တႄႇလိူၼ်ၵျုၼ်ႊၼႆႉမႃး သိုၵ်းၵဝ်ႈၵၢင်ႉ MNDAA ၸိူဝ်းပၵ်းတပ်ႉ ၵုမ်းၵမ်ယူႇၼႂ်းထုင်ႉၼမ်ႉပွင်ႈလႄႈ ၼွၵ်ႈဝဵင်းလႃႈသဵဝ်ႈၼၼ်ႉ ဢွၵ်ႇၶေႃႈၸီႉသင်ႇ တီႈၵၢင်ႉၵႄႇၸွမ်းဝၢၼ်ႈၸွမ်းသူၼ် ႁႂ်ႈႁႃပၼ်ၵူၼ်းတႃႇ ၶဝ်ႈႁဵတ်းသိုၵ်းၼိုင်ႈဝၢၼ်ႈလႂ် ဢေႇသုတ်းၼိုင်ႈၵေႃႉ ဝႃႈၼႆ။ ဝၢႆးလင် သိုၵ်းၵဝ်ႈၵၢင်ႉ လႆႈထွႆဢွၵ်ႇၼႂ်းဝဵင်းလႃႈသဵဝ်ႈ ပၼ်သိုၵ်းမၢၼ်ႈယဝ်ႉၼၼ်ႉ သိုၵ်းၵဝ်ႈၵၢင်ႉ ဢွၵ်ႇ ၶေႃႈၸီႉသင်ႇ တေႃႇၵူၼ်းမိူင်း ၸိူဝ်းယူႇၸွမ်းသၢပ်ႇဝဵင်းလႃႈသဵဝ်ႈလႄႈ ထုင်ႉၼမ်ႉပွင်ႈၼၼ်ႉ ႁႂ်ႈႁႃၵူၼ်း သေ ဢဝ်သဵၼ်ႈမၢႆၵူၼ်း...

ၼႂ်းလိူၼ်ၵျုၼ်ႊၼႆႉ ဝၢႆးသေ သိုၵ်းမၢၼ်ႈ သင်ႇၵၢင်ႉၵႄႇၼႂ်းဢိူင်ႇၼႂ်းဝၢၼ်ႈ ၸႄႈဝဵင်းမိူင်းတူၼ် ၸိုင်ႈတႆးပွတ်းဢွၵ်ႇ ႁွင်ႉၵူၼ်းမိူင်းႁူပ်ႉထူပ်းယဝ်ႉၼၼ်ႉ ၵူၼ်းၼုမ်ႇလႄႈ ၵူၼ်းၸိူဝ်းပႃးၼႂ်းသဵၼ်ႈမၢႆ တႃႇႁၢပ်ႇၵၢၼ်သိုၵ်းမၢၼ်ႈ ဢွၼ်ၵၼ်ၽူင်ႉပၢႆႈ ထႅင်ႈတင်းၼမ်။ လိူဝ်ၼၼ်ႉ ၸုမ်းပျီႇတူႉၸိတ်ႉၵေႃႈ ၽွင်းၸုမ်းသိုၵ်းမၢၼ်ႈ လူင်းၵဵပ်းသဵၼ်ႈၸိုဝ်ႈၼၼ်ႉ ယိုဝ်းၵွင်ႈလွၵ်ႇဢမ်ႇႁႂ်ႈၵဵပ်း ၼႆယဝ်ႉ။  ဝဵင်းမိူင်းတူၼ်ၼႆႉ မီးပွၵ်ႉယႂ်ႇ 3 ပွၵ်ႉ မိူၼ်ၼင်ႇ ပွၵ်ႉၼွင်ပႃယဵၼ်ႇ၊ ပွၵ်ႉမဵဝ်ႉမ၊...

