ၼႂ်းလိူၼ်မၢတ်ႊၶျ် ဝူင်ႈထီႉသွင်ၼႆႉမႃး ၾၢႆႇၸဝ်ႈၼႃႈတီႈ သိုၵ်းၵဝ်ႈၵၢင်ႉ ႁွင်ႉဢဝ်ၵၢင်ႉၵႄႇ ၼႂ်းၸႄႈဝဵင်းသႅၼ်ဝီ ဢုပ်ႇဢူဝ်း ယွၼ်းႁႂ်ႈၵဵပ်းပၼ်ၵူၼ်း တႃႇႁဵတ်းသိုၵ်းမႂ်ႇ ဝႃႈၼႆ။ ၼိုင်ႈဝၢၼ်ႈလႂ် တေလႆႈႁႃၵူၼ်းပၼ် တႃႇသၢမ်ၵေႃႉသေ တေလႆႈပဵၼ်ၵူၼ်းၼုမ်ႇသႅၼ်း ဢႃယု 16 ပီ တေႃႇထိုင် 45 ပီ။ ဢၼ်သိုၵ်းၵဝ်ႈၵၢင်ႉ ႁႂ်ႈၵဵပ်းပၼ်ၵူၼ်းမႂ်ႇ တႃႇၶဝ်ႈႁၢပ်ႇထၢမ်း ၵၢၼ်သိုၵ်းၼၼ်ႉ ပွၵ်ႈၼႆႉ...

ၶၢဝ်းတၢင်း သိုၵ်းမၢၼ်ႈ ယိုတ်းဢႃႇၼႃႇ ၸိုင်ႈမိူင်းမႃးၼႆႉ ဢမ်ႇမီးၽႂ်ၵေႃႉလႂ် ၶႂ်ႈႁဵတ်းၵၢၼ် ႁႃၵိၼ်လဵင်ႉတွင်ႉ ၼႂ်းဝၢၼ်ႈၼႂ်းမိူင်း။ ဢွၼ်ၵၼ်ပၢႆႈဢွၵ်ႇဝၢၼ်ႈဢွၵ်ႇမိူင်း ၵႂႃႇႁႃႁဵတ်း ၵၢၼ်ႁႃၵိၼ်လဵင်ႉတွင်ႉတၢင်ႇ တီႈတၢင်ႇမိူင်း။ ႁဵတ်းႁႂ်ႈၶရူဝ်ႊၼီႊ ၸဝ်ႈငိုၼ်းသႃး ၸိူဝ်းလေးၶႅၼ်လေးၶႃသိုၵ်းမၢၼ်ႈတႄႉ မီးတိုဝ်ႉတၢင်း ၶႂၢၵ်ႈပိုၼ်ႉ တီႈပၢႆးမၢၵ်ႈမီး။ ၵွၼ်ႇၼႃႈၼၼ်ႉမႃး ပၢၼ်သိုပ်ႇပၢၼ် ၵူၼ်းမိူင်းတႆး ၸိူဝ်းဢမ်ႇယူႇသဝ်းလႆႈ ယွၼ်ႉသိုၵ်းမၢၼ်ႈ ၶႂၢၵ်ႈမိူင်း ႁဵတ်းၶဵၼ်တေႃႇၼၼ်ႉ...

မၢၵ်ႇတႅၵ်ႇ တီႈႁိမ်းၵဵတ်ႉ/လၢၼ်ႇ သိုၵ်းမၢၼ်ႈ တၢင်းဢွၵ်ႇဝဵင်းပၢင်လူင် ပလိၵ်ႈမၢၼ်ႈ မၢတ်ႇၸဵပ်း ၵေႃႉၼိုင်ႈ လႆႈႁၢမ်သူင်ႇႁူင်းယႃ ဝႃႈၼႆ။ ပူၼ်ႉမႃး ဝၼ်းတီႈ 16/03/2025 ယၢမ်းဝၢႆးဝၼ်း 1 မူင်းပၢႆ မၢၵ်ႇတႅၵ်ႇ ၽွင်းပလိၵ်ႈသိုၵ်းမၢၼ်ႈ ၵူတ်ႇထတ်းရူတ်ႉၵႃး ႁိမ်းပၢမ်ႉၼမ်ႉၼမ်း ပႃႇဝႃႇ (ပါဝါ စက်သုံးဆီဆိုင်) တီႈဝၢၼ်ႈပၢင်မူင်ႈ ၾၢႆႇတူၵ်းဝဵင်းပၢင်လူင် ၼိူဝ်သဵၼ်ႈတၢင်းပၢင်လူင်...

