သိုၵ်းၵဝ်ႈၵၢင်ႉ MNDAA တႄႇၵူတ်ႇထတ်းဝႂ်ရူတ်ႉၵႃး (ဝႂ်ၶွၼ်ႇၵႃး) ႁၢဝ်ႈႁႅင်း သင်ဢမ်ႇမီးၸိုင်ဢမ်ႇပၼ် လတ်းၽၢၼ်ႇ ၶဝ်ႈဢွၵ်ႇၵႂႃႇမႃး ၼႂ်းဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ။ တႄႇႁူဝ်လိူၼ်ၵျႅၼ်ႊၼိဝ်ႊရီႊ 2025 ၼႆႉမႃး သိုၵ်းၵဝ်ႈၵၢင်ႉ တင်ႈၵဵတ်ႉ/ လၢၼ်ႇ ပႂ်ႉၵူတ်ႇထတ်းဝႂ်ရူတ်ႉၵႃး ၵူၼ်းမိူင်း မိူၼ်ၼင်ႇ တၢင်းၶဝ်ႈဢွၵ်ႇဝဵင်းလႃႈသဵဝ်ႈ - သီႇပေႃႉ၊ လႃႈသဵဝ်ႈ - သႅၼ်ဝီလႄႈ...

ၼႂ်းပီ 2024 ၼႆႉ သိုၵ်းမၢၼ်ႈ ၸႂ်ႉၶိူင်ႈမိၼ် ၶိူင်ႈၵွင်ႈၵၢင်ႇလူင် တိုၵ်းတေႃးပိုတ်းယိုဝ်းလႄႈ ၵူၼ်းမိူင်းၶၢင် ၺႃးၸၢၵ်ႇမၢၵ်ႇလူႉတၢႆ 140 ပၢႆ ဝႃႈၼႆ။ တီႈၼႂ်းၶေႃႈပိုၼ်ၽၢဝ်ႇ ၸုမ်းပၵ်းတႃပႂ်ႉတူၺ်း သုၼ်ႇလႆႈသုၼ်ႇပဵၼ်ၵူၼ်းမိူင်းၶၢင် (KHRW) ၼႂ်းဝၼ်းတီႈ 1/1/2025 ၼၼ်ႉ ပႃးဝႆႉဝႃႈ - ၵူၼ်းမိူင်းၶၢင် လူႉတၢႆ 142 ၵေႃႉ၊...

တပ်ႉၸုမ်းပူတ်းပွႆႇၵူၼ်းမိူင်းထၼု DPLF/DPLA လၢတ်ႈဝႃႈ တေႁူမ်ႈၸွမ်းၸုမ်းလုၵ်ႉၽိုၼ်ႉသေ ၶဝ်ႈပၢင်တိုၵ်းၵႂႃႇ တႄႇမိူင်းတႆးပွတ်းၸၢၼ်း တေႃႇထိုင်ပတ်းပိုၼ်ႉမိူင်းမၢၼ်ႈ ဝႃႈၼႆ။ တႄႇဢဝ် ဝၼ်းတီႈ 4-7/1/2025 ၼႆႉ သိုၵ်းမၢၼ်ႈ ယိုတ်းမိူင်းတင်း သိုၵ်းထၼု PDLA ၶဵင်ႈၶႅင်ၵၢၼ်သိုၵ်းတေႃႇၵၼ် တၢင်းထုင်ႉၵျွၵ်ႉၵူႇ၊ ဢၢင်ႇတေႃး ၼႂ်းၸႄႈဝဵင်းလွၵ်ႉၸွၵ်ႇ ၸိုင်ႈတႆးပွတ်းၸၢၼ်းဝႆႉ ၵူဝ်ႇထုၼ်းထုၼ်းၼၢႆႇ ႁူဝ်ပဝ်ႈ သိုၵ်းထၼု လၢတ်ႈဝႆႉတီႈၽူႈတွႆႇႁွၵ်ႈၼင်ႇၼႆ။ “ႁဝ်းၶႃႈ...