ၵူၼ်းဝၢၼ်ႈၼမ်ႉမႆႈ၊ ဝၢၼ်ႈၽြႃးလွႆ၊ ဝၢၼ်ႈလိၼ်ပူၵ်ႇတႅၵ်ႇ ၼႂ်းၸႄႈဝဵင်းယွင်ႁူၺ်ႈ ၸိုင်ႈတႆးပွတ်းၸၢၼ်း ယွၼ်ႉၽေးပၢင်တိုၵ်း ယွၼ်ႉသိုၵ်းမၢၼ်ႈၵူတ်ႇထတ်းႁႅင်းလႄႈ ႁဵတ်းႁႂ်ႈ ၵူၼ်းမိူင်းဢွၼ်ၵၼ် ပၢႆႈၽေးသိုၵ်းတီႈၼိုင်ႈယဝ်ႉ တီႈၼိုင်ႈ။ ၵူၼ်းပၢႆႈၽေးသိုၵ်း တီႈဝၢၼ်ႈလိၼ်ပူၵ်ႇတႅၵ်ႇ လၢတ်ႈတီႈၽူႈတွႆႇႁွၵ်ႈဝႃႈ - “ၵူၼ်းဝၢၼ်ႈလိၼ်ပူၵ်ႇတႅၵ်ႇ ဢၼ်လႆႈပၢႆႈၽေးသိုၵ်းၼႆႉ ၼပ်ႉဢမ်ႇလႆႈယဝ်ႉၶႃႈ ယွၼ်ႉမၼ်းပဵၼ်လႅၼ် ၸပ်းလႄႈ ပေႃးႁဝ်း ၵႂႃႇယူႇသမ်ႉ မၼ်းဢမ်ႇလိုမ်းၸႂ်။ ၶိူင်ႈမိၼ်ၵေႃႈ ၾၢႆႇၼိုင်ႈ...

ဝၼ်းတီႈ 22/06/2025 ၼႆႉ သိုၵ်းမၢၼ်ႈ ယိုတ်းမိူင်းလႄႈ ႁွင်ႈၵၢၼ်ၾၢႆႇၵူတ်ႇထတ်း ၶဝ်ႈဢွၵ်ႇမိူင်း (လဝၵ) ဢိၵ်ႇပႃးၸုမ်းပလိၵ်ႈ ႁူမ်ႈၵၼ် ပႂ်ႉၵူတ်ႇထတ်းၵႃးလူင် ၸိူဝ်းတၢင်ႇၵုၼ်ႇ လုၵ်ႉတၢင်းၾင်ႇမိူင်းၶႄႇလႄႈ တိူင်းဝဵင်းလိူဝ်ႇ (မၼ်းတလေး) တီႈတႃႈရူတ်ႉၵႃး တဵင်းတၢၼ်းၶျီႇ (သိန်းသန်းချီကားကွင်း) ႁၢဝ်ႈႁႅင်းလႄႈ ၸဝ်ႈၵႃးလူင်ၸိူဝ်းတၢင်ႇၵုၼ်ႇၶဝ် ဢမ်ႇႁတ်းၶဝ်ႈဝဵင်း လႆႈၵိုတ်းဝႆႉတၢင်းၼွၵ်ႈ ဝဵင်းမူႇၸေႊ ၸိုင်ႈတႆးပွတ်းႁွင်ႇ။ သိုၵ်းမၢၼ်ႈ...

တီႈလႅၼ်လိၼ်မိူင်းတႆး−မိူင်းၶႄႇ ဢၼ်ၸုမ်းသိုၵ်းဝႃႉ UWSA ၵုမ်းၵမ် တီႈဝဵင်းမိူင်းပွၵ်ႉၼႆႉ ၵၢၼ်ၶုတ်းႁႄႈလိၼ်လိူင်ႇၼမ်မႃးႁႅင်း ပေႃးၼိူင်းတူၺ်း 10 ပီတီႈပူၼ်ႉမႃးၼႆ လႆႈဝႃႈၼမ်ၶိုၼ်ႈမႃးပဵၼ် 8 ပုၼ်ႈၼႆ - ၸုမ်းၵဝ်ႉငဝ်ႈသုၼ်ႇလႆႈၵူၼ်းၸိုင်းတႆး ပိုၼ်ၽၢဝ်ႇဝႆႉၼင်ႇၼႆ။ ၼႂ်းပီ 2015 ၼၼ်ႉ တီႈဝဵင်းမိူင်းပွၵ်ႉ ဢၼ်ၸုမ်းသိုၵ်းဝႃႉ UWSA ၵုမ်းၵမ် မီးၵၢၼ်ၶုတ်းႁႄႈလိၼ်ဢမ်ႇယွမ်း 3 တီႈ...

