ပၢင်တွပ်ႇလိၵ်ႈလုၵ်ႈႁဵၼ်း Grade 12 တႃႇပီၵၢၼ်ႁဵၼ်း 2024-2025 ၼႆႉ တႄႇၸတ်းၼႂ်းဝၼ်းတီႈ 17/03/2025 ၼႂ်းမိူင်းႁူမ်ႈတုမ် ပတ်းပိုၼ်ႉ ၸွမ်းၼင်ႇၼႂ်းၼႃးတီႈ တပ်ႉသိုၵ်းမၢၼ်ႈ ၵုမ်းၵမ်ဝႆႉ ဝႃႈၼႆ။
ႁွင်ႈၵၢၼ် ၾၢႆႇထတ်းလိၵ်ႈမိူင်းမၢၼ်ႈ တႂ်ႈသိုၵ်းမၢၼ်ႈၵုမ်းၵမ် ပိုၼ်ၽၢဝ်ႇပဵၼ်တၢင်းၵၢၼ်ဝႆႉဝႃႈ – ပၢင်တွပ်ႇလိၵ်ႈ Grade 12 ၼႆႉ တႄႇဝၼ်းတီႈ 17 တေႃႇထိုင် ဝၼ်းတီႈ 22 ၼႆႉ။ မိူဝ်ႈႁၢင်လိူၼ်ၾႅပ်ႊပိဝ်ႊရီႊ ပူၼ်ႉမႃးၼႆႉ လုၵ်ႈႁဵၼ်း ဢၼ်တၢင်ႇသဵၼ်ႈၸိုဝ်ႈဝႆႉ တေၶဝ်ႈတွပ်ႈလိၵ်ႈၼႆႉ မီး 2 သႅၼ် 2 မိုၼ်ႇပၢႆ – ဝႃႈၼႆ။
လိူဝ်ၼၼ်ႉ ယွၼ်ႉလွင်ႈတၢင်းၵူႈလွင်ႈလွင်ႈသေ လုၵ်ႈႁဵၼ်းၸၼ်ႉၵဝ်ႈ ၸိူဝ်းဢမ်ႇပဵၼ်တွပ်ႇလိၵ်ႈလႄႈ လုၵ်ႈႁဵၼ်းဢၼ်တူၵ်းၸၼ်ႉဝႆႉပီၵၢႆၼၼ်ႉ ပၼ်ၶႂၢင်ႉတွပ်ႇလိၵ်ႈၶိုၼ်းၼွၵ်ႈ ၵၢၼ် (အပြင်ဖြေ) ယူႇၼႆ ႁွင်ႈၵၢၼ် ၾၢႆႇထတ်းလိၵ်ႈမိူင်းမၢၼ်ႈ ပိုၼ်ၽၢဝ်ႇဝႆႉၼင်ႇၼႆ။
ၼႂ်းၸိုင်ႈတႆးပွတ်းႁွင်ႇ ၵမ်ႈၼမ် ဢိၵ်ႇပႃး ဢွင်ႈတီႈပဵၼ်ပၢင်တိုၵ်းသိုၵ်းသိူဝ် ၼႂ်းမိူင်းမၢၼ်ႈ ပတ်းပိုၼ်ႉၼၼ်ႉ ဢမ်ႇပဵၼ်ၸတ်းပၢင်တွပ်ႇလိၵ်ႈသေ လုၵ်ႈႁဵၼ်းတင်းၼမ် လႆႈႁၢမ်းသုၼ်ႇသွၼ်ႁဵၼ်းဝႆႉ – သိုဝ်ႇၶၢဝ်ႇ RFA / Eleven Media Group ဢွၵ်ႇဝႆႉၼင်ႇၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