ဝၼ်းတီႈ 4 ၵျႅၼ်ႊၼိဝ်ႊရီႊ 2025 ဝၼ်းလွတ်ႈလႅဝ်းမိူင်းႁူမ်ႈတုမ်ၼၼ်ႉ ၶွင်ႇသီႇသိုၵ်းမၢၼ်ႈ ပိုၼ်ၽၢဝ်ႇပွႆႇ ပၼ်ၵူၼ်းတူၵ်းၶွၵ်ႈ 6,000 ပၢႆ။ ၼႂ်းၼၼ်ႉပႃးၵူၼ်းမိူင်း 5,864 ၵေႃႉ ပႃးၵူၼ်းၼွၵ်ႈမိူင်း 180 ၵေႃႉ။ ၸိူဝ်းၺႃး တူတ်ႈတၢမ်ႇၶွၵ်ႈတေႃႇၸူဝ်ႈ 144 ၵေႃႉ ၼၼ်ႉၵေႃႈ ထုၵ်ႇပူတ်းလူတ်းတူတ်ႈတၢမ်ႇ 15 ပီ။...

ဝၼ်းတီႈ 7/1/2025 ၼႆႉ တီႈၵျွင်းမုၼ်ၸဝ်ႈ ဝၢၼ်ႈၵမႃႇၵလုၼ်း ၼႂ်းၸႄႈဝဵင်းၵုၼ်းၶျၢၼ်ႇၵူင်း တိူင်းတႃႈၵုင်ႈၼၼ်ႉ ပဵၼ်လွင်ႈလၢၵ်ႇလၢႆးဢၼ်ၼိုင်ႈ ယူႇယူႇၾႆးလုၵ်ႉမႆႈ သၢင်ႇၵၢၼ်းသင်ၶၸဝ်ႈ ပဵၼ်တီႈပဵၼ်ယွမ်ႇ ဢၼ်တၢၵ်ႇဝႆႉၵေႃႈ ယူႇယူႇၵႂၼ်းဢွၵ်ႇမႃးပဵၼ်ယွမ်ႇသေ မဵၼ်ၶႅမ်ႈၾႆးမႆႈ ဝႃႈၼႆ။ ယဝ်ႉၵေႃႈ ပေႃးလူမ်းပဝ်ႇ ၾႆးလၢမ်းမႆႈၵႂၢင်ႈယႂ်ႇ။ မၢင်ၽိုၼ် မႆႈၵႂႃႇတၢင်းၵႂၢင်ႈမွၵ်ႈ 6 ၼိဝ်ႉထိုင် ၼိုင်ႈထတ်း (ၼိုင်ႈပေႇ) ၸိူဝ်းၼႆႉ။ ဢမ်ႇၵႃး...

ၸၢႆးၸိူင်းၶႄႇ Wang Xing (ဢၼ်တင်းၼမ်ႁွင်ႉဝႃႈ Xingxing) ၼၼ်ႉ ႁၢႆၵႂႃႇတီႈလႅၼ်လိၼ်မၢၼ်ႈ - ထႆး ႁိုင် 3-4 ဝၼ်း၊ ၽိူဝ်ႇပလိၵ်ႈထႆးၵႂႃႇၸွႆႈတူဝ် မၼ်းၸၢႆးလႆႈမႃးၶိုၼ်းၼၼ်ႉ လႆႈႁူႉဝႃႈ မၼ်းၸၢႆးထုၵ်ႇၸုမ်း ၵျႃးၽႅၼ်ႉ လွၵ်ႇႁွင်ႉၵႂႃႇၾိုၵ်း တႃႇလွၵ်ႇလႅၼ်ၵိၼ်ငိုၼ်းတင်းဢွၼ်ႊလၢႆႊ ဝႃႈၼႆ။ ၸၢႆးၸိူင်းၶႄႇ ၸိုဝ်ႈလိုဝ်းလင်ၼႆႉ လုၵ်ႉသျၢၼ်ႊႁၢႆႊ မႃးထိုင်ဝဵင်းလူင်ၵုင်းထဵပ်ႈ လုၵ်ႉၵုင်းထဵပ်ႈႁွတ်ႈထိုင်...