တႄႇႁၢင်လိူၼ်ၵျႃၼ်ႊၼႆႉမႃး ၵူၼ်းပၢႆႈၽေးသိုၵ်း ဝၢၼ်ႈသွင်းပျွင်း ၸႄႈဝဵင်းပၢင်လွင်း ၸိုင်ႈတႆးပွတ်းၸၢၼ်း ဢွၼ်ၵၼ်ပွၵ်ႈၶိုၼ်းႁိူၼ်းယေးယဝ်ႉသေတႃႉ ယွၼ်ႉလႆႈငိၼ်းသဵင်ၵွင်ႈတႅၵ်ႇထႅင်ႈလႄႈ ဢွၼ်ၵၼ်မႆႈၸႂ်လွင်ႈႁူမ်ႇလူမ်ႈ ဝႃႈၼႆ။ သဵင်ၵွင်ႈသဵင်မၢၵ်ႇ ဢၼ်ၵူၼ်းဝၢၼ်ႈသွင်းပျွင်း လႆႈငိၼ်းယူႇၼၼ်ႉ လုၵ်ႉမႃးတၢင်းဝၢၼ်ႈတွင်ႇမႄးတိၼ်းလႄႈ ဝၢၼ်ႈၼမ်ႉၼဵင်ႈ ၼႂ်းၶၢဝ်းတၢင်း 2-3 ဝၼ်းၼႆႉ ပျီႇတူႉၸိတ်ႉပဢူဝ်းတင်း ၸုမ်းၵႅတ်ႇၶႄႇၵူၼ်းမိူင်း PDF ပဵၼ်ပၢင်တိုၵ်းၵၼ် ၼႆယဝ်ႉ။   ၵူၼ်းပိုၼ်ႉတီႈဝဵင်းပၢင်လွင်း ၵူၼ်းၸၢႆးၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ...

လုမ်းၽွင်းတၢင် မိူင်းဢမေႊရိၵၼ်ႊ၊ မိူင်း UK လႄႈ ၼေႃႊဝုၺ်ႊ ဢွၵ်ႇလိၵ်ႈပိုၼ်ၽၢဝ်ႇ တုၵ်းယွၼ်းသိုၵ်းမၢၼ်ႈ ႁႂ်ႈပွႆႇပၼ်တေႃႇဢွင်ႇသၢၼ်းသူႉၵျီႇလႄႈ ၵူၼ်းမိူင်း ၸိူဝ်းၺႃးတီႉၺွပ်းဝႆႉ လူၺ်ႈဢမ်ႇပဵၼ်ထမ်းတြႃးၼၼ်ႉ ဝႃႈၼႆ။ ဝၼ်းတီႈ 19/06/2025 ၼႆႉ ပဵၼ်ဝၼ်းၵိူတ်ႇ တေႃႇဢွင်ႇသၢၼ်းသူႉၵျီႇ ဢႃယုၶွပ်ႈတဵမ် 80 ပီ။ ၼႂ်းၶေႃႈပိုၼ်ၽၢဝ်ႇ လုမ်းၽွင်းတၢင်ဢမေႊရိၵၼ်ႊၼၼ်ႉ တႅမ်ႈဝႆႉဝႃႈ ၽဝၸူဝ်ႈပၢၼ်လႄႈ...

