ၶွမ်ႊပၼီႊ ႁဵတ်းႁိူဝ်း ၸိုဝ်ႈသဵင်လိုဝ်းလင် ဢၼ်ၼိုင်ႈ ၼႂ်းမိူင်း UK ၺႃးလုမ်းတြႃးတႅပ်းတတ်း ပၼ်တၢမ်ႇမႂ်ငိုၼ်းပွၼ်ႊ (သတႃႊလိၼ်ႊပွင်ႊ) 3 သႅၼ်ပၢႆလႄႈ ႁုပ်ႈသိမ်းပႃးၶူဝ်းၶွင် ယွၼ်ႉသိုဝ်ႉၸႂ်ႉတိုဝ်း မႆႉသၵ်း ဢၼ်ဢွၵ်ႇတီႈမိူင်းမၢၼ်ႈ ဢၼ်ၶဝ်ႈပႃးၼႂ်းသႅၼ်း ႁႄႉႁၢမ်ႈဝႆႉၼၼ်ႉ ဝႃႈၼႆ။ ၶွမ်ႊပၼီႊ Sunseeker International ၼႆႉ ပၵ်းလုမ်းဝႆႉတီႈဝဵင်း Poole (ဝဵင်းၾင်ႇပၢင်ႇလၢႆႇ)...

ၵူၼ်းမိူင်း ၸိူဝ်းမီးႁူင်းၵဵပ်းၶဝ်ႈသၢၼ် ၼမ်လိူဝ်သေ 25 တၼ်ႊ ဢမ်ႇၼၼ် 2,500 တၢင်ၼၼ်ႉ တေလႆႈဢွၼ်ၵၼ်တၢင်ႇမၢႆၾၢင်။ သင်ဢမ်ႇတၢင်ႇမၢႆၾၢင်ဝႆႉၸိုင် တေဢဝ်လိူင်ႈၵႂႃႇၼႆ ၽွင်းလူင် ၾၢႆႇၵပ်းသိုပ်ႇပွင်ႇၶၢဝ်ႇသိုၵ်းမၢၼ်ႈ ပိုၼ်ၽၢဝ်ႇ ၼႂ်းဝၼ်းတီႈ 22/11/2024 ၼႆႉၼင်ႇၼႆ။ သိုၵ်းမၢၼ်ႈလၢတ်ႈဝႃႈ ယိူင်းဢၢၼ်း တႃႇႁႂ်ႈၶဝ်ႈသၢၼ်ၼႂ်းမိူင်း တေမီးလွင်ႈၵုမ်ႇထူၼ်ႈ၊ တႃႇတေသူင်ႇၶၢႆၼွၵ်ႈမိူင်း လူၺ်ႈမီးပၵ်းပိူင်လႄႈ ၼင်ႇႁိုဝ် လွၵ်းၵၢတ်ႇၶဝ်းသၢၼ်...

ၶၢဝ်းတၢင်းသိုၵ်းမၢၼ်ႈ ယိုတ်းမိူင်းမႃး ၸမ် 4 ပီၼႆႉ ႁဵတ်းႁႂ်ႈလုၵ်ႈဢွၼ်ႇ လူႉတၢႆမီး 671 ၵေႃႉယဝ်ႉ လွင်ႈလုၵ်ႈဢွၼ်ႇ လူႉတၢႆ ယွၼ်ႉသိုၵ်းမၢၼ်ႈၼႆႉ တိူဝ်ႉၼမ်မႃးၵူႈပီၼႆ ၸုမ်းၸွႆႈထႅမ်ၵူၼ်းတူၵ်းၶွၵ်ႈ ၵၢၼ်မိူင်း AAPP ႁၢႆးငၢၼ်းဝႆႉ မိူဝ်ႈဝၼ်းတီႈ 20/11/2024 ၼႆႉၼင်ႇၼႆ။ ပူၼ်ႉမႃး မိူဝ်ႈဝၼ်းတီႈ 15 ၼႆႉ ၶိူင်ႈမိၼ်သိုၵ်းမၢၼ်ႈ...