သိုၵ်းမၢၼ်ႈပိုၼ်ၽၢဝ်ႇဝႃႈ ႁဵတ်းဢွၵ်ႇၼမ်ႉမၼ်းၸိူဝ်ႉၾႆး (ထၢတ်ႈသီႇ) သႅၼ်း RON - 68 ႁင်းၵူၺ်းသေ တႄႇၶၢႆပၼ် ၵူၼ်းမိူင်းၸႂ်ႉယူႇယဝ်ႉ ဝႃႈၼႆ။ ၼမ်ႉမၼ်းထၢတ်ႈ RON - 68 ဢၼ်သိုၵ်းမၢၼ်ႈ ႁဵတ်းဢွၵ်ႇႁင်းၵူၺ်းၼႆႉ တႄႇၶၢႆတီႈၼေႇပျီႇတေႃႇ တီႈၼိုင်ႈလႄႈ တီႈဝဵင်းလိူဝ်ႇ 2 တီႈ။ ၶၢႆၼိုင်ႈလိတ်ႉ(လီႊတိူဝ်ႊ) 2,200 ပျႃး။...

လူင်ပွင်ၸိုင်ႈ ၽွမ်ႉႁူမ်ႈၸိူဝ်ႉၸၢတ်ႈ NUG ပိုၼ်ၽၢဝ်ႇဝႃႈ ၸူဝ်ႈသိုၵ်းမၢၼ်ႈ ယိုတ်းဢႃႇၼႃႇၸိုင်ႈမိူင်းမႃး ၶၢဝ်းတၢင်း 4 ပီၼႆႉ သိုၵ်းမၢၼ်ႈတင်း ပလိၵ်ႈ ဢၼ်ႁဵတ်း CDM တင်းမူတ်း မီး 15,000 ၵေႃႉ ဢၼ်ၶဝ်ႈႁူမ်ႈ ၸုမ်းလုၵ်ႉၽိုၼ်ႉသေ ၶိုၼ်းၶဝ်ႈပၢင်တိုၵ်း ပိုတ်းယိုဝ်းသိုၵ်းမၢၼ်ႈၶိုၼ်း မီး 480 ပၢႆ။ ၸိူဝ်းမႃးၶဝ်ႈႁူမ်ႈ...

သိုၵ်းမၢၼ်ႈ ဢထမ်ႇမ ၶၢၼ်းဢဝ်ၵႃးၵူၼ်းမိူင်းယႂႃႇငၢၼ်ႇ ၵႂႃႇၸႂ်ႉၼႂ်းၵၢၼ်သိုၵ်း သင်ဢမ်ႇပၼ်ၸႂ်ႉတိုဝ်းၸိုင် ၸဝ်ႈၵႃးၶဝ် ၺႃးပေႃႉထုပ်ႉ။ တႄႇဢဝ် ၵၢင်လိူၼ်တီႊသႅမ်ႊပိူဝ်ႊ 2024 ၼၼ်ႉမႃး သိုၵ်းမၢၼ်ႈ ယိုတ်းမိူင်းတင်း ၸုမ်းပိဝ်ႇၸေႃးထီး ၶၢၼ်းၸႂ်ႉရူတ်ႉ ၵႃး ၵူၼ်းမိူင်းတၢင်းၾၢႆႇဢွၵ်ႇဝဵင်းယႂႃႇငၢၼ်ႇ ၸိုင်ႈတႆးပွတ်းၸၢၼ်း ၼိုင်ႈဝၢၼ်ႈလႂ် ယွၼ်းၵႃးၸႂ်ႉ 3 လမ်း ဝႃႈၼႆ။ ၵူၼ်းပိုၼ်ႉတီႈ ဝဵင်းယႂႃႇငၢၼ်ႇ လၢတ်ႈၽူႈတွႆႇႁွၵ်ႈဝႃႈ...