သိုၵ်းမၢၼ်ႈ ၸႂ်ႉၶိူင်ႈမိၼ် ၶိူင်ႈၵွင်ႈလူင် ပိုတ်းယိုဝ်းလႄႈ ၼႂ်းလိူၼ်မၢတ်ႊၶျ် ၶၢဝ်းတၢင်း 2 ဝူင်ႈၼႆႉၵူၺ်း ၵူၼ်းမိူင်းလူႉတၢႆ 92 ၵေႃႉ မၢတ်ႇၸဵပ်း 169 ၵေႃႉ ၼႂ်းၼၼ်ႉ တိူင်းဝဵင်းလိူဝ်ႇ ပဵၼ်ၼမ်လိူဝ်ပိူၼ်ႈသုတ်း လူႉတၢႆ 42 ၵေႃႉ မၢတ်ႇၸဵပ်း 53 ၵေႃႉ။ လိူဝ်ၼၼ်ႉ မိူၼ်ၼင်ႇ...

ဝၼ်းတီႈ 18/03/2025 ၼႆႉ သိုၵ်းဢိတ်ႉသရေႊ လၢတ်ႈဝႃႈ လႆႈၸႂ်ႉၶိူင်ႈမိၼ်သိုၵ်း 20 လမ်းပၢႆသေ ၶဝ်ႈယိုဝ်းတိုၵ်းပဝ်ႉမၢႆ ၼႂ်းဝဵင်းၵႃႊသႃႊ၊ ရႃႇၽႃႇလႄႈ ၶၢၼ်ယုၼ်ႊၼိတ်ႉ ၸိူဝ်း ၼႆႉႁၢဝ်ႈႁႅင်း ဝႃႈၼႆ။ လွင်ႈပိုတ်းယိုဝ်း ၵမ်းၼႆႉ ၵူၼ်းမိူင်းပႃႊလႅတ်ႊသတၢႆႊ တၢႆ 200 ပၢႆၼႆ - ၽူႈမီးပုၼ်ႈၽွၼ်း ၾၢႆႇပၢႆးယူႇလီ ၵႃႊသႃႊ...

လိူၼ်ဢေႊပရိူဝ်ႊ ဝၼ်းတီႈ 14 ၼႆႉ ပဵၼ်ဝၼ်းသၢင်းၵျၢၼ်ႇတူၵ်း။ ပီၼႆႉ ငဝ်းလၢႆးၵၢၼ်သိုၵ်းပႆႇၼိမ် - ၶႂ်ႈဝႃႈ ပိုတ်းယိုဝ်းၵၼ်ယူႇပတ်းပိုၼ်ႉၸိုင်ႈမိူင်း။ ၵူၺ်းၵႃႈ ဢွင်ႈတီႈ ဢၼ်သိုၵ်းမၢၼ်ႈၵုမ်းဝႆႉၵေႃႈလီ၊ တီႈဢၼ်သိုၵ်းၸၢဝ်းၶိူဝ်း ၵုမ်းလႆႈဝႆႉၵေႃႈယႃႇ၊ ၽႂ်ၵေႃႈၶႂ်ႈၼႄၾၢင်ႁၢင်ႈဝႃႈ ၸဝ်ႈၵဝ်ႇၵုမ်းလႆႈလီ၊ ဝၢၼ်ႈမိူင်းၵတ်းယဵၼ် ဢမ်ႇမီးၶဵၼ်၊ ၵူၼ်းမိူင်းယူႇမူၼ်ႈသိူဝ်းသႃႇ - ၼႆႁင်းၽႂ်မၼ်း။  တီႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇၼႆႉ ပဵၼ်ဝဵင်းဢၼ်လႅဝ်ၽႅဝ်ႉ...

