈ ပိုၼ်ၽၢဝ်ႇ ၼႂ်းလိူၼ်ဢွၵ်ႊထိူဝ်ႊပိူဝ်ႊၼၼ်ႉဝႃႈ တီႈမိူင်းမၢၼ်ႈၼႆႉ...

ပၼ်ႁႃပတိၵ်ႈၶၢတ်ႈ တီႈမိူင်းမၢၼ်ႈပတ်းပိုၼ်ႉၼႆႉ ႁဵတ်းႁႂ်ႈၵူၼ်းမိူင်း 3 လၢၼ်ႉပၢႆ ႁူပ်ႉၽေးတုၵ်ႉယၢၵ်ႈ ၼႂ်းၼၼ်ႉ လုၵ်ႈဢွၼ်ႇ ဢိၵ်ႇပႃး ၵူၼ်းႁူမ်ႈႁိူၼ်းဢၼ်မီးလုၵ်ႈဢွၼ်ႇ လူဝ်ႇတၢင်းၸွႆႈထႅမ် ႁၢဝ်ႈႁႅင်းၼႆ ၸုမ်းၾၢႆႇငိုၼ်းၵွင်ၵၢင်လုၵ်ႈဢွၼ်ႇၸၢတ်ႈၸိုင်ႈ UNICEF ပိုၼ်ၽၢဝ်ႇဝႆႉ ၼႂ်းဝၼ်းတီႈ 05/12/2024 ၼႆႉၼင်ႇၼႆ။ ၼႂ်းၵႄႈပဵၼ်ပၼ်ႁႃယူႇၼႆႉ လုၵ်ႈဢွၼ်ႇတင်း ၼၢင်းယိင်း လွင်ႈလႆႈတၢင်းၵမ်ႉၸွႆႈ ယွမ်းဢႄႇၵႂႃႇႁႅင်းဝႆႉ။ ၼႂ်းပီ 2025...

ဝၼ်းတီႈ 05/12/2024 ယၢမ်းၵၢင်ၶမ်ႈ 7 မူင်းပၢႆ ၾႆးမႆႈႁိူၼ်းယေး ၵူၼ်းဝၢၼ်ႈလင်ၼိုင်ႈ တီႈဝၢၼ်ႈၵုင်းသႃႇ ၸႄႈဝဵင်းၼမ်ႉၶမ်း ၸႄႈတွၼ်ႈမူႇၸေႊ ၸိုင်ႈတႆးပွတ်းႁွင်ႇ ၶူဝ်းႁိူၼ်းယေးဢမ်ႇတၼ်းလႆႈ လူႉသုမ်းၼပ်ႉ ႁူဝ်ပၢၵ်ႇသႅၼ်ပျႃး။ ၵူၼ်းၼမ်ႉၶမ်း ၽူႈၸၢႆး ၵေႃႉၼိုင်ႈ လၢတ်ႈၽူႈတွႆႇႁွၵ်ႈဝႃႈ - “မိူဝ်ႈဝႃးၼႆႉ တေပဵၼ်မွၵ်ႈ 7 မူင်းပၢႆပၢႆၼႆႉ။ မိူဝ်ႈၽွင်းၾႆးမႆႈၼၼ်ႉ ၸဝ်ႈႁိူၼ်းဢမ်ႇယူႇ...