ၵူၼ်းမိူင်းမၢၼ်ႈ ဢွၼ်ၵၼ်ၵႂႃႇသိုဝ်ႉႁွင်ႈၶွၼ်ႊတူဝ်ႊ တီႈမိူင်းထႆးၼမ်လႄႈ ႁဵတ်းႁႂ်ႈႁႅင်းသိုဝ်ႉၶၢႆ ႁွင်ႈၶွၼ်ႊတူဝ်ႊ တီႈဝဵင်းၵုင်းထဵပ်ႈ (မိူင်းၵွၵ်ႇ) ဢိၵ်ႇထႅင်ႈလၢႆပိုၼ်ႉတီႈ ၼႂ်းမိူင်းထႆး ပုင်ႈၶိုၼ်ႈသုင် ဝႃႈၼႆ။ ၾၢႆႇၼိုင်ႈၵေႃႈ ၵူၼ်းမိူင်းၶႄႇတင်း မိူင်းရတ်ႉသျႃႊ ဢၼ်သိုဝ်ႉႁွင်ႈၶွၼ်ႊတူဝ်ႊ တီႈမိူင်းထႆးၼမ်သေ ပိူၼ်ႈၼၼ်ႉတႄႉ လူတ်းယွမ်းလူင်းဝႆႉၼႆ ၶၢဝ်ႇရၢႆႊတိူဝ်ႊ ႁၢႆးငၢၼ်းဝႆႉၼင်ႇၼႆ။ ၼႂ်း 2024 ၶၢဝ်းတၢင်း 9 လိူၼ် ပီၼႆႉ...

ၼႂ်းပီ 2023 ပူၼ်ႉမႃးၼႆႉ ၵူၼ်းၸိူဝ်းလူႉတၢႆ မၢတ်ႇၸဵပ်းယွၼ်ႉၶိူင်ႈၵွင်ႈၵၢင်ႇ ဢၼ်ၸၢင်ႈတႅၵ်ႇၽူင်ႉလႄႈ မၢၵ်ႇမႅင်းၾင်လိၼ် ၼမ်လိူဝ်ပိူၼ်ႈသုတ်းၼႂ်းလုမ်ႈၾႃႉ ပဵၼ်မိူင်းမၢၼ်ႈ မီးၵူၼ်းလူႉတၢႆ ႁဵင်ပၢႆ ပဵၼ်မိူင်း ဢၼ်မီးၵူၼ်းလူႉတၢႆၼမ်လိူဝ်ပိူၼ်ႈသုတ်း ပွၵ်ႈၵမ်းႁႅၵ်ႈ။ လွင်ႈၼႆႉ ၸုမ်းတူင်ႉၼိုင် တႃႇႁႂ်ႈလွင်ႈၸႂ်ႉတိုဝ်း မၢၵ်ႇမႅင်းၾင်လိၼ်ၵူႈမိူင်းမိူင်း ဝၢႆးႁၢႆ (ICBL) ပိုၼ်ၽၢဝ်ႇ ႁၢႆးငၢၼ်းဝႆႉ ၼႂ်းဝၼ်းတီႈ 20 လိူၼ်ၼူဝ်ႊဝႅမ်ႊပိူဝ်ႊၼႆႉ။ ၼႂ်းၽိုၼ်လိၵ်ႈႁၢႆးငၢၼ်း...

တႃႇၶႅၵ်ႇၼွၵ်ႈမိူင်း ပေႃးတေၶဝ်ႈမႃးဢႅဝ်ႇလႄႇ ၼႂ်းမိူင်းႁူမ်ႈတုမ်ၼမ်ၼႆႉ တႄႇဢဝ် ဝၼ်းတီႈ 21/10/2024 မႃးၼႆႉ သိုၵ်းမၢၼ်ႈပၼ် Arrival visa တီႈၵူၼ်းမိူင်းၵျပၼ်ႊ ၵူဝ်ႊရီႊယိူဝ်ႊၸၢၼ်း ၵူၼ်းမိူင်းၸိူဝ်းယိပ်းဝႂ်ၶၢမ်ႈမိူင်း passport ၼႂ်း ၼႃႈလိၼ်ဢုပ်ႉပိူင်ႇၶိုၵ်ႉတွၼ်း မၵႃႊဢူဝ်ႊ မိူင်းၶႄႇ ၸိူဝ်းၼႆႉ။ ႁွင်ႈၵၢၼ် ၾၢႆႇၵူၼ်းၶဝ်ႈဢွၵ်ႇမိူင်း တႂ်ႈသိုၵ်းမၢၼ်ႈ ပိုၼ်ၽၢဝ်ႇဝႆႉဝႃႈ Arrival visa...

