မိူဝ်ႈၼႆႉ ဝၼ်းတီႈ 29/10/2024 ယၢမ်းၵၢင်ဝၼ်း 11:58 မူင်း ၶိူင်ႈမိၼ်သိုၵ်းမၢၼ်ႈ မႃးပွႆႇမၢၵ်ႇ တီႈပွၵ်ႉ 11 တိူဝ်ႉၺႃး ၵူၼ်းမၢတ်ႇၸဵပ်း ၵေႃႉၼိုင်ႈ ထိုင်မႃးယၢမ်းဝၢႆးဝၼ်း 2:34 မူင်းသမ်ႉ မႃးပွႆႇတီႈပွၵ်ႉ 1 တိူဝ်ႉၺႃး ၵျွင်းၵၢင်မိူင်း (ၵျွင်း 2500) လူႉၵွႆၼမ် ၼႂ်းဝဵင်းလႃႈသဵဝ်ႈ...

တႄႇဢဝ် ဝၼ်းတီႈ 01-25/10/2024 ၼႆႉ ၶိူင်ႈမိၼ်သိုၵ်းမၢၼ်ႈ ပွႆႇမၢၵ်ႇတိူဝ်ႉၺႃးၵူၼ်းမိူင်း ၼႂ်းမိူင်းႁူမ်ႈတုမ် ပတ်းပိုၼ်ႉ လူႉတၢႆ 72 ၵေႃႉ ယဝ်ႉၼႆ ၸုမ်းၸွႆႈထႅမ်ၵူၼ်းတူၵ်းၶွၵ်ႈၵၢၼ်မိူင်း AAPP ပိုၼ်ၽၢဝ်ႇဢွၵ်ႇဝႆႉၼင်ႇၼႆ။ ၼႂ်းၼၼ်ႉ ၵူၼ်းၸၢႆး 37 ၵေႃႉလႄႈ ၵူၼ်းယိင်း 35 ၵေႃႉ၊ လုၵ်ႈဢွၼ်ႇ ဢၼ်မီးၾၢႆႇတႂ်ႈဢႃယု 18...

 ဝၼ်းတီႈ 19/10/2024 ယၢမ်းၵၢင်ၼႂ်ၸဝ့် 1 မူင်းၶိုင်ႈ ၶိူင်ႈမိၼ်သိုၵ်းမၢၼ်ႈမႃးပွႆႇမၢၵ်ႇ တီႈဝဵင်းလၢဝ်ႇၵၢႆး တိူဝ်ႉႁိူၼ်းယေးၵူၼ်းမိူင်းလူႉၵွႆၼမ် မၢၵ်ႇၼၼ်ႉ တူၵ်းတီႈၾၢႆႇဢွၵ်ႇဝဵင်းလၢဝ်ႇၵၢႆး။   ၽူႈၸၢႆးသႅၼ်းပၢၼ်ဢႃယု  35 ပီ ယူႇဝဵင်းလၢဝ်ႇၵၢႆး လၢတ်ႈတီႈၽူႈတွႆႇႁွၵ်ႈဝႃႈ - “ ၶိူင်ႈမိၼ်သိုၵ်းမၢၼ်ႈ မႃးပွႆႇမၢၵ်ႇ ပဵၼ်သႅၼ်းမၢၵ်ႇ 500 ပွင်ႇ၊ တူၵ်းတၢင်းတူင်ႊၶျိူင်ႊ (ၾၢႆႇဢွၵ်ႇဝဵင်းလၢဝ်ႇၵၢႆး...

ဝၼ်းတီႈ 26/09/2024 ယၢမ်းၵၢင်ၼႂ်မွၵ်ႈ 7မူင်းၶိုင်ႈ ၶိူင်ႈမိၼ်သိုၵ်းမၢၼ်ႈ ပွႆႇမၢၵ်ႇသႂ်ႇ တီႈဝဵင်းတၢၼ်ႇတွႆး မိူင်းရၶႅင်ႇ ၵူၼ်းပၢႆႈၽေးသိုၵ်းလူႉတၢႆ 13 ၵေႃႉ မၢတ်ႇၸဵပ်း 25 ၵေႃႉ ပႃးလုၵ်ႈဢွၼ်ႇလႄႈ ၵူၼ်းထဝ်ႈ တင်းၼမ်။ သိုၵ်းမၢၼ်ႈ ယိုတ်းမိူင်းၼႆႉ ၸႂ်ႉၶိူင်ႈမိၼ်သေ ပွႆႇမၢၵ်ႇသႂ်ႇ တီႈလုမ်းၾၢႆႇၵုမ်းသၽႃႇဝ သိင်ႇဝႅတ်ႉလွမ်ႉလႄႈ ႁူင်းႁေႃငဝ်ႈဝဵင်းတၢၼ်ႇတွႆး ပဵၼ်ဢွင်ႈတီႈၵူၼ်းပၢႆႈၽေးသိုၵ်း...

