မုၼ်ၸဝ်ႈၵွၼ်းဝတ်ႉ ဢွင်ႇၽူင်းပျေႉ ၸႄႈဝဵင်းလႄးၵူး တိူင်းတႃႈၵုင်ႈ (ယၢၼ်ႇၵုင်ႇ) ၶႃႈႁႅမ် တၵႃႇယိင်းၵေႃႉၼိုင်ႈ တၢႆထင်တီႈ၊ ပလိၵ်ႈမၢၼ်ႈ တီႉၺွပ်းဢဝ်လိူင်ႈဝႆႉ တီႈႁူင်းပလိၵ်ႈ ဝႃႈၼႆ။
တၵႃႇယိင်း (မႄႈဢွၵ်ႇ) ဢၼ်ၺႃးၶႃႈတၢႆၼၼ်ႉ မီးဢႃယု 48 ပီ၊ ပဵၼ်ၵေႃႉလူႉတၢၼ်းပၼ် ၵျွင်း သိမ်ႇ တႃႇၸဝ်ႈၵွၼ်းဝတ်ႉ တီႈဝတ်ႉဢွင်ႇၽူင်းပျေႉ၊ ၵေႃႉပဵၼ်မႄႈ တၵႃႇယိင်းၼၼ်ႉၵေႃႈ ၼွၼ်း ၵျွင်း ၶဝ်ႈတိုဝ်းၵမ်သိလ်ဝႆႉ။
ၸဝ်ႈၵွၼ်းဝတ်ႉ ဢွင်ႇၽူင်းပျေႉၼၼ်ႉ ပဵၼ်ဢူးတၢၼ်ႇမႃႇသႃႇရ (ႁွင်ႉ) ဢူးတၢၼ်းဢူး ဢႃယု 40 ပီ။
မိူဝ်ႈဝူင်ႈပူၼ်ႉမႃး ဝၼ်းတီႈ 21/05/2025 ၼႆႉ ၸဝ်ႈၵွၼ်းဝတ်ႉ ၼႄၶေႃႈဢၢင်ႈဝႃႈ မႄႈတၵႃႇ ယိင်းဢမ်ႇယူႇလီၼႆသေ ၵႂႃႇႁွင်ႉဢဝ် တၵႃးယိင်းၼၼ်ႉ မႃးတီႈဝတ်ႉ၊ ဝၢႆးၼၼ်ႉ ဢၢၼ်းၵၼ်ႉ ၸၼ်လူလၢႆ၊ လႆႈထဵင်မေႃးၵၼ်သေ ၸဝ်ႈၵွၼ်းဝတ်ႉ လၢၵ်ႈဢဝ်ၽႃႉၽၼ်း ဢမ်ႇယွမ်း 15 ၵမ်း၊ တၵႃႇယိင်းၼၼ်ႉ လႆႈလူႉတၢႆထင်တီႈၼႂ်းဝတ်ႉ ဝႃႈၼႆ။
ယၢမ်းလဵဝ် ၽူႈမီးပုၼ်ႈၽွၼ်းၶဝ် တီႉၺွပ်းဢဝ်လိူင်ႈဝႆႉ လူၺ်ႈလိူင်ႈၵၼ်ႉၸၼ်လူလၢႆ၊ လိူင်ႈၶႃႈ ႁႅမ်ၵူၼ်းတၢႆလႄႈ လိူင်ႈယႃႉၼႃႈတႃ သႃသၼႃ တီႈႁူင်းပလိၵ်ႈလႄးၵူး တိူင်းတႃႈၵုင်ႈ ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