လူမ်းလႅင်ႉမူၺ်ၶၢပ်ႇ၊ ၼမ်ႉၶႅင် ဢိၵ်ႇတင်း လူမ်းလႅင်ႉၶၢဝ်းၵတ်း တႄႇၽတ်ႉထွင်းၶဝ်ႈ ၼႂ်းမိူင်းဢမေႊရိၵၼ်ႊ ပွတ်းၵၢင်၊ ပွတ်းၸၢၼ်းတင်း ပွတ်းဢွၵ်ႇဝႆႉလႄႈ ၵူၼ်းမိူင်း ဢွၼ်ၵၼ်ႁူပ်ႉလွင်ႈယၢပ်ႇၽိုတ်ႇတႃႇၵႂႃႇမႃး - ဝႃႈၼႆ။ ၼႂ်းပိုၼ်ႉတီႈ ဢၼ်မူၺ်ၶၢပ်ႇတူၵ်းဝႆႉ ၼႂ်းဝၼ်းတီႈ 6/1/2025 ၼႆႉ လၢမ်းၶၢတ်ႈဝႆႉထႅင်ႈဝႃႈ မၢင်ပိုၼ်ႉတီႈ မူၺ်ၶၢပ်ႇၸၢင်ႈတူၵ်းၼႃႁႅင်းသုတ်း တီႈၼႂ်းၶၢဝ်းတၢင်း 10 ပီ ဝႃႈၼႆ။ လူမ်းလႅင်ႉမူၺ်ၶၢပ်ႇ...

ဝၼ်းတီႈ 4 ၼႆႉ ပဵၼ်ဝၼ်းလွတ်ႈလႅဝ်းသဝ်းၶေႃ မိူင်းမၢၼ်ႈၼႆသေ သိုၵ်းမၢၼ်ႈ ပိုၼ်ၽၢဝ်ႇ ပဵၼ်တၢင်းၵၢၼ်ဝႆႉဝႃႈ တေပွႆႇပၼ်ၵူၼ်းတူၵ်းၶွၵ်ႈၵၢၼ်မိူင်း မွၵ်ႈ 600 ၵေႃႉၼႆသေ ဢၼ်ပူၼ်ႉလွတ်ႈဢွၵ်ႇမႃးသမ်ႉမီး 344 ၵေႃႉၵူၺ်း - ၼႅင်ႈသၢၼ်ၵူၼ်းတူၵ်းၶွၵ်ႈၵၢၼ်မိူင်း မိူင်းမၢၼ်ႈ (PPNM) ပိုၼ်ၽၢဝ်ႇဝႆႉ ၼႂ်းဝၼ်းတီႈ 6/1/2025 ၼႆႉၼင်ႇၼႆ။ ၸုမ်း PPNM...

ၵူၼ်းမိူင်း ၼႂ်းထုင်ႉၸဵင်ႇႁွင်ႇဝၼ်းဢွၵ်ႇဝဵင်းၼမ်ႉၸၢင် လင်ႁိူၼ်းၵူၼ်းၼပ်ႉႁူဝ်ပၢၵ်ႇ လႆႈပၢႆႈၽေးသိုၵ်း သွၼ်ႈယူႇဝႆႉ ၸွမ်းႁိူၼ်းယေးပီႈၼွင်ႉၽႂ်မၼ်း လႆႈမႃးၶၢဝ်းတၢင်းဝူင်ႈပၢႆယဝ်ႉ ပႆႇႁတ်းပွၵ်ႈၶိုၼ်းႁိူၼ်းယေး ။ ဝၼ်းတီႈ 4/1/2025 ယၢမ်းႁူဝ်ၶမ်ႈ 5 မူင်း ထိုင်ၵၢင်ၶိုၼ်း 12 မူင်း သဵင်ၵွင်ႈတႅၵ်ႇ တၢင်းဝၢၼ်ႈၼမ်ႉမူဝ် ဢိူင်ႇၼွင်ႁီး ၸႄႈဝဵင်းၼမ်ႉၸၢင် ၸိုင်ႈတႆးပွတ်းၸၢၼ်း ၵူၼ်းပိုၼ်ႉတီႈ တႃႇလင်ႁိူၼ်း 200...

