မုၼ်ၸဝ်ႈၵွၼ်းဝတ်ႉ ဢွင်ႇၽူင်းပျေႉ ၸႄႈဝဵင်းလႄးၵူး တိူင်းတႃႈၵုင်ႈ (ယၢၼ်ႇၵုင်ႇ) ၶႃႈႁႅမ် တၵႃႇယိင်းၵေႃႉၼိုင်ႈ တၢႆထင်တီႈ၊ ပလိၵ်ႈမၢၼ်ႈ တီႉၺွပ်းဢဝ်လိူင်ႈဝႆႉ တီႈႁူင်းပလိၵ်ႈ ဝႃႈၼႆ။ တၵႃႇယိင်း (မႄႈဢွၵ်ႇ) ဢၼ်ၺႃးၶႃႈတၢႆၼၼ်ႉ မီးဢႃယု 48 ပီ၊ ပဵၼ်ၵေႃႉလူႉတၢၼ်းပၼ် ၵျွင်း သိမ်ႇ တႃႇၸဝ်ႈၵွၼ်းဝတ်ႉ တီႈဝတ်ႉဢွင်ႇၽူင်းပျေႉ၊ ၵေႃႉပဵၼ်မႄႈ တၵႃႇယိင်းၼၼ်ႉၵေႃႈ...

ၽွင်းၶၢဝ်းၵူၼ်းမိူင်း လႆႈႁူပ်ႉၽေးၽႅၼ်ႇလိၼ်ဝႆ (ဢိင်ႇသၼ်ႇ) လူႉတၢႆၼပ်ႉႁူဝ်ႁဵင်ၵေႃႉယူႇၼႆႉ ၸုမ်းယိပ်းၵွင်ႈၵၢင်ႇ ၸၢဝ်းၶိူဝ်းလၢႆလၢႆၸုမ်း ဢွၼ်ၵၼ်ၵိုတ်းယင်ႉ ယႃႉပႅတ်ႈၽႅၼ် ၵၢၼ် တႃႇၸတ်းပွႆးသွၼ်းၼမ်ႉၼႆသေတႃႉ ၾၢႆႇသိုၵ်းမၢၼ်ႈတႄႉ ယင်းတိုၵ်ႉသိုပ်ႇယိုၼ်ယၼ်ဝႃႈ တေသိုပ်ႇၸတ်းႁဵတ်းပၢင်ပွႆးသွၼ်းၼမ်ႉၵႂႃႇ တီႈဝဵင်းတႃႈၵုင်ႈ ၼႆယဝ်ႉ။ မိူဝ်ႈဝၼ်းတီႈ 01/04/2025 ယၢမ်းၵၢင်ၶမ်ႈ 8 မူင်းၶိုင်ႈၼၼ်ႉ ၾၢႆႇသိုၵ်းမၢၼ်ႈ ပိုၼ်ၽၢဝ်ႇ ဢွၵ်ႇပဵၼ်တၢင်းၵၢၼ်ၵႂႃႇဝႃႈ “ယွၼ်ႉပဵၼ်ၶၢဝ်းၵူၼ်းမိူင်း လႆႈတုမ်ႉတိူဝ်ႉပၢႆးၸႂ်...

ဝၼ်းတီႈ 26 လိူၼ်မၢတ်ႊၶျ် ယၢမ်းၵၢင်ၼႂ်ၼႆႉ မၢၵ်ႇတႅၵ်ႇ တီႈႁိမ်းႁူင်းႁေႃး ပၢင်လူင် (ပင်လုံခန်းမ) ၼိူဝ်သဵၼ်ႈတၢင်း ပူဝ်ႇမိၼ်းယွင်ႇတင်း မိၼ်းယေးၵျေႃႇၸႂႃႇ ၼႂ်းၸႄႈဝဵင်းမျွၵ်ႉတၵူင်ႇ တိူင်းတႃႈၵုင်ႈ ဝႃႈၼႆ။ ဢွင်ႈတီႈမၢၵ်ႇတႅၵ်ႇၼႆႉ ပဵၼ်တီႈႁွင်းၵၢၼ် ၾၢႆႇႁႅင်းၵၢၼ် လူင်ပွင်ၸိုင်ႈမိူင်းမၢၼ်ႈ တႂ်ႈသိုၵ်းမၢၼ်ႈၵုမ်းၵမ်။ ပဵၼ်တီႈႁႅင်းၵၢၼ် ၸိူဝ်းတေၵႂႃႇႁဵတ်းၵၢၼ်ၼွၵ်ႈမိူင်းၶဝ် တွပ်ႇလိၵ်ႈလႄႈ လူင်းလၢႆးမိုဝ်း ဝႃႈၼႆ။ ယွၼ်ႉမၢၵ်ႇတႅၵ်ႇၼႆႉသေ ၸင်ႇမီးလွင်ႈမၢတ်ႇၸဵပ်းလူႉတၢႆႁိုဝ်...