ၼႂ်းမိူင်းႁူမ်ႈတုမ် ပတ်းပိုၼ်ႉၼႆႉ သိုၵ်းမၢၼ်ႈ ၸႂ်ႉၶိူင်ႈမိၼ်ပွႆႇမၢၵ်ႇ တိူဝ်ႉၺႃးၵူၼ်းမိူင်း ဢိၵ်ႇပႃးလုၵ်ႈဢွၼ်ႇ လူႉတၢႆ 543 ၵေႃႉၼႆ ၸုမ်းပၵ်းတႃပႂ်ႉတူၺ်းၶဝ် ၵဵပ်းၶေႃႈမုလ်း ႁၢႆးငၢၼ်းဢွၵ်ႇမႃးၼင်ႇၼႆ။ တႄႇဢဝ် လိူၼ်ၵျုၼ်ႊတေႃႇထိုင် လိူၼ်သႅပ်ႊထႅမ်ႊပိူဝ်ႊ 2024 ၼႆႉ သိုၵ်းမၢၼ်ႈ ယိုတ်းမိူင်း ၸႂ်ႉၶိူင်ႈမိၼ် ပွႆႇမၢၵ်ႇသႂ်ႇ ဢမ်ႇယွမ်း 1,200 ၵမ်း၊ ၸႂ်ႉၶိူင်ႈတရူၼ်း...

တႄႇဢဝ်ဝၼ်းတီႈ 15/11/2024 မႃးၼႆႉ ၼႂ်းၸႄႈဝဵင်းၵျွၵ်ႉၽိဝ်ႇ ၸႄႈမိူင်းရၶႅင်ႇ (ဢွင်ႈတီႈမီးၶူင်းၵၢၼ် တႃႈႁိူဝ်းၼမ်ႉလိုၵ်ႉ မိူင်းၶႄႇ) ၼၼ်ႉ ယေးငိုၼ်း/ ပၢၼ်ႇသုၼ်ႇတူဝ် ၵိုတ်းၵၢၼ်ၵႂႃႇတင်းမူတ်းယဝ်ႉ ဝႃႈၼႆ။ သိုၵ်းရၶႅင်ႇ ယိုတ်းၵုမ်းလႆႈဝႆႉ ဝဵင်းယႅၼ်းပျႄး(ရမ်းဗြဲမြို့)၊ ဝဵင်းၸၼႄး(စနဲ့မြို့) လႄႈ ဝဵင်းမဢီႇ (မအီမြို့) ဢၼ်မီးႁိမ်း ၸမ် ဝဵင်းၵျွၵ်ႉၽိဝ်ႇ။ လိူဝ်ၼၼ်ႉ ထူဝ်းသိုၵ်းၶိုၼ်ႈတိုၵ်း...

ဝၼ်းတီႈ 20/11/2024 ၵႃးတၢင်ႇႁႅင်းၵၢၼ်မိူင်းမၢၼ်ႈ လမ်းၼိုင်ႈ ပဵၼ်ၽေးၵိုင်ႉၵၢင်ႉ ပိၼ်ႈၶွမ်ႈ ၼိူဝ်သဵၼ်ႈတၢင်း ပၢင်းလဵၼ်း - တွၼ်းတုမ်း ၸႄႈဝဵင်းပၢင်းလဵၼ်း ၸႄႈတွၼ်ႈၼၶွၼ်းပထူမ် မိူင်းထႆး။ ၽွင်းၸဝ်ႈၼႃႈတီႈထႆး ၵႂႃႇၵူတ်ႇထတ်းဢွင်ႈတီႈရူတ်ႉၵႃး ပဵၼ်ၽေးၵိုင်ႉၵၢင်ႉၼၼ်ႉ ထူပ်းႁၼ်ၶၢပ်ႈတူဝ် ၼႂ်းၵႃး 2 ၵေႃႉလႄႈ ၼႂ်းႁွင်ႈၼမ်ႉ 5 ၵေႃႉ ႁူမ်ႈတင်းမူတ်း 7...