တႄႇဢဝ် ဝၼ်းတီႈ 18/06/2025 ၼႆႉမႃး ၾၢႆႇပလိၵ်ႈၵုမ်းရူတ်ႉၵႃး တီႈဝဵင်းတၢင်ႉယၢၼ်း ၸိုင်ႈတႆးပွတ်းႁွင်ႇ တႄႇတီႉၺွပ်းရူတ်ႉၵႃး ဢမ်ႇမီးဝႂ်လၢႆႊသိၼ်ႊလႄႈ ၵူၼ်းမိူင်းၸိူဝ်းမီးလုၵ်ႈလၢင်းၶိုၼ်ႈႁဵၼ်း၊ ၸိူဝ်းႁႃ ၵိၼ်လဵင်ႉတွင်ႉၵႃႉၶၢႆၶဝ် ဢွၼ်ၵၼ်ထူပ်းတၢင်းယၢပ်ႇႁႅင်း တႃႇလွင်ႈၵႂႃႇမႃး ၼႆယဝ်ႉ။ ၵူၼ်းမိူင်းပိုၼ်ႉတီႈ ဝဵင်းတၢင်ႉယၢၼ်း လၢတ်ႈတီႈၽူႈတွႆႇႁွၵ်ႈဝႃႈ - “ၸွမ်းၼင်ႇ လႆႈႁၼ်လိၵ်ႈဝႆႉတႄႉ ဝၼ်းတီႈ 18 တင်း ဝၼ်းတီႈ...

မိူဝ်ႈၼႆႉ ဝၼ်းတီႈ 19/06/2025 ယၢမ်းၵၢင်ၼႂ် ၵၢင်ႉၵႄႇလႄႈ ႁွင်ႈၵၢၼ် ၾၢႆႇၽွင်းငမ်းၵူႈလွင်ႈလွင်ႈ တႂ်ႈသိုၵ်းမၢၼ်ႈ သူင်ႇလိၵ်ႈၸူး ၵူၼ်းမိူင်းၼႂ်းပွၵ်ႉ 3 ဝဵင်းပၢင်လူင် ၸိုင်ႈတႆးပွတ်း ၸၢၼ်း ႁွင်ႉၸူၵ်းမႄး တႃႇႁၢပ်ႇၵၢၼ်သိုၵ်း ဝႃႈၼႆ။ ၼႂ်းလိၵ်ႈၼၼ်ႉပႃးဝႆႉဝႃႈ ပေႃးထိုင်မႃး ဝၼ်းတီႈ 22/06/2025 ယၢမ်းၵၢင်ၼႂ် 9 မူင်း ၵူၼ်းၼႂ်းပွၵ်ႉဢၼ်...

ၵူၼ်းဝၢၼ်ႈၽြႃးၽိူၵ်ႇ တီႈဝဵင်းသီႇသႅင်ႇ ၸိုင်ႈတႆးပွတ်းၸၢၼ်း ၵႂႃႇႁဵတ်းသမၢတ်ႉၵၢတ်ႉၵၼ် လႆႈပၼ်ငိုၼ်း တီႈၵၢင်ႉၵႄႇလႄႈ ႁွင်ႈၵၢၼ်ၾၢႆႇၽွင်းငမ်းၵူႈလွင်ႈလွင်ႈ တႂ်ႈသိုၵ်းမၢၼ်ႈၵုမ်းၵမ် ၼပ်ႉႁူဝ်မိုၼ်ႇပျႃး။ ႁွင်ႈၵၢၼ် ၾၢႆႇၽွင်းငမ်းၵူႈလွင်ႈလွင်ႈၸီႉသင် ႁႂ်ႈၵူၼ်းမိူင်းဝဵင်းသီႇသႅင် ႁဵတ်းသမၢတ်ႉၵၢတ်ႉဝႆႉ ဝႃႈၼႆသေ တႃႉ ယွၼ်ႉပဵၼ်ပၢင်တိုၵ်းသိုၵ်းသိူဝ်လႄႈ ၵူၼ်းမိူင်းသီႇသႅင်ႇ လႆႈငိူင်ႉပၢႆႈၽေးသိုၵ်းသေ ဢမ်ႇလႆႈႁဵတ်း ယွၼ်ႉၼၼ်ႉ ၽူႈမီးပုၼ်ႈၽွၼ်း တႂ်ႈသိုၵ်းမၢၼ်ႈၶဝ် ၸီႉသင်ႇ တေလႆႈႁဵတ်းႁႂ်ႈယဝ်ႉ...