ၵေႃလိၵ်ႈလၢႆးလႄႈ ၾိင်ႈငႄႈတႆး ဝဵင်းတႃႈၵုင်ႈ ဢွၼ်ႁူဝ်ၸတ်းႁဵတ်း ပၢင်သွၼ်လိၵ်ႈတႆးၶၢဝ်းမႆႈ တီႈၵျွင်းတႆးၵဝ်ႈလၵ်း ဝဵင်းတႃႈၵုင်ႈ တႃႇၶၢဝ်းတၢင်းႁိုင် ၼိုင်ႈလိူၼ်ပၢႆ ၼႆယဝ်ႉ။ ပၢင်သွၼ်လိၵ်ႈတႆးၼႆႉ တႄႇပိုတ်ႇဝၼ်းတီႈ 01/03/2025 တေႃႇ 05/04/2025 သေ ၼိုင်ႈဝူင်ႈၼႆႉ တေပိုတ်ႇပၼ်သွင်ဝၼ်း။ ပဵၼ်ဝၼ်းသဝ်လႄႈ ဝၼ်းဢႃးတိတ်ႉ ၼႆယဝ်ႉ။ ၼႂ်းဝၼ်းပၢင်သွၼ်ၼၼ်ႉ ၶၢဝ်းယၢမ်းဝၢႆးဝၼ်း 1 မူင်း တေႃႇထိုင်...

ၵူၼ်းမိူင်းဝဵင်းတႃႈၵုင်ႈ တၢင်ႇလိၵ်ႈထိုင်တီႈၽူႈၵွၼ်းပွၵ်ႉယွမ်ႇ ႁႂ်ႈယွၼ်းယိုတ်ႈၶၢဝ်းယၢမ်း တႃႇၾိုၵ်းၵၢၼ်သိုၵ်း ပၼ် တီႈသိုၵ်းမၢၼ်ႈ ၾၢႆႇၽွင်းငမ်း ယွၼ်းငိုၼ်း 50 သႅၼ်ပျႃး ဝႃႈၼႆ။ ၽွင်းႁၢင်လိူၼ်ၵျႅၼ်ႊၼိဝ်ႊရီႊၼၼ်ႉ ၵူၼ်းၼုမ်ႇၸႄႈဝဵင်းမယၢၼ်းၵူင်း ၵေႃႉၼိုင်ႈ ဢႃယု 29 ပီ ဢၢၼ်း တေၵႂႃႇႁဵတ်း ၵၢၼ်မိူင်းၵျပၼ်ႊ၊ ၵူၼ်းၼုမ်ႇ ၸႄႈဝဵင်းၻၵူင်ႇဝဵင်းမႂ်ႇ ၵေႃႉၼိုင်ႈ ဢႃယု 21...

ၸွမ်းၼင်ႇ ၸုမ်းၾၢႆႇတႅၵ်ႇႁႅင်းလူမ်း (IQAir) ၶဝ် ထတ်းတူၺ်းသေ ပိုၼ်ၽၢဝ်ႇဝႆႉ ၼႂ်းဝၼ်းတီႈ 26/1/2025 ၼႆႉဝႃႈ တီႈဝဵင်းလူင်တႃႈၵုင်ႈၼႆႉ ပဵၼ်ဝဵင်း ဢၼ်မီးလူမ်းဝူၺ်ႇႁင်ႈသုတ်း ၸၼ်ႉထီႉ 8 ၼႂ်းလုမ်ႈၾႃႉ ဝႃႈၼႆ။ ဢူးဝိၼ်းၼၢႆႇ ၽူႈလူင်ႉလႅၼ်ႇ ၾိင်ႈၾႃႉၾူၼ်လူမ်းလၢတ်ႈဝႃႈ - ငဝ်းလၢႆးလူမ်းဝူၺ်ႇႁင်ႈ တီႈဝဵင်းတႃႈၵုင်ႈ ၼႂ်းဝၼ်းတီႈ 25 ၼႆႉ...