ဝၼ်းတီႈ 11 ယၢမ်းၵၢင်ၼႂ်ၸဝ်ႉ မွၵ်ႈၼိုင်ႈမူင်းၼႆႉ ၶိူင်ႈမိၼ်သိုၵ်းမၢၼ်ႈ ပွႆႇမၢၵ်ႇသႂ်ႇ တီႈမေႃႇႁႄႈ ၼမ်ႉမ ၸႄႈဝဵင်းလႃႈသဵဝ်ႈ လွင်ႈၵူၼ်းမိူင်းမၢတ်ႇၸဵပ်းလူႉတၢႆ ဢမ်ႇမီးသေတႃႉ ႁိူၼ်းယေးတီႈယူႇတႄႉ လႆႈလူႉ ၵွႆလၢႆလင်ၼႆ - သိုၵ်းၵဝ်ႈၵၢင်ႉ MNDAA ပိုၼ်ၽၢဝ်ႇဝႆႉၼင်ႇၼႆ။ တီႈဝဵင်းလႃႈသဵဝ်ႈၼႆႉ ဢမ်ႇပဵၼ်ပၢင်တိုၵ်းသင်သေ သိုၵ်းမၢၼ်ႈ ၸႂ်ႉၶိူင်ႈမိၼ် ပွႆႇမၢၵ်ႇသႂ်ႇ 3 ဝၼ်းထပ်းၵၼ်...

ၼႂ်းဝၼ်းတီႈ 09 ယၢမ်းၵၢင်ၶမ်ႈ 9 မူင်းၶိုင်ႈပၢႆ သိုၵ်းမၢၼ်ႈ ဢဝ်ၶိူင်ႈမိၼ်တိုၵ်း သွင်လမ်း ၵႂႃႇပွႆႇမၢၵ်ႇသႂ်ႇ ၼႂ်းဝဵင်းမွင်ႇတေႃး မိူင်းရၶႅင်ႇ မီးၵူၼ်းလူႉတၢႆၼပ်ႉႁူဝ်သိပ်း။ သိုၵ်းရၶႅင်ႇ AA ပိုၼ်ၽၢဝ်ႇၵႂႃႇ ၼႂ်းဝၼ်းတီႈ 10/09/2024 ၼႆႉ သိုၵ်းမၢၼ်ႈ ဢဝ်ၶိူင်ႈမိၼ်တိုၵ်း သွင်လမ်း မႃးပွႆႇမၢၵ်ႇသႂ်ႇ တီႈပၢင်သဝ်း လေးမၢႆႇ ၼၶၶ...

မိူဝ်ႈၼႆႉ ဝၼ်းတီႈ 09/09/2024 ယၢမ်းၵၢင်ၼႂ် 10:27 မူင်း ၶိူင်ႈမိၼ် သိုၵ်းမၢၼ်ႈ ယိုတ်းမိူင်း မႃးပွႆႇမၢၵ်ႇသႂ်ႇ တီႈပွၵ်ႉ 1 ဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ ထႅင်ႈ 2 လုၵ်ႈ ၸၢၵ်ႇမၢၵ်ႇတိူဝ်ႉသႂ်ႇ ၾၢႆႇၽွင်းငမ်း လူႉတၢႆ 1 ၵေႃႉလႄႈ ၵူၼ်းမိူင်းမၢတ်ႇၸဵပ်းၸွမ်းထႅင်ႈ 7...

လၢႆပိုၼ်ႉတီႈ ၼႂ်းမိူင်းတႆးပွတ်းႁွင်ႇ တီႈဢၼ်သိုၵ်းၸၢဝ်းၶိူဝ်း ပိုတ်းယိုဝ်းလႆႈ တပ်ႉသိုၵ်းမၢၼ်ႈသေ ပိုၼ် ၽၢဝ်ႇဝႃႈၵုမ်းလႆႈဝႆႉၼၼ်ႉ သိုၵ်းမၢၼ်ႈ ၼႂ်းတပ်ႉပၢႆႈမူတ်းယဝ်ႉသေတႃႉ ယၢမ်းၵၢင်ၶမ်ႈၵၢင်ၶိုၼ်း ၵႆႉဢဝ် ၶိူင်ႈမိၼ်မႃးပွႆႇမၢၵ်ႇ တိူဝ်ႉသႂ်ႇႁိူၼ်းယေး ၵူၼ်းမိူင်း ႁဵတ်းႁႂ်ႈၵူၼ်းမိူင်းမၢတ်ႇၸဵပ်းလူႉတၢႆ။ တီႈဝဵင်းမၢၼ်ႈတူင်ႈ ၸိုင်ႈတႆးပွတ်းႁွင်ႇၵေႃႈ ဝၢႆးလင်ပၢင်တိုၵ်း 1027 ၼႆႉ သိုၵ်းမၢၼ်ႈ တင်ႈၸႂ်ဢဝ်ၶိူင်ႈမိၼ် Jet Fighter မႃးပွႆႇမၢၵ်ႇလူင်သႂ်ႇလႄႈ...