ပျီႇတူႉၸိတ်ႉပဢူဝ်း PNO ႁၢမ်ႈၸဝ်ႈႁိူဝ်းၵႂႃႇမႃးၼႂ်းထုင်ႉၸၢမ်ၵႃးယဝ်ႉသေဢမ်ႇၵႃး ၸႂ်ႉၵူၼ်းဝၢၼ်ႈသူင်ႇ ပၼ်ႁေႃႇၶဝ်ႈၸွၵ်းၽၵ်းၶဝ်ၵူႈဝၼ်း တီႈၼႂ်းထုင်ႉၸၢမ်ၵႃး ၸႄႈဝဵင်းယွင်ႁူၺ်ႈ ၸိုင်ႈတႆးပွတ်းၸၢၼ်း။ တႄႇႁၢင်လိူၼ်ၵျႃၼ်ႊၼႆႉမႃး ၸုမ်းပျီႇတူႉၸိတ်ႉပဢူဝ်း PNO ဢမ်ႇမီးလွင်ႈတၢင်းသင်သေ ႁၢမ်ႈၸဝ်ႈႁိူဝ်း ၸိူဝ်းဢၼ်မီးတီႈတၢင်းၾၢႆႇတူၵ်းဝၢၼ်ႈၸၢမ်ၵႃး ၵႂႃႇမႃးႁႃၵိၼ်လဵင်ႉတွင်ႉၼႂ်းၼွင်လႄႈ ႁဵတ်းႁႂ်ႈၵူၼ်းမိူင်း ထူပ်းတၢင်းယၢပ်ႇၽိုတ်ႇ။ ၵူၼ်းပိုၼ်ႉတီႈ ဝၢၼ်ႈတႃႇယႃႇၵုင်း လၢတ်ႈတီႈၽူႈတွႆႇႁွၵ်ႈဝႃႈ -“ႁိူဝ်းၸၢၵ်ႈၵေႃႈ ဢမ်ႇလႆႈ၊ ႁိူဝ်းဢၼ်ဢဝ်မိုဝ်းၽၢႆးၵေႃႈ ဢမ်ႇလႆႈ၊ ၵူၼ်းၵႂႃႇႁႃပႃႁႃၵိၼ်လဵင်ႉတွင်ႉၸိူဝ်းၼၼ်ႉၵေႃႈ ဢမ်ႇပၼ်ၵႂႃႇ၊...

မိူဝ်ႈဝၼ်းတီႈ 16/06/2025 ယၢမ်းၵၢင်ၼႂ်မွၵ်ႈ 9 မူင်း ၽွင်းၵူၼ်းပၢႆႈၽေးသိုၵ်း ဢၼ်ယူႇတီႈဝၢၼ်ႈဢုမ်တီး တိုၵ်ႉႁၢင်ႈႁႅၼ်းၶူဝ်းလဵင်း တႃႇၶၢႆႉဢွင်ႈတီႈပၢႆႈပၢင်တိုၵ်းယူႇၼၼ်ႉ ၺႃးၸုမ်းယိပ်းၵွင်ႈၵၢင်ႇ ၸိူဝ်းယူႇႁိမ်း ၵျွင်းၶဵဝ်ၶမ်း ယိုဝ်းသႂ်ႇလႄႈ လႆႈမၢတ်ႇၸဵပ်းၵႂႃႇ ၵေႃႉၼိုင်ႈ ၼႂ်းၸႄႈဝဵင်းၼွင်ၶဵဝ် ၸိုင်ႈတႆးပွတ်းႁွင်ႇ။ ၵူၼ်းၵေႃႉၺႃးယိုဝ်းၼႆႉ ပဵၼ်ၸၢဝ်းတႆး ၵူၼ်းၸၢႆးဢႃယု 38 ပီ မၢၵ်ႇၵွင်ႈတိူဝ်ႉၺႃးႁိမ်းပဵမ်ႉလႄႈ ၶႅၼ်မၼ်းၸၢႆးသေ လႆႈသူင်ႇၵႂႃႇယူတ်းယႃတူဝ်ဝႆႉတီႈ...