မိူဝ်ႈဝႃး ဝၼ်းတီႈ 17/03/2025 လူင်ပွင်ၸိုင်ႈမိူင်းႁူမ်ႈတုမ် ၸူဝ်ႈၶၢဝ်း NUG ဢွၵ်ႇလိၵ်ႈတိုၵ်းသူၼ်းထိုင် ၸုမ်းၸိူဝ်း ႁဵတ်းၵၢၼ်သုၼ်ႇလႆႈသုၼ်ႇပဵၼ်ၵူၼ်းလႄႈ လုၵ်ႈဢွၼ်ႇ ၸၢတ်ႈၸိုင်ႈလုမ်ႈၾႃႉ - ႁႂ်ႈဢဝ်လိူင်ႈ တၢင်းၽိတ်းတီႈသိုၵ်းမၢၼ်ႈ ဢၼ်ႁဵတ်းပူၼ်ႉပႅၼ်ၼိူဝ် သုၼ်ႇလႆႈၵူၼ်း​လႄႈ လုၵ်ႈဢွၼ်ႇ ၼႆယဝ်ႉ။ သိုၵ်းမၢၼ်ႈၼႆႉ တင်ႈၸႂ်ယိူင်းၸူးတေႃႇ ဢွင်ႈတီႈမီးၵူၼ်းမိူင်းယူႇသဝ်းၼၼ်ႉသေ ဢဝ်ၶိူင်ႈမိၼ်တိုၵ်း ပွႆႇမၢၵ်ႇသႂ်ႇလႄႈ ႁဵတ်းႁႂ်ႈႁိူၼ်းယေး ၵူၼ်းမိူင်းဢိၵ်ႇ...

ဝၢႆးလင် သိုၵ်းမၢၼ်ႈ ယိုတ်းမိူင်း ၶၢဝ်းတၢင်း 4 ပီမႃးၼႆႉ ၵူၼ်းမိူင်း ၼႂ်းၸိူင်းၸႄႈၵႅင်း မၢတ်ႇၸဵပ်းလူႉတၢႆ ၼႂ်းၵႄႈပၢင်တိုၵ်း ၸမ်မိုၼ်ႇၵေႃႉ ဝႃႈၼႆ။ ၼႂ်းၼၼ်ႉ လူႉတၢႆ 5,000 ပၢႆ မၢတ်ႇၸဵပ်း မွၵ်ႈ 4,000 ၵေႃႉ၊ မၢင်ၸိူဝ်းလူႉတၢႆ ယွၼ်ႉသိုၵ်းမၢၼ်ႈ ႁဵတ်းႁၢႆႉၶႃႈတၢႆ ၊ မၢင်ၸိူဝ်းသမ်ႉ...

သိုၵ်းမၢၼ်ႈတင်း တပ်ႉသိုၵ်းၵႅတ်ႇၶႄႇၸိူဝ်ႉၸၢတ်ႈယၢင်းလႅင် KNDF ႁူမ်ႈတင်း PDF ပဵၼ်ပၢင်တိုၵ်းၵၼ် ၸွမ်းလႅၼ်လိၼ်မိူင်းတႆး - မိူင်းယၢင်းလႅင် ၾၢႆႇသိုၵ်းမၢၼ်ႈ ၸႂ်ႉတိုဝ်းပႃး မၢၵ်ႇလူင်ဢၼ်ၸၢင်ႈမႆႈ လုၵ်ႉပဵၼ်ၾႆး(မီးလောင်ဗုံး) ၼၼ်ႉသေ တိုၵ်းလႄႈ ႁဵတ်းႁႂ်ႈၾႆးမႆႈႁိူၼ်းယေး ၵူၼ်းမိူင်းပၢႆးတင်းၼမ်။ တႄႇႁူဝ်လိူၼ်မၢတ်ႊၶျ်မႃး ၾၢႆႇသိုၵ်းမၢၼ်ႈ ၸႂ်ႉတိုဝ်းၻရူၼ်ႊလႄႈ ၶိူင်ႈၵွင်ႈလူင် ပွႆႇမၢၵ်ႇသႂ်ႇ ၸွမ်းပွၵ်ႉၸွမ်းယွမ်ႇ ၼႂ်းဝဵင်းမိူင်းပၢႆး ၸိူဝ်းဢွင်ႈတီႈဢမ်ႇပဵၼ်ပၢင်တိုၵ်းၼၼ်ႉ...