ၸုမ်းဢူၺ်းလီပွတ်းႁွင်ႇ 3 ၸုမ်း လေႃႇတိုၵ်း တပ်ႉသိုၵ်းမၢၼ်ႈမႃး ၸဵမ်မိူဝ်ႈႁၢင်ပီ 2023 တေႃႇထိုင် ယၢမ်းလဵဝ် သိုၵ်းမၢၼ်ႈ သုမ်းတပ်ႉၵွင်၊ တပ်ႉၸုမ်း ပႃးၸဵမ်ပိုၼ်ႉတီႈ ဢၼ်မီးငိုၼ်းၶဝ်ႈတင်းၼမ်။ တေႃႈၼင်ႇ ၶူင်ႇႁိူဝ်းမိၼ် ဝဵင်းလႃႈသဵဝ်ႈ ဢၼ်သိုၵ်းမၢၼ်ႈ ယၢမ်ႈတေႃႉသူင်ႇၶိူင်ႈၶူဝ်းသိုၵ်း ၵူၼ်းသိုၵ်း ၶဝ်ၼၼ်ႉၵေႃႈ ယၢမ်းလဵဝ် ၺႃးသိုၵ်းၵဝ်ႈၵၢင်ႉ ယိုဝ်းပေႉၵုမ်းလႆႈမူတ်းယဝ်ႉ။ တွၼ်ႈတႃႇ...

သိုၵ်းမၢၼ်ႈ ဢဝ်ၶိူင်ႈမိၼ်ပွႆႇမၢၵ်ႇသႂ်ႇ ၼႂ်းဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ တူၵ်းသႂ်ႇၼႂ်းပွၵ်ႉၼႂ်းဝဵင်း ၵူၼ်းမိူင်းတၢႆ ၵေႃႉၼိုင်ႈ မၢတ်ႇၸဵပ်း 2 ၵေႃႉ။ ဝၼ်းတီႈ 27/08/ 2024 ၵၢင်ၶိုၼ်း 11 မူင်းၶိုင်ႈ သိုၵ်းမၢၼ်ႈ ဢဝ်ၶိူင်ႈမိၼ်ႇ ယိုဝ်းသိုၵ်း သႅၼ်း Jet Fighter မႃးပွႆႇမၢၵ်ႇသႅၼ်း 500 ပွၼ်ႊ 2...

ဝၼ်းတီႈ 16/08/2024 ယၢမ်းဝၢႆးဝၼ်း 1 မူင်း ဢမ်ႇပဵၼ်ပၢင်တိုၵ်းသင်သေ သိုၵ်းမၢၼ်ႈ ယိုတ်းမိူင်း ဢဝ်ၶိူင်ႈမိၼ် ပွႆႇမၢၵ်ႇသႂ်ႇ တီႈဝၢၼ်ႈၵူးၵွတ်ႈ ၸႄႈဝဵင်းၵျွၵ်ႉမႄး ၸိုင်ႈတႆး ပွတ်းႁွင်ႇ ၸၢၵ်ႇမၢၵ်ႇ တိူဝ်ႉသႂ်ႇၸဝ်ႈသၢင်ႇ မၢတ်ႇၸဵပ်းတူၼ် ၼိုင်ႈ ဝႃႈၼႆ။ ၵူၼ်းပိုၼ်ႉတီႈ လၢတ်ႈတီႈၽူႈတွႆႇႁွၵ်ႈဝႃႈ - “ဝၼ်းၼၼ်ႉ ၶိူင်ႈမိၼ်သိုၵ်းမၢၼ်ႈ မႃးပွႆႇမၢၵ်ႇသႂ်ႇ...