ဝၢႆးလင် ၼမ်ႉလုပ်ႇၼွင်းထူမ်ႈ ၼႂ်းမိူင်းတႆး ၊ မိူင်းမၢၼ်ႈ ပတ်းပိုၼ်ႉၼႆႉ ၶၼ်မၼ်းဢႃႇလူး ၼႂ်းလွၵ်းၵၢတ်ႇၶၢႆ တီႈဝဵင်းတႃႈၵုင်ႈ 1 ၸွႆႉ ၶိုၼ်ႈထိုင် 10,000 ပျႃး - ဝႃႈၼႆ။ မိူဝ်ႈဝၼ်းတီႈ 18/09/2024 ပူၼ်ႉမႃးၼႆႉ ၶၼ်မၼ်းဢႃႇလူး တီႈလွၵ်းၵၢတ်ႇပယိၼ်ႉၼွင်ႇ ဝဵင်းတႃႈၵုင်ႈ မၼ်းဢႃႇလူးမိူင်းၶႄႇ 1 ၸွႆႉ...

ဝၼ်းတီႈ 06/08/2024 ယၢမ်းၵၢင်ၼႂ်ၸဝ်ႉ ၵူၼ်းၸုမ်းၼိုင်ႈ ၼႄၵၢင်ၸႂ်သၢၼ်ၶတ်း ၸုမ်းသိုၵ်းၵဝ်ႈၵၢင်ႉ MNDAA တီႈဝဵင်းလူင်တႃႈၵုင်ႈ။ ၵူၼ်းၸုမ်းၼႆႉ ၶီႇရူတ်ႉၵႃး (ရူတ်ႉတူႈ Bus သႅၼ်းယႂ်ႇ ဢၼ်လႅၼ်ႈၵၢင်ဝဵင်းတႃႈၵုင်ႈ) မႃး 91 လမ်းသေ မႃးၶွၼ်ႈၵၼ် တီႈၼႃႈႁူင်းႁေႃးလူင်ၵၢင်ဝဵင်းယဝ်ႉ ဢွၼ်ၵၼ်ၼႄၵၢင်ၸႂ်သၢၼ်ၶတ်း သိုၵ်းၵဝ်ႈၵၢင်ႉ MNDAA ဢၼ်ႁႅၼ်းသိုၵ်းလေႃႇတိုၵ်း ယိုတ်းဢဝ်တပ်ႉတိူင်းသိုၵ်းမၢၼ်ႈ ယမၶ...

သိုၵ်းမၢၼ်ႈ တီႉၺွပ်းလုၵ်ႈၸုမ်း သိုၵ်းမုတ်း Dark Shadow ဝဵင်းတႃႈၵုင်ႈ ၼႄးဝႃႈ ပွင်ႁၢႆႉဢၢၼ်းၶႃႈႁႅမ် ၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလၢႆႇၼႆသေ ဢဝ်လၢႆးႁၢႆႉၵူတ်ႇထတ်းထဵတ်ႈထၢမ် ပူၼ်ႉတိၼ်ပူၼ်ႉမိုဝ်းသေ တၢႆပႅတ်ႈ 2 ၵေႃႉ။ ၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလၢႆႇ ၶဝ်ႈႁူမ်ႈပၢင်ပိုတ်ႇၶူဝ်မႂ်ႇ တၢၼ်ႇလျိၼ်ႇ မၢႆ 3 မိူဝ်ႈဝၼ်းတီႈ 8 လိူၼ်ၵျုၼ်ႊ ၼၼ်ႉသေ...

ၽွင်းၾူၼ်တူၵ်းမႃးၼႆႉ ၵူၼ်းဝဵင်းတႃႈၵုင်ႈ ဢွၼ်ၵၼ်ပဵၼ် တၢင်းပဵၼ်တွင်ႉႁေႈၼမ် ထိုင်တီႈ ၼႂ်းပွၵ်ႉၼႂ်းယွမ်ႇ လႆႈပၢဝ်ႇသေႃႇ တူင်ႉၼိုင်တႃႇႁႄႉၵင်ႈတၢင်းပဵၼ်။ တီႈႁူင်းႁဵၼ်းၵေႃႈ ၾၢႆႇပၢႆးယူႇလီ လႆႈလူင်းသႂ်ႇယႃႈယႃ ၶႃႈၸိူဝ်ႉမႅင်း ၼႂ်း ၼမ်ႉၼႂ်းၼွင်။ ၼႂ်းဝူင်ႈၼႆႉၵူၺ်း ႁူဝ်ၼပ်ႉၵူၼ်း ၸပ်းတၢင်းပဵၼ်တွင်ႉႁေႈတွင်ႉၸဵပ်း ဢၼ်ႁွတ်ႈထိုင် ၼႂ်းတိူင်းတႃႈၵုင်ႈ မီး 100 ပၢႆ။ ထိုင်တီႈလႆႈသင်ႇပိၵ်ႉႁၢၼ်ႉ တၢင်းၶၢႆၶၢင်ႈတၢင်းဝႆႉ ဝႃႈၼႆ။ ၾၢင်ႁၢင်ႈ...