လုမ်းၽွင်းတၢင်ၶႄႇ ဢၼ်ၵဵဝ်ႇတင်းမိူင်းမၢၼ်ႈ ပိုၼ်ၽၢဝ်ႇဝႃႈ မိူင်းၶႄႇတေပၼ်ဝီႊသႃႊ ၸဝ်ႈၵၢၼ် ပၢႆးမၢၵ်ႈမီး မိူင်းမၢၼ်ႈလႄႈ ၵူၼ်းႁူမ်ႈႁိူၼ်းၶဝ် ယူႇသဝ်းၼႂ်းမိူင်းၶႄႇလႆႈထိုင် 6 လိူၼ်  “လၢၼ်ႉၸၢင်ႉ - မႄႈၶူင် ဝီႊသႃႊ” ဝႃႈၼႆ။ ဝီႊသႃႊၼႆႉ ဢႃယုမီး 5 ပီ ပဵၼ်ဝီႊသႃႊ သႅၼ်းဢၼ်ၸႂ်ႉတိုဝ်းၶဝ်ႈၼႂ်းမိူင်းၶႄႇလႆႈ လၢႆလၢႆပွၵ်ႈ(Multiple Entry) ။...

ၵူၼ်းၸၢႆး ၵေႃႉၼိုင်ႈ ယိပ်းၵွင်ႈယၢဝ်း ၶဝ်ႈၸူၼ် ၼႂ်းပၢမ်ႉၼမ်ႉမၼ်း Danko တီႈၸႄႈဝဵင်းဢမရပူႇရ ဝဵင်းလိူဝ်ႇ သုမ်းပႃးၵႂႃႇငိုၼ်း 12 သႅၼ်ပၢႆ ဝႃႈၼႆ။ ဝၼ်းတီႈ 17/11/2024 ယၢမ်းဝၢႆးဝၼ်းမွၵ်ႈ 2 မူင်း ၵူၼ်းၸၢႆး ဢႃယု မွၵ်ႈ 25 ပီ ၵေႃႉၼိုင်ႈ ယိပ်းၵွင်ႈယၢဝ်း ၶဝ်ႈၸူၼ်...

လူမ်းလႅင်ႉတၢႆႊၾူၼ်ႊ မၢၼ်ႊယီႊ (တိုင်ဖွန်းမုန်တိုင်း မန်ရီ) ဢၼ်ၽတ်ႉပဝ်ႇယူႇ တီႈၼႂ်းမိူင်းၾိလိပ်ႉပိၼ်းသ်ၼၼ်ႉ ၼႂ်းမိူင်းတႆးပွတ်းၸၢၼ်း မိူင်းယၢင်းလႅင် တၢင်းတွၼ်ႈပွတ်းၸၢၼ်း မိူင်းမၢၼ်ႈလႄႈ ဢိၵ်ႇထႅင်ႈလၢႆပိုၼ်ႉတီႈ ၾူၼ်ၸၢင်ႈတူၵ်းၼႆ ႁွင်ႈၵၢၼ် ၾၢႆႇၾိင်ႈၾႃႉရႃႇသီႇ ပိုၼ်ၽၢဝ်ႇဝႆႉ ၼင်ႇၼႆ။ ဝၼ်းတီႈ 18/11//2024 ၼႆႉ ၾူၼ်တူၵ်း ၼႂ်းမိူင်းတႆး ပွတ်းၸၢၼ်း၊ မိူင်းယၢင်းလႅင်၊ မိူင်းမွၼ်း၊...