ဝၢႆးလင် သိုၵ်းမၢၼ်ႈ ယိုတ်းဢႃႇၼႃႇ ၸိုင်ႈမိူင်းမႃးၼႆႉ ၸႂ်ႉၶိူင်ႈမိၼ်သိုၵ်း မႃးပွႆႇမၢၵ်ႇပတ်းပိုၼ်ႉတူဝ်ႈမိူင်း 5,800 ၵမ်းယဝ်ႉၼႆ ဢိၼ်ႊသတီႊၵျုတ်ႉ ၾၢႆႇလဵပ်ႈႁဵၼ်း မူႇပိူင်လႄႈ မႁႃႇပိဝ်ႇႁႃႇမၢၼ်ႈ ISP Myanmar ပိုၼ်ၽၢဝ်ႇ မိူဝ်ႈဝၼ်းတီႈ 05/08/2024 ၼၼ်ႉ ၼင်ႇၼႆ။ ၼႂ်းမိူင်းတႆးတႄႉ တင်ႈတႄႇ ၽႅၼ်ယၼ်ႇသိုၵ်း 1027 မႃးၼႆႉ သိုၵ်းမၢၼ်ႈ...

ၶိူင်ႈမိၼ်သိုၵ်းမၢၼ်ႈ ပွႆႇမၢၵ်ႇတီႈဝဵင်းလၢဝ်ႇၵၢႆး ယၢမ်းၵၢင်ၶိုၼ်း တိူဝ်ႉၺႃးၵူၼ်းမိူင်းတၢႆ 10 ပၢႆ ဝႃႈၼႆ။ ယၢမ်းၵၢင်ၼႂ်ၸဝ်ႉ 1 မူင်း ဝၼ်းတီႈ 02/08/2024 ၼႆႉ ၶိူင်ႈမိၼ်သိုၵ်းမၢၼ်ႈ ပွႆႇမၢၵ်ႇသႂ်ႇထႅင်ႈတီႈဝဵင်းလၢဝ်ႇ ၵၢႆး (ၵၢတ်ႇၵဝ်ႇ) မိူင်းတႆးပွတ်းႁွင်ႇ တူၵ်းတိူဝ်ႉသႂ်ႇႁူင်းယႃလႄႈ ႁိူၼ်းယေးၵူၼ်းမိူင်း ဢၼ်မီးၼႂ်းပွၵ်ႉ တူင်ႊၶျိူင်ႊ (တွၼ်ႈၾၢႆႇဢွၵ်ႇဝဵင်းလၢဝ်ႇၵၢႆး) ၵူၼ်းမိူင်းမၢတ်ႇၸဵပ်းလႄႈ လူႉတၢႆ...

သိုၵ်းၸၢဝ်းၶိူဝ်း ၼႂ်းမိူင်းတႆးပွတ်းႁွင်ႇ တိုၵ်းၽဵဝ်ႈသိုၵ်းမၢၼ်ႈ လၢႆၸႄႈဝဵင်းမႃးၼႆႉ ႁိမ်းၸမ်ပီယဝ်ႉ ၵူၼ်းမိူင်းတႆး ဢမ်ႇယွမ်း 10 ၸႄႈဝဵင်း လႆႈပၢႆႈၽေးသိုၵ်း ထပ်းၵၼ်မႃးၶိူဝ်းယႂ်း။ ယၢမ်းလဵဝ်သမ်ႉ မီး ၶၢဝ်ႇလိုဝ်းၼႂ်းဝဵင်းၵျွၵ်ႉမႄး၊ သီႇပေႃႉ၊ မူႇၸေႊ ၸိူဝ်းၼႆႉဝႃႈ ဝဵင်းဢၼ်သိုၵ်းၸၢဝ်းၶိူဝ်းဢွင်ႇပေႉ သိုၵ်းမၢၼ်ႈသေ ၵုမ်းဝႆႉ ၸိူဝ်းၼၼ်ႉ သိုၵ်းမၢၼ်ႈ တေဢဝ်ၶိူင်ႈမိၼ် မႃးပွႆႇမၢၵ်ႇသႂ်ႇ...

ၶိူင်ႈမိၼ် သိုၵ်းမၢၼ်ႈ ပၼ်ႇလဵပ်ႈၶိုၼ်ႈလူင်း တီႈဝဵင်းမူႇၸေႊၼႆႉ မီး 5 ဝၼ်းထပ်းၵၼ်ယဝ်ႉ ႁဵတ်းႁႂ်ႈၵူၼ်း မိူင်းမႆႈၸႂ် ၵူဝ်ပဵၼ်ပၢင်တိုၵ်းယႂ်ႇထႅင်ႈ။ တႄႇဢဝ် ဝၼ်းတီႈ 29/3/2024 ၼၼ်ႉမႃး ႁၢၼ်ႉတေႃႇထိုင် ဝၼ်းတီႈ 2/4/2024 ၼႆႉ ၶိူင်ႈမိၼ်မႅင်းမီႈ (ႁၢႆးသၵီး) ၶွင်သိုၵ်းမၢၼ်ႈ မႃးပၼ်ႇလဵပ်ႈၶိုၼ်ႈလူင်း တီႈဝဵင်းမူႇၸေႊ လႅၼ်လိၼ်တႆး -...