ဝၼ်းတီႈ 22/05/2024 ၼႆႉ ၵူၼ်းၼုမ်ႇၵူၼ်းမိူင်းၼႂ်းဝဵင်းတႃႈၵုင်ႈ ဢွၵ်ႇၼႄၵၢင်ၸႂ်တေႃႇ ၶွင်ႇသီႇသိုၵ်းမၢၼ်ႈ ယွၼ်ႉပိူဝ်ႈ ၾႆးၾႃႉၵႆႉၶၢတ်ႇ ၵူၼ်းမိူင်းဢမ်ႇၸၢင်ႈႁဵတ်းၵၢၼ်ႁႃၵိၼ်လဵင်ႉတွင်ႉလီလီ ယူႇယၢပ်ႇၵိၼ်းၸႂ်မႃး ၵူႈမိုဝ်ႉၵူႈဝၼ်း ဝႃႈၼႆ။ ဢၼ်ၼႄၵၢင်ၸႂ်တီႈဝဵင်းတႃႈၵုင်ႈၼႆႉ ပဵၼ်ၸုမ်းၵူၼ်းၼုမ်ႇ သၢၼ်ၶတ်းၸဝ်ႈဢႃႇၼႃႇသိုၵ်း ဢဵၼ်ႁႅင်း တႃႈၵုင်ႈ (AJAY) ၊ ၵေႃႇမတီႇသပိတ်ႈ သူၺ်ႇပျီႇတႃႇလႄႈ ၸုမ်းၵူၼ်းၼုမ်ႇလုၵ်ႉၽိုၼ်ႉ ဢၼ်ယူႇဝႆႉ ၼႂ်းဝဵင်းၸိူဝ်းၼႆႉ ႁူမ်ႈ...

ႁွင်ႈၵၢၼ်ၾၢႆႇၾႆးၾႃႉ တိူင်းတႃႈၵုင်ႈ ပိုၼ်ၽၢဝ်ႇဝႃႈ ၸၢၵ်ႈၸႅၵ်ႇၾႆးၾႃႉၵွႆလႄႈ ၼႂ်းတိူင်းတႃႈၵုင်ႈ ၾႆးၾႃႉ တေၶၢတ်ႇၸူဝ်ႈၶၢဝ်း ဝႃႈၼႆ။ ၾႆးၾႃႉၼႆႉ တေတႄႇၶၢတ်ႇ ဝၼ်းတီႈ 17/05/2024 တႄႇယၢမ်းၵၢင်ၼႂ် 4 မူင်းၵႂႃႇ တေၶၢတ်ႇႁိုင်ၵႃႈႁိုဝ် ပႆႇၸၢင်ႈလၢတ်ႈ တေၶတ်းၸႂ်မႄးၸၢၵ်ႈ ႁႂ်ႈၸဵဝ်းယဝ်ႉတူဝ်ႈယူႇ ပိုၼ်ၽၢဝ်ႇဝႆႉၼင်ႇၼႆသေတႃႉ ၵူၼ်းတႃႈ ၵုင်ႈ တႄႉဝႃႈ ၾႆးၾႃႉၶၢတ်ႇၵူႈဝၼ်း ပၼ်ၵေႃႈဢမ်ႇပၼ်မၢၼ်ႇလႄႈ...

ၽွင်းမၢၵ်ႇတႅၵ်ႇထပ်းၵၼ်ၵူႈဝၼ်း တီႈဝဵင်းတႃႈၵုင်ႈၼႆႉ သိုၵ်းမၢၼ်ႈၶၢၼ်းၸႂ်ႉ ၵူၼ်းမိူင်းႁဵတ်းၶဵင်ႇလဵၼ်ႈၼမ်ႉ ပဵၼ် 200 တီႈ။ တီႈဝဵင်းလူင်တႃႈၵုင်ႈၼၼ်ႉ မၢၵ်ႇတႅၵ်ႇထပ်းၵၼ် 2 ဝၼ်းသေတႃႉၵေႃႈ ၸွမ်ၽွင်းလူင်တိူင်းတႃႈၵုင်ႈ ဢူးၸူဝ်းတဵင်း လၢတ်ႈတီႈသိုဝ်ႇၶၢဝ်ႇမၢၼ်ႈဝႃႈ - တေႁဵတ်းၶဵင်ႇလဵၼ်ႈၼမ်ႉယႂ်ႇ 200 တီႈ ၼႂ်းဝဵင်းတႃႈၵုင်ႈၼႆႉ - ဝႃႈၼႆ။ ၶဵင်ႇလဵၼ်ႈၼမ်ႉၼႆႉ တေႁဵတ်းၼႂ်းပၢင်ႇႁိမ်းၽြႃးၵွင်းမူးၶမ်းသူၺ်ႇတၵူင်ႇၼၼ်ႉ 10 ဢၼ်၊ တီႈႁူင်းႁေႃးၵၢင်ဝဵင်း...