ၸၢႆးၸိူင်းၶႄႇ ၸိုဝ်ႈလိုဝ်းလင် ၸိုဝ်ႈႁွင်ႉ Wang Xing ႁၢႆၵႂႃႇတီႈၼႂ်းလိၼ်မိူင်းမၢၼ်ႈ ဢၼ်တေႃႇၼႃႈၵၼ် တင်းဝဵင်းမႄႈသွတ်ႇ ၸႄႈတွၼ်ႈတၢၵ်ႇ မိူင်းထႆး ႁၢႆလႆႈ 4 ဝၼ်းယဝ်ႉ ပလိၵ်ႈထႆး ၸင်ႇသွၵ်ႈႁႃႁၼ်တူဝ်ၶိုၼ်း ဝႃႈၼႆ။ ၶၢဝ်ႇထႆး ၶၢဝ်ႇသူတ်ႇ တႅမ်ႈတၢင်ႇပိုၼ်ၽၢဝ်ႇဝႆႉဝႃႈ ၸၢႆးၸိူင်း ၸိုဝ်ႈလိုဝ်းမိူင်းၶႄႇၼႆႉ ၽွင်းလုၵ်ႉမႄႈသွတ်ႇသေ ၶၢမ်ႈၶူဝ်လႅၼ်လိၼ်ၶဝ်ႈမိူင်းမၢၼ်ႈ မိူဝ်ႈဝၼ်းတီႈ 3/1/2025...

မိူဝ်ႈၼႆႉ ဝၼ်းတီႉ 7/1/2024 ယၢမ်းၵၢင်ၼႂ်ၸဝ်ႉ 9 မူင်း (ၶၢဝ်းယၢမ်းပိုၼ်ႉတီႈ) ၽႅၼ်ႇလိၼ်ဝႆ (ဢိင်ႇသၼ်ႇ)  တီႈသၼ်လွႆတိပႅတ်ႉ မိူင်းၶႄႇ ၵူၼ်းမိူင်းမၢတ်ႇၸဵပ်း 52 ၵေႃႉ လူႉတၢႆ 53 ၵေႃႉ သိုဝ်ႇၶၢဝ်ႇမိူင်းၶႄႇ ပိုၼ်ၽၢဝ်ႇၼင်ႇၼႆ။ သုၼ်ၽႅၼ်ႇလိၼ်ဝႆ မီးတီႈႁိမ်းဝဵင်းသျီႊၵႃႊသေႊ ဝဵင်းလူင် ဢၼ်လမ်ႇလွင်ႈ ၼႂ်းၵၢၼ်သႃႇသၼႃႇ ၼႂ်းမိူင်းတိပႅတ်ႉ၊...

သိုၵ်းၵဝ်ႈၵၢင်ႉ MNDAA ဢွၵ်ႇပၼ်ဝႂ် ႁေႃႈရူတ်ႉၵႃး တီႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ - ရူတ်ႉၵႃး ဢၼ်မီးလၢႆႊသဵၼ်ႊ (License) လႄႈသင် ဢမ်ႇမီးဝႂ် လၢႆႊသဵၼ်ႊ(License) လႄႈသင် တေလႆႈတၢင်ႇယွၼ်းၶိုၼ်းမႂ်ႇမႂ်ႇ တင်းမူတ်း ဝႃႈၼႆ။ တႄႇႁူဝ်လိူၼ်ၵျႅၼ်ႊၼိဝ်ႊရီႊ ၼႆႉမႃး သိုၵ်းၵဝ်ႈၵၢင်ႉႁဵတ်းပၼ်ဝႂ်ၾၢင်လၢႆႊသဵၼ်ႊ(License) ရူတ်ႉၶိူင်ႈ/ ရူတ်ႉၵႃး၊ ၵူၼ်းပိုၼ်ႉတီႈဢွၼ်ၵၼ် ၵႂႃႇပၼ်သဵၼ်ႈမၢႆ ၼိုင်ႈဝၼ်း...