ၵၢင်ႉၵႄႇ တႂ်ႈသိုၵ်းမၢၼ်ႈ တဵၵ်းၸႂ်ႉၵူၼ်းမိူင်းဝဵင်းလွႆၶေႃ ၸိူဝ်းပၢႆႈၽေးသိုၵ်း မႃးသွၼ်ႈယူႇသဝ်းဝႆႉ ၼႂ်းၸႄႈဝဵင်းယွင် ႁူၺ်ႈၸိူဝ်းၼၼ်ႉ ႁႂ်ႈပွၵ်ႈယူႇႁိူၼ်းၶိုၼ်းၼႂ်းၶၢဝ်းတၢင်း 4 လိူၼ်ႁႂ်ႈယဝ်ႉတူဝ်ႈ ဝႃႈၼႆ။   ႁၢင်လိူၼ် ၼူဝ်ႊဝႅမ်ႊပိူဝ်ႊၼႆႉ ၾၢႆႇလုမ်းၽွမ်းငမ်းၵူႈလွင်ႈလွင်ႈ ၸႄႈဝဵင်းယွင်ႁူၺ်ႈ ႁွင်ႉဢဝ်ၵၢင်ႉၵႄႇ သေမႃးႁူပ်ႉထူပ်းဢုပ်ႇၵုမ်၊ ၸီႉသင်ႇႁႂ်ႈ လၢတ်ႈၵူၼ်းပၢႆႈၽေးသိုၵ်း ၸိူဝ်းမႃးသွၼ်ႈယူႇသဝ်းဝႆႉတီႈပၢင် သဝ်း ပႃးၸဵမ်ႁိူၼ်းယေးပီႈၼွင်ႉလႄႈ ဝတ်ႉဝႃးၽႃသိူဝ်ႇ ၼႂ်းၸႄႈဝဵင်းယွင်ႁူၺ်ႈ...

သိုၵ်းၵဝ်ႈၵၢင်ႉ MNDAA ပၼ်တူတ်ႈတၢမ်ႇတၢႆ - တၢမ်ႇၶွၵ်ႈ ၵူၼ်းမီးတၢင်းၽိတ်း 21 ၵေႃႉ တီႈဝဵင်းလၢဝ်ႇၵၢႆး ၸိုင်ႈတႆးပွတ်းႁွင်ႇ။ ဝၼ်းတီႈ 05/12/2024 ယၢမ်းၵၢင်ၼႂ်ၼႆႉ သိုၵ်းၵဝ်ႈၵၢင်ႉ MNDAA ပၼ်တူတ်ႈတၢမ်ႇ ၵူၼ်းမီးတၢင်းၽိတ်း တင်းမူတ်း 21 ၵေႃႉ တီႈဝဵင်းလၢဝ်ႇၵၢႆး ၸိုင်ႈတႆးပွတ်းႁွင်ႇ လႅၼ်လိၼ်တႆး - ၶႄႇ...

ပီၼႆႉ ၶၼ်ၶဝ်ႈၵၢပ်ႇလီၶိုၼ်ႈမႃးယဝ်ႉသေတႃႉ ၸဝ်ႈသူၼ်ၶဝ် တိုၵ်ႉထူပ်းတၢင်းယၢပ်ႇၽိုတ်ႇယူႇ ယွၼ်ႉလႆႈလူင်းတိုၼ်းလၢင်းၼမ်လႄႈ ဢမ်ႇပေႃးလႆႈၼမ်ႉမႅတ်ႈ/ ၼမ်ႉတွၼ်းၼမ် ဝႃႈၼႆ။ ယၢမ်းလဵဝ် ၼႂ်းမိူင်းတႆး လၢႆၸႄႈဝဵင်း ပဵၼ်ၶၢဝ်းၸဝ်ႈသူၼ်ၶဝ် ဢဝ်ၶဝ်ႈၵၢပ်ႇၼႂ်းသူၼ်ၼႂ်းႁႆႈ တေႃႉသူင်ႇၶၢႆလႄႈ ပီၼႆႉ ၶၼ်ၶဝ်ႈၵၢပ်ႇ လႆႈၶၢႆၵႃႈလိူဝ်ပီၵၢႆသေတႃႉ ယွၼ်ႉလႆႈလူင်းတိုၼ်းလၢင်းၼမ်လႄႈ ပုၼ်ႈတႃႇၸဝ်ႈသူၼ်ၶဝ်တႄႉ ပႆႇလႆႈ ၼမ်ႉမႅတ်ႈ/ ၼမ်ႉတွၼ်းသင် ၼႆယဝ်ႉ။ ၸၢႆးသၢင်ႇသၢမ် ၸဝ်ႈသူၼ်ၶဝ်ႈၵၢပ်ႇ ၸႄႈဝဵင်းလွႆလႅမ်...