ႁူမ်ႈတုမ်ယၢင်းၽိူၵ်ႇ KNU လႄႈ ႁွင်ႈၵၢၼ်ငမ်းယဵၼ်လႄႈ လွင်ႈၸမ်ၸႂ်ၸိူဝ်ႉၸၢတ်ႈ NRPC ႁူပ်ႉထူပ်းဢုပ်ႇဢူဝ်းၵၼ် ၼွၵ်ႈလႅၵ်ႈ တီႈဝဵင်းတႃႈၵုင်ႈ ဢုပ်ႇၵုမ်ၵၼ်လွင်ႈ ၼႂ်းၵႄႈတပ်ႉသိုၵ်းသွင်ၸုမ်း။ KNU လႄႈ NRPC ႁူပ်ႉထူပ်းဢုပ်ႇဢူဝ်းၵၼ်မိူဝ်ႈဝၼ်းတီႈ 7/9/2019  တီႈဝဵင်းတႃႈၵုင်ႈ  ။ KNU ပိုၼ်ၽၢဝ်ႇဝႆႉၸဵမ်မိူဝ်ႈပီၵၢႆ ဝႃႈတေၵိုတ်းလိုဝ်ႈလွင်ႈၶဝ်ႈႁူမ်ႈပၢင်ၵုမ်လွင်ႈငမ်းယဵၼ်ဝႃႈၼႆဝႆႉသေတႃႉ ဢၼ်ၵႅမ် ႁူဝ်ပဝ်ႈ KNU ဢွၼ်ႁူဝ်...

ၶိူင်ႈမိၼ်မိူင်းပင်းၵလႃးတဵတ်ႉသျ်လမ်းၼိုင်ႈ ဢၼ်တၢင်ႇၵူၼ်းမႃး မွၵ်ႈ 40 ၵေႃႉၼၼ်ႉ ပလၢတ်ႈတူၵ်းတၢင်း တီႈၶူင်ႇႁိူဝ်းမိၼ်ၵူႈမိူင်းမိူင်း ဝဵင်းတႃႈၵုင်ႈ ၽွင်းတေလူင်းၸွတ်ႇ ။ တူဝ်ၶိူင်ႈမိၼ်ႁၵ်းပဵၼ် သၢမ်တွၼ်ႈ ၵူၼ်းၶီႇမႃးၸွမ်းဢမ်ႇမီးလွင်ႈမၢတ်ႇၸဵပ်းလုတၢႆ။ ၵူၼ်းၶပ်းၶိူင်ႈမိၼ် ၵေႃႉလဵဝ် ႁူဝ်တႅၵ်ႇ ။ ၵူၼ်းတေဢွၵ်ႇတၢင်းၵႂႃႇၵုင်းထဵပ်ႈ ၵေႃႉၼိုင်ႈလၢတ်ႈဝႃႈ- ယွၼ်ႉပိူဝ်ႈၶိူင်ႈမိၼ်ပဵၼ်ၽေးၵိုင်ႉၵၢင်ႉၸိူင်ႉၼၼ်သေ ၵူၼ်းဢၼ်တေလုၵ်ႉၶူင်ႇႁိူဝ်းမိၼ်တႃႈၵုင်ႈသေ ၵႂႃႇတၢင်ႇတီႈ တၢင်ႇမိူင်းၼၼ်ႉ ၸဝ်ႈၼႃႈတီႈၸႂ်ႉၶၢႆႉသုတ်ႉၶၢဝ်းယၢမ်းပႅတ်ႈ။  ၸိူဝ်းၶိုၼ်ႈၼင်ႈၼိူဝ်ၶိူင်ႈမိၼ်ယူႇယဝ်ႉၸိူဝ်းၼၼ်ႉၵေႃႈၶဝ်ႁွင်ႉလူင်းၶိုၼ်းမူတ်း။...