မိူဝ်ႈဝၼ်းတီႈ 11/06/2025 ယၢမ်းၵၢင်ၼႂ် ၶႃႈႁၢပ်ႇၵၢၼ် တႂ်ႈသိုၵ်းမၢၼ်ႈ 3 ၵေႃႉ ထုၵ်ႇၸုမ်းဢမ်ႇႁူႉၾၢႆႇ တီႉၺွပ်းၵႂႃႇ တီႈၼိူဝ်သဵၼ်ႈတၢင်း တူၼ်ႈတီး - ယႂႃႇငၢၼ်ႇ ၸိုင်ႈတႆးပွတ်းၸၢၼ်း တေႃႇထိုင်ယၢမ်းလဵဝ် ပႆႇ ႁူႉဝႃႈ ပဵၼ်ၸုမ်းလႂ်တီႉၺွပ်းၵႂႃႇ။ ၵူၼ်းပိုၼ်ႉတီႈ ဝဵင်းယႂႃႇငၢၼ်ႇ လၢတ်ႈတီႈၽူႈတွႆႇႁွၵ်ႈဝႃႈ -“ၸႂ်ႈဢေႃႈ ၊ ၶႃႈႁၢပ်ႇၵၢၼ်ၶုၼ် တီႈလုမ်းၽွင်း...

ဝၼ်းတီႈ 16/06/2025 တႄႇယၢမ်းဝၢႆးဝၼ်း 4:30 မူင်း တေႃႇထိုင်ယၢမ်းႁူဝ်ၶမ်ႈ 6:30 မူင်း သိုၵ်းမၢၼ်ႈ ၸႂ်ႉၶိူင်ႈမိၼ်တိုၵ်းလႄႈ ၶိူင်ႈၵွင်ႈလူင် ပွႆႇမၢၵ်ႇသႂ်ႇ ၼႂ်းၼႃႈတီႈသိုၵ်းတဢၢင်း TNLA ၵုမ်းၵမ်သေ တိူဝ်ႉၺႃးႁိူၼ်းယေးၵူၼ်းမိူင်း လူႉၵွႆၵႂႃႇပႃး ဝႃႈၼႆ။ ၵူၼ်းၸမ်ၸႂ်ၵၼ်တင်း တပ်ႉသိုၵ်းတဢၢင်း TNLA လၢတ်ႈတီႈၽူႈတွႆႇႁွၵ်ႈဝႃႈ -“ၶိူင်ႈမိၼ်တိုၵ်း သိုၵ်းမၢၼ်ႈ မႃးပွႆႇမၢၵ်ႇၵႂႃႇ...

ပျီႇတူႉၸိတ်ႉပဢူဝ်း PNO တဵၵ်းၸႂ်ႉၵူၼ်းၼႂ်းဢိူင်ႇၼွင်ၵႅဝ်း (နောင်ကျော) တင်း ဢိူင်ႇတွင်ႇသျေႉ (တောင်ရှေ့ကျေးရွာအုပ်စု) ၼႂ်းၸႄႈဝဵင်းသီႇသႅင်ႇ ၸိုင်ႈတႆးပွတ်းၸၢၼ်း ႁူဝ်ၵူၼ်း 6 ႁဵင်ပၢႆ ႁႂ်ႈၶၢႆႉပၢႆႈ ယၢမ်းလဵဝ် ပဵၼ်ၶၢဝ်းၾူၼ် ၽွင်းလူဝ်ႇမၢႆသူၼ်ၶဝ်ႈၵၢပ်ႇ တႃႇႁႃၵိၼ်လဵင်ႉတွင်းလႄႈ ၵူၼ်းပိုၼ်ႉတီႈ ဢွၼ်ၵၼ်ယွၼ်းၶႂၢင်ႉသိုပ်ႇယူႇဝႆႉ။ ဝၼ်းတီႈ 07/06/2025 ၸုမ်းပျီတူႉၸိတ်ႉပဢူဝ်း PNO သူင်ႇလိၵ်ႈၸူး ႁႂ်ႈၵူၼ်းဝၢၼ်ႈတပူးထူဝ်း...