ထဝ်ႈယိင်း ၽူႈမၢၵ်ႈမီး တီႈမိူင်းဝႅတ်ႉၼၢမ်း ၺႃးလုမ်းတြႃးပူင်တၢမ်ႇတၢႆ လူၺ်ႈလႅၼ်ၵိၼ်ငိုၼ်း 12 ပီႊလီႊယၼ်ႊတေႃႊလႃႊ။ ဝၼ်းတီႈ 03/12/2024 ၼႆႉ လုမ်းတြႃးမိူင်းဝႅတ်ႉၼၢမ်း ပၢၵ်ႈပႅတ်ႈၶေႃႈတၢင်ႇယိုၼ်ႈသေ တႅပ်းတတ်း ပူင်တၢမ်ႇတၢႆ ၼၢင်း Truong My Lan ၽူႈမၢၵ်ႈမီး ၾၢႆႇၵႃႉၶၢႆတီႈလိၼ် မိူင်းဝႅတ်ႉၼၢမ်း လူၺ်ႈလိူင်ႈ ၵိၼ်သူးၵိၼ်လၢပ်ႈငိုၼ်း 12 ပီႊလီႊယၼ်ႊ...

ၼႂ်းပီၼႃႈၼႆႉ ၶွင်ႇသီႇသိုၵ်းမၢၼ်ႈ တေဢၢၼ်းၸတ်းပဵၼ်ပၢင်လိူၵ်ႈတင်ႈလူင် ၸွမ်းၼႂ်းၼႃႈတီႈၼိမ် ယဵၼ်တၢၼ်ႇတၢၼ်ႇၼၼ်ႉၼႆလႄႈ ၸုမ်းပႃႇတီႇပၢႆးမိူင်းလႄႈ ၸုမ်းလူင်းလၢႆးမိုဝ်း လိၵ်ႈႁူမ်ႈမၢႆၵိုတ်း တိုၵ်းတူဝ်ႈမိူင်းၵမ်ႈၽွင်ႈ ႁွင်ႉႁူၺ်းပႃး ၸုမ်းတူင်ႇဝူင်းၵူၼ်းၵမ်ႈၽွင်ႈသေ ၶိုင်ႁႃႁၢင်ႈႁႅၼ်းယူႇယွတ်ႈယွတ်ႈယဝ်ႉ။ ထႅင်ႈၾၢႆႇၼိုင်ႈသမ်ႉ ၸုမ်းၸၢဝ်းတီႇမူဝ်ႇၶရႅတ်ႉတိၵ်ႉ ၸိူင်ႉၼင်ႇ - K3C ၊ NUG လႄႈ PRCF ၸိူဝ်းၼႆႉ သမ်ႉၶတ်း ၶၢၼ်ႉဝႃႈ ၵွၼ်ႇပႆႇမီးၶေႃႈတူၵ်းလူင်းၵၢၼ်မိူင်း...

ပလိၵ်ႈထႆး တီ့လႆႈမၢၵ်ႇၵွင်ႈၸိုၼ်းယၢမ်း ၼပ်ႉႁူဝ်ႁဵင် တီႈႁႅင်းၵၢၼ်ယၢၼ်မိူင်းမိူင်းမၢၼ်ႈ 9 ၵေႃႉ။ ဝၼ်းတီႈ 3/12/2024 ပလိၵ်ႈထႆး လဵပ်ႈဢဝ်ႁူမ်ႇလူမ်ႈၼႂ်းၸႄႈတွၼ်ႈ ၵၢၼ်ႊၶျၼပူႊရီႊ တီႉလႆႈႁႅင်းၵၢၼ်ယၢၼ်မိူင်း 9 ၵေႃႉ။ ထိုင်တီႈၵူတ်ႇထတ်းတူၺ်း လႆႈပႃးထႅင်ႈမၢၵ်ႇၵွင်ႈ 3000 လုၵ်ႈ ဢၼ်သႂ်ႇဝႆႉၼႂ်းတိူၵ်ႈၸေႈ ၼႂ်းႁွင်ႈလိုဝ်ႈသဝ်းၶဝ် ၶၢဝ်ႇ Bangkok Post ႁၢႆးငၢၼ်းဝႆႉၼင်ႇၼႆ။ ႁႅင်းၵၢၼ်မိူင်းမၢၼ်ႈ 9...

