တီႈၼႂ်းၸႄႈဝဵင်းယႂႃႇငၢၼ်ႇ ၸိုင်ႈတႆးပွတ်းၸၢၼ်းၼႆႉ ယၢမ်းလဵဝ် ဢမ်ႇမီးၵူၼ်းဝၢၼ်ႈ ၶႂ်ႈႁပ်ႉႁဵတ်းၵၢင်ႉၵႄႇၽူႈယႂ်ႇၵူၼ်းလူင်ဝၢၼ်ႈ ၊ ဢမ်ႇႁတ်းဢွၼ်ၼမ်းႁဵတ်းလွင်ႈတူင်ႉၼိုင် ၼႂ်းဝၢၼ်ႈၼႂ်းသူၼ်သင်သေလွင်ႈ ၊ ယွၼ်ႉၵၢင်ႉၵႄႇ ၼႂ်းၸႄႈဝဵင်းယႂႃႇငၢၼ်ႇ ၵႆႉထုၵ်ႇ ၶႃႈႁႅမ်ၼႆယဝ်ႉ ။ ၼႂ်းႁၢင်လိူၼ် ၵျႅၼ်ႊၼိဝ်ႊရီႊၼႆႉ မႃးသိုၵ်းမၢၼ်ႈထူဝ်းသိုၵ်းၶဝ်ႈ ႁွင်ႉႁဵတ်းပၢင်ၵုမ်ၵူၼ်းဝၢၼ်ႈ တီႈဝၢၼ်ႈၵုင်းသိမ် ၸႄႈဝဵင်းယႂႃႇငၢၼ်ႇသေ တဵင်ၵႂၢမ်းၼၵ်းဝႆႉလွင်ႈဝႃႈ ႁၢမ်ႈတိတ်းတေႃႇ ၵမ်ႉထႅမ် ၸုမ်းလုၵ်ႉၽိုၼ်ႉ၊ တေလႆႈၸွႆႈထႅမ်ၸုမ်း...

တႄႇဝၼ်းၶွမ်ႊမသျိၼ်ႊၵမ်ၵၢၼ်ပၢင်လိူၵ်ႈတင်ႈ မိူင်းႁူမ်ႈတုမ် ပဵၼ်ၽၢဝ်ႇဢွၵ်ႇဝႃႈ ပႃႇတီႇၵၢၼ်မိူင်းၸိူဝ်းတေ ၶဝ်ႈၶႅင်ႇ ၼႂ်းဝၼ်း ပၢင်လိူၵ်ႈတင်ႈ ႁဵတ်းလွင်ႈႁူၺ်းသူၼ်းလႆႈပဵၼ် တၢင်းၵၢၼ်ယဝ်ႉၼႆၼၼ်ႉမႃး ၼေႃႇၽွင်းတႅၼ်း တၢင်ႇပႃႇတီႇ သူၼ်းတုမ် တႃႇပၢင်လိူၵ်ႈတင်ႈ ၼႂ်းပိုၼ်ႉတီႈလႄႈ တင်းဢွၼ်ႊလၢႆႊသေတႃႉ ပႃႇတီႇသၢင်ႇသီႈတႄႉ ဢမ်ႇလူင်းပိုၼ်ႉတီႈ- ၵူၺ်းၵႃႈ သင်ႇၵၢင်ႉၵႄႇႁဵတ်းၵၢၼ်တႅၼ်းၶဝ်။ တႃႇၼေႃႇၽွင်းတႅၼ်းပႃႇတီႇသၢင်ႇသီႈ တေလႆႈၶႅပ်းမႄးၼမ်၊ ၼင်ႇႁိုဝ်ပႃႇတီႇသၢင်ႇသီႈ ပေႃးတေလႆႈဝၢၵ်ႈ (%)...

ပူႇၵႄႇ ဝၢၼ်ႈတပ်ႉၵုင်း ဢိူင်ႇၵျၢၼ်ႇတေႃး လႄႈ ၽူႈၶဝ်ႈၸုမ်းၾၢႆႇၽဵဝ်ႈမူၺ်ႉၸုမ်းၵေႃႇၵၢၼ်ႁၢႆႉ (တႂ်ႈသိုၵ်းမၢၼ်ႈ) (ၾၢႆႇႁူမ်ႇလူမ်ႈပိုၼ်ႉတီႈ)ဝၢၼ်ႈမျႃႉတဵင်းတၢၼ်ႇ  ၼႂ်းၸႄႈဝဵင်းယႂႃႇငၢၼ်ႇ ၸိုင်ႈတႆးပွတ်းၸၢၼ်း ၺႃးၸုမ်းဢမ်ႇႁူႉၾၢႆႇ ဢဝ်မိတ်ႈတႅင်း ႁႅမ်တၢႆ ဝႃႈၼႆ။ ၼႂ်းဝၼ်းတီႈ 5/10/2025 ၽူႈၵွၼ်းဝၢၼ်ႈတပ်ႉၵုင်း ဢူးပႃႉမူၺ်း ဢႃယု- 45 ပီလႄႈ ၽူႈၶဝ်ႈၸုမ်းၾၢႆႇႁူမ်ႇလူမ်ႈပိုၼ်ႉတီႈ ဢူးမဵဝ်းၵျေႃႇ ဢႃယု - 39...