ဢမ်ႇပဵၼ်ပၢင်တိုၵ်းသင်သေ သိုၵ်းမၢၼ်ႈပွႆႇမၢၵ်ႇ တီႈဝဵင်းၼွင်ၶဵဝ် ၸိုင်ႈတႆးပွတ်းႁွင်ႇ သင်ၶၸဝ်ႈ ႁူမ်ႈ  ၵူၼ်းမိူင်းလူႉတၢႆ 14 ၵေႃႉ  ။ ဝၼ်းတီႈ 16/ 3/2025 ယၢမ်းႁူဝ်ၶမ်ႈ 5 မူင်း သိုၵ်းမၢၼ်ႈ ပွႆႇမၢၵ်ႇသႂ်ႇ ဝတ်ႉၵျွင်းပရိယတ်ႉတိ ၵၢင်ဝဵင်းၼွင်ၶဵဝ် တူၵ်းတႅၵ်ႇသႂ်ႇ သင်ၶၸဝ်ႈလူႉလွၼ်ႇ 9 ပႃး  ၵူၼ်းမိူင်းတၢႆထင်တီႈ...

ဝၢႆးသိုၵ်းမၢၼ်ႈ ၵုမ်းၶိုၼ်းဝဵင်းသီႇသႅင်ႇယဝ်ႉ ပၼ်ၶႂၢင်ႉၵူၼ်းမိူင်း ပိုတ်ႇပၢင်တေႃႇလွင်းမႃး ႁဵတ်းႁႂ်ႈၽူႈလၵ်ႉၸၵ်ႉၶုတ်ႈ လိူင်ႇၼမ်သေဢမ်ႇၵႃး ယၢမ်းလဵဝ် ၵူၼ်းပိုၼ်ႉတီႈမႆႈၸႂ် ဢမ်ႇမီးလွင်ႈႁူမ်ႇလူမ်ႈ။ တႄႇဢဝ်လိူၼ်ၵျႅၼ်ႊၼိဝ်ႊရီႊ 2025 ၼၼ်ႉမႃး တေႃႇထိုင်ယၢမ်းလဵဝ် ၸွမ်းၼႂ်းပွၵ်ႉၼႂ်းယွမ်ႇ ၼႂ်းဝဵင်းသီႇသႅင်ႇ ၸႄႈတွၼ်ႈတူၼ်ႈတီး ၸိုင်ႈတႆးပွတ်းၸၢၼ်းၼႆႉ သိုၵ်းမၢၼ်ႈ ယိုတ်းမိူင်း ပၼ်ၶႂၢင်ႉပိုတ်ႇပၢင်တေႃႇလွင်းမႃး လႆႈထၢင်ႇႁၢင်ႈ ၼႆယဝ်ႉ။ ၵူၼ်းပိုၼ်ႉတီႈ ဝဵင်းသီႇသႅင်ႇ လၢတ်ႈတီႈၽူႈတွႆႇႁွၵ်ႈဝႃႈ -...

တႄႇဢဝ် ဝၼ်းတီႈ 04/03/2025 ၼႆႉမႃး သိုၵ်းမၢၼ်ႈ ယိုတ်းမိူင်း ႁူမ်ႈတင်း ၽူႈၵွၼ်းၸႄႈဝဵင်း ၽူႈၵွၼ်းပွၵ်ႉသေ လူင်းပိုၼ်ႉတီႈ ၵဵပ်းသဵၼ်ႈၸိုဝ်ႈၵူၼ်းၼုမ်ႇ ၸွမ်းၼႂ်းပွၵ်ႉယွမ်ႇ တႃႇႁၢပ်ႇၵၢၼ်သိုၵ်း တႄႇဢဝ်ဢႃယု 18 ပီ တေႃႇထိုင် 45 ပီ ၼႂ်းၸႄႈဝဵင်းလၢင်းၶိူဝ်း ၸိုင်ႈတႆးပွတ်းၸၢၼ်း။   ၵူၼ်းပိုၼ်ႉတီႈ ဝဵင်းလၢင်းၶိူဝ်း လၢတ်ႈတီႈၽူႈတွႆႇႁွၵ်ႈဝႃႈ...