ၸုမ်းၸွႆႈထႅမ်ၵူၼ်းတူၵ်းၶွၵ်ႈၵၢၼ်မိူင်း AAPP ပိုၼ်ၽၢဝ်ႇဝႆ့ ၼႂ်းဝၼ်းတီႈ 4 လိူၼ်တီႊသႅမ်ႊပိူဝ်ႊဝႃႈ ၼႂ်းၶၢဝ်းတၢင်း 3 လိူၼ်သိုၵ်းမၢၼ်ႈပိုတ်းယိုသ်းႁိူၼ်းယေးၵူၼ်းမိူင်း ၼႂ်းပတ်းပိုၼ်ႉၸိုင်ႈမိူင်း ႁဵတ်းႁႂ်ႈၵူၼ်းမိူင်းမၢတ်ႇၸဵပ်းလူႉတၢႆၼပ်ႉႁူဝ်ပၢၵ်ႇ ၼႂ်းၼၼ်ႉပႃးၼၢင်းယိင်း 150 ပၢႆ။ တႄႇဝၼ်းတီႈ 1/09/2024 တေႃႇထိုင် 30/11/2024 ၶၢဝ်းတၢင်း 3 လိူၼ်ၼႆႉ ၼၢင်းယိင်းလူႉတၢႆ ယွၼ်ႉပၢင်တိုၵ်း 150 ပၢႆ၊...

လိၵ်ႈယိုၼ်ႈထိုင် - ၸုမ်းၶၢဝ်ႇၽူႈတွႆႇႁွၵ်ႈ ၶႃႈႁဝ်းပဵၼ် ၸဝ်ႈႁႆႈၸဝ်ႈၼႃး ၵူၼ်းမိူင်းယႆၵေႃႉၼိုင်ႈ ၶႃႈဢေႃႈ ။ ဢမ်ႇၸၢင်ႈတၢင်ႇၸၢင်ႈလၢတ်ႈတီႈလႂ်လႄႈ ၶႂ်ႈယွၼ်းသူင်ႇတီႈၽူႈတွႆႇႁွၵ်ႈႁဵတ်းၶူဝ်ႁဵတ်းႁၢဝ်းပၼ်သေ ပိုၼ်ၽၢဝ်ႇပၼ်ၽွင်ႈၶႃႈ။ ယၢမ်းလဵဝ်တီႈမိူင်းယႆၼႆႉ  ၼႂ်းပွၵ်ႉ 1 လႄႈ ပွၵ်ႉ 3 - မီးၵၢင်ႉၵႄႇပူႇထဝ်ႈဝၢၼ်ႈ ႁွင်ႉဢဝ်ၵူၼ်းဝၢၼ်ႈၵူၼ်းသူၼ်သေ သင်ႇႁႂ်ႈသူင်ႇၵူၼ်းသိုၵ်းမႂ်ႇပၼ် သိုၵ်းတႆး SSPP ဝႃႈၼႆၶႃႈဢေႃႈ။ ဢၼ်ႁွင်ႉၵႂႃႇႁဵတ်းသိုၵ်းၼႆႉ ယွၼ်ႉပဵၼ်သိုၵ်းတႆးႁဝ်းၵူၺ်းလႄႈ ပေႃးႁွင်ႉမႃးပဵၼ်တၢင်းၵၢၼ်...

ဝၼ်းတီႈ 5 တီႊသႅမ်ႊပိူဝ်ႊၼႆႉပဵၼ်ဝၼ်း ၵိူတ်ႇၸဝ်ႈမုၼ်ယႂ်ႇၶုၼ်ႁေႃၶမ်းၸိုင်ႈထႆးတူၼ်ထူၼ်ႈ 9  ဢၼ်မီးၸိုဝ်ႈဝႃႈ ၽူမိၽူလ်း ဢၻုလ်ယတဵတ်ႇ မႁႃရၢတ်ႉပရူမ်ႊမၼၢတ်ႉ ပၽိတ်း  ဢႃယု 70 ပီ ဢၼ်လူႉလွၼ်ႇၼွၼ်းၽေးၵႂႃႇလႆႈ 8 ပီ။ ၸဝ်ႈမုၼ်ယႂ်ႇၶုၼ်ႁေႃၶမ်း တူၼ်ထူၼ်ႈ 9 ၼႆႉ ၵိူတ်ႇဝၼ်းတီႈ 5/12/1927  ။ မၼ်းၸဝ်ႈပဵၼ်  ၸဝ်ႈၽူႈဢၼ်ဝႆႉ...