ႁႅင်းၵၢၼ်မိူင်းမၢၼ်ႈ ၺႃးယိုဝ်းတၢႆ 2 ၵေႃႉတီႈ ၸႄႈတွၼ်ႈရၢတ်ႉၶျပူႇရီႇ မိူင်းထႆး ပဵၼ်ၽႂ်ၶႃႈႁႅမ်တၢႆ ယွၼ်ႉသင်ၼႆ ပလိၵ်ႈတိုၵ်ႉၵူတ်ႇထတ်းဝႆႉယူႇ။ ဝၼ်းတီႈ 14/11/2024 ပလိၵ်ႈမေႃယႃလႄႈ ၸုမ်းၸွႆႈထႅမ် ၵႂႃႇထူပ်းႁၼ် တူဝ်တၢႆၶဝ်ၾင်ဝႆႉၶၢင်ႈတၢင်းသေ ဢဝ်မၢၵ်ႇႁိၼ်မၢၵ်ႇသၢႆးထူမ်ဝႆႉ။ ၽူႈတၢႆ ပဵၼ်ၽူႈၸၢႆး တင်း2 ၵေႃႉ။ ပဵၼ်ၵူဝ်ႇဢွင်ႇသၢၼ်း ဢႃယု 43 ပီ။ တီႈတူဝ်တၢႆ မီးႁွႆးမၢၵ်ႇ...

ၵဵဝ်ႇၵပ်းလူၺ်ႈ ဢမုၶတီး တဵၵ်းၸႂ်ႉၵိၼ်ႁႅင်းၵၢၼ် လုၵ်ႈဢွၼ်ႇသေ တဵၵ်းတဵင်ပူၼ်ႉပႅၼ်ႁဵတ်းႁၢႆႉ တေႃႇလုၵ်ႈဢွၼ်ႇ ၵူၼ်းမိူင်းမၢၼ်ႈ ၵေႃႉၼိုင်ႈၼၼ်ႉ ပလိၵ်ႈထႆး တီႉၺွပ်းၸဝ်ႈႁိူၼ်း၊ ၵူၼ်းယူႇၵႄႈၵိၼ်ၵၢင်(ၼၢႆးၼႃႈ) မၢၼ်ႈ ၵေႃႉၼိုင်ႈလႄႈ ထႆးၵေႃႉၼိုင်ႈ တီႈၸႄႈတွၼ်ႈၶျူၼ်ႊပူႊရီႊ မိူင်းထႆး။ ဝၼ်းတီႈ 14/11/2024 ၼႆႉ ပလိၵ်ႈထႆးပိုၼ်ၽၢဝ်ႇဝႃႈ - ၸဝ်ႈႁိူၼ်း ၸိုဝ်ႈၼၢင်းသၢဝ် ၽွၼ်းထိပ်ႉ ဢႃယု...

ႁူဝ်ၶမ်ႈ ၶမ်ႈတႄႇပွႆးလိူၼ်သိပ်းသွင်မိူင်းၵဵင်းမႂ်ႇ ၸိုင်ႈထႆး ဝၼ်းတီႈ 14/11/2024 ၼၼ်ႉ ႁႅင်းၵၢၼ်ယၢၼ်မိူင်း ၵူၼ်းမိူင်းမၢၼ်ႈ ဢၼ်ဢမ်ႇမီးတီႈယူႇၵေႃႉၼိုင်ႈ ၶဝ်ႈတႅင်းႁႅင်းၵၢၼ်ထႅင်ႈၵေႃႉၼိုင်ႈ ဢၼ်တိုၵ်ႉလိုဝ်ႈယူႇၼႂ်းႁိူၼ်းၸဝ်ႈၵဝ်ႇ တီႈပွၵ်ႉၸၢင်ႉၵၢၼ်း။ ၵေႃႉတႅင်းၸိုဝ်ႈႁွင်ႉ မွင်ႇငႄႇ ႁိုဝ် ဢၻုလ်း ဢႃယု 43 ပီ ၸၢဝ်းမၢၼ်ႈ။ မၼ်းၸၢႆး ဢမ်ႇမီးၵၢၼ် ဢမ်ႇမီးတီႈယူႇ၊ ဢႅဝ်ႇ ႁႃယူႇၸွမ်း...