လိၵ်ႈယိုၼ်ႈထိုင် “ၸုမ်းၶၢဝ်ႇၽူႈတွႆႇႁွၵ်ႈ” ၶႃႈႁဝ်းပဵၼ်ၸၢႆးတႆး ယူႇဝဵင်းလူင်တူၼ်ႈတီး တီႈဢၼ်ႁဝ်းၶႃႈၵူၼ်းမိူင်းတႆးယုမ်ႇယမ်ဝႃႈ ပဵၼ်ဝဵင်းဢၼ် ၶိုၼ်ႈယႂ်ႇမႂ်ႇသုင်သုတ်း ၸဵမ်ပၢႆးတူဝ်လႄႈပၢႆးၸႂ်ၼၼ်ႉၶႃႈဢေႃႈ။ လွင်ႈၼႆႉ မိူဝ်ႈပူၼ်ႉမႃးမွၵ်ႈ 10-20 ပီတႄႉ တေၸႂ်ႈယူႇၶႃႈ။ ၼႂ်းၶၢဝ်းတၢင်းၼႆႉ ၸဵမ်ပၢႆးမၢၵ်ႈမီး ပၢႆးပိူင်ၵူၼ်း တီႈဝဵင်းတူၼ်ႈတီးၼႆႉ ယူပ်ႈယွမ်းတူၵ်းမႃးတိၵ်းတိၵ်း။ ၾၢင်ႁၢင်ႈဝဵင်းလႄႈ တူၼ်ႈၸႂ်ၵေႃႈတေႃႈၼင်ႇၼၼ် ဢမ်ႇပဵင်းၼင်ႇပၢၼ်ႁဝ်းၶႃႈ ပဵၼ်လုၵ်ႈဢွၼ်ႇ ၼၼ်ႉယဝ်ႉ။ ၸူဝ်ႈသိုၵ်းမၢၼ်ႈ ယိုတ်းဢႃႇၼႃႇၸိုင်ႈမိူင်းမႃးၼႆႉတႄႉ လႆႈဝႃႈလွင်ႈယူႇလွင်ႈၵိၼ် ပီႈၼွင်ႉၵူၼ်းမိူင်း...

မိူဝ်ႈၼႆႉ ဝၼ်းတီႈ 19/06/2025 ယၢမ်းၵၢင်ၼႂ် ၵၢင်ႉၵႄႇလႄႈ ႁွင်ႈၵၢၼ် ၾၢႆႇၽွင်းငမ်းၵူႈလွင်ႈလွင်ႈ တႂ်ႈသိုၵ်းမၢၼ်ႈ သူင်ႇလိၵ်ႈၸူး ၵူၼ်းမိူင်းၼႂ်းပွၵ်ႉ 3 ဝဵင်းပၢင်လူင် ၸိုင်ႈတႆးပွတ်း ၸၢၼ်း ႁွင်ႉၸူၵ်းမႄး တႃႇႁၢပ်ႇၵၢၼ်သိုၵ်း ဝႃႈၼႆ။ ၼႂ်းလိၵ်ႈၼၼ်ႉပႃးဝႆႉဝႃႈ ပေႃးထိုင်မႃး ဝၼ်းတီႈ 22/06/2025 ယၢမ်းၵၢင်ၼႂ် 9 မူင်း ၵူၼ်းၼႂ်းပွၵ်ႉဢၼ်...

တွၼ်ႈတႃႇ တေၸၢင်ႈၵူၼ်းၵႂႃႇႁၢပ်ႇၵၢၼ်သိုၵ်း ၸုပ်ႈတီႈ 12 တီႈဝဵင်းၼမ်ႉၸၢင် ၸိုင်ႈတႆးပွတ်းၸၢၼ်းၼၼ်ႉ ၵၢင်ႉၵႄႇၵဵပ်းငိုၼ်းၵူၼ်းမိူင်း ၼိုင်ႈႁိူၼ်း 3 မိုၼ်ႇပျႃး ဝႃႈၼႆ။ မိူဝ်ႈဝႃး ဝၼ်းတီႈ 05/06/2025 ယၢမ်းၵၢင်ၼႂ် 10 မူင်း ၵၢင်ႉၵႄႇ ႁွင်ႉဢဝ်ၵူၼ်းပိုၼ်ႉတီႈ ၼႂ်းပွၵ်ႉၼႂ်းယွမ်ႇ ႁဵတ်းပၢင်ၵုမ်ၵၼ်သေ ၶၢၼ်းငိုၼ်း ၵူၼ်းမိူင်းၼိုင်ႈႁိူၼ်း 3 မိုၼ်ႇပျႃး...

ၵၢင်ႉၵႄႇဝဵင်းသီႇသႅင်ႇ ဢၼ်ထုၵ်ႇၸုမ်းပျီႇတူႉၸိတ်ႉ PNO တီႉၺွပ်းၵႂႃႇၼၼ်ႉ ၵူၼ်းဝၢၼ်ႈၵူၼ်းႁိူၼ်း လႆႈဢဝ်ငိုၼ်း ၵႂႃႇထုတ်ႇတူဝ်သေ ၸင်ႇပူၼ်ႉလွတ်ႈမႃးၶိုၼ်း။  ၵူၼ်းဝၢၼ်ႈသၢႆးၶၢဝ် ၸႄႈဝဵင်းသီႇသႅင်ႇ ဢၼ်ႁွတ်ႈထိုင် ဝဵင်းလူင်တူၼ်ႈတီး လၢတ်ႈၽူႈတွႆႇႁွၵ်ႈဝႃႈ - “ဝၼ်းတီႈ 11/12/2024 ယၢမ်းၵၢင်ၶမ်ႈ ၵၢင်ႉၵႄႇဝၢၼ်ႈတူၺ်ပူး လွတ်ႈမႃးၶိုၼ်းယဝ်ႉ ၵူၼ်းဝၢၼ်ႈလႄႈ လုၵ်ႈလၢင်းၼၢင်းမေး လႆႈ ၵႂႃႇပၼ်ငိုၼ်းသႅၼ် 600 သႅၼ်ပျႃး။...