တပ့်သိုၵ်းၵဝ်ႈၵၢင့် MNDAA  ပိုၼ်ၽၢဝ်ႇမိူဝ်ႈဝၼ်းတီႈ 3 /12/2024 ဝႃႈ တႃႇၵႄႈလိတ်ႈပၼ်ႁႃၵၢၼ်သိုၵ်း လူၺ်ႈၵၢၼ်ဢုပ်ႇဢူဝ်းၵၢၼ်မိူင်းၵႂႃႇၼၼ်ႉ သိုၵ်းၵဝ်ႈၵၢင်ႉ တေဢမ်ႇပိုတ်းယိုဝ်းသိုၵ်းမၢၼ်ႈ ၊ထိုင်တီႈလႂ်ၵေႃႈတေၵိုတ်းၵၢၼ်ပိုတ်းယိုဝ်းၵႂႃႇဝႃႈၼႆ။ ပူၼ့်မႃးလၢႆဝူင်ႈၼႆ့ မီးၶၢဝ်ႇလိုဝ်းဢွၵ်ႇမႃးဝႃႈ မိူင်းၶႄႇၵုမ်းၶင်ဝႆ့ ႁူဝ်ၼႃႈသိုၵ်းၵဝ်ႈၵၢင့် ၽိူင်တႃႉသိူင်း၊ ပၼ်ႁႅင်းဢီးပႃး ႁႂ်ႈသိုၵ်းၵဝ်ႈၵၢင့် ထွႆဢွၵ်ႇၶိုၼ်းဝဵင်းလႃႈသဵဝ်ႈ၊ ဝၢႆးၼၼ့်ဢမ်ႇႁိုင် သိုၵ်းၵဝ်ႈၵၢင့် ပိုၼ်ၽၢဝ်ႇဢွၵ်ႇမႃး ၵိုတ်းတိုၵ်းၵၼ်တင်း တပ့်သိုၵ်းမၢၼ်ႈ၊ တပ့်ၶဝ်...

သိုၵ်းမၢၼ်ႈတင်း သိုၵ်းတဢၢင်း TNLA သိုပ်ႇပဵၼ်ပၢင်တိုၵ်းၵၼ်ႁၢဝ်ႈႁႅင်း တီႈဝဵင်းၼွင်ၶဵဝ် ၸိုင်ႈတႆးပွတ်းႁွင်ႇ ။ သိုၵ်းတဢၢင်း TNLA  ပိုၼ်ၽၢဝ်ႇ ၽွမ့်တႃႇဢုပ်ႇဢူဝ်းလွင်ႈငမ်းယဵၼ် တင်းသိုၵ်းမၢၼ်ႈယဝ်ႉဝႃႈၼႆ သေတႃႉ   ၼႂ်းလိူၼ်ၼူဝ်ႊဝႅမ်ႊပိူဝ်ႊၼႆႉတၢင်းလိူၼ် သိုၵ်းမၢၼ်ႈလႄႈ သိုၵ်းတဢၢင်း PDF သိုပ်ႇပဵၼ်ပၢင်တိုၵ်းၵၼ်ႁၢဝ်ႈႁႅင်း  ။ ၵူၼ်းၸၢႆးပိုၼ့်တီႈလၢတ်ႈၽူႈတွႆႇႁွၵ်ႈဝႃႈ - “ပၢင်တိုၵ်းၼႆ့ ပဵၼ်ယူႇတိၵ်းတိၵ်းၶႃႈဢေႃႈ ။ ဢမ်ႇယဵၼ်ၶႃႈ ၊...