မိူဝ်ႈၼႆႉ ဝၼ်းတီႈ 15/03/2025 ယၢမ်းၵၢင်ၼႂ် ပီႈၼွင်ႉထႆး 700 ပၢႆ ၼႂ်းပိုၼ်ႉတီႈ ဢိူင်ႇတႃႈတွၼ်း ဝဵင်းမႄႈဢၢႆး ၸႄႈတွၼ်ႈၵဵင်းမႆႇ ၸိုင်ႈထႆး ၶွၼ်ႈတုမ်ၵၼ် တီႈႁူင်းႁဵၼ်းၸၼ်ႉသုင်ၼႂ်းဝဵင်းတီႈၼိုင်ႈသေ ပႆတၢင်း ၵႂႃႇၸူးတီႈမႄႈၼမ်ႉၵူၵ်း တုၵ်းယွၼ်း ႁႂ်ႈဢွၼ်ၵၼ်ၵႅတ်ႇၶႄမႄႈၼမ်ႉ တႃႇမၢႆတွင်း ဝၼ်းမႄႈၼမ်ႉလုမ်ႈၾႃႉ ဝႃႈၼႆ။ ၵူၼ်းၼႂ်းပိုၼ်ႉတီႈ ယိပ်းတင်းပၢႆႉ ဢၼ်သၢၼ်ၶတ်း လွင်ႈလူႉသုမ်းၶၢမ်ႈလႅၼ်လိၼ်...

ဝၼ်းတီႈ 13/03/2025 ၼႆႉ ၸၢတ်ႈၸိုင်ႈလုမ်ႈၾႃႉလၢတ်ႈဝႃႈ - ႁူဝ်ၼပ်ႉၵူၼ်းမိူင်းမၢၼ်ႈ 3 ပုၼ်ႈ 1 ပုၼ်ႈၼႆႉ လႆႈႁူပ်ႉလွင်ႈပၼ်ႁႃၶဝ်ႈၼမ်ႉတၢင်းၵိၼ် ဢမ်ႇၵုမ်ႇထူၼ်ႈ၊ ၵူၼ်းမိူင်းတႃႇ 19.9 လၢၼ်ႉသမ်ႉ လူဝ်ႇတၢင်းၸွႆႈထႅမ်ဝႆႉယူႇ - ဝႃႈၼႆ။ လိူဝ်ၼၼ်ႉ သိုၵ်းမၢၼ်ႈႁႄႉႁၢမ်ႈ ဢမ်ႇပၼ်ၶဝ်ႈႁႃ ၸွႆႈထႅမ်ၵူၼ်းမိူင်း၊ ဢဝ်ၽူႈႁၢပ်ႇၵၢၼ်ၾၢႆႇၸွႆႈထႅမ်ၶဝ် ႁဵတ်းပဵၼ်ပဝ်ႉမၢႆ ယိုဝ်းတိုၵ်း၊...

ပျီႇတူႉၸိတ်ႉ ပဢူဝ်း PNO ၵဵပ်းသိုၵ်း ၼႂ်းဝၢၼ်ႈပဢူဝ်း  ၊ ၵဵပ်းၶွၼ်ႇ ၼႂ်းဝၢၼ်ႈတႆး ၼႂ်းထုင်ႉၸၢမ်ၵႃး ၸႄႈဝဵင်းယွင်ႁူၺ်ႈ ၸိုင်ႈတႆးပွတ်းၸၢၼ်း   ။ ၵူၼ်းသိုၵ်းမႂ်ႇၼႆႉ ၵဵပ်းၼႂ်းဝၢၼ်ႈဢၼ်မီးၸၢဝ်းပဢူဝ်းယူႇသဝ်းၼမ်၊ တွၼ်ႈတႃႇလဵင်ႉလူၵူၼ်းသိုၵ်းမႂ်ႇသမ်ႉၵဵပ်းငိုၼ်းတီႈၵူၼ်းဝၢၼ်ႈတႆး ႁႂ်ႈသႂ်ႇပၼ် ၼိုင်ႈလိူၼ် 3 မိုၼ်ႇပျႃး။ သိုၵ်း PNO လၢတ်ႈဝႃႈ ပေႃးၶဝ်ႈႁၢပ်ႇၵၢၼ်သိုၵ်းၼႆ တေဢမ်ႇလႆႈသႂ်ႇၶွၼ်ႇ ၼႆလႄႈ ...